&& نصيحة صحية تهم الجميع اقدمها لكم .. بالصور &&

[خليفـة]

مساكم الله بالخير جميع

الجمعة الماضية .. كنت متملل وفاضي عمل
وجاء في بالي ألقي نظرة داخل خزان الماء في البيت .. لما فتحت الخزان
انصدمت بالمنظر الداخلي للخزان .. اوساخ وترسبات مع العلم انه جديد ولم يمضي
على تركيبة اكثر من سنه ونص ومن النوعية الممتازة التي لا تساعد على تجمع
البكتيريا والترسبات ( حسب زعمهم الحرامية )

قررت انظف الخزان بنفسي ودون الاستعانة بأي عمالة اسيوية لعدم ثقتي في شغلهم
وعلمي بوساخة الكثير منهم اصلا .

الخطوات بسيطة وغير معقده
طبعا في البداية لازم نفضي خزان الماء بالكامل من المياة الي بداخله
وبعدها يدخل شخص ( داخل الخزان ) ليبدأ اعمال التصفية والتنظيف .

خلونا الحين نشوف صور الخزان قبل التنظيف :


http://im37.gulfup.com/j5w23.jpg (http://www.gulfup.com/?YTs8nU)

هنا نلاحظ الترسبات والوساخة في قاع الخزان .. واعلاه

http://im37.gulfup.com/Mo4Rb.jpg (http://www.gulfup.com/?K6T8e8)

صورة أخرى توضح الأوساخ على جوانب الخزان


http://im37.gulfup.com/OvOB8.jpg (http://www.gulfup.com/?4P9ijP)

صورة اخرى لأرضية الخزان


الحين تعالوا نشوف صور الخزان بعد الانتهاء من أعمال التنظيف :


http://im37.gulfup.com/bpQ3r.jpg (http://www.gulfup.com/?6zf0Xa)

نلاحظ جانب الخزان وكأنه جديد لم يستخدم من قبل


http://im37.gulfup.com/Xqjdo.jpg (http://www.gulfup.com/?EkeRhy)

ارضية الخزان بعد التنظيف .. وكأنه brand new


http://im37.gulfup.com/o91VM.jpg (http://www.gulfup.com/?PHxv4e)

صورة اخرى لقاع وجانب الخزان


لا أنصح باستخدام اي منظفات او مواد كيماوية للتنظيف
فقط استخدم مكينة الكارتشر الغنية عن التعريف في الصورة ادناه

http://im37.gulfup.com/nAlLI.jpg (http://www.gulfup.com/?wZb8yP)

ويُفضل استخدم قطعة قماش خشنة لحك المناطق المتسخة

واخيرا .. انصح الجميع بتنظيف خزان ماء البيت من فترة لأخرى

ممكن يجي شخص ويقول لي : عادي .. انا مركب فلتر تصفية للشرب والطبخ
بقوله : ماذا عن استخدام الماء اثناء السباحة وغيرها من الاستخدامات الأخرى !

دعواتكم .. وبالتوفيق للجميع

خليفــة

[بصمة قطرية]

يعطيك العافية خليفه ماشاءالله الخزان يلق من النظافه ..
صادق الخزان يحتاج تنظيف كل ست شهور إلى سنه ..
بس السؤال اللي يطرح نفسه :
من وين جات هالوصاخه والترسبات ..؟
هل هي من الكلور ..؟
معرف ان الماي عندنا فيه نسبة كلور كبيرة ..!!

