$ وظيفة تحبها ... ووظيفة تكرهها $

[نور الحور]

السلام عليكم ورحمة الله وبركاته ،،

موضوعي اليوم عن ما هي الوظيفة (أو الوظائف) اللي تحبها أو تتمنى تمارسها ..

وفي المقابل ما هي الوظيفة (أوالوظائف) اللي ما تحبها ولا تتخيل نفسك فيها أساساً ..

مو شرط تعطون مسميات محددة للوظايف .. ممكن بس تذكرون طبيعتها او

الأمور اللي تحبون تتوفر في الوظيفة او اللي تكرهونها ..


يلا بسم الله نبدأ ...

بالنسبة لي .. الوظايف اللي فيها تفكير وإبداع وتنمية وتطوير دائم وفيها خدمة للناس أحبها ..

مثل البحوث وإجراء الدراسات، إقامة الدورات ، تطوير وتنمية قدرات الموظفين ..الخ

والوظايف اللي ما احبها اللي فيها شغل ميداني كثير وتواصل دائم مع الناس

والجهات المختلفة مثل العلاقات العامة، التدريس أو الطب ..

ونفس الشي بعد ماحب في المقابل الوظائف الجامدة مثل العمل في المصانع ..

أحسها قاتلة ببطء للحس الإنساني :secret: ههههه

الوسط مطلوب :victory:


يلا .. انتظر ردودكم بشغف :victory:

أختكم / نور الحور

[زبرجد]

أكره وظيفة المدرسة
وأحب الأعمال الحرة

[نور الحور]

أكره وظيفة المدرسة
وأحب الأعمال الحرة


صرت أشك في حد يحب التدريس هالأيام هههههه

أنا أكرهههههه .. من قلب .. مو مودي كلشششش ههههههه

حتى جو المدارس والأصوات .. وصوت الجرس .. أووووف يوتروني :rolleyes2:

[تغلبية]

نور ..

أحب الوظايف اللي فيها خدمة للناس ..

مثل

V

غرامي وهيامي وسعادتي .. وشغفي الأول

(في يوم من الأيام .. تيقنت إن واحد من أسباب وجودي في هالحياة عشان أكون أمينة مكتبة)

http://www.rangkep.com/wp-content/uploads/2010/11/modern-interior-library1.jpg



شغفي الثاني

صراف في بنك ..

https://lh6.googleusercontent.com/-OSpjaEJelzU/TYBTaBeZepI/AAAAAAAAACI/t6WjG-31N0U/s1600/368848-49119-46.jpg


شغفي الثالث

كاشير في أي محل .. وخاصة المحلات الكبيرة :nice:

http://pic.ccn.mofcom.gov.cn/duomeiti/12192451/0011.jpg




شغفي الرابع

سيدة أعمال

https://encrypted-tbn0.gstatic.com/images?q=tbn:ANd9GcRlA2-g2dx2zCMWTYbXW09O09a2ACHjge3CG9dixhhZ49TK3QPP


شغفي الخامس ..

شغف الطفولة .. ومازال

أرعى غنم :shy:

http://i01.i.aliimg.com/wsphoto/v0/1083083229/Hand-Painted-font-b-Famous-b-font-Classical-Oil-font-b-Paintings-b-font-The-font.jpg

[نور الحور]

^ عجييييييييبة أنتي ... وظايف من كل قطر أغنية !!!

الغريب لأول مرة اختلف معاج هالمرة !!

هالوظايف مو مودي أبداً ههههههههه مو شغفي بالمرة ...

بس حبيت فكرة رعي الغنم ... ممكن عادي أساعدج ألعب معاهم شوي ...

وباقي الغثا عليج ههههههه

بخليج وبروح أتمشى بهدوء واتأمل .. ممكن أتحول مكتشفة آثار بعدين ما تدرين !

