اجازات المرضية

[الخيالة]

سلام عليكم

بما ان لاحظت وايد ناس ياخذون اجازات مرضيه واهمه مب تعبانين ويسافرون
السؤال :
لما الموظف/موظفة ياخذون اجازة مرضية هل يحق لهم السفر للخارج كونه في فترة إجازة أو يعد ذلك مخالف طبعا حق اللي مب تعبانين بس جذيه محصلين اجازات مرضيه والسؤال الثاني اللي فعلا تعبان والدكتور معطيه اجازة مرضيه والمريض حاب يسافر يغير جو مثلا عادي ولي بعد مخالف للقانون؟

[أسد الجزيرة]

كلن و ذمته بس الاجازة المرضية ورقة رسمية تنقبل حتى لو ما كان مريض لانها المفروض تكون من دكتور ثقة
حلال او حرام هذي يبلها شيخ دين يفتي فيها

بخصوص السفر ما في قانون يمنع السفر

[رجل الجزيرة]

أي دكتور يعطي إجازة مرضية تقبل ولا تردد لأنه مصدر ثقة، والرد للجواب الثاني ما فيه قانون يمنعه من السفر ويمكنه يسافر يتعالج خارج البلاد، إما إلي يتلاعب فالمفروض من البداية يخاف من الله سبحانه وتعالى فيمكن يجيه مرض ما يحرك من مكانه فهو وذمته.

[الخيالة]

كلن و ذمته بس الاجازة المرضية ورقة رسمية تنقبل حتى لو ما كان مريض لانها المفروض تكون من دكتور ثقة
حلال او حرام هذي يبلها شيخ دين يفتي فيها

بخصوص السفر ما في قانون يمنع السفر

يعني فرضا انا باخذ اجازة مرضيه وبخبر الدوام اني تعبانه وباروح الويكند دبي بستانس انزين الدوام ان عرفوا عادي هالشي ولي بتصير مشكله انا استفسر لان المكان اللي اشتغل فيه وايد يسوون هالشي وانا ماعرف اهمه صح او غلط

[بونووف]

ذمة وضمير الموظف اذا كان صج مريض ولا يتميرض

ومحد ممكن يحاسبج اذا سافرتي ولا قعدتي فالدوحه ... مريضه ولا لا

اهم شي عندج ورقه مرضيه

[هارون الرشيد]

سلام عليكم

بما ان لاحظت وايد ناس ياخذون اجازات مرضيه واهمه مب تعبانين ويسافرون
السؤال :
لما الموظف/موظفة ياخذون اجازة مرضية هل يحق لهم السفر للخارج كونه في فترة إجازة أو يعد ذلك مخالف طبعا حق اللي مب تعبانين بس جذيه محصلين اجازات مرضيه والسؤال الثاني اللي فعلا تعبان والدكتور معطيه اجازة مرضيه والمريض حاب يسافر يغير جو مثلا عادي ولي بعد مخالف للقانون؟

وانتي شلون عرفتي انهم موب تعبانين ومافيهم شيء ؟ ( تقرئين الوجوه مثلا ) .

حتى المريض بتقعدون ! يسافر مايسافر ؟؟ وأحنا ليش نتطفل عليه في أجازتة ونشوفه مسافر ولا لا ؟

هذا الفعل حرام و ظلم و سوء ظن

[Abdulraman]

مافي قانون يمنع المريض من السفر هو حر عنده اجازه مرضيه يسافر يقعد بكيفه

[الخيالة]

وانتي شلون عرفتي انهم موب تعبانين ومافيهم شيء ؟ ( تقرئين الوجوه مثلا ) .

