البطوله الوهميه !!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( البطوله الوهميه ))

بعض الناس يلعبون دور البطوله الوهميه يواعدون الناس ولكنهم مب قد كلمتهم :):)

ومسوين نفسهم كـــغرندايزر

http://up.arabseyes.com/uploads2013/03_02_1413914039686731.jpg (http://up.arabseyes.com/) العاب بنات (http://www.gamebnat.net)

لو كلمته وقلت له يالذيب محتاج تتوسط لي ابي وظيفه ولا محتاج مبلغ من المال ولا عندي مشكله وأبيك تحلها ايقولك ابشر وتم ولكن

ايسكر التلفون ومايرد على تلفوناتك !!!!!

ليش تلعب دور البطوله الوهميه ونت مب قد كلمتك ؟ !!

ليس تلعب بأحسيس الناس ومشاعرهم ؟ !!!!

لو انت ماتقدر قول ماقدر !! افضل من انك اتوعد الناس بشيء انت لاتستطيعه !!!

اما الحين منتظر رأيكم بكل صراحه وشفافيه ،،،

بالتوفيق ،،،

[pink pearl]

ياكثرهم هالناس اللي من هالنوعية.. سبحان الله كان الله في عون العبد ماكلن العبد في عون أخيه.. الناس للناس وبجيه الدور وبيكون هو المحتاج لك

[كلاسيك قطر]

والله في ناس جذي وفي ناس كفووو وقد الكلمه
بس المشكله يالغالي اذا احد قالك تم وابشر وجاء وقت الحزه يمكن الرجال عند ضروف او شي صاير وماتري عنه

[لاجل QT]

تصدق جيت على العوق

مرة طلبت من شخص مقرب ان ينقلنى مكان اخر

قالى ابشري ومن هالكلام

زين ماطعتة وفقدت مصدر رزقي

كلة وعود على الفاضي

المشكلة قريب جدا لى كيف هنت علية

ماقمت اثق باحد ابدا من عقبها

مافيها شي لوقلت مقدر الموضوع صعب ترا ماراح يقلل من قدرك ..انت في هالحال كنت صريح

افضل من ان تفرش لي البحر طحينة وتورطني

ياكثرهم اجرندايزر

على باله جذي زين شخصية الناس تركض وراة:rolleyes2:

[بوNasser]

السلام عليكم ورحمه الله وبركاته

الموضوع يحمل العنوان التالي

(( البطوله الوهميه ))

بعض الناس يلعبون دور البطوله الوهميه يواعدون الناس ولكنهم مب قد كلمتهم :):)
.
.
.
.
ليش تلعب دور البطوله الوهميه ونت مب قد كلمتك ؟ !!

ليس تلعب بأحسيس الناس ومشاعرهم ؟ !!!!

لو انت ماتقدر قول ماقدر !! افضل من انك اتوعد الناس بشيء انت لاتستطيعه !!!

اما الحين منتظر رأيكم بكل صراحه وشفافيه ،،،

بالتوفيق ،،،

السلام عليكم ورحمة الله

والله يا بوشهاب الناس مب سوى، فيهم اللحية الغانمة قول وفعل مثلك وشرواك، وفيهم قول بلا فعل، وفيهم لا قول ولا فعل.

بس بعد فيه ناس تراها ما تنعطى وجه.

اخبر مرة كان عندي اغراض للبيت طقم كراسي، وثلاجة كبيرة وغيرها من هالأشياء، قالي لي واحد من الشباب انا بشتريهم منك، قلت له تم.
بعد ما حمل الاغراض، سألني بكم؟
من باب المجاملة قلت له ما بيننا حساب!!!
الحبيب ما كذب خبر، قال لي مشكور وما قصرت، و خذ الاغراض وراح.
اشرايك؟؟؟
مع اني لوبايعهم، كان جابو لي مبلغ محترم، ولو متصدق بهم كان على الأقل حصلت اجر الصدقة.

اللي ابي اوصل له ان احيانا لما يقول الواحد: تامر على شي، او انه يقول اعرف الوكيل الفلاني والمدير الفلاني، مب معناته انه مستعد يتوسط للجميع، او بيسلف اي حد ترى المال عديل الروح على قولتهم.

وخبرك في ناس على زين الزين معاك لين يتسلف منك وعقبها الوجه من الوجه ابيض، يغب عنك ما تدري به، تلاحقه ما يرد عليك.

تحياتي لك وللجميع

[حمد 2002]

ياكثرهم هالناس اللي من هالنوعية.. سبحان الله كان الله في عون العبد ماكلن العبد في عون أخيه.. الناس للناس وبجيه الدور وبيكون هو المحتاج لك

صاااااااااااااادق ،،

الله المستعان ،،

بالتوفيق :nice::nice:

[ضوى]

السلام عليكم ورحمة الله

والله يا بوشهاب الناس مب سوى، فيهم اللحية الغانمة قول وفعل مثلك وشرواك، وفيهم قول بلا فعل، وفيهم لا قول ولا فعل.