أهم شي الصورة الأخيرة عجيبة وحلوة ... لكن مت ضحك ... تذكرت البطولة ... :secret:

البطولة تغلبية البطولة :secret:

[تغلبية]

^

أنا اتفق معاج في هذول ..

" الوظايف اللي فيها تفكير وإبداع وتنمية وتطوير دائم وفيها خدمة للناس أحبها ..

مثل البحوث وإجراء الدراسات، إقامة الدورات ، تطوير وتنمية قدرات الموظفين ..الخ "

بس لأنهم استنزفوني .. ماعاد فيني

ابي شي احبه من وانا صغيرة ..

والصورة الأخيرة .... خذتني للغنم .............. ويح قلبي .. أحبهم <<< خقيت خلاااااص :shy:


لي صرت في المدينة لبست البطولة ..

ولي رحت البر .. صرت بنت البادية <<< شوي وأقلب سميرة توفيق هههههه

[نور الحور]

^
جذي اوكي ... في قواسم مشتركة ..

حتى شغفج الرابع ممكن اشترك معاج فيه .. بس مو بشغف كامل ..

بثلاث أرباع شغف بس :shy:

أهم شي فيه تغيير وما في روتين ممل ... والدنيا بتصير بمبي هههههه << هذي كأنه اللمبي مو ؟؟:shy:

[تغلبية]

^

لأ .. سعاد حسني .. بمبي بمبي

[نور الحور]

^

لأ .. سعاد حسني .. بمبي بمبي


ههههه .. إي زين .. أشوه :shy:

[غير البشر]

احب الشغله الي داخله شغلات كثيره متنوعه

مثل التوظيف + الترقيات + علاوات + بدالات وهكذا


ماحب شغلات المواقع وروحات وجيات

يعني مافي شي ببالي ههههههه

[بصمة قطرية]

أحب أكون مسؤولة طيبة و حبوبة الكل يحبني و يدعي لي .. :shy:
أحب مجال أخدم فيه الناس ..
لأن بطبعي خدومة ..
أساعد كثر ما أقدر ..
يعني أتعامل مع الجمهور مباشرة ..
ما أحب أكون مدرسة
و لا أحب في مكتب بروحي مجابلة الكمبيوتر ..
ممكن أكون سكرتيرة ناجحة على قولة الدكتور اللي دربني ..:shy:

[لبيبة]

أحب أعمل بصمت وأصنع القرار وراء الكواليس

[قطريه22]

قبل كنت حابه شغل الشرطه والركضه وصيدة الحراميه
وشغلت التحري المحقق كونان كنت متأثره فيه ولين الحين اشوف افلام ومسلسلات اجنبية عن الجرايم وطريقة اكتشافها..

كنت حابه عمل الطبيبه

واحب العمل الاداري

والحين تمنيت اكون بزنس وومن واسافر العالم

[ولد العرب]

قبل كنت حابه شغل الشرطه والركضه وصيدة الحراميه
وشغلت التحري المحقق كونان كنت متأثره فيه ولين الحين اشوف افلام ومسلسلات اجنبية عن الجرايم وطريقة اكتشافها..

كنت حابه عمل الطبيبه

واحب العمل الاداري

والحين تمنيت اكون بزنس وومن واسافر العالم
قطريه ليه ماتجربين غسيل الموتى ولك اجر

[قطريه22]

قطريه ليه ماتجربين غسيل الموتى ولك اجر

تبي قلبي يوقف من الخرعه اخاف ياخوي اخاف

[العلياا]

أحب الشغل الدقيق الحساس اللي يتطلب قدر كبير من التركيز مثل صياغة العقود أو المحاماة بشكل أوسع
أحب خدمة الناس و أي شي يكسر الروتين

ما أحب شغل السكرتاريه لأن صلاحيته محدوده أو شغل Office boy

[بونووف]

ادور لي على شغله انام فيها .. يعطوني دوشق واجربه لمدة 7 ساعات .. واذا نمت زياده يعطوني اوفر تايم