حتى المريض بتقعدون ! يسافر مايسافر ؟؟ وأحنا ليش نتطفل عليه في أجازتة ونشوفه مسافر ولا لا ؟

هذا الفعل حرام و ظلم و سوء ظن

بنفسهم يقولون شفيك داش معصب بنفسهم يقولون تعبنا من الشغل باخذ مرضيه وبسافر انا بس اشتفسرت هالشي عادي ولي لا ماعلي منهم كل واحد وضميره الموضوع حطيته عشان اعرف شنو الصح وفي قانون حق هالشي او لا

[cartier]

مشكله هالمواضيع + الي يدعون المرض يخربون علي الي صج مريض يعني انا اعرف واحد مسوي عشرين عمليه ويتعالج برع من الثمانينات لين اليوم اوقات يتعب يروح المركز الصحي الدكتور يحسب انه يكذب عليه

[khalid525]

يحق للمسؤول انه يحقق مع الموظف الذي يكرر اخذ اجازات مرضية ويعرضه على لجنة طبية تبحث في استحقاقه لهذي الاجازات .

[خالد32]

يمكن كان مريض الصبح و طاب فالليل. اسمها غير لائق للعمل مب شرط مريض.

[بوخالد911]

صدقوني معظم الاجازات المرضية فيها تلاعب وهروب من العمل
اللي ما حاب يشتغل يستقيل ويجي حد مكانه

الموظف المريض المفروض يقعد بالبيت مب يسافر

[jassim_007]

الادارة الي موظفينها دايما ياخذون اجازات مريضه وراها مدير مباشر فااااشل و بدون شخصية ...

[لاجل QT]

سؤوال الاخت واضح

هل في مسألة قانونية اذا عرف مكان عملى انى مسافرة في اجازتى المرضية؟؟

ام مالهم دخل قانونيا دام لدي اجازة مرضية ..اعتبر خارج الخدمة لين اباشر عملي

السؤوال قانونيا هل فيها مسالة؟؟ ام لا؟؟

انا بعد ابي اعرف هالشي؟؟

فرضا موظفة عندها اجازة شهر مرضية...خذتها باي طريقة عيارة ام صادقة

اذا علمت جهة عملي ان مسافرة بقصد الترفيهة هل فيها مسالة ام انا حرة دام عندي عذر طبي؟؟

[موظف ((حكومي]

يجب على الموظف الذي ينقطع عن العمل بسبب المرض مراجعة أقرب جهة طبية مختصة للكشف عليه وتقرير الإجازة المرضية اللازمة، وعليه إبلاغ جهة عمله بالتقرير.
فإذا زادت مدة الإجازة الممنوحة له عن سبعة أيام، أحيل التقرير من جهة عمل الموظف إلى الهيئة الطبية المختصة لاعتماد الإجازة.

[قطريه22]

القانون ماله دخل في اجازات الناس سواء كانت حقيقيه او وهميه

خل الناس يسافرون وياخذون اجازات

[شيخ الديرة]

القانون ماله دخل في اجازات الناس سواء كانت حقيقيه او وهميه

خل الناس يسافرون وياخذون اجازات

لا لا لا لا لا, هذه مشاركة لا تستحق الكتابة او القراءة
القانون يحدد أصول التعامل بين الموظف وعمله

[قطريه22]

لا لا لا لا لا, هذه مشاركة لا تستحق الكتابة او القراءة
القانون يحدد أصول التعامل بين الموظف وعمله

اشدخل القانون في الاجازات المرضيه؟
شي بالعقل يعني؟

واذا مشاركتي لاتستحق القراه لا الكتابه ليش قريتها وتعبت نفسك ورديت علي؟

[سعادة الوزير]

مشكله هالمواضيع + الي يدعون المرض يخربون علي الي صج مريض يعني انا اعرف واحد مسوي عشرين عمليه ويتعالج برع من الثمانينات لين اليوم اوقات يتعب يروح المركز الصحي الدكتور يحسب انه يكذب عليه

اتفق معاك مليون بالمية ، انا حرمت اني اطلب اجازة مرضية من اكثر من 20 سنة ، والسبب اني مرة طلبت من الدكتور اجازة مرضية و رفض انه يعطيني باسلوب جداً استفزازي وكأنه يقول لي اني كذاب ، ومن يومها قلت لو اطيح بالفراش شهر ما اطلب اجازة ، آخذها من رصيدي بدون هالمذلة.

