youmax
11-08-2006, 04:57 PM
ما ادري كيف اشرح لكم موضوعي...انا عرضت اسهم بروة للبيع لمدة 3 ايام متتالية في السوق ولم تتم البيعه مع ان السهم وصل للسعر اللي ابغيه واكثر, ولكن انا ما اشوف الامر اللي احطه على شاشة الاوامر ولا له اثر على الاطلاق..المهم اتصلت بالمجموعة اللي حسابي عندهم وقالوا لي اسهمك موجودة وما فيها شي والامر ايضا موجود وما يعرفون ليش ما تمت البيعة وليش الامر ما دخل السوق..المهم طلبوا مني ان اذهب للبورصة واحضر لهم كشف الحساب ليتاكدوا من ان الاسهم حرة ومش محجوزة او مرهونة وانا اصلا قايلهم ان الاسهم شاريها من عندكم فكيف تكون مرهونة, المهم ذهبت للمجموعة مع كشف الحساب وقالوا فعلا الاسهم حرة وموجودة والكل مستغرب فعلا ليش ما تمت البيعة وليش الامر ما دخل السوق, وطبعا بعضهم يقول كلمة ضغط كبير على السوق ولكن هذا كلام مش مقتع ابد. في اخر المطاف حضر احد الموظفين المختصين فقالي اكيد المشكلة من رقم حسابك في المجموعة لان انا رقم حسابي في المجموعة يختلف عل رقم المساهم حقي في سوق الدوحة للاوراق المالية , وقالي هذا اهو السبب ان الطلب يتاخر وما يدخل السوق لان اصلا الاسهم كلها موجودة تحت رقم المساهم اصلا في السوق وان رقم العميل في المجموعة اذا اختلف عن رقم السوق يصبح هناك رابط او لنك بين رقم الحساب في المجموعه ورقم المساهم في البورصة فلذلك يتاخر الطلب في دخوله للسوق... يا جماعه انا فعلا محتار وما ادري اصدق هالكلام ام لا فعلا شي غريب...هل احد منكم مرت عليه هالتجربة؟؟ ياريت تفيدوني. انا شاورت واحد من الشباب فقالي انت لين تتصل للمجموعه لا تعطيهم رقم حسابك في المجموعه وانما اعطيهم رقمك في سوق الدوحة للاوراق المالية وبهالصورة الامر راح يدخل السوق اسرع.
بصراحة محتار والله انا في هالموضوع يعني هل يعقل 3 ايام تروح علي صفقات بروة بسبة رقم رحساب هل هالكلام يدخل العقل يا جماعة.
انتظركم يا جماعه للافادة عشان فعلا ارتاح وانهي هالموضوع قبل يوم الاحد.
نقطة اخيرة بعد: انا اشتركت بخدمة النت للمجموعة واللي عن طريقة ابيع واشتري وطرشت لهم مسج وعطيتهم رقمي في البورصة وردوا علي بمسج ان رقم الحساب غير معرف المهم طرشت لهم مسج ثاني برقم حسابي في المجموعة ونجحت العملية...يعني رجعت لنفس الموضوع اذا بغيت ابيع واشتري عن طريق النت لازم اكتب رقم حسابي في المجموعه والامر يكون عن طريقه وبالتالي برجع لنفس السيناريوا انه يستوي هناك لنك بين الرقمين وبالتالي تاخر الطلب,, يعني احس نصيحة رفيجي اللي ذكرته فوق ما راح تفيدني في النت.
امر محير فعلا,, السموحة طولت عليكم وايد واتمنى اجد الحل معاكم.
بصراحة محتار والله انا في هالموضوع يعني هل يعقل 3 ايام تروح علي صفقات بروة بسبة رقم رحساب هل هالكلام يدخل العقل يا جماعة.
انتظركم يا جماعه للافادة عشان فعلا ارتاح وانهي هالموضوع قبل يوم الاحد.
نقطة اخيرة بعد: انا اشتركت بخدمة النت للمجموعة واللي عن طريقة ابيع واشتري وطرشت لهم مسج وعطيتهم رقمي في البورصة وردوا علي بمسج ان رقم الحساب غير معرف المهم طرشت لهم مسج ثاني برقم حسابي في المجموعة ونجحت العملية...يعني رجعت لنفس الموضوع اذا بغيت ابيع واشتري عن طريق النت لازم اكتب رقم حسابي في المجموعه والامر يكون عن طريقه وبالتالي برجع لنفس السيناريوا انه يستوي هناك لنك بين الرقمين وبالتالي تاخر الطلب,, يعني احس نصيحة رفيجي اللي ذكرته فوق ما راح تفيدني في النت.
امر محير فعلا,, السموحة طولت عليكم وايد واتمنى اجد الحل معاكم.