توضيح فيما يخص اصدار شنغن من بلد اوروبي والدخول بلد اخر

[غير البشر]

السلام عليكم ورحمة الله وبركاته

الكثير كان يتسائل او محتار في موضوع الشنغن
واكثر مايحير الكثيرين هو ان

لو اصدرت فيزا من سفاره ما
ودخلت بلد اوروبي غير البلد المصدره للفيزا هل فيها مشكلة ام لا

ونزلت هالموضوع عشان اوضح لكم الصوره كامله

مثال :

السؤال : اصدرت شنغن مثلا من السفارة الالمانية
هل مثلا اقدر ادخل باريس كوجهه اولى
وهل يجب ادخل المانيا او يصير فقط باريس

والحين بعطيكم الحل الاكيد بأذن الله :victory:


الحل الاول اذا رحت باريس دخولك باريس يرجع على حسب موظف الجوازات
في مطار باريس لانك مصدر الفيزا من المانيا
يعني هالطريقه مش مضمونه طبعا

الحل الافضل والانسب

حجزك وذهابك لباريس كوجهه اولى او كوجهه وحيده
واصدرت الشنغن من السفارة الالمانيه

الحل هو تاخذ معاك حجز فندق لأي مكان في المانيا
وعند وصولك لقسم جوازات باريس وذكر ان الشنغن مصدره من المانيا
سلم له حجزك الفندق في المانيا و حجز التذكره او بين له ان السفر راح يكون بالقطار
بشرط ان يكون حجزك في احد الفنادق الالمانيه مدته اكثر من مده اقامتك في باريس

حيث ان الشنغن لاتشترط الدخول اولا للبلد المصدر للفيزا
لكن تشترط اقامة مده اطول في البلد المصدرة للفيزا


اتمنى وضح لكم الموضوع
واي استفسار فيما يخص هالموضوع انا حاضر :victory:

[معماري قطري]

توني عرفت إن حبشي اللي يقولون المثل عنه أُوروبي

[غير البشر]

توني عرفت إن حبشي اللي يقولون المثل عنه أُوروبي


هههههههههه صادق يا الغالي
ما باليد حيلة يا الغالي نمشي على قوانينهم :victory:

[بو خليفه 123]

وجهة نظر يالغالي

لكن أنا من سنين اصدر فيزتي من السفاره الهولنديه و رحت اسبانيا .. و اصدرتها من الالمانيه و رحت باريس ولا حد كلمني او سألني ليه .. هل أنا محظوظ ؟

[ليث المعاني]

للعلم ان الموضوع عادي جدا والا اش فايدة الاتحاد الاوروبي والفيزا الواحدة كل مافي الموضوع انه بزنس!!! يعني كل سفارة تبغي تربح قد ماتقدر لذلك لو رحت لهم يقولون لك نفس الكلام لازم تدخل البلد المصدر للفيزا اولا وبعدين عادي كيفك روح أي دولة!!! انا عن نفسي من بداية ظهور التشنجن والى يومنا هذا اي بمعنى اخر سفرة شهر 12 2013 وقبلها سفرة الصيف وقبلها سفرات كثيرة مافي مرة حد وقفني وقال لي هالكلام !!! كنت أسمع وأطنش لأن أذكر موظف قال لي وهو في أحد السفارات وطبعا هذا على كلامه أنه محد يقدر يمنعك مادام أن التأشيرة وحدة وموحدة اللي هي التشنجن ولا ليش صاير الأتحاد الأوربي والعملة وحدة والحدود مفتوحة!!! لكن أرجع وأقول الأفضل أنك تاخذها من نفس البلد مجرد رأي شخصي يعني البلد اللي راح تدخلها أولا لكن هو شعور ذاتي فقط يعطيني الأمان وهذا ماأنصح به كل الناس حتى تبتعد عن مشاكل الدخول في أي بلد والله أعلم

[غير البشر]

وجهة نظر يالغالي

لكن أنا من سنين اصدر فيزتي من السفاره الهولنديه و رحت اسبانيا .. و اصدرتها من الالمانيه و رحت باريس ولا حد كلمني او سألني ليه .. هل أنا محظوظ ؟



