سبونسر جامعة قطر

[SeniorTrader]

السلام عليكم

الحمدلله تخرجت من جامعة قطر من شهر ومعدلي 3.10 تخصص مالية\ Finance
انجليزي

الموضوع انا وقعت مع بنك من البنوك كان لي هو سبونسر

وكان اتفاقي معاهم ان اشتغل بالخزينه، لاكن يوم تخرجت تغير الموضوع وقالوا مافي شاغر والسبب الاجانب طبعا الي ولاحد فيهم تخصصه تخصص بنوك

المهم انا ناوي اطلع واكيد بيطالبوني بالراتب الي دفعوه لي وانا ادرس

وين ممكن اقدم وياخذوني بدالهم، مع العلم درجاتي بالتخصص كلها A ومعدلي مرتفع

هل لازم واسطه ولا لكل مجتهد نصيب !!

[.Qa6ar]

موضوعك مهم شبيه لموضوع واحد من ربعي ، وايضا هو يدور طريقه للخروج منهم والسبب انه تخرج واكتشف ان الراتب اقل من سوق العمل

[Qatari In Us]

اذا كان الاتفاق موثق اتوقع تقدر تحاسبهم. وعلى سالفة المبلغ المستحق تقدر تتفاوض معاهم ينزلون لك المبلغ او حتى يلغونه. وفي شركات واجد تدور تخصصك ومسةعده تشتري عقدك من البنك و اولهم الخطوط القطرية محتاجين خريجين بشكل كبير. والشركات مثل بروة و الديار وجهاز قطر كلهم يبعثون طلاب ماتوقع يقولون لا لو واحد جاهز ما شاء الله عليك ومعدلك عالي

[شيخ الديرة]

وكان اتفاقي معاهم ان اشتغل بالخزينه،

هل مافي شاغر في قسم الخزينة فقط ؟
هل قدموا لك وظيفة في قسم أخر ؟

كلامك به كثير من الغموض. نص العقد يغطي كل هذه الأمور.

[Hamad5882]

ما يصير ما عندهم شاغر، اصلاً شلون ابعثوك ووقعوا معك عقد، لان البعثات سواء داخلية او خارجية تكون بعقد موظف مبتعث يعني عندك رقم وظيفي ؟؟؟

[العنيده]

اعتقد اذا في عقد معاهم مجبورين بالشي واذا غيروا رايهم هم اللي خالفوا العقد فتقدر تحاسبهم .. والله ييسر لك بمكان ثاني ان شاء الله ..

[الزعفراني]

اذا بنك ربوي قول الحمدلله .. لان ذي خيره لك وتدبير من رب العالمين .. مايبيك تبتدي حياتك العملية بالربا :)

واذا بنك او مصرف اسلامي .. ما ازيد على رأي اللي سبقوني

والله يوفقك

[SeniorTrader]

اذا كان الاتفاق موثق اتوقع تقدر تحاسبهم. وعلى سالفة المبلغ المستحق تقدر تتفاوض معاهم ينزلون لك المبلغ او حتى يلغونه. وفي شركات واجد تدور تخصصك ومسةعده تشتري عقدك من البنك و اولهم الخطوط القطرية محتاجين خريجين بشكل كبير. والشركات مثل بروة و الديار وجهاز قطر كلهم يبعثون طلاب ماتوقع يقولون لا لو واحد جاهز ما شاء الله عليك ومعدلك عالي

الاتفاق ان اشتغل عندهم وبالعقد غير مكتوب وين اشتغل بالضبط

وكان الاتفاق شفوي وياليت لواحصل مكان غيرهم لان اذا هذه اولها ينعاف تاليها

[SeniorTrader]

هل مافي شاغر في قسم الخزينة فقط ؟
هل قدموا لك وظيفة في قسم أخر ؟

كلامك به كثير من الغموض. نص العقد يغطي كل هذه الأمور.

