مايصير جذي .. عيل احنا وين نروح!

[المحاميه]

السلام عليكم

بصراحه انا وحده محتره .. ابي اعرف لين متى هالاجانب بياخذون كل شي عنا واحنا مالنا شي!!

يعني يابلفيت هم جايين بلادنا عشان يشتغلون ويطورون ويساعدونا بس بالمقابل اللي ياخذونه اوفر ..

بلادنا صارت لهم مب لنا ..

ابي حد يحلي هالموضوع ..

انا عيزت وانا ادور مدرسه عدله .. صارلي سنه وانا احوس وادور ولما احصل مدرسه عدله واستقر عليها واكلمهم يقولونلي سوري المدرسه فل نطري لين السنه اليايه؟ فالبدايه حسبالي السبب هو الكوبونات وحسبالي هل قطر هم اللي مخلصين الاماكن بس للاسف لا لاني قمت ادور مدارس ماتاخذ كوبونات وانا متأكده وشايفه ان الطلاب كلهم اللي فيها اجانب ..

يعني شنو انا بنت البلاد اصف طابور وانطر سنه وسنتين عشان احصلي مكان ف المدرسه؟؟؟ شدعوه؟

اشله مبطلين مدارس عيل؟ من له؟

تبون ترضون الاجانب .. مبطلينلهم مدارس ومعطينهم الاولويه؟ تدورون رضاهم؟ انزين واحنا وين نودي عيالنا؟ بس جذي نقطهم اي مكان؟ ولا تبون بيتي ف الشرق وعيالي ف الغرب؟ وعقب تقولون زحمه ومادري شنو .. اصلا فيها ضرر نفسي ان احذف عيالي ف مدارس اخر الدنيا وانا بيتي بعيد عنهم ..

بس جد مب معقوله اقعد سنه ادور مدرسه وكل مدرسه تقول نطري لين السنه الجايه ويمكن تحصلين ويمكن لا .. زين هالنطره ترا من عمر الياهل .. عمره بيمشي وهو للحين قاعد ولا تعلم شي ..

اللي باط جبدي ان المدارس اللي رحت شفتها توها مبطله يديده يعني مامداهم هل قطر يدرون عنها واصلا كل طلابهم اجااانب .. يعني مضبطين امورهم على حسابنا!!

والله الواحد شيقول غير..
حسبي الله ونعم الوكيل ان كانت الاولويه حق هالاجانب واحنا مالنا شي ..
والله الواحد صار يخاف ان مايحصل مدرسه حق عياله


اللي عنده تعليق يتفضل!!!

[لاجئ عاطفي]

كلامج صحيح واكبر دليل اكاديميه قطر دائما للقطريين في الانتظار بينما الاجانب وخصوصا ابناء واقرباء العاملين في هالاكاديميه مسجلين فيها

[المحاميه]

اظاهر لازم نحجز مكان من اول ماينولد الياهل!!! عشان باليالله يحصل مكان لي صك عمره 3 سنين

الله المستعان

[لاجئ عاطفي]

تدرين شالسبب؟؟ مهب زياده عدد السكان ولا من هالامور السبب الرئيسي ان القائمين على هالمدارس هم اجانب والتسجيل في يدهم ولا رقيب ولا حسيب يعني على مايقول المثل (( قصاب والجلوه بيده )) .!!!

[حمد 2002]

نسخه للقائمين على التعليم بالدوله :)

[Abdulraman]

السبب الرئيسي هم المسؤولين القطريين

[lion66]

:telephone:
مافي يدهم شي القائمين على التعلوم ...

[المحاميه]

امبله في يدهم اللي عطاهم الترخيص

والمجلس الاعلى للتعليم اللي اعتمد هالمدارس

لابد من تخصيص نصيب للقطريين او عالاقل تكون الاولويه لنا مش لهم

مكوشين على كل شي ويتمتعون بكامل الامتيازات واحنا لنا الله

[حسن]

مالك حق التعليم الزامي لكل قطري والدوله موفره لك تعليم بببلاش
وومفره مدارس عند بيوتنها
وببلاش

الخطاء فيك انتى يالمحاميه

اسمحيلي على الصراحه

:)

[المحاميه]

لا يبه
الخطأ فيك انت

والله مب ملزومه انا اشوف التعليم من وجهة نظرك او من منظورك

ادري ان فيه مدارس مستقله لكني مب مجبوره ولاني بملزومه فيها

كل واحد يختار ويطمح للافضل من بين الموجود

يعني انت مقتنع ف المدارس المستقله بس مش مقتنع ف المدارس الاجنبيه

طبعاً كيفك هذي وجهة نظرك ورايك وانت حر فيه وحر ف عيالك

بس لاتعمم اللي انت تشوفه صح على غيرك وانهم اذا فكروا ف مدارس ثانيه بيكونون غلطانين

مثل ماانت تشوف المدارس المستقله صح احنا نشوف المدارس الاجنبيه صح

ورجاء لاتقعد تقول انا صح وانتو غلط

اعتقد موضوعي ان ليش مالنا مكان ف مدارس فاتحه ف بلادنا؟

[مخطط قطري]

المحاميه ماعتقد في حد مثلج يقدر يجيب حق هالمواطنين كثرج انتي محاميه وتقدرين ترفعين عليهم قضيه وتكسبينهم انا الاحظ انصاف محامين يكسبون قضايا صعبه

[المتفرج]

نسأل الله الامن والامان والعافيه

وسلام

[المحاميه]

يعني تهقى ارفع قضيه عنوانها التمييز والتفرقه العنصريه وعدم تكافؤ الفرص وعدم انصاف ابناء البلد

[القطيني]

ابناء العاملين في المدارس الخاصة أكيد لهم الاحقية في دخول المدرسة قبل أي حد وبغض النظر عن جنسية المعلم أو المعلمة ، لكن الواسطة لها دور بالنسبة للي موب شغالين بالمدارس.

