تغير مسمى برنامج وطني الحبيب الى امنيات مذيعين

[vvv]

طبعا اتابع البرنامج منذ فتره ولاحظت المتصلين تحترق قلوبهم وهم يشتكون والمذيعين يردون عليهم بالاتي
اتمنى ان تروح لهم
اتمنى انك تكلمهم
اتمنى يردون عليك
اتمنى تقولنا اش صار معاك

طيب في كل وزاره قسم العلاقات العامه اتمنى منكم يا طاقم البرنامج الاتصال والتنسيق مع اكثر الادارات اللي تكون اكثر الشكاوي ضدهم
وحل مشاكل الناس على الهوا
والله يوفق الجميع

[بونووف]

ولاتنسى اهم مقوله ..منا للمجلس الاعلى النظر في موضوع بو فلان

[لـبـيـه]

ومايضحكني الى اذا اتصل شخص وقال عندي مشكله مع اشغال وفي حفره ومات واحد

ويرد المذيع بكل برود زين راجعتهم يقوله المتصل لا يرد يقوله زين اتصل فيهم او روحلهم لا ياشيخ احلف بس على اساس انحلت المشكله

او اكتشف الخلل او الذره

اقول شر البليه مايضحك ودي ياذخون دوره في برنامج اماراتي ماذكر وش اسمه

[المحاميه]

هم يعطون حلول جانبيه لصاحب المشكله
واعتقد انهم يحاولون التواصل مع الجهه المعنيه والنظر في الموضوع

موضوعك مهم بس شتبيهم يقولون يعني ؟ كيف يردون على المتصل؟

[طرف محايد]

((( سمعت ))) من أحدهم ....


ان الادارة تطلب من المذيع يرد بهالاسلوب

ولا يعطي حلول

ولا يتأثر

ولا شي

بس خليه يفضفض ويتوكل ع الله


يعني بالإمكان يخلونه برنامج تفاعلي قوي

لكن الوضع مستتب

والشي المهم يقولك البرنامج كل يوم يتصلون الناس

معناه ان فيه نجاح !!!


ممكن يسمونه ( أمنيات ) أو ( فضفضة )

[الركادة]

المذيعة اللي اسمها عبير او اسما
كانت تبرد اخاطر

اما اخت الحالية ليلى نسمع التلقين يجيها الصوت واضح
والرد اللي يقهر منا الى الجهة المعنية النظر....

[MAZEN37]

عجبتني امنيات
طيب مثلا برائيك شبيديهم يسون زين الي في جهات تتابع معاهم مافي شي يلزمهم

[بومحمد المطاوعه]

اذا سمعتو يوم من الايام
متصل

يطيح في المذيع

اعرفو ان هذا انا

شكلي بتصل وبغسل شراعه عالهوا مباشر

بكل بروووووووووووود
انزين راجعهم



تكفى تعال وصلني لهم شرايك

[atiq]

الله يذكر المذيع المميز عبدالعزيز محمد

[سعادة الوزير]

هم يعطون حلول جانبيه لصاحب المشكله
واعتقد انهم يحاولون التواصل مع الجهه المعنيه والنظر في الموضوع

موضوعك مهم بس شتبيهم يقولون يعني ؟ كيف يردون على المتصل؟

اختي سمعتي برنامج البث المباشر في اذاعة ابوظبي اف ام؟ اسمعيه وشوفي شلون المذيع هناك يتصرف مع الشكوى ، على طول يتصل في المسؤول والمشتكي على الهواء مباشرة ويسأله عن الموضوع ، واذا المسؤول ماكان موجود يطلب من السكرتير انه يتصل له ويبلغه بضرورة الاتصال على البرنامج ، وحل المشكلة يصبح فوري وبكل شفافية.

[بومحمد المطاوعه]

الله يذكرك بالخير
ياخوي حسن الساعي

انشهد انك كنت ذيب في البرنامج

[alsoq]

قلنا لكم للمره الاف
هذا برنامج ليمتص غضب المتصلين فقط وتنفيس ولا عندهم لا حل ولا ربط

اذا هم جادين يسون مثل برنامج اللي في الامارات الوزير مجرد ما يسمع شكوى على وزارته يتصل ويطلب مقابله الشخص

عندنا هنا الوزير لا تعرف صوته ولا شكله من كثر ماهو جالس في برجة العاجي واموره طيبه لا همه مواطن ولا وزارة

يجب على لاه الامر ان يذكرو الوزير انه موظف للدوله ومنها يخدم المواطن ويفتح مكتبة للجميع المواطنين

بما انه ادى القسم انه يخدم الوطن والمواطن ولم يوفي بالمواطن ان يخاف الله ويستقيل ولو انها مستحيله الاستقاله

ابي اسمع لو مره ان وزير اتصل وعقب على موضوع يخص وزارته التي الشكاوي عليها صباح ولليل ولا يكترث لها والمواطن المسكين ينتظر سعاده الوزير اللي مسكر مكتبه عليها وقدامه بودي قارد اللي هو مدير المكتب

