دورات مفيده للسي في

[حمد 2002]

يرجى عدم نقله لقسم الاستفسار :):):):):):)

السلام عليكم

هلا هلا بالجميع


الكل منا يبي ايكثر سجله والسي في ماله ، وذلك بهدف اما الترقيه او كمخزون له بالمستقبل ،

ماهي الاماكن الي تعطي دورات وشهايد خلال فتره قصيره ؟

وهل الدوره الطويله مفيده ولا الدوره القصيره ؟

وماهي ارخص المراكز بقطر الي تعطي شهايد وايد ؟ :secret:

مع التحيه ......

[قطريه22]

هههههههههههههههههههههه انت بس لو تغير لون الخط مهب حلو قريب من الوردي افاااااااااااااااااا بس اخرتها تحط هاللون ياحمد :eek5:

بالنسبة للدورات خذ لك دورات لشركات منظمة من دبي او اي دولة ثانية تجي قطر لمدة كم يوم
يوم كنت اقدم على شغل اول مايشوفون شهادة دورة شركتها خارجيه يركزون عليها ويهتمون اكثر من الشهادات الداخليه

بس قدمها عن طريق شغلك افضل
واذا تقدر انت ادفع وسعرها يكون في حدود 4000 او 6000 ريال

اي نسيت لاقولك يمدحون مركز الجزيره للدورات
الي احذي قناة الجزيره بس مادري شنو دوراته اتصلهم واسال


وبالتوفيق

[العلياا]

وعليكم السلام ورحمه الله

أخوي أي نوع من الدورات بغيت ؟
مثلاً عندك العطية دائماً يعطون دورات إدارية وعندهم عروض مميزة ممكن تراجعهم
إذا كانت لغة بعد فيه كثير معاهد وبخصوص الفترة إذا الفكرة تبي تجمع أكبر قدر من الشهادات أكيد المكثفة تكون أفضل لك

بالتوفيق أن شاء الله

[ولد العرب]

وعليكم السلام ورحمه الله

أخوي أي نوع من الدورات بغيت ؟
مثلاً عندك العطية دائماً يعطون دورات إدارية وعندهم عروض مميزة ممكن تراجعهم
إذا كانت لغة بعد فيه كثير معاهد وبخصوص الفترة إذا الفكرة تبي تجمع أكبر قدر من الشهادات أكيد المكثفة تكون أفضل لك

بالتوفيق أن شاء الله
ميجتاج دووورات الاخ بس يحطونه بقسم الطلاق ينفع لهم :weeping:

[يمامـة]

مركز قطر التطوعي عندهم دورات في أي سي دي ال
وعندهم دورات في البروتوكول تقدر تشارك في دوارتهم الرخيصة من ناحية
وتستفيد من التطوع في الاماكن الكثيرة اللي ممكن تشارك عليها وتحصل عليها شهادات معتمدة ،،

واذا محتاج دورات باسعار رخيصة خذ لك الوسيط بتلقى مراكز تعليمية تقدم دورات باسعار ارخص من مركز
العطية وغيرهم ،،

[تغلبية]

عسى ما شر حمد .. ؟!

وين عنفوان الأحمر .. والجرأة والقوة والبأس الشديد ..



المشمي الكيوت .. مايركب على قلمك المناضل :fight:

[القبطان سلفر]

عسى ما شر حمد .. ؟!

وين عنفوان الأحمر .. والجرأة والقوة والبأس الشديد ..



المشمي الكيوت .. مايركب على قلمك المناضل :fight:









حمد يبي يجرب استراتجية القوة الناعمة . تكتيك جديد :)

[وطن]

حمد الدورات مفيدة لك انت كموظف
مب للسي في

:)

انت قرر شنو هدفك بالأول

مثلا هدفك تصير مدير
شوف شنو وظيفة المدير بالضبط وشنو يحتاج مؤهلات

وشوف انت شنو عندك خبره
وقارن نفسك في المتطلبات اللي عندك

و خذ الدورات اللي تحتاجها عشان تغطي هالفراغات اللي مب عندك عشان تصير مدير

[وطن]

حمد يبي يجرب استراتجية القوة الناعمة . تكتيك جديد :)

والله الاسم عجيب
جذاب

شنو استراتيجية القوة الناعمة

يصير امارسها على اللي عندي في الشغل :(

[نور الحور]

يرجى عدم نقله لقسم الاستفسار :):):):):):)

السلام عليكم

هلا هلا بالجميع


الكل منا يبي ايكثر سجله والسي في ماله ، وذلك بهدف اما الترقيه او كمخزون له بالمستقبل ،

ماهي الاماكن الي تعطي دورات وشهايد خلال فتره قصيره ؟

وهل الدوره الطويله مفيده ولا الدوره القصيره ؟

وماهي ارخص المراكز بقطر الي تعطي شهايد وايد ؟ :secret:

مع التحيه ......



حمد أنت تبي بس زيادة عدد ؟؟

كنوع من ذر الرماد في العيون يعني ؟؟

الدورات المقصد منها التطوير والتأهيل لقدراتك ...

في دورات عامة مهمة مثل دورات الكمبيوتر ... وممكن بعض الدورات الإدارية ..

وفي دورات تخصصية .. لازم تكون محدد هدفك من قبل ..انت تبي تشتغل في وين ؟ في أي مجال أو قطاع ..

وبعدين تركز تاخذ دورات في هالمجال .. وفي مجال تاخذ دورات احترافية معترف فيها حتى عالمياً ..

أنت بس خذ وقتك في التخطيط .. واحتسب الهدف للتطوير .. وخدمة البلد والمواطنين ..تاخذ أجر نيتك إن شاء الله

ومبروك عليك اللون الجديد ... القوة الناعمة على قولة القبطان .. وانا بسميه همس البراكين ههههه :secret:

[بصمة قطرية]

عسى ما شر حمد .. ؟!

وين عنفوان الأحمر .. والجرأة والقوة والبأس الشديد ..



المشمي الكيوت .. مايركب على قلمك المناضل :fight:







حمد يبي يجرب استراتجية القوة الناعمة . تكتيك جديد :)


شكله مثل ما قلت قبطان يبي يجرب استراتيجية القوة الناعمة
شفت يا حمد ..
بديت تتغير شوي شوي ..:secret:

إستمر
التغيير شي طيب ..
بس تغير للأفضل و حط لون قوي نوعاً ما .. :shy:
أخرج من إطار الهدوء لأنه لا يتناغم من شخصيتك القوية ..:victory:

[توشيبا]

حمد يبغي زياده فلوس في سلري