بس بعد فيه ناس تراها ما تنعطى وجه.

اخبر مرة كان عندي اغراض للبيت طقم كراسي، وثلاجة كبيرة وغيرها من هالأشياء، قالي لي واحد من الشباب انا بشتريهم منك، قلت له تم.
بعد ما حمل الاغراض، سألني بكم؟
من باب المجاملة قلت له ما بيننا حساب!!!
الحبيب ما كذب خبر، قال لي مشكور وما قصرت، و خذ الاغراض وراح.
اشرايك؟؟؟
مع اني لوبايعهم، كان جابو لي مبلغ محترم، ولو متصدق بهم كان على الأقل حصلت اجر الصدقة.

اللي ابي اوصل له ان احيانا لما يقول الواحد: تامر على شي، او انه يقول اعرف الوكيل الفلاني والمدير الفلاني، مب معناته انه مستعد يتوسط للجميع، او بيسلف اي حد ترى المال عديل الروح على قولتهم.

وخبرك في ناس على زين الزين معاك لين يتسلف منك وعقبها الوجه من الوجه ابيض، يغب عنك ما تدري به، تلاحقه ما يرد عليك.

تحياتي لك وللجميع


اما موقف صاحبك غريب

[رجل تعليم]

ما تزال الدنيا بخير أخي العزيز
ما زال هناك من تستطيع أن ترمي بهمومك على صدره ويتحملها رغم ثقلها ..
سيبقى على هذه الارض ما يستحق الحياة .
أما الذين ينقضون العهد إذا عاهدوا فحسابهم يسير جدا ...فقط أغمض عينيك وردد في أعماقك : لن أطلب منهم شيئا مجددا .
فقط كن حريصا على أن تكون جيدا من جانبك ..أمينا ووفيا وصادقا... ، وإذا خذلك الآخرون فالجزاء يعرفه الجميع

[اليشم]

من خلف الوعود وتنكر للعهود كيف يلقى رب الوجود

[عاشق العديد]

بوناصر انت قلت مابينا فلوس؟

الحين من ينطبق عليه الموضوع انت ولا خويك؟
لاني اشوف هو قالك كم تبي وانت قلت له مابينا فلوس؟

[غير البشر]

حمد سو خير وقطه بحر

الي مسوي نفسه قدها وهو ماعنده ماعند جدتي قلعته ولاتفتكر فيه
الحمدلله محد محتاج حد

هذول مهب وجيه حشمه ولا منهم فايده
بس لشفته عند رجاجيل بالمجلس
حذرهم منه انه بياع حجي

[Riku3]

صارتلي مره تواعدت مع واحد بجهة لان عنده خبره وبيخلصني بسرعه وطلعت من الدوام ورحت وهو ما يرد على الجوال ..

اول مره قلت ظروف والمره الثانيه قاالوولي الشباب ان يبي فلوس (رشوه) .. ما دخلت في الموضوع واجد بس المهم اني وصلت لاكبر راس وخلصت اموري وخليته يدور حول نفسه يبي يعرف واسطتي ولا عطيته وجه.

[بوNasser]

بوناصر انت قلت مابينا فلوس؟

الحين من ينطبق عليه الموضوع انت ولا خويك؟
لاني اشوف هو قالك كم تبي وانت قلت له مابينا فلوس؟

السلام عليكم ورحمة الله

اللي ودك طال عمرك. كانك تشوف ان الموضوع ينطبق علي... خلاص ينطبق علي.

بس تراها كلمة دارجة. مثلها مثل كلمة: ما يغلى عليك، حلالك، الحلال واحد.... وغيرها.

تحياتي لك وللجميع

[طموح2020]

انا اشوف ان الواسطة هي تبادل مصالح مو اكثر
يعني لا تدور واسطة وانت ما وراك فايدة
ولكن نقول الاغلب وليس الكل

[مختلفة عقليا]

السلام عليكم .،

أتوقع هالناس مشكلتهم يستحون يقولون ( لا ) أو ( السموحه والله ماقدر )

في كتب يقدرون ياخذونها اتعلمهم اشلون يقولون ما نقدر بطريقة محترمة وتبعد عنهم الوعود الزائفة .،

ويسلموو .،

[يمامـة]

تنقصهم المواجهة الصريحة ،، البعض يحاول ولا يستطيع البعض الآخر يدعي المحاولة مجاملة
او لاستعراض القدرة وفي الأخير ما عنده عند جدة ابوي الله يرحمها ،،

[hanayen]

لو خليت خربت أصابع يدك مب وحده