الواحد تعب صراحة من كثر ما يتصل ويراجع ولم تحل اموره

[qatarat]

اذا سمعتو يوم من الايام
متصل

يطيح في المذيع

اعرفو ان هذا انا

شكلي بتصل وبغسل شراعه عالهوا مباشر

بكل بروووووووووووود
انزين راجعهم



تكفى تعال وصلني لهم شرايك

هههههههههه بصراحه البرنامج ينرفز من المذيعيين

[مواقف النجادة]

الله يذكر المذيع المميز عبدالعزيز محمد

:nice:

[بومحمد المطاوعه]

هههههههههه بصراحه البرنامج ينرفز من المذيعيين


اي والله
الله كريم

لو موجود حسن الساعي

كنت باخذ تفرغ لمتابعه البرنامج

[ألعب بعيد]

الله يرحم ايام الهام بدر وحسن الساعي

[نوفة قطر]

حسب علمي البرنامج اللي ع قناة الامارات جا عقب وطني الحبيب .. والفكره نفس فكرة وطني الحبيب

بس الفرق ان مذيعهم مايسكت وهالشيء يخلي كل جهه وكل مسؤول يخاف ع منصبه ومكانته ويتصلون ويحلون المشاكل

احنا المذيعين القدامى كانوا جذي لين اخونا حسن الساعي ومن عقبه خلاص صار البرنامج بايخ بس ناس تصرخ والمذيع ولاااااا مفتكر !

انا ماسمعه الا ساعاااات اذا كنت فالسياره ومضطره لانه ينرفزني

[بصمة قطرية]

الله يرحم أيام الهام بدر .. و حسن الساعي و عبدالعزيز محمد ..
كانوا بالفعل صوت المواطن ..
حتى لو المتصل ما حصل رد يكفي الإسلوب اللي يستخدمونه ..
لكن الحين صار البرنامج ممل ..
المذيعين محتاجين دورة يتعلمون فيها فنون الرد ،،

[Right]

هالبرنامج أصبح حليب منزوع الدسم !!!

[مخطط قطري]

اللي يقولون الهام بدر وعبد العزيز محمد والساعي مع احترامي لهم ترى نفس المذيعين الحالين ماقدمو شي يذكر للبرنامج وكان اسلوبهم واحد تفاعل بسيط مع المشكله وعقب الجمله المشهوره منا الى الجهه المختصه يعني طوال السنوات الي مضت مافي تقدم واضح في اداء وكفاءه البرنامج
استديو 1 في اذاعه الامارات اتمنى مخرج برنامج وطني الحبيب صباح الخير والمذيعين يسمعون له لمده اسبوع وياخذون خبرة وعقب يقدمون برامج ع مستوى
وفي الدورات السابقه كان واحد من المسؤلين الكبار يتابع هالبرنامج ويحث الوزراء علىً حل المشاكل الخاصه بالمواطنين والمذيعين عندهم خبر بهالشخص الان الشخص غير موجود فبالتالي لاترجون خير من ورا هالبرنامج صار حلقه وصل بين المواطن والمسؤل يوصل صوت المواطن له ومع الاسف انه وسيط فاشل وعاجز
المواطن يقدر يحل مشكلته بدون اللجوء لهم بعد مافقد ثقته في البرنامج اللي الواجب عليه يكون دوره وتاثيره اكبر وهذا لان يتحقق الا بعده عوامل ساذكرها في تعليق اخر اهمها تغير الستاف وان يكون كل شهر مقابله مع وزير لحل مشاكل المواطنين

[الدوحه1]

ليش الهجوم والانتقاد موجه الى طاقم البرنامج؟؟

وهل هناك اصلا برامج تناقش مشاكل وهموم المواطنين بكل شفافيه وحريه على أي وسيله اعلاميه حكوميه(الاذاعه او التلفزيون)؟؟؟؟

هل الحكومه اعطت "الضوء الاخضر" للاعلام الحكومي(الاذاعه والتلفزيون) لمناقشة المواضيع والمشاكل اللي تهم المواطنين بكل حريه وشفافيه؟؟

هل انتقاد جهه حكوميه مهمه مثل الصحه او التعليم او اشغال "خط احمر"؟؟؟؟


شوفوا برنامج"هموم مواطن" على قناة سكوب الكويتيه!!

[بانغ بانغ]

المفروض يتم تعيين المسئولين والوزراء القدامي لوضع حلول جذرية لهموم المواطن وأيضا لتفعيل دورهم في المجتمع في برامج كهذه.
في الغرب تتم الإستعانة بالقدامى من الوزراء والمسئولين في وضع استراتيجيات تخص المجتمع وليس تقاعد من أجل التقاعد.

انا افضل لو يتم تطوير هالبرنامج ليكون مرئي وليس سمعي فقط.

[بوخالد911]

هلا

ووودي اعرف ليش ال1 قبل لا يتكلم لازم يقوول موضوعه
لو طلع ع الهوى وغير الموضوع
ينهون المكالمة ع طوووووووووووووووووووووول !!!!!!!!!

[Qtr37]

الله المستعان