فوج 2014 او لكزس 2014

[سلامي للكل]

الســــلام عليكم ورحمة الله وبركاته

ان شاء الله ناوي اخذ لي سيارة وبغيت أرائكم واقتراحاتكم:

1. رنج فوج 2014 - hse بـــ 435 الف (بدون خصم) شامل 3سنوات او39 الف كيلومتر خدمة

موعد وصول السيارة شهر 7 تقريبا

أو

2. لكزس فرويل 2014 رقم 1 بــ 392 الف شامل سنتين خدمة


https://encrypted-tbn1.gstatic.com/images?q=tbn:ANd9GcSh-g9X4VG4_k4VyV_qXuaWxOahKB0-4kOqWt7h7eFeii-s-bcp :victory: https://encrypted-tbn3.gstatic.com/images?q=tbn:ANd9GcSZ2-kch3VpgyCucHmNlIbivTuPfKr95zqGiEI3XomrDxtAsyRiNw



غرض الاستخدام شخصي (طلعات العيال والاهل) مشاوير/ كشخة / الخ

ملاحظة: اللكزس بعد 4 سنوات 2018 او اقل راح يتغير شكله نهائياً (كالعادة كل 10 سنوات اللكزس والتويوتا الكروزر)

في انتظار المشاركات بارك الله فيكم

وبالتوفيــق

[الحـ(درب)ـب]

اولا للعلم

اللكزس باقي له سنه او سنتين فقط وبيتغير شكله
الرنج باقي له 9 سنين :)

الأثنين عينين بالراس والإختيار صعب


انا اقول رنج

[kakashi]

دام مشاوير وكشخه عليك بالرنج

لان السعر تقريبا متساوي مقارنه مع اللكزس سبورت اللي ب 413

والفوج ب 435

وفرق كبييييييير في السواقه لصالح الفوج طبعا

والله يوفقك

[بوحارب]

نصيحة خل اللكزس موتر فاشل والله وعن تجربة

الرنج ما جربته ولكن أشوفه افضل من اللكزس

والله يوفقك ^*^

[ابن قطر]

خذ لك لكزس وبس شوارعنا بيك اب وايد بعد

[الواافي]

انا قول خذ لك رنج
عن تجربه

[بـن شـهـوان]

اللكزس وانت مغمض

[برشلوني قطر]

اخوي سلامي لو سمحت ممكن توضيح بخصوص الرنج

قصدك ثلاث سنوات سيرفس او 39 الف كيلو ايهما اسبق ؟؟

وهل تقصد الكزس عليها بعد سيرفس سنتين ؟؟ ماخبر

[أبوهيا]

حرام هالمقارنه بين ناس تعبت بالتصنيع والسيفتي وخدمه العميل
تحط الرنج مع الكزس قول رنج ولا بورش اي
عموما الكزس بدي خارجي كرتون من داخل مافيها ذيك الموصفات بالعكس النيسان افخم منه
الكزس سفايفه ب200 الي هي حقت التيوتا الاستاندر الي سعره 160 الموتر نفس 400 الف
ولا قطع لكزس 80 بالميه مكتوبلك عليه تيوتا مب لكزس

[ابوصالح1]

لا تاخذ نصيحة حد كل شخص له ذوقه الخاص مثل قديم ( لولا اختلاف الانظار بارت السلع )
شوف ايهم اكثر استخدام في شوارعنا وانت احكم

اللكزس الفل حوالي 395
الرنج الفل غالي تقريبا يوصل سعر اللكزس مرتين او اكثر حوالي 825 الي 800 الف

[باحث علم]

من تجربة اشرد عن الرنج وخذ لكزس

[اللوز]

لكزس
والسبب وقت الييع

[qtr qtr]

خذ الرنج وانت مغمض .. وخلك عن اللكزس المصخره شكل واسم بس ومافي شي اسم الفخامه والراحه والله ان الفي اكس ار ابرك منه وهذا من تجربه ووقت البيعه بتبتلش فيه بتاخذه ب 390 الف وبتبيعه بعد شهر ب350 الف
هذاك اول شيك فالمخبى

[NBA_]

ارشح الفكسسار 2014

[ClassicRoyal]

الشيخ عندي الاثنين واللكزس اقولكم اياها وسمحولي مصخرررره وخذ لك رنج روفر فوج كشخ واريح لك وابتعد عن اللكزس صج انه كشخه لكن مب قوي بنظري

[سلامي للكل]

صباحكم خير ورحمة ورضى من الله

مشكورين على النصائح والي اغلبها تقــول الرنج

و100% ناوي على الرنج بس مشكلتي في الانتظار لين شهر 7

لعله خير ان شاء الله وعسااااااااااكم على القوة

اخوي برشلوني قطــر

اي نعم الرنج 3 سنوات او 39 الف ايهما اسبق

واللكزس موديل 2014 بس الي عليه خدمة سنتين

وعلى حسب كلام الموظف اذا ماتبغي الخدمة بينزلون 5 الاف من سعر الموتر

وفاااااااالكم التوفيــق

[برشلوني قطر]

مشكور اخوي سلامي ع التوضيح

مريت وكالة الرنج امس وقالي الحجز لين شهر 9

قلت له اكيد موديل 2015 قال لا شهر 11 ينزل 2015

واستغربت من شي سألت عن الانواع قالي hse بدون

ابواب شفط. قلت له اخوي ماخذ العام 435 فل وابواب شفط

يقول لا اكيد فوج قلت شيك ع الاسم ضيع السالفه وقال زاد السعر

وماينزل الحين ابواب شفط الا الفوج. طلعت وحولت ع وكاله ثانيه وحجزت.

الله يبارك لك ياسلامي ويعطيك خيره ويكفيك شره مقدماً. الصراحه موتر حلو

[bu_khalaf]

انا مع الرنج اذا مالك نية تبيعة وخذه من داخل يا اسود والا بني عن الوصخ وانت بكرامة والوكالة يدبلون المدة اللي بيوصل فيها الموتر يعني هو يعطيك 6 شهور من تاريخ الحجز بس الموتر بيوصل في 3 شهور وانا صار معاي نفس الكلام وكنت طالب سيارة بالمواصفات اللي انا ابيها في شهر 6 ووصل الموتر في شهر 9 وكانوا مخبريني انه راح يوصل في اخر 11 او 12.