بالصور فيلا للبيع فى المطار بسعر الارض

[عاشق الورد]

للبيع فيلا فى المطار بسعر الارض
مساحة الارض 512 متر
مطلوب 3200000 نهائى
http://im31.gulfup.com/98Bv4.jpg (http://www.gulfup.com/?SgG2NQ)
http://im31.gulfup.com/PQccJ.jpg (http://www.gulfup.com/?mBgPBs)

[SULTAN1]

رقمك لو سمحت

[مخطط قطري]

ارسل رقمك خاص وهل هي موجره ولا لا؟

[عمري قطر2]

اخوي ممكن رقمك

[جبر ال جبر]

اخوي هذا سعرها المنطقي في السوق
ليش كم وصل سعر الفوت في المطار؟
اذكر انه حوالي 400 ريال الفوت للسكني من شهر تقريبا والاسعار ثبتت
512= سعر الارض 2 مليون و200 الف هذا بحساب الفوت 400 ريال
ومثل مانت شايف المبنى قديم يعني مليون وايد فيه بعد
فالسعر الي انت عارضه سعر سوق (متضخم) اذا انا غلطان صححلي الله يخليك

[عاشق الورد]

هلا اخ جبر فى البداية الفوت فى المطار 450 يعنى الارض 3 مليون و30 الف ... الشى المهم انا مو صاحب الحلال المالك بيختار السعر الى يناسبة واحنا نسوقها لية فقط ...

[جبر ال جبر]

512 بحساب الفوت 450 ريال = مليونين و480 الف

[VIP1]

جبر انت خطير تعجبني

[عاشق الورد]

الى حاب ارض الفوت 400 ريال موجود خلف اللولو 1600 متر تنفرز ... وهاى سعر مالك الفيلا الى تناسبة هلا فية ما بتناسبة ان شاء الله بيلاقى شى افضل منها ...

[.: بو علي :.]

الى حاب ارض الفوت 400 ريال موجود خلف اللولو 1600 متر تنفرز ... وهاى سعر مالك الفيلا الى تناسبة هلا فية ما بتناسبة ان شاء الله بيلاقى شى افضل منها ...
اخوي صح من حق صاحب الفيلا يحط السعر اللي يعجبه لو يبغيها بمية مليون هو حر
لكن العنوان فيه تضليل للقارئ
لان الفرق بين سعر الارض و هالفيلا اربعمية الف
و إذا فعلا الفيلا بتكون بسعر الارض ارسل لي على الخاص تفاصيلك و بتواصل معاك

[الخيال 11]

كلامك صحيح

[عاشق الورد]

اخوي صح من حق صاحب الفيلا يحط السعر اللي يعجبه لو يبغيها بمية مليون هو حر
لكن العنوان فيه تضليل للقارئ
لان الفرق بين سعر الارض و هالفيلا اربعمية الف
و إذا فعلا الفيلا بتكون بسعر الارض ارسل لي على الخاص تفاصيلك و بتواصل معاك

لا اخوى الفاضل انا ما قصدت اضلل الاخوة انا تواصلت معا صاحب الحلال مرة ثانية وقالى اذا الثمامة الجديدة الحين الفوت 380 والثمامة القديمة 520 قالى الفوت فى المطار الحين 550

[.: بو علي :.]

لا اخوى الفاضل انا ما قصدت اضلل الاخوة انا تواصلت معا صاحب الحلال مرة ثانية وقالى اذا الثمامة الجديدة الحين الفوت 380 والثمامة القديمة 520 قالى الفوت فى المطار الحين 550

اخوي انت اللذ ذكرت ان السعر 540


هلا اخ جبر فى البداية الفوت فى المطار 450 يعنى الارض 3 مليون و30 الف ... الشى المهم انا مو صاحب الحلال المالك بيختار السعر الى يناسبة واحنا نسوقها لية فقط ...



و حتى لو قال لك راعي الحلال سعر الارض 550 و انت تدري انه 450 المفروض العنوان ما يكون بهالطريقة
لان انت تعرف سعر الارض الحقيقي و انت اللي اخترت عنوان الموضوع

تحياتي لك

[عاشق الورد]

اعتبرة خطاء اخوى وبعتزر عنة ...

[جبر ال جبر]

مع احترامي لك اسلوبك هذا اسلوب لف ودوران ويفترض في الدلال الصدق والامانه والمهنية وماكان خطاء على قولتك وبدليل اصرارك وكل شوي تحط رقم ولمن شفت مافي مهرب كتبت الاعتزار على كلامك
اتمنى منك ومن كل دلال عايش على ارض قطر انهم يحترمون القطريين شوي وترى احنا مجتمع طيب وصادق ونحب الصادقين ومالوم ملاك العقارات اذا ارفعو اسعارهم لانكم سبب في ذلك لدرجه انه حتى الي عندهم الملايين مايبي يشتري لانه في قطاعات اخرى غير العقار الاستثمارفيها مجدي اكثر ,,,,,,,,

[قطر833]

الى حاب ارض الفوت 400 ريال موجود خلف اللولو 1600 متر تنفرز ... وهاى سعر مالك الفيلا الى تناسبة هلا فية ما بتناسبة ان شاء الله بيلاقى شى افضل منها ...

