هل مازالت دبي وجهة مفضلة للقطريين

[تأملات]

سؤال توارد الى ذهني هل دبي مازالت وجهة مفضلة للقطريين ؟
ما هو الشي المميز في دبي الذي جعلها مقصد سياحي للمواطن القطري ؟
كيف يقضي السائح المتجه من قطر الى دبي وقته. ؟
هل دبي تمثل مكانا للتسوق فقط. وإذا الإجابة نعم ما الفرق بين أسواقنا وأسواقهم
هل هي الجودة او السعر او هما معنا ؟
هل استفدت على المستوي الشخصي من تلك الزيارة. وهل تلك الزيارة ترسخ في الذهن ام هي مجرد رحلة عادية ؟
لماذا نفضل الجلوس في المولات على الخروج خارج المباني. واكتشاف دبي بكل معالمها
مجرد تسألات. خطرت في ذهني وأتمنى التفاعل معها كلا حسب خبراته

[همر]

كانت

ولا زالت

وستظل ...

[Locale]

انا اشوف اغلب اللي في عيلتنا يروحونها وقت اللي عندهم اجازه قصيره ومايعرفون وين يروحون
لانها قريبه ، تنفع للتسوق ، تنفع للي عنده يهال

[المجروح81]

لايوجد بديل خاصه لسفرات الويك وايند والقريبه

[السامـي]

إنها -دار الحيّ-كما يقولون،ولكْ ان تتخيل
ماذا يفعل هذا الحيّ حتى يستمتع بزيارة دبي.:)

[يمامـة]

يقولون الأسعار مولعة والله مولعة في دبي وخاصة الفنادق ووصل ارتفاع الأسعار الى فنادق عجمان 11

[يمامـة]

سؤال توارد الى ذهني هل دبي مازالت وجهة مفضلة للقطريين ؟
ما هو الشي المميز في دبي الذي جعلها مقصد سياحي للمواطن القطري ؟
كيف يقضي السائح المتجه من قطر الى دبي وقته. ؟
هل دبي تمثل مكانا للتسوق فقط. وإذا الإجابة نعم ما الفرق بين أسواقنا وأسواقهم
هل هي الجودة او السعر او هما معنا ؟
هل استفدت على المستوي الشخصي من تلك الزيارة. وهل تلك الزيارة ترسخ في الذهن ام هي مجرد رحلة عادية ؟
لماذا نفضل الجلوس في المولات على الخروج خارج المباني. واكتشاف دبي بكل معالمها
مجرد تسألات. خطرت في ذهني وأتمنى التفاعل معها كلا حسب خبراته

مافيها شي غير عن فسفسة الفلوس وتغيير أماكن التسوق فقط !!

ولا بلادنا صار فيها كل شي ،، ومع هذا كل شي منقود اهنيه لكن في دبي عادي !!

[مو مهم]

والله رحت دبي مره وحده وتندمت اني اطبها مره ثانيه

ما بها شي غير الدعاره بفنادقهم

الي عجبني فيها شوارعها ومجمعاتهم حلوه
بس ما قدرت اسكن في فنادقهم كل ما ادش فندق اطلع على طول بسبه الي اشوفهم بالوبي


ابو ظبي انظف مليووون مره بس ما بها اماكن لسياحه قطر اكثر من ابو ظبي

[بن غيث]

نعم .. نعم .. نعم

[اليشم]

بلد الكرم والضيافه
اتشوف الناس كلها مبسوطه ووجوه مبتسمه، بلد بالفعل فيها حياه
بتظل دائما وجهتي المفضله

[زبرجد]

كل ما اروحها اتحسف اني رحتها اول صج كانت حق الخليجيين اما الحين كله حق الاجانب ما في اعتبار للخليجين ابد واذا بغيت تشتري حدها يومين .

[الدوحة قطر]

بالنسبة لي دبي من المدن الي لازم ازورها اقل شي مرة في السنة
ودايما افضل تكون زيارتي لها في الفترة الي يكون الجو فيها بارد او معتدل
بصراحة فيها كل الي ابيه سواء من مجمعات تجارية او اماكن للتمشي او فنادق للاستجمام ... وغيرة وغيرة
والي يقول ان ما فيها زود اقوله معاليش انت ما تعرف حق دبي

وبعد وايد من اهل قطر عندهم اهل في الامارات يعني هي تغير جو واستجمام وصلة رحم في نفس الوقت

[ام ناصر1]

تعود ...مش اكثر ...وتسوق ...دبي تعطي تجربة شيقة كل مرة انزورها ...لأنا نكتشف شي جديد ..

