مقترح إجازة للخدم كل ( 4 ) شهور

[مشاكل]

اغلب مشاكل الخدم من النساء والرجال سببها الرئيسي ( عاطفي بحت ) متمثلاً بالانقطاع الطويل عن الزوج او الزوجه ،،، فينعكس هذا الحرمان العاطفي الى ثورة شيطانية وهيجان أعمى يترجم الى قضية واحدة ومشكلة خطيرة ،،، الا وهي الوقوع في الجريمة .

بالاخير هم بشر يحسون مثل ماحنا نحس وله مشاعر واحاسيس وعواطف ورغبات لايمكننا تجاهلها او كبتها .

ولذلك أقترح على الجهات المختصة بالعمل والعمال إجبار الكفيل بمنح اجازة للعامل او العاملة لمدة شهر بعد انقضاء مدة عمل لاتتجاوز اربعة اشهر .

خل يطبقون هالمقترح ،،، بتشوفون الخدم كل واحد منهم مستوي جراندايزر مع السمع والطاعة ،،،

[الســـهم]

مستحيل اخوي ..

هذي مهنه وحالها من حال كل المهن ..

احنا موظفين ولنا الحق بعدد أيام اجازه خلال السنة توصل 30 يوم عمل ..

مب معقوله تشتغل 4 اشهر وتسافر شهر ..

[المتألم]

مستحيل اخوي ..

هذي مهنه وحالها من حال كل المهن ..

احنا موظفين ولنا الحق بعدد أيام اجازه خلال السنة توصل 30 يوم عمل ..

مب معقوله تشتغل 4 اشهر وتسافر شهر ..

بس أخوي أنت تداوم ثمان ساعات بالكثير
الخدم يداومون عند بعض الناس اليوم كله وما يرحمونهم
لو أفترضنا دوامهم بالبيت ثمان ساعات أكون معاك .


عجبني أقتراح الأخ مشاكل وممكن ينقح ويدرس بطريقه ممتازه
الخدم من يذبحون ولد من اولادنا ساعتها الندم ما ينفع .

[الحاقول]

كل اربع شهور شهر اجازه !! يعني في السنه 3 شهور اجازه !!

وبعد من يدفع ثمن التذاكر السفر ..

الموظف في الدوله ما ياخذ ثلاث شهور اجازه من الدوله

وتبي الخدم ياخذون ثلاث شهور من راعي البيت

[meme-93]

وتسافر وتروح وماترد
ونجيب كل اربع او ثمان شهور خدامه جديده ومصاريف جديده !!

[مشاكل]

ياجماعة الخير افهموا !!!
لاتقارنون نفسكم بالخدم !!!
انتوا كل واحد فيكم يرد البيت من دوامة لهله .
اما الخدامة تبي زوج تبي عاطفة تبي حقوقها الزوجية ،،، وكذلك الخادم ،،،
فهمتوا الحين ؟ مايحتاج نوضح اكثر

[يمامـة]

بصراحة انت بتسبب في مشاكل مع اقتراحك هذا ،،

تكاليف سفر الخادمة واستقدامها يمنع الاعتراف بالاقتراح هذا ،،

الا اذا حطيت حلول لتكاليف استقدامهم وسفرهم ممكن الواحد يفكر في اقتراحك اخوي مشاكل ،،

[CH Engineer]

بعض الخدم يطلبون التمديد من الكفيل

السر فالمعامله
ليش ماتقترح باقامة لجنه ويجبر الكفيل على احضار الخادمه كل اربع اشهر للجنه

ويحق للخادمه بطلب اجازه لمدة اسبوعين بدون راتب.. و يحق لها تشتكي او ارجاعها لمكتب الخدم والذهاب للخدمه في منزل اخر
ويفضل كل خادمه تقابل لجنه من نفس جنسيتها مع الاتفاق مع السفارات.
اتوقع اقامة لجنه مثل هاللجنه راح يرفع سمعة ادارة العمل عندنا لفوق بالذات بعد الشكاوي والمشاكل الي اطلعت للجرايد بخصوص 2022
احسن من الاهتمام باصحاب المكاتب الي اتوقع نصهم شغالين في اماكن لها علاقة بجلب الخدم ورفع الرسوم على الكفيل لتصل الى 13 الف ريال.. والعذر الاجار غالي مع ان جلب خادمه واحده تكفي لتغطيه اجار شهر.. وبعدين مب مشكلتي تغطي اجارك ولا ماغطيت دورلك تجاره ثانيه بدل ما اتاجر فالبشر.. والمشكله جيبوهم مليانه ملايين

[قطريه22]

كل اربع شهور؟؟
من بيدفع لهم تذكره؟؟

الاقتراح ماعجبني
بس تقدر تقترح لو الاهل في البيت يخففون الشغل عن الخدم

الحمدلله احنا خدامتنا مب كارفينها تخلص شغلها وتقعد تطالع التلفزيون
والكل يساعدها

[مشاكل]

ياجماعة الخير افهموا !!!
الخدامة تبي زوج تبي عاطفة تبي حقوقها الزوجية ،،، وكذلك الخادم ،،،
فهمتوا الحين ؟ مايحتاج نوضح اكثر

crazy crazy crazy

[يمامـة]

ياجماعة الخير افهموا !!!
الخدامة تبي زوج تبي عاطفة تبي حقوقها الزوجية ،،، وكذلك الخادم ،،،
فهمتوا الحين ؟ مايحتاج نوضح اكثر

crazy crazy crazy

اييبون لهم ازواجهم وزوجاتهم ويوفرون لهم ملتقى اسبوعي لهم

[ANONYMOUS]

اقتراح قميل

الله يعينك ع التذاكر والبونس حق اجازتهم

[أسد الجزيرة]