اخ بس

[^NoOOoR^]

عن نفسي أحب شغلتي الحالية لأن فيها كل المميزات اللي أتمناها من خدمة الناس ، و العطاء بلا حدود :)

[وطن]

أحب الشغل الاداري
يعني مثل الحين مديرة :tease:

وأحب الفاشن يعني ممكن أصير البيرسونال شوبر
ولا فاشن اسستنت

وأحب وظيفة على قلبي هي الشوبينغ .. هذي وظيفه عندي لا تتطنزون :(
ابي كريدت كارد مفتوح واتسوق بس
هذي الوظيفة اللي ابيها
وما ابي اتسوق هني
بتسوق في لندن ولا باريس :secret:

<=== أحلامي كثيرة

المهم
الوظيفة اللي ما أحبها
ومستحيل مستحيل تضبط معاي

التدريس
:rolleyes2:

حتى على مستوى أدرس اليهال في البيت
ما اعرف

[رجل تعليم]

أعشق بجنون مهنة التدريس
من الثامنة صباحا حتى الثالثة بعد الزوال
حصة بعد أخرى ...والوقوف بحزم على سير العمل .
أحب النظر لعيون التلاميذ وهم : خائفون/ متحمسون/ يشتغلون / يتنافسون/ أشعر بهم وهم يقومون بكل شيء ليثبتوا أنهم واثقين من أنفسهم ومن قدراتهم ...يشعرون اختصارا بذواتهم
عمل رائع جدا جدا وراحة نفسية عمييييييييييييييقة بعد الثالثة زوالا .
لكن هذه المهنة للأسف تحتاج لظروف معينة ، أهمها أن تكون مرتاحا عاطفيا واجتماعيا وماديا وأن تكون قد أنهيت باختصار كل معاركك مع الحياة
أن تكون كل أمورك الحياتية مرتبة جدا لكي لا يشوش عليك أمر من هذه الأمور .
أولادك/ زوجتك/ جيبك/ صحتك / الأفق والمستقبل ...منزل شخصي ..راتب يكفيك ..سيارتك .... ....كل هذا يجب أن يكون بخير لكي تستطيع أن تقدم الأكثر لهذه المهنة.
وغياب عنصر من هذه العناصر لاشك أنك سيؤثر سلبا على عطائك .
أحب مهنتي وأتمنى أن أزاولها في زمن غير هذا الزمن وفي ظروف أرحم ، لأنك كأي شخص طبيعي لن تستطيع الجمع بين مدرستين ( المدرسة /والحياة)
المدرسة باختصار فضاء نلجه ونحن ندرك أننا ذاهبون لننتصر على صعوبات معينة ...وجدت المدرسة اصلا لهذا الغرض...تذييل الصعوبات في مجالات مختلفة ( سلوكية /ثقافية/ معرفية/ مهاراتية/ .... ما إن تلج القاعة حتى تجد نفسك أمام ما لا نهاية له من العقبات والإكراهات ...تبدأ المعركة أنت والأطفال على كل شيء يرفضه المجتمع والتقاليد ويقتضيه العصر في آن واحد ...الهدف يجب أن نكتسب معا كل ما هو مفيد ،وأن نكبر بشكل طبيعي ونكتسب شخصية سوية لننخرط في المجتمع بشكل سلس لا صخب فيه ،وأن نكون أسرا ونأتي بدورنا بأجيال وهكذا ...
هذه هي الأهداف العامة التي وجدت المدارس لأجلها
ولكي يقوم المدرسون والإداريون بعملهم على أكمل وجه لابد وأن تكون حياتهم الشخصية هادئة جدا.

[نور الحور]

احب الشغله الي داخله شغلات كثيره متنوعه

مثل التوظيف + الترقيات + علاوات + بدالات وهكذا


ماحب شغلات المواقع وروحات وجيات

يعني مافي شي ببالي ههههههه


يعني أكثر من اختصاص في وظيفة وحدة ..