أنا اتفق مع حسن بخصوص انه الدولة وفرت مدارس حكومية ومستقلة لاستقبال أبنائها وبالنسبة للمدارس الخاصة فهي تساوي بين الجميع وهذا أمر طبيعي، ولكن رغم هالشي هناك مواطنين يفضلون المدارس الخاصة لأن مستوى التعليم فيها أعلى وهذا حق لهم وللجميع، وهنا أحب انوه انه الجهات المسؤولة من الاحسن انها اتطور وتدعم المدارس الحكومية والمستقلة وتفرض عليها معايير لتصل لمستوى المدارس الخاصة ، اظن كذا بتنحل المشكلة بطريقة عملية أكثر، لكن بصراحة سوالف الواسطة هنا وهناك موجودة في كل دول العالم وفي مكان وعكل مستوى ومن الصعب محاربتها أو الحد منها حتى على المستوى الشخصي لكل واحد منا (الغالب عشان ما اظلم حد) في واسطة أو خلنا نقول تفضيل شخص على شخص لاسباب شخصية الي هو نوع من الواسطة

على فكرة أنا سمعت انه بدبي الشخص يشتري مقعد أو خلنا نسمية مكان لإبنه في المدارس الخاصة وبس يخلص ابنه يقدر يبيعه ، انشالله ما نوصل المرحلة هاذي والحل كما قلت انه تتطور جميع المدارس ورفع مستوى التعليم هنا

رأي المتواضع ومشكورة على طرح الموضوع

[pink pearl]

هي جات على التعليم بس يالمحامية...
أقولج عندنا وحدة كندية جابوها تدريب سنة وخلصت السنة ومددت تقول أعجبتها قطر، وحاولت تمدد بس المستشفى رفض!
راحت بطريقتها اشتغلت في المجلس الأعلى للصحة في الرعاية الصحية الأولية!

هل فعلاً أعجبتها قطر ولا أعجبها الرفاهية والفلوس اللي تستلمها دبل عن بلادها!!!

[القطيني]

هي جات على التعليم بس يالمحامية...
أقولج عندنا وحدة كندية جابوها تدريب سنة وخلصت السنة ومددت تقول أعجبتها قطر، وحاولت تمدد بس المستشفى رفض!
راحت بطريقتها اشتغلت في المجلس الأعلى للصحة في الرعاية الصحية الأولية!

هل فعلاً أعجبتها قطر ولا أعجبها الرفاهية والفلوس اللي تستلمها دبل عن بلادها!!!

الصراحة لازم تلوم الي وظفها ، أي شخص يطمح انه ياخذ راتب أكثر بالاضافة للراحة في الشغل

[مهرة]

دوامة كل سنة تبدا ونهاية كل عطلة تخلص وندووور وندووور في حلقة مفرغة حتى حضانة فيها ابسط أساليب التعليم والرعاية مافيه وأسعارهم خيالية ..!

هذا احنا ناطرين بس اتصال صار لنا سنتين على مقابلة؟؟ بزر عمره 3 سنين ويسوون له مقابلة؟؟ أعذارهم كثيرة وسخيفة..

ومثل كل اب وام يطمحوون ان عيالهم يكونون احسن منهم وافضل لمستقبلهم ويناسب التطور الي قاعد يصير في البلاد ..

ترى محد يدري عن برنامج محلي في اذاعتنا اسمه "وطني الحبيب صباح الخير" وكمية الشكاوي المتواصلة على المجلس الأعلى للتعليم ونظامه الفاشل .! محد يسمع ولاحد يدري عنه بالإشارة يتكلمون !!!!!!!

[سعادة الوزير]

مالك حق التعليم الزامي لكل قطري والدوله موفره لك تعليم بببلاش
وومفره مدارس عند بيوتنها
وببلاش

الخطاء فيك انتى يالمحاميه

اسمحيلي على الصراحه

:)

ياريت تقول هالكلام حق بيج بوس التعليم الي ترك مدارسهم المستقلة وراح سجل عياله في اكاديمية الجزيرة!!

[Super Cool]

الحين اشدخل بنت البلاد فالموضوع؟؟؟ مب على أساس ان "الطابور طابور" و كل واحد ياخذ دوره؟؟؟

لايكون انتي من النوع اللي لما يشوف طابور طويل يروح يشقح السيد بكبره و يحاول يشقح من جدام!!! والله يوم أشوف هالمنظر شوي و أتلثم بالغترة من قصة الوجه

[Taiki]

المدارس بزنس في الدرجه الاولى ...
اللي يدفع يدخل .. الآولويه للآول في الطابر مب اكثر

[ANONYMOUS]

والله المدارس الخاصه بزنس مب هين

بيلينز

[يمامـة]

من حقج اتطالبين بكرسي لولدج في أي مدرسة تبينها ،، مثل ما هو يحق لنا نطالب بعلاج ومواعيد قريبة في المستشفيات !!

[اداري]

ارفعي واحنا بنازرج

ندفع فلوس للامتحان ومايعطونا نتيجة امتحان القبول نشوف الاخطاء اللي ارتكبها الطالب
وهذا دليل غش

واللي قال ان القبول بالدور غلطان مافي دور ولا يحزنون
المدرسة الاجنبية القريبة من بيتنا وممتازة من ناحية التدريس اروحلهم كذا مرة من سنين ويقولون ماعندهم مكان ويرفضون ياخذون اوراق عيالي
مب بس هالمدرسة مدارس وايد

عنصرية وضد القطريين في القبول

[سهم عتيج]

هذي ضريبة زيادة سكان قطر في اقل من عشر سنوات من 700 الف الى اكثر من مليوني نسمة او 3 اضعاف السكان قبل عشر سنوات

والله المستعان

[غزلان]

وزحمه يادنيا زحمه

ومع الزحمه ضاعت الرحمه

[بصمة قطرية]

من حقج اتطالبين بكرسي لولدج في أي مدرسة تبينها ،، مثل ما هو يحق لنا نطالب بعلاج ومواعيد قريبة في المستشفيات !!

المستشفيات ..!!!!
لا تعليييق
قطاع التعليم و الصحة لا تعليق ..!!

[مسك روز]

هي جات على المدارس بس

السوق
المستشفى
الطواري
الولاده
المطعم
الكورنيش
البحر

باقي اشوفهم في البر يتفقعون بعد

صرت نادر ماشوف قطريين

انا مب عنصريه بس وجودهم بهالعدد صار يضايق، ضيقوا علينا كمواطنين


:(

[بصمة قطرية]

هي جات على المدارس بس

السوق
المستشفى
الطواري
الولاده
المطعم
الكورنيش
البحر

باقي اشوفهم في البر يتفقعون بعد

صرت نادر ماشوف قطريين

انا مب عنصريه بس وجودهم بهالعدد صار يضايق، ضيقوا علينا كمواطنين


:(

يووووه
تفقعوا من زمان و خلصوا
و باعوا الفقع بألف ريال على قولة حمد ..