رقمك للتواصل لاهنت بخصوص ارض المطار

[قطر833]

يسمحون لي الاخوان بوجبر وعاشق الورد

سعر الفوت عندنا في الدوحه انا اقسمه على قسمين
مناطق جديده مثل روضه الحمام الخيسه ام صلال محمد ام صلال علي
هذي المناطق فيها قطع اراض كثيره وسعر الفوت واضح وضوح الشمس( افتح التعاملات العقاريه وتفرج على الاسعار
لكن المناطق الي وقف فيها بيع الاراضي ( المطار الهلال المعموره ) هذي مافيها سعر محدد كل راعي عقار وكيفه مع السوق
والشهاده لله الريال يقولك الثمامه القديمه واصله 500 للفوت، ف الي عنده في المطار يقولك بما ان الثمامه تروح 500 انا بطلب حولها زايده ولاقاصره ،، هذي المناطق مالها سعر محدد لان البيع والشراء قليل ووقف فترات طويله من غير تداول
ايضا دحيل خلف الاند مارك نفس الشي
في مناطق في الدوحه ماتخضع لسعر السوق بل على هوا المالك
مثال شارع النصر اتحدى شخص يحدد فوتها
ارض على 22 فبراير مالها سعر في اراضي تخضع لرغبة المالك + المردود المتوقع

واغلب الوسطاء الخبره عندهم 0 من ناحية المردود المالي لان بصراحه مب شغله يعور راسه فتلاقيه دائما يعرض على طلب المالك

[محمد أبوشيخة]

الى حاب ارض الفوت 400 ريال موجود خلف اللولو 1600 متر تنفرز ... وهاى سعر مالك الفيلا الى تناسبة هلا فية ما بتناسبة ان شاء الله بيلاقى شى افضل منها ...

مساء الخير أخوي ممكن التفاصيل على الخاص مع رقمك للتواصل بخصوص الأرض 1600

[blackjacket]

السعر ممتاز و ما اعتقد سعر الثمامة اعلى من سعر المطار
الشيخ الصورة ما تطلع
طرشلي التفاصيل عل خاص و موقع الفيلا بالضبط

[العنيد000]

رقمك اخوي

[السد العالمي]

اخوي اذاء الفيلا موجود ارسل لي رقمك ع الخاص

[hany7403]

سبحان الله وبحمدة سبحان ربي العظيم

[Demo]

الى حاب ارض الفوت 400 ريال موجود خلف اللولو 1600 متر تنفرز ... وهاى سعر مالك الفيلا الى تناسبة هلا فية ما بتناسبة ان شاء الله بيلاقى شى افضل منها ...

رقمك لو سمحت

[جبر ال جبر]

:victory:
جبر انت خطير تعجبني

افا عليك يافي اي بي لازم نكون صمام الامان لهذا المجتمع

[محمد أبوشيخة]

:victory:

افا عليك يافي اي بي لازم نكون صمام الامان لهذا المجتمع

لا والحبيب عرض الأرض ب400 اللي مساحتها 1600 م كتمويه كلمته اكثر من مرة والربع كلموه قام يتشرد..... الله يعينا على هالدلالوه يبيلهم قانون صارم ...

[العربية نت]

انا من رائيي اذا كان فعلاً يتلاعب ويحط كلام في العام ومغاير على ارض الواقع مثل ما تم توضيحه اعلاه من قبل الاعضاء مع ان هالعضو داائماً ينز لعروض لكن انكشف اكثر بهالعرض
فارجو من الادارة الكريمه وبناءأ على ما قراناه في هالموضوع تخيير العضو بين عضوية تاجر ويلتزم بها وبقوانينها او باند :)

[عاشق الورد]

انا من رائيي اذا كان فعلاً يتلاعب ويحط كلام في العام ومغاير على ارض الواقع مثل ما تم توضيحه اعلاه من قبل الاعضاء مع ان هالعضو داائماً ينز لعروض لكن انكشف اكثر بهالعرض
فارجو من الادارة الكريمه وبناءأ على ما قراناه في هالموضوع تخيير العضو بين عضوية تاجر ويلتزم بها وبقوانينها او باند :)

هوة انت مو لاقى شى تتكلم فية ؟؟؟ متى نزلت اعلان وطلع عكس الواقع ومتى اصلا تعاملت معك فى اى معاملة الا اذا كان ليك حساب ثانى وداخل باكثر من ميل ... من كان يؤمن بالله واليوم الاخر فليقل خيرا او ليصمت ... وللعلم الفيلا اقسم بالله المالك حصل سعر 3200000 وما وافق يبيع ...