للاسف التشديد الحاصل في هذه الامور هو السبب ، وهناك الكثييييير مثلي.

[الخيالة]

سؤوال الاخت واضح

هل في مسألة قانونية اذا عرف مكان عملى انى مسافرة في اجازتى المرضية؟؟

ام مالهم دخل قانونيا دام لدي اجازة مرضية ..اعتبر خارج الخدمة لين اباشر عملي

السؤوال قانونيا هل فيها مسالة؟؟ ام لا؟؟

انا بعد ابي اعرف هالشي؟؟

فرضا موظفة عندها اجازة شهر مرضية...خذتها باي طريقة عيارة ام صادقة

اذا علمت جهة عملي ان مسافرة بقصد الترفيهة هل فيها مسالة ام انا حرة دام عندي عذر طبي؟؟

نعم بلضبط هاي اللي ابي اعرفه انا

[رجل الجزيرة]

اتفق معاك مليون بالمية ، انا حرمت اني اطلب اجازة مرضية من اكثر من 20 سنة ، والسبب اني مرة طلبت من الدكتور اجازة مرضية و رفض انه يعطيني باسلوب جداً استفزازي وكأنه يقول لي اني كذاب ، ومن يومها قلت لو اطيح بالفراش شهر ما اطلب اجازة ، آخذها من رصيدي بدون هالمذلة.

للاسف التشديد الحاصل في هذه الامور هو السبب ، وهناك الكثييييير مثلي.


أنت الغلطان يعني ما فيه دكتور إلا هو، فيه المئات من الدكاترة يعطون إجازة طبية إذا فعلا مريض إلا إذا أنت عسكري فهذا موضوع آخر.

[الفهد1]

يمكن سافر يتعالج شنهو المشكلة

[ANONYMOUS]

الاجازات لخرطيه معروفه .. غالبا ماتكون دوم مشبوكه مع الويكيندز او ايام العطلات

بس منطقيا طالما جهة العمل قبلت الاجازه.. للمريض حرية التصرف فيها .. ماعدى البيع هههه

[Hamad5882]

عندنا موظف كل نهاية شهر ياخذله اجازة مرضية ثلاث ايام ؟؟؟
من توظفت معاه وهو على هالحاله، اذا كان صج مريض الله يشافيه ويعافية.

[ابن الجزيرة]

قضـايــا وحـــوادث

الــســجــن 5 ســنــوات لـبـحـريـنـي و3 سـنـوات لآخـر بـســبب «إجـازة مرضية»



قضت المحكمة الكبرى الجنائية الثالثة برئاسة القاضي إبراهيم الزايد وعضوية القاضيين وجيه الشاعر وبدر العبدالله وأمانة سر عبدالله السعدون، بالسجن 5 سنوات لبحريني و3 سنوات لآخر، أدينا بتزوير محرر رسمي وهو عبارة عن «إجازة مرضية» لصالح الأول ليتمكن من تبرير غيابه عن العمل.
كان أحد الموظفين قد تغيب عن عمله فترة قضاء العمرة وزاد يومين عن الإجازة المسموح له بها، فسئل في محل عمله عن سبب غيابه وعلل ذلك بأنه كان مريضا، فطلبوا منه تقديم شهادة مرضية تثبت ذلك.
وأثناء جلوسه مع أحد أقاربه اشتكى له ما حدث معه وأنه لا يستطيع جلب تلك الإجازة حتى لا يتم خصم اليومين من رصيده، فوعده قريبه بأنه سيتصرف، وبالفعل حضر له في اليوم التالي ومعه إجازة مرضية مختومة وموقعة من مستشفى السلمانية، وسارع الموظف بتقديمها إلى المسئولين في عمله.
وشك المسئولون في الشهادة المرضية التي قدمها الموظف فتم إرسالها إلى السلمانية للاستعلام عنها، وهنا اكتشفت المستشفى أن الشهادة مزورة وأنها صادرة من مستشفى الطب النفسي وموقع عليها من طبيبة هناك، بينما أظهرت السجلات أن الموظف لم يدخل المستشفى في هذين اليومين، فتقدمت وزارة الصحة ببلاغ تزوير شهادة مرضية وذلك بعد أن نفت الطبيبة المقلد توقيعها علمها بالشهادة.
تم القبض على الموظف والذي اعترف بالواقعة وتم القبض على المتهم الثاني، وأسندت النيابة العامة لكليهما أنهما اشتركا وآخر مجهول بطريقي الاتفاق والمساعدة في تزوير المحرر الرسمي وهو شهادة طبية صادرة من مستشفى السلمانية وذلك بأن قاموا بالتوقيع عليها وختمها، بينما وجهت للمتهم الأول تهمة استعمال المحرر المزور مع علمه بتزويره وإحالتهما للمحكمة.