تصلح عيل مدير موارد بشرية :nice:

[نور الحور]

أحب أكون مسؤولة طيبة و حبوبة الكل يحبني و يدعي لي .. :shy:
أحب مجال أخدم فيه الناس ..
لأن بطبعي خدومة ..
أساعد كثر ما أقدر ..
يعني أتعامل مع الجمهور مباشرة ..
ما أحب أكون مدرسة
و لا أحب في مكتب بروحي مجابلة الكمبيوتر ..
ممكن أكون سكرتيرة ناجحة على قولة الدكتور اللي دربني ..:shy:


الله يعينج لو سكرتيرة ... بتريحين غيرج بس أنتي بتتعبين :(

بس حلو الواحد يكون خدوم .. وتجيه دعوات حلوة من كل صوب :shy:

[نور الحور]

أحب أعمل بصمت وأصنع القرار وراء الكواليس





الله يحفظج .. صج لبيبة :victory:

[نور الحور]

قبل كنت حابه شغل الشرطه والركضه وصيدة الحراميه
وشغلت التحري المحقق كونان كنت متأثره فيه ولين الحين اشوف افلام ومسلسلات اجنبية عن الجرايم وطريقة اكتشافها..

كنت حابه عمل الطبيبه

واحب العمل الاداري

والحين تمنيت اكون بزنس وومن واسافر العالم



شكلج مزاجية قطرية .. من محققة لين بزنز ومن ؟؟

حلو .. في نقاط مشتركة .. شكلج تحبين الاكشن والغموض والتغيير :victory:

[نور الحور]

قطريه ليه ماتجربين غسيل الموتى ولك اجر


وشرايك ياولد االعرب تكون حفار قبور .. لك أجر عظيم ترى :shy:

[نور الحور]

أحب الشغل الدقيق الحساس اللي يتطلب قدر كبير من التركيز مثل صياغة العقود أو المحاماة بشكل أوسع
أحب خدمة الناس و أي شي يكسر الروتين

ما أحب شغل السكرتاريه لأن صلاحيته محدوده أو شغل Office boy


حلو .. المحاماة أعتقد بتناسبج ... الله يعينج بس على عوار الراس :rolleyes2:

[نور الحور]

ادور لي على شغله انام فيها .. يعطوني دوشق واجربه لمدة 7 ساعات .. واذا نمت زياده يعطوني اوفر تايم

اخ بس


ههههههههههههه .. ما كل ما يتمناه المرء يدركه :secret:

بتصل لك في شركات الماترس .. بشوف لو محتاجينك بعطيهم خبر هههههه

[نور الحور]

أحب الشغل الاداري
يعني مثل الحين مديرة :tease:

وأحب الفاشن يعني ممكن أصير البيرسونال شوبر
ولا فاشن اسستنت

وأحب وظيفة على قلبي هي الشوبينغ .. هذي وظيفه عندي لا تتطنزون :(
ابي كريدت كارد مفتوح واتسوق بس
هذي الوظيفة اللي ابيها
وما ابي اتسوق هني
بتسوق في لندن ولا باريس :secret:

<=== أحلامي كثيرة

المهم
الوظيفة اللي ما أحبها
ومستحيل مستحيل تضبط معاي

التدريس
:rolleyes2:

حتى على مستوى أدرس اليهال في البيت
ما اعرف



طلعت المواهب .. معانا مدراء واحنا ما ندري ...

أنا جاتني فترة أفكر أصير وزيرة :secret: ... بعدين شلت الفكرة نهائيا من بالي ..

واكتفيت أكون وزيرة لوزارة وحدة بس ... وزارة الداخلية في بيتي ههههههه :shy:

أحس الوزارة ما تنفع للنساء .. تسلب منهم الكثير من أنوثتهم :(

أما الشوبنغ .. فالله يحفظج وطن ... عاد أنا أبي حد يتسوق بدالي .. كلش ما أحب الشوبنغ ..