بيحطوني بقسم تمويل الشركات

وبالعقد غير موضح وين اشتغل بعد انهاء الدراسه كل الي مكتوب ان لازم اشتغل بمدة الي مشوا لي راتب وانا ادرس او ارجع لهم المبالغ

[SeniorTrader]

ما يصير ما عندهم شاغر، اصلاً شلون ابعثوك ووقعوا معك عقد، لان البعثات سواء داخلية او خارجية تكون بعقد موظف مبتعث يعني عندك رقم وظيفي ؟؟؟

عندي رقم وظيفي لاكن ماراح يحطوني بالمكان الي كنت معلق عليه الامال

[شيخ الديرة]

وكان اتفاقي معاهم ان اشتغل بالخزينه، لاكن يوم تخرجت تغير الموضوع وقالوا مافي شاغر والسبب الاجانب طبعا الي ولاحد فيهم تخصصه تخصص بنوك




الاتفاق ان اشتغل عندهم وبالعقد غير مكتوب وين اشتغل بالضبط

وكان الاتفاق شفوي وياليت لواحصل مكان غيرهم لان اذا هذه اولها ينعاف تاليها




وبالعقد غير موضح وين اشتغل بعد انهاء الدراسه كل الي مكتوب ان لازم اشتغل بمدة الي مشوا لي راتب وانا ادرس او ارجع لهم المبالغ

الواضح أنك تود أن تغير مكان عملك وتفلت من قيود السبونسر اللي وافقت عليها بنفسك. الأفضل ان تتدارس الخيارات المتوفرة لك مباشرة وبكل صراحة مع السبونسر, بالتوفيق

[المحاميه]

رايي ماتغير مكانك وتحاول معاهم ان يحصلونلك مكان فالوظيفه اللي تبيها

يعني تفاوض وياهم وحلها بطريقه وديه

قولهم انا متفق معاكم على هالوظيفه وانا مادرست وتعبت هالسنين عشان اخر شي تحطون أي مكان ..

واذا كلش قولهم عيل انا اضطر اشوفلي مكان ثاني

وشوف شنو ردهم ..


اخوي وكل امرك لله وان شاء الله بتحصل وظيفه وين ماقدمت مب شرط واسطه دام معدلك حلو ..واذا جاك رد من جهه ثانيه خلهم يدفعون حق الجهه الاولى الدين اللي عليك طبعا اذا رضو وكان الله غفور رحيم ..

[المحاميه]

الاتفاق ان اشتغل عندهم وبالعقد غير مكتوب وين اشتغل بالضبط

وكان الاتفاق شفوي وياليت لواحصل مكان غيرهم لان اذا هذه اولها ينعاف تاليها

اذا موقفك ضعيف
فيه فرق اذا كان مكتوب بالعقد او بس كلام

بس اخوي احسك متسرع شوي ومندفع
هدي ترا الامور تنحل شوي شوي ماله داعي كل هالانفعال

ادري توك متوظف وعندك طموح وافكار وتوقعات .. لكن شوي شوي كل شي بيمشي مثل ماتحب

انا اقول لاتسرع وشوف شنو الحل معاهم قبل ماتغير مكانك

[MaRuKoO]

اذا بنك ربوي قول الحمدلله .. لان ذي خيره لك وتدبير من رب العالمين .. مايبيك تبتدي حياتك العملية بالربا :)

واذا بنك او مصرف اسلامي .. ما ازيد على رأي اللي سبقوني

والله يوفقك

رايي من راي الاخ الزعفراني

[نوفة قطر]

شنو مشكلة القسم اللي حطوك فيه ؟

قسم تمويل الشركات ممتاز ترى .. انا اشوف تجرب اول شيء وتداوم واذا ماعجبك الدوام ومافي مجال حق نقلك حزتها تقدر تقول خلاص بطلع وبرجع لهم فلوسهم

وبالتوفيق

[(Sara)]

قدم فالوزارة الماليه
اتوقع محتاجين هالتخصص
موفق يارب

وآنصح كل الطلاب عدم التوقيع ولايغروكم بالكلام والمعاش :omen2:

[المرحب]

أخرشهم في وطني الحبيب صباح الخير