[OREO]

سنين و انا انتقد بأن زيادة الاجانب في البلاد تعود بالنتيجة السلبيه على المواطن لكن وصفتوني بالعنصري للاسف ،،

[فرهود]

لانزعلون منا الاجانب ترى البلد قايمه على كتوفهم من الدوبي والبناي والزبال ونتوا بكرامه لين المهندس والدكتور والمقاول . خل نكون واقعيين احنا محتاجينهم ومانقدر نستغني عنهم حتى في بيوتنا .هذا الواقع لحد يزعل

[Super Cool]

سنين و انا انتقد بأن زيادة الاجانب في البلاد تعود بالنتيجة السلبيه على المواطن لكن وصفتوني بالعنصري للاسف ،،

و للحين بقول لك هالكلام فيه عنصرية كبيرة جداً و مرفوضة!!!!

زيادة عدد السكان في أي بلد فالعالم بسرعة كبيرة و بأي شكل من الأشكال تعود بالسلبية على كفائة الخدمات
وهذي معلومة حقيقية لكل بلدان العالم....لو اللي جدامك قطري و الا اجنبي بيأخرك بنفس الكم فما تفرق اصلا
لكن لما يجي واحد يقول لي يأخرني قطري ولا يأخرني أجنبي أقول له انت هنا عنصري و مخالف لأمر دينك بعد

[nono80]

ماقول غير الله كريم ويفرجها علينا يارب من الزحمه والعنصريه الواضحه (لاتعليق)

[حسن]

لانزعلون منا الاجانب ترى البلد قايمه على كتوفهم من الدوبي والبناي والزبال ونتوا بكرامه لين المهندس والدكتور والمقاول . خل نكون واقعيين احنا محتاجينهم ومانقدر نستغني عنهم حتى في بيوتنا .هذا الواقع لحد يزعل

يارجال خذ وخل

لو لا الجانب كان متعدينا جبل القاره

ولا دخنه وبناتها الاربع

ناس ماتعي ماتكتب

وشلكم في في مدارس الاجانب ناشبتوهم يوم الحكومه عطتهم الفلوس

المستقله تعليم بلاش وممتاز وعلى الاقل اشراف قطري

انا هذا شعاري

وطني وطني وطني

حبيبي انت الغاليي انت النجم العالي شعله موضيئه
وطني وطني
الله الله ياشمس الحياه


:)

[Qatari In Us]

بدال ماتلومين الاجانب انتقدي قلة عدد المدارس لاتحطين الاجانب شماعة لتقصير المجلس الاعلى. وعلى فكرة المدارس الخاصة ملك خاص لاشخاص والدولة مب ملزومة تتوسط عشان يخلون لج مقعد او مقعدين. يازين المدارس المستقلة

[ahmed1111]

لا يبه
الخطأ فيك انت

والله مب ملزومه انا اشوف التعليم من وجهة نظرك او من منظورك

ادري ان فيه مدارس مستقله لكني مب مجبوره ولاني بملزومه فيها

كل واحد يختار ويطمح للافضل من بين الموجود

يعني انت مقتنع ف المدارس المستقله بس مش مقتنع ف المدارس الاجنبيه

طبعاً كيفك هذي وجهة نظرك ورايك وانت حر فيه وحر ف عيالك

بس لاتعمم اللي انت تشوفه صح على غيرك وانهم اذا فكروا ف مدارس ثانيه بيكونون غلطانين

مثل ماانت تشوف المدارس المستقله صح احنا نشوف المدارس الاجنبيه صح

ورجاء لاتقعد تقول انا صح وانتو غلط

اعتقد موضوعي ان ليش مالنا مكان ف مدارس فاتحه ف بلادنا؟


تراني نقزلي عرج لما شفت كلامج انتي مانقزلج

هدي اعصابج وإذا عندج مشكله روحي هيئه التعليم وبيساعدونج اذا معاج الحق

[المحاميه]

ابناء العاملين في المدارس الخاصة أكيد لهم الاحقية في دخول المدرسة قبل أي حد وبغض النظر عن جنسية المعلم أو المعلمة ، لكن الواسطة لها دور بالنسبة للي موب شغالين بالمدارس.

أنا اتفق مع حسن بخصوص انه الدولة وفرت مدارس حكومية ومستقلة لاستقبال أبنائها وبالنسبة للمدارس الخاصة فهي تساوي بين الجميع وهذا أمر طبيعي، ولكن رغم هالشي هناك مواطنين يفضلون المدارس الخاصة لأن مستوى التعليم فيها أعلى وهذا حق لهم وللجميع، وهنا أحب انوه انه الجهات المسؤولة من الاحسن انها اتطور وتدعم المدارس الحكومية والمستقلة وتفرض عليها معايير لتصل لمستوى المدارس الخاصة ، اظن كذا بتنحل المشكلة بطريقة عملية أكثر، لكن بصراحة سوالف الواسطة هنا وهناك موجودة في كل دول العالم وفي مكان وعكل مستوى ومن الصعب محاربتها أو الحد منها حتى على المستوى الشخصي لكل واحد منا (الغالب عشان ما اظلم حد) في واسطة أو خلنا نقول تفضيل شخص على شخص لاسباب شخصية الي هو نوع من الواسطة

على فكرة أنا سمعت انه بدبي الشخص يشتري مقعد أو خلنا نسمية مكان لإبنه في المدارس الخاصة وبس يخلص ابنه يقدر يبيعه ، انشالله ما نوصل المرحلة هاذي والحل كما قلت انه تتطور جميع المدارس ورفع مستوى التعليم هنا

رأي المتواضع ومشكورة على طرح الموضوع

كلامك صحيح .. لو المدارس المستقله فيها مستوى ونظام مثل المدارس الخاصه جان مافكرنا فالخاص .. واكيد كل ام واب يطمحون بالتعليم الافضل لابنائهم
عالاقل ياخذون لغه ويتعلمون الاساسيات ..


هي جات على التعليم بس يالمحامية...
أقولج عندنا وحدة كندية جابوها تدريب سنة وخلصت السنة ومددت تقول أعجبتها قطر، وحاولت تمدد بس المستشفى رفض!
راحت بطريقتها اشتغلت في المجلس الأعلى للصحة في الرعاية الصحية الأولية!