[بوخالد911]

يوالييك العافية

:shy:ممكن تنظف خزان بيتي ؟!؟!؟


أتغشمررررررررررر :)

[يوسف0]

انا متردد من زمان اني افتح خزانات الماي لاني بنصدم من الموجود داخله

يعطيك العافية على التذكير

[حسن]

عمل جبار تشكر عليه
هي وصلت الا الدرجه ذي وش باقي بعد

اخ خليفه مشكلتي حجمي عود من آلنوع اللي مايدش في الدرام
وش الحل أستعين بصديق ولا أدخل المره الادرام
ويكون ضربنا عصفورين بحجر

وش رأيك

:victory:

يعطيك العافيه وموضوع يستحق التثبيت لاهميته

[بصمة قطرية]

عمل جبار تشكر عليه
هي وصلت الا الدرجه ذي وش باقي بعد

اخ خليفه مشكلتي حجمي عود من آلنوع اللي مايدش في الدرام
وش الحل أستعين بصديق ولا أدخل المره الادرام
ويكون ضربنا عصفورين بحجر

وش رأيك

:victory:

يعطيك العافيه وموضوع يستحق التثبيت لاهميته

:eek5:
حسن :eek5:

[alsoq]

اخوي خليفة ولا تهون

وين احصل ها المكينة وكم سعرها محتاج وحده شجعتني ورحت شفت الخزان فيه ترسبات:)

[خليفـة]

يعطيك العافية خليفه ماشاءالله الخزان يلق من النظافه ..
صادق الخزان يحتاج تنظيف كل ست شهور إلى سنه ..
بس السؤال اللي يطرح نفسه :
من وين جات هالوصاخه والترسبات ..؟
هل هي من الكلور ..؟
معرف ان الماي عندنا فيه نسبة كلور كبيرة ..!!
مرحبا حمامة المنتدى بصمة
اسباب الترسبات كثيرة اختي
منها الكلور ومواد التحلية المضافة للماء
بالإضافة للعوامل الجوية المختلفة مهما كان الغطاء محكم الغلق
شكرا للمرور الجميل


يوالييك العافية

:shy:ممكن تنظف خزان بيتي ؟!؟!؟


أتغشمررررررررررر :)
حاضرين للحلوين
بنظف لك الخزان بس ايدك على 2000 ريال
ههههه

انا متردد من زمان اني افتح خزانات الماي لاني بنصدم من الموجود داخله

يعطيك العافية على التذكير
الله يعافيك اخوي
نصيحة يالغالي جرب افتح الغطاء
وشوف داخل الخزان
بتتفاجأ من المنظر والله
وعقب الله يقويك وتقوم بعملية التنظيف
بعد ماتخلص .. وتشوف الفرق بين قبل وبعد
بتحس انك انجزت إنجاز جبار
موفق اخوي


عمل جبار تشكر عليه
هي وصلت الا الدرجه ذي وش باقي بعد

اخ خليفه مشكلتي حجمي عود من آلنوع اللي مايدش في الدرام
وش الحل أستعين بصديق ولا أدخل المره الادرام
ويكون ضربنا عصفورين بحجر

وش رأيك

:victory:

يعطيك العافيه وموضوع يستحق التثبيت لاهميته
ههههههههه
الله يغربل بليسك يا بوعلي
انا اشهد ان مالك امل تدش داخله
ليت زوجتك الكريمة تطل على الموضوع وتقرأ ردك
ههههههه
انا أشهد انك بتقطع المنتدى يوم
ههههههه

اخوي خليفة ولا تهون

وين احصل ها المكينة وكم سعرها محتاج وحده شجعتني ورحت شفت الخزان فيه ترسبات:)

مرحبا اخوي
احييك اولا على مبادرتك على اكتشاف المكان
بخصوص المكينه اخوي .. تقدر تاخذها من كارفور
موجوده عندهم ومسوين عليهم عروض الحين
بس نصيحتي لك لا تاخذ الصغيرة
خذ المتوسطة .. تلقى عليها تواير
وتواير وقيمتها تتراوح مابين 800-900 ريال
وعليها ضمان ..تتتم الشغل لفترات طويلة واقوى الصغيرة

موفق اخوي

[نيساني]

الشيخ انت نظفت التانكي اللي فوق ولا اللي تحت ؟؟؟

ادري انك تعبت بس بعد لازم تنظف الاثنين ولا مافي فايده!
وعساك عالقوه.