مرحبا با الغالي
صحيح كلامك وانا معاك
ولا صار لي اي شي من ها الامور

لكن كثر الكلام في الفتره الاخير عن هالموضوع

والقانون الي انا ذكرته موجود
لكن يتساهلون فيه موظفين جوازات الدول الاوروبيه

لكن لو واحد حب يعطل الموضوع او يسوي حركه
يقدر يعاند ويسوي لهم سالفه والقانون يكون معاه ومن حقه

لكن البعض يحب يكون محتاط
ويسوي الطريقه الي انا ذكرتها

فقط من باب الاحتياط :victory:

[غير البشر]

للعلم ان الموضوع عادي جدا والا اش فايدة الاتحاد الاوروبي والفيزا الواحدة كل مافي الموضوع انه بزنس!!! يعني كل سفارة تبغي تربح قد ماتقدر لذلك لو رحت لهم يقولون لك نفس الكلام لازم تدخل البلد المصدر للفيزا اولا وبعدين عادي كيفك روح أي دولة!!! انا عن نفسي من بداية ظهور التشنجن والى يومنا هذا اي بمعنى اخر سفرة شهر 12 2013 وقبلها سفرة الصيف وقبلها سفرات كثيرة مافي مرة حد وقفني وقال لي هالكلام !!! كنت أسمع وأطنش لأن أذكر موظف قال لي وهو في أحد السفارات وطبعا هذا على كلامه أنه محد يقدر يمنعك مادام أن التأشيرة وحدة وموحدة اللي هي التشنجن ولا ليش صاير الأتحاد الأوربي والعملة وحدة والحدود مفتوحة!!! لكن أرجع وأقول الأفضل أنك تاخذها من نفس البلد مجرد رأي شخصي يعني البلد اللي راح تدخلها أولا لكن هو شعور ذاتي فقط يعطيني الأمان وهذا ماأنصح به كل الناس حتى تبتعد عن مشاكل الدخول في أي بلد والله أعلم


اخوي القانون الي انا ذكرته تراه موجود فعلا

بس موظفين الجوازات متساهلين فيه
ندخل ونطلع وامورنا طيبه وان شاء الله مافي اي مشكله

لكن لو جا موظف جوازات وضاربته ام الديفان
يقدر يعطلكم ويسوي لكم سالفه ويكون من حقه وبالقانون

[احلى ستايل]

افيدوني اخواني انا عندي دورة بأسبانيا بعد 10 ايام

ولما كلمت السفارة الاسبانية قالوا اول موعد اخر شهر 3

وتاخذ 7 ايام وش الحل ؟؟؟؟؟

خايفة اخذ من سفارة ثانية واتوهق شوروا علي

[غير البشر]

افيدوني اخواني انا عندي دورة بأسبانيا بعد 10 ايام

ولما كلمت السفارة الاسبانية قالوا اول موعد اخر شهر 3

وتاخذ 7 ايام وش الحل ؟؟؟؟؟

خايفة اخذ من سفارة ثانية واتوهق شوروا علي



مرحبا اختي
لا ان شاء الله ماتتوهقين ولا عندج مشاكل
انتي جذي مجبوره تاخذين من سفاره ثانيه
الا اذا السفاره الاسبانيه ماعندهم خدمه vip
انا ماتعاملت معاهم الصراحه

روحي السفاره الالمانيه في السد في البنايه جنب مطعم شبستان
في نفس بنايه وكاله الرنج روفر
ومدخل العماره من الخلف وروحي لمكت السفاره الالمانيه فوق
وان شاء الله يخلصونج بسرعه

بخصوص ان الفيزا من المانيا
نفس ماوضحت في مشاركتي
ان شاء الله ماعليج اي مشكله
ولا سمعنا ان في حد عطلوه او رجعوه
لان الموضوع كله يرجع لموظف الجوازات


لكن اذا تبين تخذين حذرج وتكونين مرتاحه


نفس ماذكرت في الاعلى
احجز فندق وتذكره وهميه في المانيا
وتكون المده في المانيا اطول من اقامتج في اسبانيا
واذا اسألوج او جابو طاري الموضوع
عطيهم الحجز الالماني وقولي لهم انا رايحه المانيا بعد ماخلص شغلي في اسبانيا


وبالتوفيق

[بوخالد911]

يسلمووو يالجميل

لا هنت