هل فعلاً أعجبتها قطر ولا أعجبها الرفاهية والفلوس اللي تستلمها دبل عن بلادها!!!

استغفرالله .. شفتي كيف .. العتب على المسؤولين اللي شايفين وساكتين ..



دوامة كل سنة تبدا ونهاية كل عطلة تخلص وندووور وندووور في حلقة مفرغة حتى حضانة فيها ابسط أساليب التعليم والرعاية مافيه وأسعارهم خيالية ..!

هذا احنا ناطرين بس اتصال صار لنا سنتين على مقابلة؟؟ بزر عمره 3 سنين ويسوون له مقابلة؟؟ أعذارهم كثيرة وسخيفة..

ومثل كل اب وام يطمحوون ان عيالهم يكونون احسن منهم وافضل لمستقبلهم ويناسب التطور الي قاعد يصير في البلاد ..

ترى محد يدري عن برنامج محلي في اذاعتنا اسمه "وطني الحبيب صباح الخير" وكمية الشكاوي المتواصلة على المجلس الأعلى للتعليم ونظامه الفاشل .! محد يسمع ولاحد يدري عنه بالإشارة يتكلمون !!!!!!!

عندي وعندج خير ..
والله انا اعاني من نفس المشكله
وشكلج فاهمه الوضع ..


ياريت تقول هالكلام حق بيج بوس التعليم الي ترك مدارسهم المستقلة وراح سجل عياله في اكاديمية الجزيرة!!

وشهد شاهد من أهلها .. شفت يا حسن ويا القطيني .. لو المستقله فيها خير جان مادخل اعياله مدارس خاصه !؟!


الحين اشدخل بنت البلاد فالموضوع؟؟؟ مب على أساس ان "الطابور طابور" و كل واحد ياخذ دوره؟؟؟

لايكون انتي من النوع اللي لما يشوف طابور طويل يروح يشقح السيد بكبره و يحاول يشقح من جدام!!! والله يوم أشوف هالمنظر شوي و أتلثم بالغترة من قصة الوجه

نعم احترم الطابور واحترم دوري ودور اللي حولي .. بس السالفه فيها واسطه ومحاباه على حسابنا .. يعني بالذمه شدعوه سنه وسنتين ننطر ولا فيه مكان !!
يعني فاتحين مدارس ف بلادنا حق غيرنا؟؟ طيب احنا شستفدنا ؟


المدارس بزنس في الدرجه الاولى ...
اللي يدفع يدخل .. الآولويه للآول في الطابر مب اكثر

كلنا بندفع يعني احنا قلنا بندخل اعيالنا ابلاش؟

[المحاميه]

من حقج اتطالبين بكرسي لولدج في أي مدرسة تبينها ،، مثل ما هو يحق لنا نطالب بعلاج ومواعيد قريبة في المستشفيات !!

وهذا انا اللي اقوله .. فعلاً احس من حقي اطالب بمقعد دراسي فالمكان اللي اختاره ..


ارفعي واحنا بنازرج

ندفع فلوس للامتحان ومايعطونا نتيجة امتحان القبول نشوف الاخطاء اللي ارتكبها الطالب
وهذا دليل غش

واللي قال ان القبول بالدور غلطان مافي دور ولا يحزنون
المدرسة الاجنبية القريبة من بيتنا وممتازة من ناحية التدريس اروحلهم كذا مرة من سنين ويقولون ماعندهم مكان ويرفضون ياخذون اوراق عيالي
مب بس هالمدرسة مدارس وايد

عنصرية وضد القطريين في القبول

صاج ياخوي
وهذا اللي لمسته مؤخراً


هذي ضريبة زيادة سكان قطر في اقل من عشر سنوات من 700 الف الى اكثر من مليوني نسمة او 3 اضعاف السكان قبل عشر سنوات

والله المستعان

ليت الزحمه من هل قطر ..
الزحمه من الاجانب اللي مزاحمينا ف كل شي ..
شكلك فهمت موضوعي غلط


وزحمه يادنيا زحمه

ومع الزحمه ضاعت الرحمه

انا اشهد انها ضاعت :weeping:




المستشفيات ..!!!!
لا تعليييق
قطاع التعليم و الصحة لا تعليق ..!!

شنسوي يا بصومه وين نروح :weeping:

[السامـي]

احنا لو الله يفك لنا من(عيال بطنها) اللي ما يعرفون من المواطنة إلا
إسمها،وذلك بإدعاء المثالية الّذين هم أبعد ما يكونون عنها،كان احنا
بخير.

[الجني]

أختي المحامية

هذا جنون

و موجود في التعليم و الصحة و الزحمة و البناء و التخطيط و كل شيء

الحل ان هذا المجنون سيظل مجنون و أي محاول لجعله عاقل تكون فاشلة

نصيحة تعاملي مع هذا المجنون بهذه القناعة و لا تخسري عقلك

حاولي ايجاد حلول التوائية بطرق مبتكرة

و الله أعلم

[المحاميه]

هي جات على المدارس بس

السوق
المستشفى
الطواري
الولاده
المطعم
الكورنيش
البحر

باقي اشوفهم في البر يتفقعون بعد

صرت نادر ماشوف قطريين

انا مب عنصريه بس وجودهم بهالعدد صار يضايق، ضيقوا علينا كمواطنين


:(

انا بعد مب عنصريه بس اكثر شي يضرنا قطاع التعليم وقطاع الصحه ..



سنين و انا انتقد بأن زيادة الاجانب في البلاد تعود بالنتيجة السلبيه على المواطن لكن وصفتوني بالعنصري للاسف ،،

فعلاً لها أضرار وخيمه .. بس شالحل؟


لانزعلون منا الاجانب ترى البلد قايمه على كتوفهم من الدوبي والبناي والزبال ونتوا بكرامه لين المهندس والدكتور والمقاول . خل نكون واقعيين احنا محتاجينهم ومانقدر نستغني عنهم حتى في بيوتنا .هذا الواقع لحد يزعل

نعم هم ساعدونا وبنوها معانا وطوروها ومازلنا نتعلم .. لكن مش مستحيل ان نستغني عنهم وان نحل مكانهم ونسعى في تطوير بلادنا مثل مايسعون .. وان شاء الله قريب بناخذ مكانهم وبنستغنى عنهم بداية بتطبيق سياسة التقطير في أجهزة الدولة الحكومية .. يعني ممكن يكون فيه اجانب في الحالات القصوى لكن مب في كل شي :rolleyes2: وبعد ليش يخلون الواحد اييب عشيرته معاه .. وخذ وخل من الامتيازات اللي مالها حدود وبالمقابل انت يالمواطن مالك شي ..



