ابوابنا مفتوحه لأصحاب الخبرات والكفاءات من المواطنين

[حمد 2002]

السلام عليكم ورحمه الله وبركاته


الموضوع يحمل العنوان التالي

(( ليس داعي بأن تتقن الانجليزي والكمبيوتر وتاخذ دورات !!!! ))

ليس داعي ان تتقن الانجليزي والكمبيوتر وتاخذ دورات وشو بتفيدك هالدورات ؟ :)

الشهاد الجامعيه ممممممم يمكن تفيدك نوعا ما ؟!!!

مممم تبي الحل دور الواسطه فقط ... نعم نعم واسطتك تغنيك عن مختلف انواع الدورات .......

بظرب لكم مثال :-

لو الحين شخص مسؤول بقسم الموراد البشريه وجاه شخص عنده دورات مختلفه وجامعي وووو ...
وشخص ثاني عنده واسطه فقط وجامعي بدون دورات من بيفضل ؟

اكيد راعي الواسطه واتحدى اي واحد يثبت لي عكس ذلك !!!

كفانا مجاملات !!!

((( لاداعي لذكر تلك المقوله بأن ابوابنا مفتوحه لأصحاب الخبرات والكفاءات من المواطنين )))

((لاداعي لذكر تلك العباره ان جميع الناس عندنا سواسيه )))

مع التحيه .......

[قطريه22]

صباح الخير

حمد لون الخط عور عيوني يصير تغيره عشان الكلام يكون اوضح:shy:

بالنسبة لموضوعك
فعلاً كل شيء صار بالواسطه

بالنسبة لي ماحب الواسطه احب انا الي اتعب واروح مثال : شغلي الي انا فيه مادخلت واسطات ومعارف لان احس الواسطه نفسها مذله للشخص ماحب انزل نفسي لاي حد واقوله توسط لي توكلت على الله وقدمت اوراقي والحمدلله بفضل الله سبحانه اقبلوني وقبلني مكان ثاني في نفس الوقت بدون واسطه.

واسطتي الله سبحانه وتعالي والحمدلله على كل حال اذا ماصار الشي الي انا ابيه أقول الحمدلله والخيره فيما اختاره الله بس ماقعد اتضايق واسوي سالفه، بالعكس اذا في شي انا حابته وماصار استانس واقول هاي خيره لي من الله والله بيعوضني بالشيء الاحسن..

صدقني ياخوي الواسطه ماانتشرت الا لأن الناس قامو يتكلون عليها في اعمالهم واشغالهم لو كل واحد بيقول انا ارفض الواسطه والي يتوسط الدنيا بتصير بخير..

[Super Cool]

عزيزي إستسلامك للواسطة بهالشكل و منحها هذا المقدار و تقبلك لها كأنها من المسلمات هو سبب وجودها أساساً

يعني انت قاعد تشارك في نشرها

[سعادة الوزير]

اتفقك معك وبشدة ، ولنا في "موقعة فيلاجيو" خير مثال على ما تسببة "الواسطة" من كوارث على المجتمع وعلى الدولة. بعد تلك الحادثة مباشرة ، كتبت وتمنيت ان يكون هناك تحرك من جانب الحكومة في هذا الجانب لمكافة كافة انواع الواسطة والمحسوبية لكي نتمكن من المضي قدماً في تطوير ورفعة بلدنا ، ولكن وللأسف الشديد لم ارى اي تحركات جدية في هذا الموضوع.

المصيبة ان الواسطة قد أثرت حتى على مستوى أساس البنية التحتية للدولة! ، فنرى توزيع الجسور على طريق الشمال الجديد قد تم بأسوأ ما يمكن ، وبمحاباة واضحة لبعض الأسماء للاستنفاع من وجود الجسور بجانب عقاراتهم واراضيهم ، والآن يحاولون "ترقيع" ما حصل عن طريق بناء جسور جديدة (ازغوى وام صلال محمد).

[أم محمد 90]

عموما الكرسي مايدوم لاحد

[New Vision]

الواسطه فوووق القانون او بمعنى اصح هي من تضع القانووون

[الأسبانية للمصاعد]

مرحبا بالجميع

كان لي موضوع من فترة بهذا الخصوص تحت عنوان واسطة واسطة واسطة....

بس الموضوع في شقين .... اذا كانت الواسطة راح اتضر طرف على طرف ..... اكيد بتكون سلبية واكبر دليل اللي قاعد ايصير في الأمور اليومية

توظيف - عمل مواعيد - علاج بالخارج - هبات اراضي وغيرها - تعيينات في مجالس ادارة - وغيرها من الأمور اللي ممكن اتضر جهة او اشخاص

أما في انواع اتكون الواسطة فيها منفعة لشريحة اكبر وخصوصا فيما يتعلق بتوظيف الكفاءة من ذوو العلاقات القوية وما راح اخوض في التفاصيل الكبيرة الا بذكر اعظم واسطة حدثت لبشر

وهي توسط موسى عليه السلام عند ربه لأخيه هارون عليه السلام ليكون وزيرا ليواجها فرعون .

فيعتمد كيف انوظف الواسطة وصاحب الكفاءة اللي قد ايكون شخص مناسب وليس بالضرورة سلبي

[المحاميه]

صحيح
مشكلتنا ان عندنا الواسطه فوق كل شي ..

بس الحل الوحيد .. انك انت يافلان اذا شفت انك تستحق هالمنصب وعندك خبره وشهاده وغيرك ماعنده وخذ المنصب منك بسبت الواسطه .. فالحل انك تروح ترفع كتاب وتبين الاسباب للاداره المسؤوله فإذا تفاعلت معاك كان بها وإذا ماتفاعلت معاك .. تروح تقدم شكوى فالمحكمه وبالتحديد في دوائر المنازعات الإدارية وتبين الأسباب .. ولا تقول سالفه وبتطول .. عاد اصبر وان شاء الله حقك بتاخذه ..

اشلون بتاخذون حقكم وبتحاربون الفساد الإداري اذا كل واحد سكت وسلم امره للوضع المتوفر؟؟