اريد حلا مع Oorredoo [الأرشيف] - منتديات شبكة الأسهم القطرية

hanayen

03-02-2014, 06:46 PM

وليف الشوق

03-02-2014, 07:07 PM

خبريهم بمشكلتك وكان الله غفورا" رحيما وصدقيني ماراح يقصرون من واقع تجربة شخصية

يوسف0

03-02-2014, 07:14 PM

السلام عليكم
النصيحة يا اخوان
طلبت نقل خط هاتف من قبل رمضان ولا حياه لمن تنادي رغم تقديم اكثر من شكوى وخاطبتهم عن طريق التويتر أرجوكم انصحوني ماذا افعل
محد يقدر يعيش بدون إنترنت في البيت

انا على حسب خبرة كلمتهم على ايميل الفيس بوك مالهم وردوا علي بسرعة صاروخية وحلوا مشكلتي في فترة قياسية
اهم شئ لين يرسلونلج ايميل تردين عليهم
وكثيير من الأعضاء مشت معاهم امورهم من تويتر

انتي يوم كلمتيهم على التوتير ردوا عليج؟

اكيد في خلل او شئ سويتيه غلط اختي

مع خالص احترامي وتقديري

hanayen

03-02-2014, 07:26 PM

ما اقدر اصدق حد لآني كلمتهم عشرات المرات وذهبت لأكثر من فرع للشكوى وخاطبتهم عن طريق الايميل والتويتر والفيس بوك ولا حياه لمن تنادي ارسلوا لي مرتين جو وعاينوا الفيلا وقالوا بيرجعون ولا شفت غبرتهم من اكثر من شهرين ومرتين تم اعطاءي مواعيد وهميه للتركيب ويتصلون ويقولون لي للأسف أنا ما أغطي هذه المنطقه والله العظيم تعبت وللأسف ما في شركه منافسه والشركة الثانيه ما تغطي هذي المنطقه
يعني نروح حق من

hanayen

03-02-2014, 07:31 PM

أرسلت لهم ثمانيه عشر إيميل ودائما ردهم واحد سوف نخاطب الجهه المسؤولة وسوف يتم الرد وما في اي ردود

hanayen

03-02-2014, 07:34 PM

السرعة الصاروخيه اللي تتكلم عنها سته شهور بدون خط هاتف ولا انترنت

قلب صادق

03-02-2014, 07:40 PM

الله يعينكم اختي طيب ممكن تاخذي لك بروباند افضل وتفتكي من الموضوع لحد ما يتفضلوا عليكم او يغطوا المنطقة
وهل هذه المشكلة عندك ام انها مشكلة عندك وعند جيرانكم

يوسف0

03-02-2014, 07:44 PM

السرعة الصاروخيه اللي تتكلم عنها سته شهور بدون خط هاتف ولا انترنت

غريبه معني متأكد من نجاح الشكوى فالأيميل وبعد صديق لي نجحت معاه

اذا وصلت لهذي الدرجة الي ذكرتيها اشتكي عند ict قطر واشرحي لهم بالتفصيل الممل وصدقيني بيحلونلج المشكلة خير شر وبيمللونج بالاتصال الى ان تنحل المشكلة

ونصيحة لاتعتمدين بالاتصال بأوريدوو ابدا ابدا
اعتمدي بالأيميل لانه مثبت عليهم وتقدرين تشتكين بسهولة وتبهدلينهم ولهذا السبب اعتقد يخلصون شغلهم بسرعة...احيانا

والله يعينج

hanayen

03-02-2014, 08:07 PM

جزاكم الله الف خير على الردود باحاول اجرب ict اول مره اسمع عنه وعندي كله موثق باليميل
شاكره لكم النصيحه

يوسف0

03-02-2014, 08:23 PM

جزاكم الله الف خير على الردود باحاول اجرب ict اول مره اسمع عنه وعندي كله موثق باليميل
شاكره لكم النصيحه

ict qatar هو المجلس الأعلى للاتصال وتكنلوجيا المعلومات

وهذا موقعهم http://www.ictqatar.qa/ar

واي اسفسار ترا شباب وشابات المنتدى مابيقصرون ان شاء الله

وخبرينا بالمستجدات :)

وطن

03-02-2014, 08:45 PM

ict qatar هو المجلس الأعلى للاتصال وتكنلوجيا المعلومات

وهذا موقعهم http://www.ictqatar.qa/ar

واي اسفسار ترا شباب وشابات المنتدى مابيقصرون ان شاء الله

وخبرينا بالمستجدات :)
بالضبط
ارسلي لهم ايميل شكوى رسمية على اوريدو
وذكري كل التفاصيل اللي عندج