بدال ماتلومين الاجانب انتقدي قلة عدد المدارس لاتحطين الاجانب شماعة لتقصير المجلس الاعلى. وعلى فكرة المدارس الخاصة ملك خاص لاشخاص والدولة مب ملزومة تتوسط عشان يخلون لج مقعد او مقعدين. يازين المدارس المستقلة

الدوله هي اللي تعطي تراخيص وتسمح للمدرسه الفلانيه انها تنبني على ارضها وان كانت ملك خاص .. اذا الدوله لها دخل ..
لا عدد المدارس زين وكل سنه فيه زياده لكن اعنبو توها المدرسه مبطله ومحد درى عنها الا هالاجانب لدرجه ان مافيها مكان لسنتين قدام .. شتفسر هالشي؟


تراني نقزلي عرج لما شفت كلامج انتي مانقزلج

هدي اعصابج وإذا عندج مشكله روحي هيئه التعليم وبيساعدونج اذا معاج الحق

تنرفزت .. ماحب اتكلم شرق وايي واحد يناقشني غرب !!!

ردود الاعضاء تثبت ان معاي حق

[المحاميه]

احنا لو الله يفك لنا من(عيال بطنها) اللي ما يعرفون من المواطنة إلا
إسمها،وذلك بإدعاء المثالية الّذين هم أبعد ما يكونون عنها،كان احنا
بخير.

فعلاً
اتمنى من كل مواطن التعاون وخدمة بلاده ومجاله عشان نستغنى عن الاجانب شوي ..


أختي المحامية

هذا جنون

و موجود في التعليم و الصحة و الزحمة و البناء و التخطيط و كل شيء

الحل ان هذا المجنون سيظل مجنون و أي محاول لجعله عاقل تكون فاشلة

نصيحة تعاملي مع هذا المجنون بهذه القناعة و لا تخسري عقلك

حاولي ايجاد حلول التوائية بطرق مبتكرة

و الله أعلم

ايجاد حلول وين .. ادورلهم مدارس ف الدول المجاوره مثلا؟

فريت راسي بطلاسمك :rolleyes2:

[حسن]

المحاميه لي رد في موضوع الكوبونات
وتعبان اني ادور عليه

ردودي وايد
تنباءت بهبوط مستوى تعليم الخاص ليش
:con2:

بسبب الكو بونات المدارس الخاصه بيسير عليها ضغط كبير
وبنسمع الشكاوي من اولياء الامور من الجانبين مثل ماهو حاصل
لان الخاص هدفه الربحيه
فا بيحشر الصفوف مثل الساردين
وبيخف الضغط على المدارس المستقله وبالتالي

:discuss:

يقل عدد طلبه المستقله ممايؤدي الى اعاده برمجتها لاستقطاب
الطلبه

قلذالك

سوف تجلب بافضل المدرسين لتحسين التعليم ويخلق جو من المنافسه
بين الاثنين

مما يودي بعد ذالك الى عوده الطيو رالمهاجره الى اعشاشها


شفتي شلون كان تحليلي دقيق

:victory:

صبري وسوف تتضح الرويا للجميع بس هي مسئله وقت


وبتقولين حسن ماقال

:ok:

[المحاميه]

اصبر؟

على اساس ان عمر اليهال بيوقف ..

بعدين غلطان ياحسن
ذكرت فالموضوع اني قمت ادور مدارس بدون كوبونات .. لاني ادور شي عدل واحرص ان يكون مبنى مدرسي كامل بكامل مرفقاته مب فيلا تجاريه وتحولت بين يوم وليله مدرسه تفتقر للمرافق الاساسيه اللي يحتاجها الطالب ويتعلم منها ..

بس بعد مافي مافي ماااااااااااااااافي


:anger1:

[OREO]

اختي انتي طلبتي مني الحل و من وجهة نظري مالج الا ثلاثة حلول ،،

1- تأجيل بعض المشاريع الغير مهمة كالمولات و الاسواق و الاماكن السياحية و الاستغناء عن 2022 و خفض القوة العاملة لحين اكتمال البنية التحتية الرئيسية و ارجاع حقوق المواطن القطري.

او

2- اعطاء حق امتياز الاولوية للمواطنين القطريين في جميع مؤسسات و وزارات الدولة و الخ .. لحين اكتمال البنية التحتية بالكامل.

او

3- استغناء جزء من الدين الاسلامي و الوطنية و دفع رشاوي لأجل الحصول على الحقوق الممنوحة و المستمدة من الدستوري القطري.

[حسن]

اصبر؟

على اساس ان عمر اليهال بيوقف ..

بعدين غلطان ياحسن
ذكرت فالموضوع اني قمت ادور مدارس بدون كوبونات .. لاني ادور شي عدل واحرص ان يكون مبنى مدرسي كامل بكامل مرفقاته مب فيلا تجاريه وتحولت بين يوم وليله مدرسه تفتقر للمرافق الاساسيه اللي يحتاجها الطالب ويتعلم منها ..

بس بعد مافي مافي ماااااااااااااااافي


:anger1:


يابنت الحلال
انتي محاميه ويسمونكم القضاء الواقف

يجب انتي اول من يتقيد بالنظام
الدوله ماقصرت وفرت مدارس لين عند بيوتنا
ولك الحق تدخلها غصب المديره
ولكن التجاوزات اللي حاصله للاسف من الكثير من الناس
تتحايل على نظام التسجيل
وانا طالبت ارجعي لمطالبتي لوزير التربيه جددو البيانات هناك طلبه لا تخضع
لمناطقها مما يشكل تجاوزرا لحقي ولحقوق الاخرين

فالعدل مطلب الجميع

كيف تتم محاربه الفساد وفي من يتستر عليه

الغلط غلط والصح صح

حكومه قطر وفرت التعليم بالمجان والخاص مدفوع الاجر

شي محد سواه وجزاه الله خير ماقصرت
رغم اني لي حق في الكوبنات ولكن رفضت ادرس عيالي غير المستقله
اولا ببلاش وثانيا في منطقتي وثالثا وهو الاهم
كفايه هم في ايادي قطريه وتحت اشراف قطريين

مهب بكره تفتحون حلوجكم اكو علمو عيالنا عن الكرسمس وعن بابا ناويل
وعن عيد الحب

قالتها شيخه المسند هناك ثقافه صعبه التغير

انه الاستحقاق

[المحاميه]

اختي انتي طلبتي مني الحل و من وجهة نظري مالج الا ثلاثة حلول ،،



2- اعطاء حق امتياز الاولوية للمواطنين القطريين في جميع مؤسسات و وزارات الدولة و الخ .. لحين اكتمال البنية التحتية بالكامل.

