الكويت عاااااااااااااااااااااااااجل

[Chanel]

مساء الورد
الله يسعدكم ممكن حد يسااااعدني
أبي أماكن حلوه في الكويت مطاعم تسوق سياحه كل شئ:nice:

[وطن]

بالنسبة لي الافنيوز وبس

بس بعد المباركية حلو اذا تحبون المحلات القديمة
وفي مطاعم شعبية هناك حلوة

كافيه بزه حلو
في منه في الافنيوز فرع


أظن في مطعم اسمه فريج صويلح
ان ما خانتني الذاكرة

بالنسبة للمجمعات
الافنيوز
المارينا
شرق
360
الحمرا مول
و في غيرهم بس ما اذكر أسمائهم للاسف

[عزووز قطر]

بخصوص المجمعات : الافنيوز من أحلى مجمعات الكويت
ومجمع المارينا فيها كافيهات على البحر والحين الجو رووعة
ومجمع اسمه 360 بعد حلو وفيه كل شي

بخصوص المطاعم: فريج صويلح وميس الغانم لازم تزورهم

[ضوى]

انا توني رادة من الكويت ، وصج استانسنا ، بس احنا رايحينها تسوق ، وتمشي بسيط ، رحنا المدينة الترفيهية بس اغلب الالعاب الخطرة خربانة ، وحديقة الشعب رووعة استانسوا فيها البنات وااايد ، بالنسبة للاسواق مارحنا مجمعات الا المهلب وماحبينا حكرة المجمعات رحنا المباركية خاصة للرهش والدرابيل عجيب محل الوطن هناك ، رحنا السالمية سوق المعلم ندور ولا نخلص منه ماشاء الله وكل يومين نزلوا شي جديد بنتي ماخلت شي ماخمت لرمضان وللبيت وللجامعة وللحنة وللقرنقعوة ، النقرة الجنوبي والنقرة الشمالي بضاعة حلوه جدا واسعار معقولة جدا ، طبعا هذا غير عنوانين الانستغرام للحلو والبسكويت شي عجيب بجد وناسة والجو ولا اروع
المطاعم
رحنا مطعم فريح صويلح ذبحة مووت ماحصلنا مكان رحنا مطعم مجابله اسمه مجبوس تايم اكله لذيذ جدا جدا شي رووعة ، ورحنا بزه اللي بالمهلب الاكل عادي جدا ، مطعم الحوش لذيذ جدا بوفيهم ، ورحنا مطعم اشياز اللي عالبحر صوب المارينا ، وتغدينا مرة بمطعم شعبي في المباركية بس اكله كان عادي جدا ، اللي لاحظته اللحم عندهم وايد لذيذ ترف ويذوب صج لذيذ والسمح هاي قصة ثانية بس دجاجهم زفر بكل طرقه مدري ليش

هذا اللي صار معانا ولله الحمد ماصادفنا اي متاعب ووايد اهلهم متعاونين وطيبين ولله الحمد

[Chanel]

الله يجزاكم خيرجميعا ماقصرتو