لدرجة إني أروح أخذ كميات كبيرة من الملابس والأغراض بس عشان ما أروح مرة ثانية إلا بعد وقت طويل :secret:

وإن رحت رحت ومعاي لستة .. أخذ اللي أبيه وأطلع ..:)

بعينج البيرسونال شوبر .. بس عاد أنا ذوقي شوي صعب وما يرضيني أي شي ...

ها ..قد التحدي ؟؟ :nice:

[نور الحور]

أعشق بجنون مهنة التدريس
من الثامنة صباحا حتى الثالثة بعد الزوال
حصة بعد أخرى ...والوقوف بحزم على سير العمل .
أحب النظر لعيون التلاميذ وهم : خائفون/ متحمسون/ يشتغلون / يتنافسون/ أشعر بهم وهم يقومون بكل شيء ليثبتوا أنهم واثقين من أنفسهم ومن قدراتهم ...يشعرون اختصارا بذواتهم
عمل رائع جدا جدا وراحة نفسية عمييييييييييييييقة بعد الثالثة زوالا .
لكن هذه المهنة للأسف تحتاج لظروف معينة ، أهمها أن تكون مرتاحا عاطفيا واجتماعيا وماديا وأن تكون قد أنهيت باختصار كل معاركك مع الحياة
أن تكون كل أمورك الحياتية مرتبة جدا لكي لا يشوش عليك أمر من هذه الأمور .
أولادك/ زوجتك/ جيبك/ صحتك / الأفق والمستقبل ...منزل شخصي ..راتب يكفيك ..سيارتك .... ....كل هذا يجب أن يكون بخير لكي تستطيع أن تقدم الأكثر لهذه المهنة.
وغياب عنصر من هذه العناصر لاشك أنك سيؤثر سلبا على عطائك .
أحب مهنتي وأتمنى أن أزاولها في زمن غير هذا الزمن وفي ظروف أرحم ، لأنك كأي شخص طبيعي لن تستطيع الجمع بين مدرستين ( المدرسة /والحياة)
المدرسة باختصار فضاء نلجه ونحن ندرك أننا ذاهبون لننتصر على صعوبات معينة ...وجدت المدرسة اصلا لهذا الغرض...تذييل الصعوبات في مجالات مختلفة ( سلوكية /ثقافية/ معرفية/ مهاراتية/ .... ما إن تلج القاعة حتى تجد نفسك أمام ما لا نهاية له من العقبات والإكراهات ...تبدأ المعركة أنت والأطفال على كل شيء يرفضه المجتمع والتقاليد ويقتضيه العصر في آن واحد ...الهدف يجب أن نكتسب معا كل ما هو مفيد ،وأن نكبر بشكل طبيعي ونكتسب شخصية سوية لننخرط في المجتمع بشكل سلس لا صخب فيه ،وأن نكون أسرا ونأتي بدورنا بأجيال وهكذا ...
هذه هي الأهداف العامة التي وجدت المدارس لأجلها
ولكي يقوم المدرسون والإداريون بعملهم على أكمل وجه لابد وأن تكون حياتهم الشخصية هادئة جدا.



الله يعطيك العافية رجل تعليم ..

التدريس بالذات يجب أن لا يمارسه إلا من يحبه ويعطي فيه ..

طبعاً الظروف المعينة مهمة ومكملة ... لكن هذه هي الحياة .. التحديات مستمرة ..

وعلى شغفنا بمهنتنا أن يكون كافياً لبذل الجهد للتغلب عليها أو التصالح معها أو محاولة تحسينها ..:victory:

[وطن]

قد التحدي ونص


ان ما غيرت ستايلج
وخربتج
بتشوفين

[نور الحور]

قد التحدي ونص


ان ما غيرت ستايلج
وخربتج
بتشوفين



ههههههههههههه .. ما أعتقد بتصبرين على حنتي ..