[خليفـة]

الشيخ انت نظفت التانكي اللي فوق ولا اللي تحت ؟؟؟

ادري انك تعبت بس بعد لازم تنظف الاثنين ولا مافي فايده!
وعساك عالقوه.
الله يقويك يالغالي
المفروض يتنظفون الاثنين اخوي

من حوالي 3 شهور نظفت الي تحت
بس للاسف ما صورت الحدث من هول الصدمة
لكن هالمرة نظفت الي فوق السطح
واصريت اني اوثق كل شي بالصور
حتى اكسب اجر تجاه اخواني واخواتي في المنتدى
اي استفسار اخر انا حاضر لك اخوي

[خليفـة]

الشيخ انت نظفت التانكي اللي فوق ولا اللي تحت ؟؟؟

ادري انك تعبت بس بعد لازم تنظف الاثنين ولا مافي فايده!
وعساك عالقوه.
الله يقويك يالغالي
المفروض يتنظفون الاثنين اخوي

من حوالي 3 شهور نظفت الي تحت
بس للاسف ما صورت الحدث من هول الصدمة
لكن هالمرة نظفت الي فوق السطح
واصريت اني اوثق كل شي بالصور
حتى اكسب اجر تجاه اخواني واخواتي في المنتدى
اي استفسار اخر انا حاضر لك اخوي

[حسن]

اخوي خليفه تنظيف الخازن ضروري

ذكرتني بخزان مكان قبل ايام الدناكر يحطون بيب علشان يوصله للدرام
وخبرك بدون غطى وجاك القطو ودخل البيب كان يدفعه الهوز داخل الدارم
وخبرك الربع لما راحو يشيكون على الدارم مادري وش فيه
وش تتوقع لقو فيه

لقو هيكل عضمى للقطو بس هذا اللي تبقى منه والربع شرب
من الماي


ماانسى هل الموقف

بس سعر التنظيف واحد ولا على حجم الخزان

:)

[خليفـة]

اخوي خليفه تنظيف الخازن ضروري

ذكرتني بخزان مكان قبل ايام الدناكر يحطون بيب علشان يوصله للدرام
وخبرك بدون غطى وجاك القطو ودخل البيب كان يدفعه الهوز داخل الدارم
وخبرك الربع لما راحو يشيكون على الدارم مادري وش فيه
وش تتوقع لقو فيه

لقو هيكل عضمى للقطو بس هذا اللي تبقى منه والربع شرب
من الماي


ماانسى هل الموقف

بس سعر التنظيف واحد ولا على حجم الخزان

:)

قطو عاد !
ههههه

السعر طال عمرك واحد .. ولك انت فيه ضريبة 50%
لان فلوسك زايدة
ههههه

[خليفـة]

كذا واحد من ربعي شاف الصور بتلفوني
وقرروا يتأكدون بنفسهم من خزانات بيوتهم
ولما فتحوا الغطاء وشافوا المنظر .. اغمى على البعض منهم

[بنت مريخ]

من اسبوعين افكر اقول للخدم ينظفون الخزانات فوق و تحت
بس اخاف انصدم من هول المنظر

[aziz4z]

تسلم أخوي على النصيحة
و ترى لعلمك ثلاجة الماي ( الحار و البارد ) تجتمع فيها ترسبات , و تحتاج للتنظيف من فترة لفترة

[السامـي]

تسلم بو دعيج على التنبية و النصيحة،جاري التشييك والتنفيذ.