انا جربتها مره بخصوص مسجات مزعجة توصلني من وحده من المدارس و كيوتل ما يقدرون يسون بلوك عليهم
و مجلس الاتصالات حل لي المشكلة مع كيوتل
في اقل من أسبوع

fhd4

03-02-2014, 09:48 PM

خذ رقم الشكوى من اوريدو واتصل على المجلس الأعلى للاتصالات على الرقم

103

بوخالد911

03-02-2014, 11:06 PM

مرة اشتكيت عبر تويتر

والا يجيني الرد والاهتمام سريعا

الله يهون عليكم

MoTeC

04-02-2014, 03:43 AM

انا من اول العام مقدم طلب نقل للأرضي والنت (السبب ان للحين مافي توصيلات لهم فالمنطقه اللي احنا فيها)وشغالين على المنطقه كهرماء اول شي مددو الكهرب
والحين البيبات اخصلوا منها ان شاءالله قريب بيمدون للعلم اوريدو بعد احفروا وحطوا بيباتهم ناقص توصيل الكيابل ان ماخاب ظني وبعدها وصلها مع الشبكه كامله

هل من الممكن تكون مشكلتج مثل مشكلتي
اذا ايه مالج الا الصبر
واذا لاا الله يعينج...

hanayen

04-02-2014, 04:10 AM

وين منطقتهم اخوي
اهم يا ليت يعطونك سبب كلها وعود وهميه

hanayen

04-02-2014, 04:13 AM

طرشت على ict email شكله ايميلهم مليان
Email forward fail

قلب صادق

04-02-2014, 05:17 AM

الله يعينك
شيكي على هذا الرابط يمكن يفيدك بشي
http://www.ictqatar.qa/en/regulatory-authority/consumers/lodging-complaint

Dana’1

04-02-2014, 08:44 AM

أنا مريت بنفس المشكله نقل خط وخدمه انترنت طولووو
مليت من ردودهم لي أخر شي تواصلت مع حمايه المستهلك ... وهم ماقصرو عقب غطوني الخط الساخن بس نسيتة وهو للمجلس الأعلى للأتصالات

ولهم نظام لتقديم الملاحظة والشكرى اتبعها ... ابد بتحصل اوريدووو هم الي يتصلون عليك ويبتدون بالإجراءات !
هذا إلي صار معي
الله يجزاهم خير ... ماقصروا أبد

اتصالات_103

04-02-2014, 10:17 AM

طرشت على ict email شكله ايميلهم مليان
Email forward fail

أخي يمكنك الاتصال على الخط الساخن للشكاوى بوزارة الاتصالات على (103) على مدار الساعة أو ارسال رسالة بشكوتك على الايميل الخاص بنا الذي يعمل بشكل فعال : consumervoice@ict.gov.qa

سيساعدك فريق حل الشكاوى في مشكلتك. وإذا كان لديك لأى شخص أى استفسار يمكنك التواصل معنا عبر الهاتف أو الأيميل في أى وقت.

شكرًا جزيلاً
إدارة الشؤون الحكومية وشؤون المستهلك

شبيه الريح

04-02-2014, 10:36 AM

يمكن الكرت من كروت فيرجن ولا حولتيه الى كيوتل

لان صادفني نفس المشكله ولها كم شهر والى الان مافيه حل

اتصالات_103

04-02-2014, 10:39 AM

يمكن الكرت من كروت فيرجن ولا حولتيه الى كيوتل

لان صادفني نفس المشكله ولها كم شهر والى الان مافيه حل

اتصل أخوي على 103 خط الشكاوى الخاص بوزارة الاتصالات سيقومون بمساعدتك على حل المشكلة.

hanayen

07-02-2014, 05:41 PM

تم تقديم الشكوى الى وزاره الاتصالات
شاكر لكم ردودكم وَبَارِكْ الله فيكم
بانتظار الرد

Abdullah_89

07-02-2014, 09:23 PM

ict
هو المسؤول الرسمي ل اوريدو وفودافون

قدمي شكوى عن طريقهم ومكانهم جنب برج برزان مقابل البريد العام

اطبعي معاج الايميلات كلها وماراح يقصرون معاج صدقيني

والله يكون في عونج

hanayen

08-02-2014, 04:16 PM

جزاك الله خير تم التواصل معاهم بانتظار الرد الشافي من اوريدوا

وطن

08-02-2014, 04:47 PM

تم تقديم الشكوى الى وزاره الاتصالات
شاكر لكم ردودكم وَبَارِكْ الله فيكم
بانتظار الرد
ان شاء الله خير :nice:

hanayen

17-02-2014, 07:28 PM

شكرًا لأعضاء المنتدى الغالي
بعد تقديم شكوى ضد اوريدوا تم الرد مرتين
الاولى كانت كذب ملفق ان مقدم الطلب كتب نقل الخط الى الخريطيات
الثاني قام بالاعتذار بلباقه وقال الخطأ من وزاره الاشغال لم تقم بتمديد الخطوط الارضيه لاوريدو وقام باقتراح ان اشترك بالبرود باند يعني شلون بيتنا كله يشتغل على برود باند
حسبي الله ونعم الوكيل
الى اجل غير مسمى لن يكون هناك حل مع اوريدوا

hanayen

18-02-2014, 06:14 AM

اوريدوا تريد حلا من الأشغال
الله المستعان ما ادري شلون خاطين رقم الكهرباء ورقم كيوتل وما في تمديدات اصلا