بحن عليج .. يلا خلنا نطلع .. تمللت هههههههه:tease:

[وطن]

ههههههههههههه .. ما أعتقد بتصبرين على حنتي ..

بحن عليج .. يلا خلنا نطلع .. تمللت هههههههه:tease:
معاي انا ما راح تملين

انا اللي بقول لج تمللت لول

[نور الحور]

معاي انا ما راح تملين

انا اللي بقول لج تمللت لول


ههههههه .. يا ثقة أنت ..

بمللج .. وبشغف هههههههه

[نور الحور]

وترى صح أنتي بتمللين .. مو أنا ... عفستي مخي وطن ..

صج والله .. بمللج من الحنة .. ههههههههه

[قطريه22]

شكلج مزاجية قطرية .. من محققة لين بزنز ومن ؟؟

حلو .. في نقاط مشتركة .. شكلج تحبين الاكشن والغموض والتغيير :victory:

ماشاء الله عليج عرفتي اني مزاجيه واحب الاكشن والغموض
حللتي شخصيتي بشغف هههههههههه

[نور الحور]

ماشاء الله عليج عرفتي اني مزاجيه واحب الاكشن والغموض
حللتي شخصيتي بشغف هههههههههه


:shy:

الأتعاب لو سمحتي :telephone:

[العلياا]

حلو .. المحاماة أعتقد بتناسبج ... الله يعينج بس على عوار الراس :rolleyes2:

جربت المحاماة لكن بنطاق ضيق الكل يفكر بس عوار رأس لكن هي بالعكس أكثر شغله مافيها روتين
كل يوم شي جديد حدث جديد تغيرات تخلي عقلج دور يفكر وأصعب شي بنفس الوقت لان حرف أو رقم واحد ممكن يخسرج ملايين
وفيها ناحية إنسانية تعاملج مع الناس ودعاء المطلوم يكفيج عن كل شي
وبس والله :shy:

[تغلبية]

لقيت في نفسي شغف جديد ..

صايرة أحب التمثيل .. :shy: :shy:

[نور الحور]

من لبستي البطولة تغلبية وأنا شاكة بالموضوع :secret:

[متواصل]

احب شغل المتقاعدين

اكره وظيفة وزير

[غير البشر]

يعني أكثر من اختصاص في وظيفة وحدة ..

تصلح عيل مدير موارد بشرية :nice:



كنت مرشح وبقوه وكنت قريب منها
بس العصبيه مشكله
تنرفزت وطلعت من الشغل من ذاك اليوم ولارجعت لهم
واحد كان يقول غير البشر المدير القادم وبقوه :rolleyes2:

[المحاميه]

احب وظيفتي الحاليه وحابه استمر واتطور فيها (وظيفه قانونيه)
بس اللي حولي مايساعدون :weeping:
واحب الوظايف اللي فيها خدمه بشريه وتواصل مع الناس

اكره وظيفة التدريس مستحيل اتقبلها لو تكون اخر وظيفه وينقلب الراتب مليون مارضيت فيها بعد :tease:

[بو خليفه 123]

الوظيفه الي تمنيت احصل عليها هي طيار حربي (حلم الطفوله)

الوظائف التي اتمناها الآن :

1- وزير المالية
2- الرئيس التنفيذي لجهاز قطر للاستثمار
3- المدير العام للبنك البريطاني الاسلامي (لندن)
4- امتلاك شركة عقارات على مستوى الدولة


الوظائف التي لا ارغب بها :
1- مدرس
2- أي وظيفه فيها كثرة النساء
3- التخطيط العمراني قسم الاراضي
4- مقاول او امتلك شركة مقاولات

[نور الحور]

احب شغل المتقاعدين

اكره وظيفة وزير


:omen2:

[نور الحور]

كنت مرشح وبقوه وكنت قريب منها
بس العصبيه مشكله
تنرفزت وطلعت من الشغل من ذاك اليوم ولارجعت لهم
واحد كان يقول غير البشر المدير القادم وبقوه :rolleyes2:


قدر الله وما شاء فعل ..