.

اختار هالحل واشوفه الاسلم من بين حلولك .. واتمنى تطبيقه :weeping:


يابنت الحلال
انتي محاميه ويسمونكم القضاء الواقف

يجب انتي اول من يتقيد بالنظام
الدوله ماقصرت وفرت مدارس لين عند بيوتنا
ولك الحق تدخلها غصب المديره
ولكن التجاوزات اللي حاصله للاسف من الكثير من الناس
تتحايل على نظام التسجيل
وانا طالبت ارجعي لمطالبتي لوزير التربيه جددو البيانات هناك طلبه لا تخضع
لمناطقها مما يشكل تجاوزرا لحقي ولحقوق الاخرين

فالعدل مطلب الجميع

كيف تتم محاربه الفساد وفي من يتستر عليه

الغلط غلط والصح صح

حكومه قطر وفرت التعليم بالمجان والخاص مدفوع الاجر

شي محد سواه وجزاه الله خير ماقصرت
رغم اني لي حق في الكوبنات ولكن رفضت ادرس عيالي غير المستقله
اولا ببلاش وثانيا في منطقتي وثالثا وهو الاهم
كفايه هم في ايادي قطريه وتحت اشراف قطريين

مهب بكره تفتحون حلوجكم اكو علمو عيالنا عن الكرسمس وعن بابا ناويل
وعن عيد الحب

قالتها شيخه المسند هناك ثقافه صعبه التغير

انه الاستحقاق


ماستفدت من ردك غير سالفة التجاوزات اللي حاصله واللي تأثر عليك وعلي وعلى حقوق الغير ..
ف ياريت الكل يلتزم جان ماشفنا زحمه ولا فلان خذ حق علان ..

:anger1:

[يمامـة]

بدال ماتلومين الاجانب انتقدي قلة عدد المدارس لاتحطين الاجانب شماعة لتقصير المجلس الاعلى. وعلى فكرة المدارس الخاصة ملك خاص لاشخاص والدولة مب ملزومة تتوسط عشان يخلون لج مقعد او مقعدين. يازين المدارس المستقلة

شوف يا اخوي قطري في امريكا ،،

المدارس المستقلة بشكل عام ما اتأهل الطالب لمستويات دراسية عالية ،،

يعني المدارس المستقلة الطالب في المرحلة الثانوية بالمنهج اللي يدرسه
وان كان متفوق ما يكون في مستوى طالب يدرس في مدارس اجنبية ،،

وهذه حقيقة قد يجهلها الناس اللي عيالهم في مدارس مستقلة لكنه واقع نعيشه

اليوم في قطر نعاني من انعدام وجود مدارس حكومية للنخبة ،، يعني من حق الطالب القطري
اللي مستواه عالي انه يتأسس في مدارس حكومية تقدم تعليم عالي ،، والتعليم العالي ما يقدرون
يطبقونه على كل المدارس المستقلة لاختلاف القدرات والمستويات ،،

فمن جذيه يحرصون كثيرين من اولياء الأمور انهم يلحقون عيالهم في مدارس اجنبية
توفر لعيالهم التعليم الافضل ،،

[يمامـة]

المستشفيات ..!!!!
لا تعليييق
قطاع التعليم و الصحة لا تعليق ..!!

المشكلة انهم في التعليم لما تروحين تبين تسجلين ودلج يطلبون رسوم خيالية لاختبار القبول

تبدأ اقل شي 2000 ريال غير قابلة للاسترجاع لو رسب الطالب !!

خلوه 100 او 500 عاد 2000 وطالع ؟ ......> صج نهبة والله

[سهم عتيج]

ليت الزحمه من هل قطر ..
الزحمه من الاجانب اللي مزاحمينا ف كل شي ..
شكلك فهمت موضوعي غلط

:weeping:

فاهم اختي فاهم موضوعك صح،، وانه اتكلم عن زيادة سكان قطر بشكل عام ( كل اللي يعيشون على ارض قطر ) ثلاث اضعاف ماكان عليه قبل عشر سنوات وما تكلمت عن زيادة عدد المواطنين

[يمامـة]

المستشفيات ..!!!!
لا تعليييق
قطاع التعليم و الصحة لا تعليق ..!!


يابنت الحلال
انتي محاميه ويسمونكم القضاء الواقف

يجب انتي اول من يتقيد بالنظام
الدوله ماقصرت وفرت مدارس لين عند بيوتنا
ولك الحق تدخلها غصب المديره
ولكن التجاوزات اللي حاصله للاسف من الكثير من الناس
تتحايل على نظام التسجيل
وانا طالبت ارجعي لمطالبتي لوزير التربيه جددو البيانات هناك طلبه لا تخضع
لمناطقها مما يشكل تجاوزرا لحقي ولحقوق الاخرين

فالعدل مطلب الجميع

كيف تتم محاربه الفساد وفي من يتستر عليه

الغلط غلط والصح صح

حكومه قطر وفرت التعليم بالمجان والخاص مدفوع الاجر

شي محد سواه وجزاه الله خير ماقصرت
رغم اني لي حق في الكوبنات ولكن رفضت ادرس عيالي غير المستقله
اولا ببلاش وثانيا في منطقتي وثالثا وهو الاهم
كفايه هم في ايادي قطريه وتحت اشراف قطريين