[qatar711]

موضوع ما يستأهل النقاش

[MoTeC]

فالجمارك انت مريض حي ميت خلاص صاروا يخصمون على الكل ههههه
والسبب في ناس تجيب اجازات من برى ومصدقه مع انه مافيهم شي وبالشهور بعد
ف صار اذا الواحد بيجيب اجازه مرضيه لو كان صج مريض ولا يستهبل مخصوم مخصوم

[الخيالة]

يمكن سافر يتعالج شنهو المشكلة

مافي مشكله دام سافر للعلاج انا قصدي اللي مب مريض ويسوي نفسه مريض ويجيب اجازة من مادري وين وشلون ويسافر يستانس هاي اللي اقصده مالي خص في اللي تعبانين ويسافرون للعلاج

[الخيالة]

موضوع ما يستأهل النقاش

و ليش ما يستاهل النقاش؟؟؟ غيرنا يمثلون ان تعبانين ويأخذون اجازات يسافرون واحنا نشتغل فوق شغلنا شغلهم بعد !!!!!!

[مشـــــاعر]

قضـايــا وحـــوادث

الــســجــن 5 ســنــوات لـبـحـريـنـي و3 سـنـوات لآخـر بـســبب «إجـازة مرضية»



قضت المحكمة الكبرى الجنائية الثالثة برئاسة القاضي إبراهيم الزايد وعضوية القاضيين وجيه الشاعر وبدر العبدالله وأمانة سر عبدالله السعدون، بالسجن 5 سنوات لبحريني و3 سنوات لآخر، أدينا بتزوير محرر رسمي وهو عبارة عن «إجازة مرضية» لصالح الأول ليتمكن من تبرير غيابه عن العمل.
كان أحد الموظفين قد تغيب عن عمله فترة قضاء العمرة وزاد يومين عن الإجازة المسموح له بها، فسئل في محل عمله عن سبب غيابه وعلل ذلك بأنه كان مريضا، فطلبوا منه تقديم شهادة مرضية تثبت ذلك.
وأثناء جلوسه مع أحد أقاربه اشتكى له ما حدث معه وأنه لا يستطيع جلب تلك الإجازة حتى لا يتم خصم اليومين من رصيده، فوعده قريبه بأنه سيتصرف، وبالفعل حضر له في اليوم التالي ومعه إجازة مرضية مختومة وموقعة من مستشفى السلمانية، وسارع الموظف بتقديمها إلى المسئولين في عمله.
وشك المسئولون في الشهادة المرضية التي قدمها الموظف فتم إرسالها إلى السلمانية للاستعلام عنها، وهنا اكتشفت المستشفى أن الشهادة مزورة وأنها صادرة من مستشفى الطب النفسي وموقع عليها من طبيبة هناك، بينما أظهرت السجلات أن الموظف لم يدخل المستشفى في هذين اليومين، فتقدمت وزارة الصحة ببلاغ تزوير شهادة مرضية وذلك بعد أن نفت الطبيبة المقلد توقيعها علمها بالشهادة.
تم القبض على الموظف والذي اعترف بالواقعة وتم القبض على المتهم الثاني، وأسندت النيابة العامة لكليهما أنهما اشتركا وآخر مجهول بطريقي الاتفاق والمساعدة في تزوير المحرر الرسمي وهو شهادة طبية صادرة من مستشفى السلمانية وذلك بأن قاموا بالتوقيع عليها وختمها، بينما وجهت للمتهم الأول تهمة استعمال المحرر المزور مع علمه بتزويره وإحالتهما للمحكمة.