[وطن]

خليفة
عساك ع القوة اخوي

اتوقع بدون منظفات ممكن ترجع الترسبات الفطرية مره ثانية

في البيت دائماً يجيبون شركة تنظف الخزان

و عندنا فلتر مركّب ع الدرام
رئيسي للبيت كله
و المطابخ فيها فلاتر إضافية

[وطن]

اخوي خليفه تنظيف الخازن ضروري

ذكرتني بخزان مكان قبل ايام الدناكر يحطون بيب علشان يوصله للدرام
وخبرك بدون غطى وجاك القطو ودخل البيب كان يدفعه الهوز داخل الدارم
وخبرك الربع لما راحو يشيكون على الدارم مادري وش فيه
وش تتوقع لقو فيه

لقو هيكل عضمى للقطو بس هذا اللي تبقى منه والربع شرب
من الماي


ماانسى هل الموقف

بس سعر التنظيف واحد ولا على حجم الخزان

:)

يا الهي

:rolleyes2:

[بشائر]

عساك ع القوة ..
مجهود جبار تشكر عليه ..
جزاك الله خير على النصيحة المصورة .. نفع الله بك

[أخت الكل]

الله يفتح عليك ويقويك أخوي

لكن نصيحة اتمنى تطبقها وهي تعمل خلطه مكونه من كوب ماء+ كوب خل + ملعقتين طعام بيكربونات الصوديوم أخلطهم مع بعض وفرغهم في علبة بخاخ او مرش ورش فيها الخزان وخليه عشر دقائق ومن ثم إبدى نظف فيه وكذا بتكون عقمته أكثر

وبالنسبة للمساكين اللي أشربوا من الخزان هذا بعد يبي لهم تنظيف كبد وكلى واحسن شي جربته هي مشروب رائع يتكون من كوب ماء دافئ وملعقه طعام عسل يمني وملعقه طعام خل تفاح طبيعي

تشرب الخلطة كل يوم صباحا على الريق وبعد ساعتين من شربها تفطر ومده استخدام الخلطة هذي شهر بس

[كازانوفا]

ماشالله والله انجااااز قوي ورااائع شجعت كثيررر من الناس للاهتمام بموضوع نظافة درام الماي

[خليفـة]

من اسبوعين افكر اقول للخدم ينظفون الخزانات فوق و تحت
بس اخاف انصدم من هول المنظر

توكلي على الله اختي .. وخليهم يتأكدون من نظافته
وفي حال كان متسخ .. خليهم يدعكونه بذمه وضمير
قواج الله


تسلم أخوي على النصيحة
و ترى لعلمك ثلاجة الماي ( الحار و البارد ) تجتمع فيها ترسبات , و تحتاج للتنظيف من فترة لفترة
كلامك سليم بارك الله فيك
وبالفعل .. يحتاج لتنظيف بين وقت واخر
والزين فيه ان تنظيفة اسهل واسرع

شكرا لك


تسلم بو دعيج على التنبية و النصيحة،جاري التشييك والتنفيذ.
موفق يالغالي
في انتظار ردك لنا بعد معاينة الدرام


خليفة
عساك ع القوة اخوي

اتوقع بدون منظفات ممكن ترجع الترسبات الفطرية مره ثانية

في البيت دائماً يجيبون شركة تنظف الخزان

و عندنا فلتر مركّب ع الدرام
رئيسي للبيت كله
و المطابخ فيها فلاتر إضافية

مرحبا اختي
انا ما انصح باستخدام المنظفات الي تدخل فيها المواد الكيماوية
وذلك بسبب قوتها .. وخطرها احياناً
وفي كل الأحوال ستعود تلك الاوساخ والفطريات سواء استخدمناالمنظفات ام لم نستخدمها

وبالفعل كلامج صحيح 100%
افضل طريقة لإطالة فترة نظافة الخزان من الداخل
هي تركيب فلتر تصفيه قبل دخول الماء للخزان
ويتنظف الفلتر بين وقت وآخر
ولكن هناك مشكلة
في حال لم يُستخدم الماء لفترة تزيد عن يومين
كأن يسافر اهل البيت مثلاً
ستتجمع الأوساخ من جديد
فالأفضل والأسلم .. تنظيف الخزان مرة كل سنة ( على الأٌقل )