[عاشق العديد]

للعلم .

قلت لك ارسل لي رقمك وما ارسلت لي ..

[العربية نت]

انت تلعب زين لو فرضنا انك تحلف على حق فموضوعك هذا يجب ان يحذف فورا لأنك كاتب ثلاثة ومئتين نهائي والحين شكلك بتغير ههههههه العب غيرها يا عاشق الزهر :)

شكل القسم بدون مراقب العب براحتك:)

[مخطط قطري]

يالربع الرجال صادق وانا شخصيا كلمت مالك الفيلا وقالي مالك الفيلا عنده ظرف ويعرفه عاشق الورد هون من البيعه
انا مادافع عن عاشق الورد يمكن اسلوبه في عرض الفيلا وانه مايرد عليكم استفزكم مالي علاقه في هذا الامر ولكن الرجل صادق ومع الاسف بعض ملاك العقارات يعرض ومايبيع بس يبي يشوف كم تسوى ومايدرى انه بهالطريقه يحرق عقاره في السوق بدون يدري وانا الي عطيته السعر المطلوب في العقار ماعرف اذا عاشق يقصدني او يقصد مشترى اخر
كان تعليقي في هذا الاموضوع لتوضيح وازاله اللبس هذا والله من وراء القصد

[عاشق الورد]

يالربع الرجال صادق وانا شخصيا كلمت مالك الفيلا وقالي مالك الفيلا عنده ظرف ويعرفه عاشق الورد هون من البيعه
انا مادافع عن عاشق الورد يمكن اسلوبه في عرض الفيلا وانه مايرد عليكم استفزكم مالي علاقه في هذا الامر ولكن الرجل صادق ومع الاسف بعض ملاك العقارات يعرض ومايبيع بس يبي يشوف كم تسوى ومايدرى انه بهالطريقه يحرق عقاره في السوق بدون يدري وانا الي عطيته السعر المطلوب في العقار ماعرف اذا عاشق يقصدني او يقصد مشترى اخر
كان تعليقي في هذا الاموضوع لتوضيح وازاله اللبس هذا والله من وراء القصد

انت عرضت 3100000 وتكلمت معا المالك مباشرة وجبت للمالك 3200000 ونفس الفكرة رفض ... اما عدم ردى على بعض التعليقات لانها تعليقات مستفزة وانا فى غنى عن هاى المشاكل ...

[م بن مبارك]

في ناس لعبتها التعليقات المستفزة و التشكيك في المواضيع
و سوق العقارات معروف ب هالمواقف اللي تسبب احيانا احراج حق الوسيط و المشتري و السبب عدم جدية البائع ( بالخط العريض) مثل ما ذكر الاخ الفاضل مخطط قطري ..
الشخص اللي فاهم في سوق العقار عدل بيكون متفهم للموضوع .. و بعدين سؤال يعني شمصلحه عاشق الورد اذا كان على قولتكم مب صادق ؟ مافي حد بيكتب موضوع من كيفه الريال سوا اللي عليه بس فالاخير العلة طلعت فالبايع هو اللي رفض و هو اللي طلب منه يعرض سعره

عاشق الورد بالتوفيق في جميع امورك و ما عليك من حد خلك الاعقل

مخطط قطري شكرا لك على توضيح الموضوع للأعضاء و ازالة اللبس

[عاشق الورد]

في ناس لعبتها التعليقات المستفزة و التشكيك في المواضيع
و سوق العقارات معروف ب هالمواقف اللي تسبب احيانا احراج حق الوسيط و المشتري و السبب عدم جدية البائع ( بالخط العريض) مثل ما ذكر الاخ الفاضل مخطط قطري ..
الشخص اللي فاهم في سوق العقار عدل بيكون متفهم للموضوع .. و بعدين سؤال يعني شمصلحه عاشق الورد اذا كان على قولتكم مب صادق ؟ مافي حد بيكتب موضوع من كيفه الريال سوا اللي عليه بس فالاخير العلة طلعت فالبايع هو اللي رفض و هو اللي طلب منه يعرض سعره

عاشق الورد بالتوفيق في جميع امورك و ما عليك من حد خلك الاعقل

مخطط قطري شكرا لك على توضيح الموضوع للأعضاء و ازالة اللبس

ربنا يجزيك كل الخير اخوى بن مبارك انت و مخطط قطرى وييسر لكم كل اموركم ...

[جبر ال جبر]

انت تلعب زين لو فرضنا انك تحلف على حق فموضوعك هذا يجب ان يحذف فورا لأنك كاتب ثلاثة ومئتين نهائي والحين شكلك بتغير ههههههه العب غيرها يا عاشق الزهر :)

شكل القسم بدون مراقب العب براحتك:)
كفو يالعربيه نت