مهب بكره تفتحون حلوجكم اكو علمو عيالنا عن الكرسمس وعن بابا ناويل
وعن عيد الحب

قالتها شيخه المسند هناك ثقافه صعبه التغير

انه الاستحقاق

يا اخونا بوعلي ،، الله يبارك لك في عيالك ويوفقهم وييسر لهم امورهم
لكل اسرة تطلعاتها الخاصة في تعليم عيالها ،، اليوم انت ترفض المدارس الأجنبية
في الوقت اللي غيرك يركض وراها علشان يأمن لعياله مستوى تعليم اعلى ،،

فرفضك للكوبونات التعليمة قرار خاص في نظرتك الخاصة لتعليم عيالك
في الوقت في اللي يطمح ان عياله يلتحقون في جامعات كبيرة ومحتاجين مناهج اعلى
ولغة اقوى ،، فمن جذيه ما نقدر نحكم على الناس من خلال تطلعاتنا الخاصة لعيالنا ،،

اليوم القطريين اللي يدرسون في مدارس الاجنبية انظلموا تدري ليش ؟

الواحد كان يدخل عياله هالمدارس علشان يتأسسون ويقوون في الانجليزي والعلوم الثانية
وفي المرحلة الثانوية يتم نقلهم للمدارس المستقلة ،،

مع قرار تحويل التعليم باللغة العربية في كل المدارس المستقلة
صار على هالطلاب انهم يواجهون واقع الاختبارات في هالمدارس الاجنبية واللي تصعب على الطلاب
القطريين ........................> وهذي مشكلة بتظهر على السطح مع كم سنة ياية !!

[حسن]

يا اخونا بوعلي ،، الله يبارك لك في عيالك ويوفقهم وييسر لهم امورهم
لكل اسرة تطلعاتها الخاصة في تعليم عيالها ،، اليوم انت ترفض المدارس الأجنبية
في الوقت اللي غيرك يركض وراها علشان يأمن لعياله مستوى تعليم اعلى ،،

فرفضك للكوبونات التعليمة قرار خاص في نظرتك الخاصة لتعليم عيالك
في الوقت في اللي يطمح ان عياله يلتحقون في جامعات كبيرة ومحتاجين مناهج اعلى
ولغة اقوى ،، فمن جذيه ما نقدر نحكم على الناس من خلال تطلعاتنا الخاصة لعيالنا ،،

اليوم القطريين اللي يدرسون في مدارس الاجنبية انظلموا تدري ليش ؟

الواحد كان يدخل عياله هالمدارس علشان يتأسسون ويقوون في الانجليزي والعلوم الثانية
وفي المرحلة الثانوية يتم نقلهم للمدارس المستقلة ،،

مع قرار تحويل التعليم باللغة العربية في كل المدارس المستقلة
صار على هالطلاب انهم يواجهون واقع الاختبارات في هالمدارس الاجنبية واللي تصعب على الطلاب
القطريين ........................> وهذي مشكلة بتظهر على السطح مع كم سنة ياية !!


والله يايمامه كل شي ونحطه على الدوله

يعني حتى المدارس الاجنبيه بندخل الدوله فيها
شوفي مهب انتي وغيري يطمح لتعليم عياله بس حتى انا وهذا شي طبيعي للمهتمين بعيالهم
الحكومه وفرت لنا تعليم ووفرت ايضا فلوس للي يبي يدرس عياله في المدارس
الخاصه
رغم انها مهب ملزومه في القطاع الغير تابع لها
من اسمها مدارس خاصه او مدرس اجنبيه
يعني انا ماتعنيني ولا معناته ان مابغي افضل تعليم لولدي

الحين هم قومو الدنيا وقعدوها يوم المستقله بدات بالانجليزي ويوم
الجامعه طلبت الانجليزي
والحين ماتبون العربي يوم رجعو لكم عقب حنه ورنه
المشكله من الدوله انها تسمع من ناس متناقضين
اتفق ان المدارس بدايتها فيها مشاكل شي طبيعي ومع الوقت بيتغير
لكن الصياح والنياح خل التعليم في تخبط من نون النسوه هي السبب

وبعدين المقيمين لهم الفضل ودام هم مايدرسون عيالهم في الدوله
فالحق لهم هم اولا

على الاقل من الناحيه الادميه والاخلاقيه

وبعدين اذا مافي مكان وش يسون لهم

ياليمامه اجباري جيب ورقه كهرب
حتى على الورقه مايمشون عليها
ولا انا غلطان

[يمامـة]

والله يايمامه كل شي ونحطه على الدوله

يعني حتى المدارس الاجنبيه بندخل الدوله فيها
شوفي مهب انتي وغيري يطمح لتعليم عياله بس حتى انا وهذا شي طبيعي للمهتمين بعيالهم
الحكومه وفرت لنا تعليم ووفرت ايضا فلوس للي يبي يدرس عياله في المدارس
الخاصه
رغم انها مهب ملزومه في القطاع الغير تابع لها
من اسمها مدارس خاصه او مدرس اجنبيه
يعني انا ماتعنيني ولا معناته ان مابغي افضل تعليم لولدي

الحين هم قومو الدنيا وقعدوها يوم المستقله بدات بالانجليزي ويوم
الجامعه طلبت الانجليزي
والحين ماتبون العربي يوم رجعو لكم عقب حنه ورنه
المشكله من الدوله انها تسمع من ناس متناقضين
اتفق ان المدارس بدايتها فيها مشاكل شي طبيعي ومع الوقت بيتغير
لكن الصياح والنياح خل التعليم في تخبط من نون النسوه هي السبب

وبعدين المقيمين لهم الفضل ودام هم مايدرسون عيالهم في الدوله
فالحق لهم هم اولا

على الاقل من الناحيه الادميه والاخلاقيه

وبعدين اذا مافي مكان وش يسون لهم

ياليمامه اجباري جيب ورقه كهرب
حتى على الورقه مايمشون عليها
ولا انا غلطان

لا انت مب غلطان ،، شوف مدرسة البيان الثانوية انجبرت تسجل طالبة من عين خالد
وبورقة الكهربة ....> لأنها قطرية ولها الحق في الالتحاق في مدرسة حكومية دام انها
ياية من مدرسة اجنبية .. يعني الدولة وفرت كرسي للطالب القطري ،،

في المقابل هالطلاب من حقهم ان يحصلون مدارس حكومية تستقبلهم اذا بيطلعون
من المدارس الأجنبية وما يبون يقدمون الاختبارات الدولية فيها ،، لأنها صعبة عليهم ،،

في الوقت يا اخوي حسن الدولة عطت كوبونات للطلاب القطريين ،، فراح المجلس الاعلى
اعطى المدارس الخاصة الحق في انها تحسب على القطري بضعف الرسوم على الاجنبي بما ان الدولة هي اللي تدفع ،،

من اهنيه نوصل ان الدولة تدعم المدارس هذي بكل الطرق وان كانت اجنبية وخاصة ،،

يا اخوي حسن ترى مدرسة اجنبية لا تعني انها خاصة للاجانب !!