شكرا لج اختي


عساك ع القوة ..
مجهود جبار تشكر عليه ..
جزاك الله خير على النصيحة المصورة .. نفع الله بك
وجزاج الله بمثله اخت بشاير
شاكر لج المرور الجميل .. والأسلوب الراقي
نورتي المحل
:)


الله يفتح عليك ويقويك أخوي

لكن نصيحة اتمنى تطبقها وهي تعمل خلطه مكونه من كوب ماء+ كوب خل + ملعقتين طعام بيكربونات الصوديوم أخلطهم مع بعض وفرغهم في علبة بخاخ او مرش ورش فيها الخزان وخليه عشر دقائق ومن ثم إبدى نظف فيه وكذا بتكون عقمته أكثر

وبالنسبة للمساكين اللي أشربوا من الخزان هذا بعد يبي لهم تنظيف كبد وكلى واحسن شي جربته هي مشروب رائع يتكون من كوب ماء دافئ وملعقه طعام عسل يمني وملعقه طعام خل تفاح طبيعي

تشرب الخلطة كل يوم صباحا على الريق وبعد ساعتين من شربها تفطر ومده استخدام الخلطة هذي شهر بس

كثر الله امثالج .. ويزاج الله خير
نصائح جميلة اشكرج عليها اختي


ماشالله والله انجااااز قوي ورااائع شجعت كثيررر من الناس للاهتمام بموضوع نظافة درام الماي

الله يحييك اخوي
وأسال الله ان يستفيد من موضوعي الكثيرين .. لغرض الصحة والسلامة وتجنب الكثير من الأمراض
شكرا لك يالغالي

[المحاميه]

فيه قطعه حق الشاور
تصفي الماي وتمنع البكتيريا < اشرايك بحل الزول

[خليفـة]

فيه قطعه حق الشاور
تصفي الماي وتمنع البكتيريا < اشرايك بحل الزول

الي اعرفه الفلتر العادي .. يركبونه قبل دخول الماء للخزان
احتمال هاي قصدج يالمحامية
شكراللزول
هههههه

[المحاميه]

نو فيه قطعه تركب عالشاور اعجبتني بس للحين ماخذتها تنباع فالصيدليه ف حدود ال 300
تركبها مكان الشاور هيك اشي

[خليفـة]

نو فيه قطعه تركب عالشاور اعجبتني بس للحين ماخذتها تنباع فالصيدليه ف حدود ال 300
تركبها مكان الشاور هيك اشي

نو .. وهيك شي !

ما علينا
اعتقد اني فهمت قصدج بخصوص القطعة
بس هالقطعة صعب تتركب في بايب الخزان لان عملها مختلف ومكان تركيبها مختلف ايضا

الأفضل تركيب فلتر تنقية المياة المعروف
قبل بايب الماء الـ in let الي يدخل للخزان

يعطيكي العافيه

[المحاميه]

عادي اختï»»ف ثقافات على قولت حمد
ماعرف سوالف الخزان والفلتر

بس ذي كأنها الشاور نفسه ï»»ن انت فالموضوع كاتب شنو حل اï»»ستحمام

ما شاء الله علي عطيتك الحل اï»»مثل

[المحاميه]

الرمز المشفر هو ل ا بس متصلين

[يوسف0]

عادي اختï»»ف ثقافات على قولت حمد
ماعرف سوالف الخزان والفلتر

بس ذي كأنها الشاور نفسه ï»»ن انت فالموضوع كاتب شنو حل اï»»ستحمام

ما شاء الله علي عطيتك الحل اï»»مثل

خليفة أعتقد يقصد انج تحطين فلتر مياه بين الخزان الرئيسي و ماي الحكومة عشان يتصفى الماء قبل دخوله لدرام المياه

[خليفـة]

خليفة أعتقد يقصد انج تحطين فلتر مياه بين الخزان الرئيسي و ماي الحكومة عشان يتصفى الماء قبل دخوله لدرام المياه
بالضبط اخوي
هذا الي قصدته تماماً