خزائن الملابس

[55الريم55]

المطلوب محل لتفصيل خزائن الملابس بجودة وسعر مناسب ...وما هو الجديد في السوق ....
وهل تنصحوني بعمل بركيه لارضيه غرف الملابس او برسلان.... وجزاكم الله خير

[معماري قطري]

تكلمتي عن غرف ملابس وعن خزائن .. إذا عندج غرفة وتبينها بأرفف وحديد لتعليق الملابس أفضل تسوينها مفتوحة بدون أبواب بتكون أسهل للإستخدام وأرخص .. والأرضية حتى لو كانت موكيت فاخر ومركب حتى بأندرلي تكون مريحة وعملية أكثر .. شوفي موضوع غرف النوم انا حطيت صور كثيرة لغرف ملابس .. وإذا خزائن حائط شركات وايد تسويها وكل شركة تعطيج تصميم معين وبمواد معينه وبسعر معين .. منهم المتحدة للتجهيزات ورافكو وغيرهم وايد .. زين تشوفين وتقارنين .. بالنسبة للغرفة ممكن حتى تسوينها عن طريق قطع معدنية خاصة وبعضها يجي على شكل شبك وتحتاجين أدراج أو أرفف في جزء أو في وسط الغرفة حسب المساحة المتوفرة .. فيه محل يبيع هذي القطع قرب محطة بترول الدفع قبلها بشوي.

[dream~qa]

المحل اللي أنصحج فيه وجربته هو الميرة

بالنسبة للأرضية الباركية شكله حلو بس البورسلان عمره أطول وتنظيفه والعناية فيه أفضل

ممكن تحطين طاولة في الوسط فيها ادراج للشنط والاكسسوارات ومن فوق جرانيت للعطور

ولاتنسين تخلين مساحة وتعليق للكوي البخار ومكان لمرايا طويلة من الأرض .

الافضل تكون الخزاين بأبواب علشان الغبار والنظافة والشكل العام .

[dream~qa]

أخوي معماري ممكن وصف أدق للمحل ؟؟؟؟؟

[اللوز]

بالنسبة لخظائن الملابس انصحج اتروحين محل الحسن للالمنيوم - سوق الحراج
عندهم خزائن على شكل خشب
بالنسبة للباركية
انصحج بالبورسلان على شكل باركيه من محل سيراميك الخليج - طريق سلوى
وبالتوفيق

[معماري قطري]

أخوي معماري ممكن وصف أدق للمحل ؟؟؟؟؟

المحل ما اذكر إسمه بس فيه منه بعد قرب دوار دار الكتب .. وهذا اللي قبل محطة الدفع موقعه بعد اللفة اللي تدخل على فريج بن محمود وقبل المحطة اللي تقريباً مقابله مستشفى رميلة على شارع الريان .. يبيع اكسسوارات لمحلات العرض ومثل السلال الحديدية على شكل شبك.

عن نظافة غرف الملابس .. في العادة تكون داخلية ولها باب واحد وصغيرة ولا يدخلها غبار .. انا مجرب والحمد لله بعد درايش اليو بي سي لا غبار ولا صوت ولا حرارة قوية .. الموكيت والأندر لي عندي ضروري حق راحة الواحد خصوصاً هذي الغرف يدخلها الواحد تكرمون حافي .. بعدين لو الواحد حب يفصلها تفصيل خشب راقي له حرية الإختيار بس نصيحة ليركب أبواب لسهولة الإختيار والرؤية ويهتم بإضاءَة معلقة وموجهة .. ولو حصلت سويشات لليتات تشتغل وتطفى على الحركة ووقت الدخول والخروج بعد تكتمل الصورة.

الإكسسوارات بعد موجودة عند نشوان وعند المتحدة وايد راقية وغالية.

[55الريم55]

شكرا لجميع على الافادة

[@الأدعم@]

جربي ايكيا خشبهم ممتاز عن تجربه