و الي مب متزوجة ؟

[يمامـة]

و الي مب متزوجة ؟

يتزوجها المعزب ويسوي فيها خير ،،

[أسد الجزيرة]

مبروك مشاكل منك المال و منها العيال :secret:

[المتألم]

يتزوجها المعزب ويسوي فيها خير ،،

ههههههههههههه بعضهم سواها

[المتألم]

ياجماعة الخير افهموا !!!
الخدامة تبي زوج تبي عاطفة تبي حقوقها الزوجية ،،، وكذلك الخادم ،،،
فهمتوا الحين ؟ مايحتاج نوضح اكثر

crazy crazy crazy
واضح المقصود من الموضوع نفسه ماله داعي للون الأحمر :shy:


:nice:

[طبيب قطري]

ياجماعة الخير افهموا !!!
الخدامة تبي زوج تبي عاطفة تبي حقوقها الزوجية ،،، وكذلك الخادم ،،،
فهمتوا الحين ؟ مايحتاج نوضح اكثر

crazy crazy crazy

فاهمين ياالطيب بس ترى معظم الخدامات بتحصل في عقودهم انهم يااما مطلقات او ارامل او غير متزوجات وفي الغير مسلمات اللي عندها عيال وماعندها زوج single mother

[اليشم]

قمة الإنسانيه والعاطفيه
بس على أي أساس حددت كل أربع شهور؟؟؟!!!
نظام مصر يعجبني، تجي الشغاله تشتغل وآخر اليوم ترجع لبيتها وحياتها الطبيعيه
عندنا وايد صعب، بس ممكن:confused:

[الواثق باالله]

اقتراح يحل الكثير من المشاكل باالنسبة للخدم

أغلب البيوت فيه أكثر من خدامة يناوبون وقت الاجازة

أفضل ماكل شهرين تلاتة تبدل الخدامة وتتكلف عليها

شكراً على الإقتراح

[جاسم الدوحة]

بصراحة .. الفكرة ليست سيـئة
وأقترح لها إجازة (أسبوعين فقط) بدون راتب مرّة كل 6 أشهر
إن رغبت هي في ذلك وبحيث يلتزم الكفيل بتذكرتين كل سنة .
وبشرط تحديد تكاليف استقدام الشغالة بـ 5 آلاف ريال فقط
وإلزام المكاتب بذلك من قبل الجهات المختصة .

دعونا نشارك بالآراء والمقترحات حتى يستفيد المشرّع .. لم لا؟

[kuwari]

فكرة حلوه وخلهم يدفعونك التذاكر للخدم لاهل قطر كلهم

الله يرحم والديك في خدامه تذكرتها 600 ريال وخدامه 3000 ريال

[توشيبا]

معليك من الردود

كفايه انا معاك في الاقتراح

مدام الدوله تجبر الكفيل علي منح اجازه كل اربع شهور يليت اهي توفر له البديل خلال هالشهر

تجبر مكاتب الاستقدام علي تنزيل الاسعار

تقلل من راتب الخدم

واذا لها مراعاه للخدم تمنح علاوه تذاكر سفر كل اربع شهور للمواطنين

[DreamBox]

انا صبياني وعمالي يسافرون فالسنه مره والتذكره على حسابي

الحمدلله ماقد حد راح ومارجع

[خزامئ]

لو هي بتدفع تذكرتها ماعندي مانع
اما ادفع كل اربع شهور ثالاثه الاف مستحيل محن بقاعدين على بنك

[دايموند]

ياجماعة الخير افهموا !!!
الخدامة تبي زوج تبي عاطفة تبي حقوقها الزوجية ،،، وكذلك الخادم ،،،
فهمتوا الحين ؟ مايحتاج نوضح اكثر

crazy crazy crazy

يلا بلش انت. دام هاي اقتراحك وسفر خدامتكم ودريولكم كل 4 شهور ع حسابك !!!

[يمامـة]

يلا بلش انت. دام هاي اقتراحك وسفر خدامتكم ودريولكم كل 4 شهور ع حسابك !!!

مشاكل بس غاوي يسوي لنا مشاكل :(

[اليشم]

وإذا جات حامل، ايش الحل؟؟!!
اتسفرها ولا تولد بالدوحه، ما نقدر بعد انحدد لهم النسل
الموضوع معقد وعوار راس:rolleyes2:

[ابوعلي]

ياخوي اقتراحك يزيد العبىء على الاسرة


هل انت مستعد اتسفر الخادمة ثلاث مرات في السنة وتدفع مصاريف السفر

وشلون تسد الفراغ مكان الخادمة في حالة سفرها

واذا سفرتها وارجعت حامل شلون تتصرف معاها

[بوخالد911]

هلا

وانا اقترح كذلك باعادة اجراء الفحص الطبي بعد كل إجازة

لعل وعسى !!!!!!!

[Rider]

خلاص اخوي مشاكل انت طبق القرار الي تاخذته وحنا بنسوي مثلك بس سؤال لك التذكرة على حسب من للعلم الخادمة اذا راحت بلدها ماعد بترجع ياما راحت خادمات اجازة وبرجع وبرجع ولا شفنا وجها بعدين مب كل خادمة متزوجه يعني تسافر ليش ولا شرايك نجيب مع الخادمة والدريول ازواجهم ونسوي لهم ملحق هذا افضل

[شيخ الديرة]

خل يطبقون هالمقترح ،،، بتشوفون الخدم كل واحد منهم مستوي جراندايزر مع السمع والطاعة ،،،


قررنا أن تقوم بتجربة الفكرة بنفسك وتقديم تقرير للأعضاء بعد سنة. الأمور المالية لا يتحملها أحد غيرك.