قطري2022
03-02-2014, 07:41 AM
رحت لفرع احد وكالات السيارات في الدوحة ، و شريت قطع غيار و قلت للبائع الاسيوي ان احتمال ارجع بعض القطع من غير ما افتحهم و بيكونون على حالتهم مثل ما شريتهم من عندك ، فهل ممكن ارجعهم و لا لا ؟ قال لي مستحيل ، سياسة الشركة ما تسمح ، قلت انزين والتبديل ؟ قال مستحيل ، قلت له اكيد ؟ قال اكيد . ومااقتنعت بالموضوع وقلت اروح الصناعية و اتاكد ،فرحت الصناعية وسألت مساعد مدير قسم قطع الغيار ، قال عادي نرجع او نبدل عادي مافي اي مشكلة ، ولحسن الحظ البائع الي في فرع الدوحة كان موجود ، و لما اسأله ليش قلت الشركة ماترضى الترجيع ؟ فقام يخبط من الاحراج وقال لان اذا رجعت قطع الشركة بتاخذ عني فكرة اني ما اصلع يكون بائع قطع غيار ، قلت له انت تحسب انك قاعد تتكلم مع طفل ؟ و سألت مساعد المدير هل له عمولة من البيع ؟ قال نعم له عمولة ، قلت لهدرجة وصلت الحقارة و الدنائة انه ما يرجع لي المبلغ علشان يحافظ على عمولته ؟ طبعا اشتغلت اهانات على الاسيوي علشان ابرد خاطري بس من غير شتايم و عقبها رجعت قطعت الغيار ، بس مادري شنهي الجراءة الي خلته يخدع بهالطريقة السافلة و الغبية في نفس الوقت ، يعني ما حط في باله اني ممكن اروح اتأكد ؟ الله ياخذ حقنا من الي يحاولون يسرقونا ، الله لايوفقهم انشالله ، ضيع و قتي بروحة الصناعية و انا اكره روحة الصناعية .
فنصيحتي لكم اخواني و خواتي ، لا توثقون بكلام الموظف العادي ، لانه ممكن يكون مايعرف و ممكن يكون غير امين ، فاخذو الكلام من المسؤولين او اكثر من مسؤول اذا قدرتو ، وانسو توثقون في اي انسان ، لان الي عندهم ضمير نوادر ، و حتى الي يكون عندهم ضمير ممكن الشيطان يقص عليهم بعد ما يمشي العمر فيهم
فنصيحتي لكم اخواني و خواتي ، لا توثقون بكلام الموظف العادي ، لانه ممكن يكون مايعرف و ممكن يكون غير امين ، فاخذو الكلام من المسؤولين او اكثر من مسؤول اذا قدرتو ، وانسو توثقون في اي انسان ، لان الي عندهم ضمير نوادر ، و حتى الي يكون عندهم ضمير ممكن الشيطان يقص عليهم بعد ما يمشي العمر فيهم