لو كانت بيدك الصلاحية شنو ممكن تقدم لهذه الفئة ؟

[قلوب قطر]

السلام عليكم ورحمة الله وبركاته

عندي موضوع ابي اخذ اراءكم فيه و الرجاء التفاعل مع الموضوع ..

موضوعي هو لو كانت بيدك الصلاحية انك تقدم شيء لفئة ذوي الاحتياجات الخاصة سوى الفئه ذوي الاعاقة السمعية او البصرية او الحركية .. بشرط أنك تنمي قدراته و تطورهم ليكون جاهز لسوق العمل .. او ترفهه عنه .. و تحسسه ان مافي فرق بينه وبين الشخص المعافي ..

ويكون هذا الشي احنا الافراد المعافين نقدر نقدمه لهم


شنو راح تقدم لهم ؟؟؟؟



انتظر تفاعلكم و اراءكم و راح اكون شاكره لكم ..


لكم تحياتي

اختكم : قلوب قطر

[تغلبية]

الافضل ...

اني اتواصل معاهم واعرف احتياجاتهم الفعلية واوفرها

[khalid525]

ينعطى مسؤلية ويشارك في الحياة

[بصمة قطرية]

الافضل ...

اني اتواصل معاهم واعرف احتياجاتهم الفعلية واوفرها

:victory:
الحمدلله الدولة دمجتهم في كل مكان تقريباً
و هالشي أفضل شي يقدمونه لهالفئات
لأن الدمج في الوظائف و المدارس يعني :
( انتو ناس طبيعيين مثلنا بس لكم اختياجات خاصة )
و هالاحتياجات ما راح تكون عائق و مانع لتواصلكم مع المجتمع ..

[قلوب قطر]

اشكر لكم التفاعل ..

اني اتواصل معاهم هذا جزء ممكن اني افعله لهم و لكن لو جيت ابي اقدم لهم شيء و من خلاله اسالهم عن احتياجاتهم


كل الشكر لكل من تفاعل

اختكم : قلوب قطر

[بصمة قطرية]

طريقة التواصل أهم نقطة ..
من خلالها ممكن أقدم لهم اللي يحتاجونه ..
كمثال :
الصم والبكم ..
أتعلم لغة الإشارة عشان يسهل التواصل معاهم
و يكون في لغة مشتركة من خلالها يوصلون لي اللي يحتاجونه
و أوصل لهم اللي أبيه ..

[مو مهم]

توفير الاحتياجات الاساسية لهم

[قلوب قطر]

اشكرج بصمه على الفكرة

واشكر لكم التفاعل

وعساكم على القوة

اختكم : قلوب قطر

[Dana’1]

الدولة مو مقصرة معهم بصراحة جزاهم الله خير..وهم يستاهلون المزيد
من ناحية دمجهم بالمجتمع وتعليمهم وتوظيفهم إلخ
ولكن لو كانت بيدي صلاحيات

فرض تعليم لغاتهم الخاصة …خصوصا الصم والبكم بحكم إن مافي طريقة غير لغة الإشارة للتواصل معهم فيجب تعلمها بالمدارس …وتوفير بائع واحد في كل محل تجاري أو موسسة خدمية لراحتهم وتسهيل خدمتهم
فرض مواصفات خاصة للطرق والمحلات التجارية ..ولا يفتح أي محل أو شارع إلا مستوفيها سواء هالمحلات في شوارع تجاريه أو مولات…حيث تسهل عمليه التنقل على أصحاب الكرسي المتحرك
وفرض الطباعة بلغة برايل في جميع مرافق الدولة وتخصيص لهم الطرق بالمجمعات أو الأسواق التجارية إلي تسهل على الضرير حياته والمشي…وتوفير لكل ضرير سائق خاص

هذا إلي يحضرني حاليا،،،،والأفضل والأهم مع هذا كله تعريفهم وتعريف المجتمع بكامل حقوقهم بكل وضوح وإشراكهم والأخذ برأيهم وما هي إحتياجاتهم إلي ممكن تخفى على غيرهم فهم أدرى بما يعانونه من نقص بالخدمات والتقصير بحقهم


نسأل الله سبحانه وتعالى أن يسخر لنا ولهم عبادة الصالحين

[قلوب قطر]