فهناك مناهج عربية تدرس فيها ،، هي مدارس دولية ،،، تدرس اكثر من لغة
عربي انجليزي فرنسي الماني ،، ففكرة انها مدارس للاجانب هذي فكرة عفى عليها الزمن
وخاصة ان اعداد القطريين والعرب اكثر من عيال الاجانب فيها ،،

[بصمة قطرية]

المشكلة انهم في التعليم لما تروحين تبين تسجلين ودلج يطلبون رسوم خيالية لاختبار القبول

تبدأ اقل شي 2000 ريال غير قابلة للاسترجاع لو رسب الطالب !!

خلوه 100 او 500 عاد 2000 وطالع ؟ ......> صج نهبة والله

صارت السالفة تجارة ..!!!
شرايج نفتح لنا مدرسة دامنا فاضيين ..!!

[يمامـة]

صارت السالفة تجارة ..!!!
شرايج نفتح لنا مدرسة دامنا فاضيين ..!!

نفتح لنا حضانة وروضة :shy:

اما انها تجارة بالفعل التعليم بكبره صاير تجارة في تجارة ،،

المجلس الأعلى تارك كل مدرسة خاصة تخيط وتبيط على كيفها،،

وكل يوم نظام يديد في الوظايف او الأوراق او غيرها ،،:telephone:

[جوال 11]

ان شاء الله يتخرجون العيال وتاتي مهمة الحصول على وظيفة واذا فيه ووواسطة الامور طيبة والذي ما عنده واسطة الله يكون في عونه

[بوخالد911]

هلا
اذا كان السبب في ادخال العيال هالمدارس الأجنبية عشان اللغة الانجليزية

ترى هناك عدة طرق لتعلمها

[بصمة قطرية]

نفتح لنا حضانة وروضة :shy:

اما انها تجارة بالفعل التعليم بكبره صاير تجارة في تجارة ،،

المجلس الأعلى تارك كل مدرسة خاصة تخيط وتبيط على كيفها،،

وكل يوم نظام يديد في الوظايف او الأوراق او غيرها ،،:telephone:

توكلنا على الله .. :victory:
و بنسوي خصم خاص لأعضاء المنتدى :shy:

[^NoOOoR^]

صارت السالفة تجارة ..!!!
شرايج نفتح لنا مدرسة دامنا فاضيين ..!!

صح كلامج بصمة ، الحين التعليم و الصحة والله كلها تجارة ، لأن اللي حاطينهم ينطبق عليهم المثل (( حاميها حراميها ))

[شيخ الديرة]

خلال 10 سنوات تضاعف عدد السكان 4 مرات على الأقل, ولكن عدد المدارس لم يواكب هذه الزيادة. بنتي الصغيرة انتظرت 3 سنوات في قائمة الأنتظار الى أن وصلها الدور. هناك العديد من الأجانب رجعوا الى بلادهم بعد أن اصطدموا بجدار عدم توفر المدارس عالية المستوى لأطفالهم.

المشكلة كبيرة, ولا يبدو أن لها حل. أقترح ألزام جميع المدارس الأجنبية بنسخ مدارسهم الحالية أداريا وأكاديميا خلال سنتين, أو جعل الدوام وجبتين صباحية ومسائية لكي يستوعب ضعف عدد الطلاب

[يمامـة]

خلال 10 سنوات تضاعف عدد السكان 4 مرات على الأقل, ولكن عدد المدارس لم يواكب هذه الزيادة. بنتي الصغيرة انتظرت 3 سنوات في قائمة الأنتظار الى أن وصلها الدور. هناك العديد من الأجانب رجعوا الى بلادهم بعد أن اصطدموا بجدار عدم توفر المدارس عالية المستوى لأطفالهم.

المشكلة كبيرة, ولا يبدو أن لها حل. أقترح ألزام جميع المدارس الأجنبية بنسخ مدارسهم الحالية أداريا وأكاديميا خلال سنتين, أو جعل الدوام وجبتين صباحية ومسائية لكي يستوعب ضعف عدد الطلاب

تدري وين المشكلة الأكبر يا اخوي شيخ الديرة ؟

ان المدارس الأجنبية او المدارس اللي تتبع تدريس الـ ib
قد يصعب على جميع الطلاب القطريين الملتحقين فيها تحقيق نجاح او نسب عالية
عند معادلة الشهادات .......> فبندخل في دوامة جديدة من خريجي المدارس الأجنبية من القطريين،،

في حين في السابق كانوا الطلاب القطريين عندهم إمكانية الالتحاق في المدارس المستقلة لأنها
كانت اتدرس المواد باللغة الإنجليزية ،، في الوقت اللي التسجيل في المدارس الأجنبية كانت للي يعتقدون
ان عيالهم على قدر من استيعاب المناهج باللغة الإنجليزية..

لكن بعد الكوبونات دخول كبير للطلاب القطريين للمدارس الأجنبية والله يستر من النتائج بعد 12 سنة
هذا لو حسبنا ان الطالب توه في الصف الأول الابتدائي !!

[الواثق باالله]

بسألك سؤال اختي المحامية...الحين لما يروح الأجنبي يبي يسجل عياله بمدرسة مستقلة يقولون

ممنوع ولازم استثناء من وزير التعليم

فشي طبيعي لما تروحي مدارس خاصة ماتحصلي أماكن لأن المدارس الخاصة قليلة

والناس يلي مايقبلونهم باالمدارس المستقلة

ماشاء الله واااااااااااااايد

خليكي من المدارس الخاصة ومالك غير المستقلة حتى لو كان مستوى التعليم اقل من المدارس الخاصة

وان شاء الله بيتحسن عن قريب بدعم من المجلس الأعلى للتعليم

الله المستعان

[بوحارب]

الحريم يقعدون في البيت :)