[naklan]

دبي هي دانة الخليج بلا منافس
انا كل شهراسبوع او 10 ايام في دبي مطاري الي اسافر منه لاي وجهة في العالم مطار دبي الدولي
اسعار التذاكر افضل بكثير من قطر جميع اغراضي الي احتاجها اجيبها من هناك سوق لا يقارن بسوقنا ارخص
بكثير وخاصة في مجال مواد البناء مثلا سعرت بورسلان في قطر وكان السعر 130 الف وجبته من دبي
بحوالي 25 الف وكذالك جبت مطبخ كامل من دبي بكل معداته المتر فوق وتحت حوالي 800 ريال
وفي قطر 1500 الى 2000 ريال وبلا معدات ثلاجات وافران ومكرويف لذالك لا وجه مقارنه
بين سوقنا وسوقهم

وبالنسبة للوناسه والفرجه عندهم اماكن جميلة ومنها مثلا شواطي وفنادق الفجيرة وخور فكان جبل حفيت
عندهم على طريق منطقة حتى منطقة لاجار الدرجات بكل انواعها وممكن تستمتع منطقة جميلة جداً ومتروسة
سياح عندهم القرية العالمية مكان ممتع بما تعني الكلمة عندهم الف مكان ممكن تروح وتقضي وقتك كفاية
شوارعهم تفتح النفس ارصفة وزراعة شارع بما تعنية الكلمه اسوق ومجمعات راقيه لذالك تجذبنا

[وطن]

بالنسبة لي ما ارتاح فيها
هي حلوة

بس تفتقر وجود العرب وأهل البلاد
و زحمة


اذا لقيت فرصة
افضل البحرين عليها

[مرتبش]

دبي مانستغني عنها ��

[king fish]

انا بسبب جنسيتي ممنوع دخول دبي لاي سبب كان:)

[اليشم]

انا بسبب جنسيتي ممنوع دخول دبي لاي سبب كان:)

كنج فيش اتنكر سمكه وادخلها، بإذن الله في يوم من الأيام راح تدخلها:)

[خالد البلوشي]

من أجمل المدن دانة الدنيا دبي ..
أعيش فيها منذ سنين طويلة و اعتدت عليها و أحن لها إن فارقتها للسفر و غيره ..
على الرغم من غلاء المعيشة بها إلا أنها تُعد الوجهة الأولى للأغلبية من السياح العرب أو الأجانب ..
و في إمارة دبي فندق يتّسم بضوابط شرعية ويقصده أهل الخليج باستمرار ..
و إن كان لا يحضرني إسم الفندق حالياً و لكن سوف أسأل و أعود لتدوينه هنا حتى يقصده من يرغب بزيارة هذه المدينة الرائعة ..
أما مواطني إمارة دبي فهم يسكنون بمناطق تبعد بعض الشيء عن الأماكن الحيوية التي تكثر بها المولات والشركات و الفنادق و التي يكتظ بها الأجانب ..
و من يزور مثلا المزهر ، الخوانيج ، العوير ، الورقا ، البرشا ، ند الشبا ، ند الحمر ، جميرا سيجد فيها المواطنين و الخليجيين ويعيشون بتلك الخصوصية التي تحفظ لهم الأصالة التي نشأوا عليها ..

king fish
لأول مرة أعرف أن هناك جنسيات تُمنع من دخول دبي ..

حتى مع كوْن الامارات قد أوقفت التأشيرات لبعض الدول لأسباب أمنيه على ما اعتقد
إلا أن دبي بها استثناءات و لكنها تكون باهظة الثمن قليلا أو ذات شروط معيّنة ..

[moh5773]

انا اروح بس عشان اسوق في شوارعها .. هاي بحد ذاته سياحه :)

[Abdulraman]

دبي لانها قريبه وبخصوص الاسواق كل اللي موجود في دبي موجود في قطر ولكن الموضوع تغير جو وتغير سكن اقصد فندق

[سهم ماينزل]

كانت

ولا زالت

وستظل ...