عقبآإلنآإ إن شآإء آلله !!
عآإلم تكررف وعاالم ترززف :anger1::anger1:

[أم محمد 90]

مشكله هالمواضيع + الي يدعون المرض يخربون علي الي صج مريض يعني انا اعرف واحد مسوي عشرين عمليه ويتعالج برع من الثمانينات لين اليوم اوقات يتعب يروح المركز الصحي الدكتور يحسب انه يكذب عليه

وفي دوامي السابق ، حطو قرار ان اللي ياخذ اكثر من 10 اجازات مرضية ف السنة ينزل تقييمه :)

[المحاميه]

تم التلاعب بالاجازات المرضيه وجعلها وسيله للهروب من العمل او جعلها وسيله لانجاز الاعمال الخاصه على حساب العمل

طبعا الدكتور ورب العمل لايعلمون الغيب ومايدرون هل فلان خذ الاجازه بس جذي و لا هو فعلاً بحاجه لها على حسب كلام الموظف

لذلك يجب على كل موظف قبل ان يخطي هذه الخطوه ان يحكم ضميره ويعلم ان الله فوق وهو ادرى واعلم وانك يالموظف محاسب يوم الحساب على ما أقدمت

قد يضطر الموظف احيانا الى هذه الاجازه نعم ولكن مب على فيه وما فيه ..

صاحبة الموضوع تسألين اذا فيه قانون يمنع السفر وقت الاجازه المرضيه؟ ما سألتي عن قانون رب العالمين؟

يعني اسمها اجازه مرضيه تعطى للموظف المريض عشان يرتاح مب عشان يدابج برا البلاد !!

[المحاميه]

فالجمارك انت مريض حي ميت خلاص صاروا يخصمون على الكل ههههه
والسبب في ناس تجيب اجازات من برى ومصدقه مع انه مافيهم شي وبالشهور بعد
ف صار اذا الواحد بيجيب اجازه مرضيه لو كان صج مريض ولا يستهبل مخصوم مخصوم

صحيح ويأثر على التقييم بعد

لان نفس ماقالوا فيه ناس خربت على ناس

[الخيالة]

تم التلاعب بالاجازات المرضيه وجعلها وسيله للهروب من العمل او جعلها وسيله لانجاز الاعمال الخاصه على حساب العمل

طبعا الدكتور ورب العمل لايعلمون الغيب ومايدرون هل فلان خذ الاجازه بس جذي و لا هو فعلاً بحاجه لها على حسب كلام الموظف

لذلك يجب على كل موظف قبل ان يخطي هذه الخطوه ان يحكم ضميره ويعلم ان الله فوق وهو ادرى واعلم وانك يالموظف محاسب يوم الحساب على ما أقدمت

قد يضطر الموظف احيانا الى هذه الاجازه نعم ولكن مب على فيه وما فيه ..

صاحبة الموضوع تسألين اذا فيه قانون يمنع السفر وقت الاجازه المرضيه؟ ما سألتي عن قانون رب العالمين؟

يعني اسمها اجازه مرضيه تعطى للموظف المريض عشان يرتاح مب عشان يدابج برا البلاد !!