العصبية ترى ما توكل عيش :secret:

كان سميناك اللحين مووووودير كبييييير :omen2:

[نور الحور]

احب وظيفتي الحاليه وحابه استمر واتطور فيها (وظيفه قانونيه)
بس اللي حولي مايساعدون :weeping:
واحب الوظايف اللي فيها خدمه بشريه وتواصل مع الناس

اكره وظيفة التدريس مستحيل اتقبلها لو تكون اخر وظيفه وينقلب الراتب مليون مارضيت فيها بعد :tease:


لين شفتي المليون ما ظنتي بتهونين ههههههه

الله يوفقج يالمحامية .. خلج ستاند باي ..

ناوية أسويلي كم مشكلة بالمنتدى .. أبي حد يترافع عني :shy:

[نور الحور]

الوظيفه الي تمنيت احصل عليها هي طيار حربي (حلم الطفوله)

الوظائف التي اتمناها الآن :

1- وزير المالية
2- الرئيس التنفيذي لجهاز قطر للاستثمار
3- المدير العام للبنك البريطاني الاسلامي (لندن)
4- امتلاك شركة عقارات على مستوى الدولة


الوظائف التي لا ارغب بها :
1- مدرس
2- أي وظيفه فيها كثرة النساء
3- التخطيط العمراني قسم الاراضي
4- مقاول او امتلك شركة مقاولات


ما شاء الله .. طموحاتك عالية بوخليفة .. :victory:

للأمانة .. أتوقعك تكون وزير المالية القادم بكل قوة :nice:

[حمد بن خالد]

وظيفة أحبها : طيار حربي

وظيفة أكرهها : وزير


كيفي

[..عاشق قطر..]

الي احبها: اني احصل على وظيفه ..!
والي ماحبها: ماحب اقعد في البيت بطالي :(

[خالد البلوشي]

لا أحب أي وظيفة لها تواصل مع الجمهور وذلك بعد التجربة التي خضتها في عدة مجالات كانت تستوجب التواصل مع الجمهور

أحب الوظائف الإدارية أكثر المهم أن أكون بعيداً عن التواصل مع الجمهور الذين أدركت من خلال تعاملي معهم أن إرضاء الناس غاية لا تدرك ..

[Dana’1]

أحب أكون من أكبر ملاك مرابط الخيل العربيه الأصيله.. حب الطفول هالخيل
أحب أكون رئيس طهاه وأفتح مطعمي الخاص


ما أحب الأعمال الي تكون مع الجمهور والعملاء...مع إني أحب أقدم الخدمه للناس إذا كنت أقدر أقدمها بس يمكن لأن لي تجربه سابقه لم تعجبني....فأفضل تجنبها كوظيفه!
ما أحب التدريس كوظيفه... بس إني ادرس بنتي وقبلها خواتي الصغار!

[Bin Hood]

موضوع مبدع اختي الحور

في سبب رئيسي لعدم الرغبة في كثير من الوظائف
وهو وبساطة بيئة العمل
كثير من الناس حصلوا على وظائف كانوا يسعون لها لكن الصدمة ان بيئة العمل

الوظائف التي ارغب بها وان شاء الله يكون لي نصيب فيها جميعاً

1- التدريس الجامعي بشرط ان الطلاب يكونون محترمين
2- التجارة
3- مستشار استثماري
4- مدير تنفيذي لاحد البنوك الاستثمارية

الوظائف التي لا ارغب بها واسأل الله ان يصرف عني شرها
1- القضاء
2- العمل في فروع البنوك ( بسبب تجربتي السابقة )
3-المجال العسكري ولو انها وظيفة جدا مرموقة