أوفقكم الرأي

[Super Cool]

سؤال توارد الى ذهني هل دبي مازالت وجهة مفضلة للقطريين ؟
نعم...القرب و تعدد الرحلات و كثرة الخيارات تجعلها كذلك

ما هو الشي المميز في دبي الذي جعلها مقصد سياحي للمواطن القطري ؟
تعدد الخيارات و ليس إختلاف الأنشطة بمعنى أغلب الأماكن و الأنشطة متوفرة في قطر لكن الخيارات في دبي أكثر و الجودة أحياناً أعلى

كيف يقضي السائح المتجه من قطر الى دبي وقته. ؟
التسوق و المطاعم و البحر و الحدائق و المنتجعات و زيارة المعالم مثل برج خليفة و غيرها

هل دبي تمثل مكانا للتسوق فقط. وإذا الإجابة نعم ما الفرق بين أسواقنا وأسواقهم؟
لا طبعاً...أما عن الفرق فيكون في الكم و الخيارات....لكل نوع أو فئة تجارية تجد الخيارات المتوفرة في دبي أكثر مثلا عندنا تقريبا 7 أو 8 كافيهات للقهوة كأسماء "كوستا كوفي...ستاربكس...فرنيانو...إلخ" و تجد في دبي من نفس الفئة 25 أو يزيدون

هل هي الجودة او السعر او هما معنا ؟
أحياناً الأولى و أحياناً الثانية و أحيانا الإثنين معاً حسب نوع البضاعة

هل استفدت على المستوي الشخصي من تلك الزيارة. وهل تلك الزيارة ترسخ في الذهن ام هي مجرد رحلة عادية ؟
بحكم اني متزوج من الإمارات زيارات الإمارات بالنسبة لي متكررة و عادية لأنها بلدي الثاني

لماذا نفضل الجلوس في المولات على الخروج خارج المباني. واكتشاف دبي بكل معالمها
طبعاً الإستكشاف...داخل دبي و خارجها

مجرد تسألات. خطرت في ذهني وأتمنى التفاعل معها كلا حسب خبراته

[راشد محمد]

نعم نعم

[سعود العمادي]

نعم وستظل وجهتنا

دبي غير عن باقي الدول لانها قريبة

وكل شي متوفر هناااك وغير المجمعات المتنوعه والاماكن السياحه الي ماتنعد

وبين فترة وفترة نشوف شي جديد في دبي

وفعلا هي داااار الحي

كفااية شعب الامارات اهل الكرم والطيب

بالنسبة لي دبي شي اساسي لازم اروح لهاا بين فترة وفترة

[الفا برافو]

تعودنا عليها..قريبه.. وناسه.. واليهال يحبونها لانه فيها الكثير اللي تقدمه لهم .

[بومحمد المطاوعه]

لأن يبي سياحه بيحصل

يبي اغراض بيحصل

يبي مشتريات بيحصل

يبي اثاث بيحصل

يبي اغراض سيارات بيحصل

يبي تواير بأرخص من الدوحه بنص السعر بيحصل

القود يير هني ب1350 التاير الواحد
هناك ب 650

وبيحصل ارخص

يبي رحلات بريه وبحريه بيحصل

يبي كنار بيحصل يبي لوز بيحصل

كل شي متوفر

[قــطــريــه]

بالنسبه لي دبي هي اول شي يطري على بالي اذا فيه اجازه حتى لو يومين وساعات اروح ويكند

الاسباب: تنوع الأماكن السياحيه اللي نفتقر فيها في قطر يعني قطر فيها مجمعات جديدة لكن ايش الجديد مجمع وتسوق وخلاص لكن في دبي مجمعاتهم خصوصا دبي مول ومول الامارات يعتبرون الوجهة الاولى للعائلة وللسياح ،، مثلا سكي دبي اليهال يفرحون فيه ويلعبون ويستانسون ،، مثلا النافورة الراقصة في مول دبي مافيه احلى منها لكل افراد العايله ولمختلف الاعمار ،، الوالده الله يحفظها تستانس عليها واحنا كلنا نستانس عليها ،، مثلا المقهى الثلجي في تايم سكوير حلو نروح له نغير جو ونطلع ،، مثلا ركوب المنطاد في مول ابن بطوطة ،، والامثلة كثيرة ،، اما هنا في قطر مافيه الا مجمعات وسينما وبس مافيها شي جديد مثلها مثل باقي مجمعات دول الخليج عشان كذا دبي هي الوجهة الاولى