شسالفه؟؟؟؟؟ من قال ماعرف عن قانون رب العالمين شفيكم تالفون علي كيفكم؟ مجرد سؤال سالت بغينا نستفسر مب معناته انا ابي اخذ اجازة مرضيه واسافر واستانس وانا مب مريضه استفسرت لان في مكان شغلي وايد يسوون هالشي حبيت استفسر لا اكثر لا اقل

[الخيالة]

اتمني اغلاق الموضوع خلاص

[بريق الحق]

الاخت المحاميه ماهو قانون رب العالمين اتمنى الافاده

[pink pearl]

فعلاً هذا اللي حاصل، وحدة من الدوام زوجها دكتور وماعمرها داومت شهر على بعضها، دايماً مرضية..
اسمها إجازة مرضية، ماله داعي حتى هالموضوع ندخل فيه الواسطات والتلاعب!!! مايجوز اللي قاعد يصير في أغلب المراكز!

[المحاميه]

شسالفه؟؟؟؟؟ من قال ماعرف عن قانون رب العالمين شفيكم تالفون علي كيفكم؟ مجرد سؤال سالت بغينا نستفسر مب معناته انا ابي اخذ اجازة مرضيه واسافر واستانس وانا مب مريضه استفسرت لان في مكان شغلي وايد يسوون هالشي حبيت استفسر لا اكثر لا اقل

سوري والله
ماقصدتج بالحرف الواحد
كان قصدي بشكل عام والله ان ابين للعامه ان الواحد لازم يراعي ضميره ف هالامور
لان لو انا وانتي ماندري ترا رب العالمين يدري ..

[المحاميه]

الاخت المحاميه ماهو قانون رب العالمين اتمنى الافاده


اصطاد ف الماي العكر بروحك

كلنا جاهلين وناقصين عقل

اهم شي انت اللي تعرف وتفهم

ترا شايفه اسلوبك ومشاركاتك القبليه

[بريق الحق]

اصطاد ف الماي العكر بروحك

كلنا جاهلين وناقصين عقل

اهم شي انت اللي تعرف وتفهم

ترا شايفه اسلوبك ومشاركاتك القبليه


ليش كل هاي الانفعال

لم اقصد الاستفزاز ولم يكن اسلوبي بقلة الادب
طلبت الافاده لا اكثر

[المحاميه]

^

ماتهمني
فما راح ارد عليك

[توشيبا]

القانون ماله دخل في اجازات الناس سواء كانت حقيقيه او وهميه

خل الناس يسافرون وياخذون اجازات

من قال ماله دخل

اذا كثرت الاجازات المرضيه يطلع كتاب من الدائره الى وزاره الصحه هل هالموظف صالح للعمل او لا

ويتم التحقيق من الاجازاه المرضيه بعدها

[بريق الحق]

قال عمر بن الخطاب رضى الله عنه : لا تخاطب الجاهل فيغلبك بجهله

[قطريه22]

من قال ماله دخل

اذا كثرت الاجازات المرضيه يطلع كتاب من الدائره الى وزاره الصحه هل هالموظف صالح للعمل او لا

ويتم التحقيق من الاجازاه المرضيه بعدها

لا اخوي اذا الاجازه تعدت الايام المسموحه مادري كم بالضبط
بس اذا يوم والايومين في الشهر او كل كم شهر ماتأثر

[الخيالة]

سوري والله
ماقصدتج بالحرف الواحد
كان قصدي بشكل عام والله ان ابين للعامه ان الواحد لازم يراعي ضميره ف هالامور
لان لو انا وانتي ماندري ترا رب العالمين يدري ..

حصل خير مب مشكلة

[Qa10]

من قال ماله دخل

اذا كثرت الاجازات المرضيه يطلع كتاب من الدائره الى وزاره الصحه هل هالموظف صالح للعمل او لا

ويتم التحقيق من الاجازاه المرضيه بعدها

كفيت ووفيت

ولاحد يتفلسف ويجرح في المرضى بعضهم مبتلين بأمراض نادره واجازاتهم كثيره وبعضهم ياخذ بالشهور
السالفه ان الإداره تحقق من الإجازه هل بالفعل كان يستحقها ولا لا مع الجهه الطبيه المختصه