كاميرا كانون ولا نيكون [الأرشيف] - منتديات شبكة الأسهم القطرية

مشاهدة النسخة كاملة : كاميرا كانون ولا نيكون

قلب شامخ

23-01-2014, 12:05 PM

السلام عليكم ورحمة الله

شخباركم؟ ان شاءالله طيبين : )

بغيت اسأل شنو تفضلون كاميرا نيكون ولا كانون؟
لأني محتاره :shy:

تحياتي للجميع

نتفـه

25-01-2014, 03:29 PM

احس بيكون بروفيشونال اكثر .. وكانون ابسط
والثنتين تصويرهم حلو
بس ان شاء الله الاخبر يردون عليج
لان عندي نيكون ومتوهقه فيها وايد خيارات وهي روعه بس يبي لها ناس فاهمين

مشـــــاعر

25-01-2014, 03:36 PM

وعليكم السلآإم ورحمة الله وبركاته

إحنآإ بخير حمدلله إنتي شخبآإرج ؟؟

أنا مب ذاكك الزود ترى بس جربت الثنتين وأشوف كلهم روووعة
لكن حبيت نيكون أكثر لأهم الأسباب وهو (الوزن) وزنها خفيف وايد بالنسبة حق كانون !!

عاد دشي آلنت وشوفي آلمميزات وإختاري على ذووقج أحلى !!
وبالتووفيق يآإمبدعتنا :victory: ..

monatee

26-01-2014, 08:59 AM

الثنتين نفس الشي ،،

وانتي اختاري الكاميرا اللي تلبي طلباتج

مثلا انا كان اختياري للكانون لان اغلبيه ربعي وهلي عندهم كانون فممكن ابدل العدسات معاهم

واختياري لكيمرا 100d بالذات لانها صغيره ،، ولاني مابي اشيل شي كبير وثقيل معاي وبنفس الوقت تعطيني التصوير اللي احتاجه

NBA_

28-01-2014, 04:18 PM

نيكون وبسسس ,, من أفضل الكاميرات نيكون

NBA_

28-01-2014, 04:19 PM

بما انك مبتدائه اشتري لك نيكون d3200

للصبر اخر

08-02-2014, 04:41 PM

الثنين يختلفون ماهم نفس شي
نصيحه اذا مبتدئه لاتغامرين بشراء كاميرا ذات سعر خيالي وماتعرفين تتعاملين معاها
المصورين يعرفون الفرق وشرحهم يصعب
واذا حابه رايي الشخصي ابتدي بكاميرا سيمي بروفيشنال
تعلمي على الاعدادات اول
وشلون توازنين بمثلث التعريض وبس تتمكنيين اخذي البروفيشنال
مجرد نصييحه

بوNasser

08-02-2014, 07:48 PM

الثنتين نفس الشي، اذا قارنا تقريبا نفس الفئة

يعني للمبتدئين او ما يسمى Entry level يمكن نقارن

http://thenewcamera.com/wp-content/uploads/2011/02/Canon-1100D-vs-Nikon-D3100-compare.jpg

طبعا فيه فروقات بسيطة بس في الأخير كلهم يؤدون الغرض بشكل جيد.

وللمستوى المتوسط
https://default.secure.media.ipcdigital.co.uk/11134/000002d0d/ae27/Canon-EOS-700D-and-Nikon-D5200.jpg

ايضا بالنسبة للمستوى المتقدم يمكن مقارنة
http://images.gizmag.com/inline/nikon-d7100-canon-60d-11.jpg

وصولا الى مستوى المحترفين والإطار الكامل.

وهنا صورة لبعض كاميرات الكانون مع تدرجات مستوياتها من اعلى فئة الى ادناها
http://i1266.photobucket.com/albums/jj524/picrumors/canonstuff/ad2_zpsa5377c62.jpg

وصورة اخرى لكاميرات نيكون وتدرجات مستوياتها
http://nikonrumors.com/wp-content/uploads/2013/11/Nikon-DSLR-camera-lineup-after-the-DF.jpg

انصح مع انخفاض اسعار كاميرات dslr بشراء اقل فئة للمبتدئين، للتدرب عليها وفي نفس الوقت حتى لو تم شراء عدسات او فلاتر او فلاشات يمكن الاستفادة منها لاحقا في حال شراء كاميرا اكثر تطورا (طبعا من نفس الماركة).

تحياتي للجميع.