عندي تعقيب على الاخ اللي يقول الفنادق دعارة وماعرف ايش انا طول عمري اروح دبي من صغري ونعرف وين نروح ،، اعتقد اخوي انك اسأت اختيار الفندق لآن ما عندك خبرة بفنادق دبي ،، اخوي لا تحكم على دبي من كم فندق دخلته وطلعت لو بتروح انا مستعده اعطيك اسماء فنادق عائلية وبأسعار رائعة تتراوح بين 300-600 ريال في الليله وتتميز بقربها من المولات الكبرى ،،

انا اصلا اليوم رايحه دبي فالويكند لآن مالنا غنى عنها في الوقت الحالي متى ما بغيت اغير جو توكلت على الله مع الاهل

اتمنى قطر تتعلم من تجارب دبي وتحاول تطور القطاع السياحي بعمل اشياء رائعة عشان نبدأ السياحة الداخلية في الاجازات القصيرة بدلا من ان احنا نصرفها برا

[Bo jassim 33]

نعم نعم

[BoFahed]

لأن يبي سياحه بيحصل

يبي اغراض بيحصل

يبي مشتريات بيحصل

يبي اثاث بيحصل

يبي اغراض سيارات بيحصل

يبي تواير بأرخص من الدوحه بنص السعر بيحصل

القود يير هني ب1350 التاير الواحد
هناك ب 650

وبيحصل ارخص

يبي رحلات بريه وبحريه بيحصل

يبي كنار بيحصل يبي لوز بيحصل

كل شي متوفر

ههههه اضحك الله سنك يا بو محمد لوز عاددد:nice:

ما ازود علا الاخوان الصراحة محمد بن راشد واللي سواه في دبي اتعب من بعده ديره الواحد يحصل فيها اللي في خاطره من الرضيع لين الشايب


سياحة -علاج -تعليم- تسوق اي شي في الدنيا من الابرة لين الصاروخ علا قولتهم اللي ما تحصل في مكان بتحصله اكيد في دبي - رحلات بر بحر حتى جو:victory: - منتجعات وملاهي لكل الاعمار ما تلقاها في الشرق الاوسط كله -تجارة

واهم ميزة بانها ارخص من غيرها وايد (للل الفئات ) وحذفة حصاه للمنطقة كلها

[Hamad5882]

دبي دار الحي
يروح لها الشايب يرد صبي

[بومحمد المطاوعه]

ههههه اضحك الله سنك يا بو محمد لوز عاددد:nice:

ما ازود علا الاخوان الصراحة محمد بن راشد واللي سواه في دبي اتعب من بعده ديره الواحد يحصل فيها اللي في خاطره من الرضيع لين الشايب


سياحة -علاج -تعليم- تسوق اي شي في الدنيا من الابرة لين الصاروخ علا قولتهم اللي ما تحصل في مكان بتحصله اكيد في دبي - رحلات بر بحر حتى جو:victory: - منتجعات وملاهي لكل الاعمار ما تلقاها في الشرق الاوسط كله -تجارة

واهم ميزة بانها ارخص من غيرها وايد (للل الفئات ) وحذفة حصاه للمنطقة كلها

ههههههههههههههه والله يالغالي
انا اخذ كراتين لوز
من الشارقه

هني عندنا وين في لوز
ولو فيه متروس ثعبان
قصدي دود خخخخ

وصدقت هناك كل شي في
وقطر فيها ولله الحمد
بس اهناك اكثر

واكثر الشباب يروح حجه وحاجه

يعني يبي اغراض لموتره يخم وياه كم واحد من الشباب
يروحون سياحه ومنها يتغرضون

هاي الي صاير لي بعد شخصيآ

وحزات اروح الخميس وارجع السبت

اروح امر على خوالي وخالاتي واقعد عند عيال خوالي

والامور طيبه

[king fish]

ان شاء الله ندخل القدس ارض مقدسه

[مجلان]

اذهب الي دبي والشارقه تمشاي في الشوارع اتقول كرنيش ماله نهايه

[ابن قطر]

دبي والشارقه المفضل لبكره وبعده كل شي ناخذه من هناك حتئ جئبس عمان يوم ينقطع من عندنا