كل الشكر لك Dior'1

وبالفعل خدمات ممكن ان نسعى فيها لحد مانحققها

و عساك القوة

[kuwari]

اعاملهم على انهم بشر ولا فرق بينا وهذا اللي يبونه

[توشيبا]

ذوي الاحتياجات الخاصة فقط محتاجين تحسسهم ان حالهم مثل حالك

حتى لو تحسسه باهتمام وحنيه وخوف مايبغي

يبغي تحسسه انه سليم مثلك

[n00r]

الدوله وفرت لهم كل شي .. على النطاق الصحي والتعليمي


باقي علينا .. النطاق الاجتماعي وهو دمجهم بينا بمحبه ..


والغاء نظرة الشفقه .. وابدالها بنظره الحب والتشجيع


يسلموو ع الطرح ..

[قلوب قطر]

كل الشكر لمروركم الكريم و اراءكم المميزة

وعساكم ع القوة

[Aaziz]

السلام عليكم ورحمة الله وبركاته

................... و تحسسه ان مافي فرق بينه وبين الشخص المعافي ..


انتظر تفاعلكم و اراءكم و راح اكون شاكره لكم ..


لكم تحياتي

اختكم : قلوب قطر

عليكم السلام ورحمه الله و بركاته

احنا عندنا مشكله لازم نصلحها ... لازم نغير هذي الفكره المضلله بالاحمر ،، عندنا و عندهم

لا يوجد فرق بيننا و بينهم ،،، احنا ربي انعم علينا بكامل عافيتنا وهم ربي اختارهم لحكمه ما و جعل عندهم قصور في جانب

لازم نتعامل بهذي الطريقه ،،، نعهم توجد اعاقه و الابداع ان اعرف كيف اتعامل معها و اقلل من تاثيرها ،، بدل من تحاشيها و كثير مانفشل

المهم ،، اقتراحي ان تدرج ماده اختياريه في المرحله من 5 ابتدائي الى ثالث اعدادي .. وهي ماده تهتم بهذي الفئه من مجتمعنا .

تعلم لغه الاشاره حتى مرحله الاتقان ... تعلم كيف اتعامل مع الكفيف و المقعد وماذا استطيع ان اقدم لاخي او اختي او جاري او زميلي من ذوي الاحتياجات الخاصة .

ايضا عندنا في الدوحه نقص شديد في الخدمات الطبيه المسانده ،، الادوات الي يحتاجها الشخص المعاق ،، اشوف ان الدوله تفتح في احد فروع الميره قسم مخصص لذوي الاحتياجات الخاصة و كبار السن او مايسمى بالانجليزي medical supply store

[وليف الشوق]

اكثر من اللي قاعده الدولة جزاها الله خير تسوي في هذي الفئة مااعتقد يضاهي شي ثاني واحنا لنا المساهمه في الباقي الاخر بأننا نشارك وجودهم من خلال المجتمع واللي بعض او كثير من العائلات لا تقوم بمشاركتهم مع المجتمع

[قلوب قطر]

كل الشكر لكم اخواني على التعقيب

و اخص بالشكر اخوي Aaziz على الاقتراحات المميزة ..
اتمنى من الجهات المختصه تنفيذ اقتراح التعليم في المدرسة

و عساكم على القوة

مع تحياتي
أختكم : قلوب قطر

[تغلبية]

اختي .. هم أيضاً يحتاجون يشوفون تجارب ناجحة لأصحاب إعاقات تخطوا إعاقتهم وواصلوا نجاحهم وابداع وكانوا ناس فاعلين في المجتمع

العام توقى داعية نعيمي من ذوي الاحتياجات الخاصة .. وحزنا على رحيله حزن شديد .. فهل له بديل من دعاة ذوي الاحتياجات الخاصة؟

محتاجين تأهلون قاده لهم يكونون نماذج وقدوة لهم ... لأن لاحظت ان فيه حاجز خوف فيهم .. وهالشي لازم ينكسر ..

نبي الظهور الاعلامي لهم .. لأن الاعلام يختصر أزمنة ومسافات ..

والله يوفق الجميع ،،

[قلوب قطر]

بالفعل اختي انا معاج في فكرتج

وتسلمين اختي ع التفاعل