الى مسؤلي كروه : متى سيحترم سائقيكم المواطنين ؟؟؟

[لمت اب]

لا ادري العيب فينا لكوننا اناس عافين كافين لا نحب المشاكل ونرضى بنصف حقوقنا
ام العيب في ادارة كروه التي جرأت الهنود والنبالين وجمع الجنسيات على عدم احترامنا واحتقارنا
تمر من امامك سيارة الأجرة فاضيه وما يوقف لمن يلبس اللباس الوطني
وكنا مأخذينها بحسن نيه ونقول يمكن رايح لاتصال من قبل
ثم نراه يقف بعيد عنا ليأخذ من يلبس البنطلون ,,, بلعنا الضيم وسكتنا
ولكن الموضوع زاد عن حده نتيجة سكوتنا المخزي
قبل كم يوم يحكي صديقي كان مع سائقهم في السوق واراد ان يذهب لمكتبه ويترك السائق ليأخذ اهله للبيت
وجد سيارة كروه فيها نيبالي واقف فاضي , قال ممكن اركب , هز راسه النيبالي قال لا بابا تايم مال انا خلاص
واتركه وهو ماشي الي يشوف في المنظرة الخلفيه جاء اجنبي اسيوي وتفاوض معاه وركبه في السياره
رفيقنا حول على طول وراح له وهاوشه وقال له انتوا ما تحترمون البلد ولا اهلها ولا القوانين
الاسيوي مسكين انحرج وخاف ونزل من السياره وركب رفيجنا كروه وراح لشغله
اتصل في كروه وبعد الف تلفون قدر يوصل لواحد سوداني وبلغ بالواقعه
وطبعا لاحد رد عليه وهو يتوقع انه ما حد كلم هالسائق وانا اصدقه لانهم ماكلموه حسب كلامه
اليوم صديق اخر
طلع من المستشفى شاف سيارة اجره راح له يوم شافالسائق ان الرجال لابس غتره وعقال
قال له بابا وين روح قال مدينة حليفه قال بابا انا روح صناعيه انا مافيه شغل تايم خلاص سوري بابا
يبييه ينزل ,, صاحبنا مانزل عارف الموضوع ومجربهم من قبل
قال السائق بابا 30 ريال مدينة خليفه صاحبنا قال اوكي
وطبعا وصله لمكانه بدون ما يشغل العداد
ويوم وصل نزل عنه واغتاظ عليه ولا عطاه ولا ريال
صاحبنا هذا هل ممكن يتعارض لعقاب قانوني ؟؟
ثم السؤال الأهم
الى متى يا مسؤولي كروه هذا الاحتقار للمواطن ؟؟؟؟؟؟؟؟؟
اذا لا تستطيعوا لجم جشع ووقف سرقات موظفيكم وان تكون خدمتكم اسوة بالدول الاخرى
اتركوا الامر لغيركم واستقيلوا اشرف لكم
الى متى ونحن فريسه سهله للحراميه ؟؟؟؟؟؟؟؟؟؟؟؟؟؟؟؟؟؟
الى متى عدم الاحترام هذا ؟؟؟؟؟؟؟؟؟؟
عيب عليكم يا مسؤلي كروه
جرأتوا الناس علينا بعدم مراقبتكم ولم تضعوا قوانين صارمه ضد هذا التلاعب والسرق

[توشيبا]

شخص مقيم يحلف لي اذا يبغي يوقف كروه زوجته تكلم جيرانهم يرسلون الخدامه عشان علي طول يوقف لها

يقول مره كنت طالع انا وزوجتي وبنتي تمينا بالساعات

وقف عنده واحد من شبابنا قال ياخوي رحت وخلصت اشغالي وانا راجع اشوفك عادك واقف اركب اوصلك انت واهلك اذا تبغي اوصلك

واخر شي الرجال واهله يبغون المستشفى عند بنتهم الصغيره موعد

وراح عليهم الموعد وسوو موعد جديد فوق اربع شهور

[بانغ بانغ]

والله صادق.
تكاسي الامارات اكثر احتراما لان في توعية وتعليمات.
اهني ودك اتثور فيهم واحد واحد

[New Vision]

انت تعرف كروة حق من؟؟

[جراسا]

هم ما يوقفون الا للأجانب والفلبنييات و جنسياتهم الاسيوية
حتى احنا المقيمين العرب ما يوقفوا لنا
السنة الماضية وديت سيارتي الصناعية...45 دقيقة في الحر ما حد راضي منهم يوقف لي
و بالنسبة لصديقك حق مدينة خليفة...اطمن ما يصير له شي...لأنه القانون في شركة كروة...اذا ما تشغل العداد..المشوار او الرحلة تكون مجانية
و في ملصق داخل سياراتهم توضح هالشي

[7llo]

يارجال من يركب كروه الحين مستحيل اركب كروه اقعد انطر الربع لين مايجوني

[جراسا]

والله صادق.
تكاسي الامارات اكثر احتراما لان في توعية وتعليمات.
اهني ودك اتثور فيهم واحد واحد

و خصوصا تكاسي دبي...ملتزمين بالتعليمات...ياخذك وين تبي...و على طول يشغل العداد

[شيخ الديرة]

قال السائق بابا 30 ريال مدينة خليفه صاحبنا قال اوكي
وطبعا وصله لمكانه بدون ما يشغل العداد
ويوم وصل نزل عنه واغتاظ عليه ولا عطاه ولا ريال


كل الموضوع في الكلمتين أعلاه

أعتقد تصرفه هذا خطأ , وسائق الكروة سوف يحدث زملائه عما حدث, وتزيد المشكلة بعد أكثر.

[تغلبية]

للأسف ..

هالسواقين عرفوا ماي القطريين والمسؤولين في كروة .. مش مهتمين .. واعرفوا انه لارقيب ولا حسيب

فمشوا على مشيهم هم .. صاروا هم المعزبين واحنا ننطر كرمهم .. يضفونا بسييايرهم والا لا


ماينفع واياهم الا مثل ماسوا رفيقك .. غصب عنه اركب ويوصلني .. لكن اعطيه كروته



هذا غير تصرفاتهم المشينة عزكم الله بالبصق في كل شارع

مرة وحدة اغسلت واحد منهم عند الاشارة .. هاوشته وقالت له مب من حقك تمارس هالسلوك القذر

انت في بلد متحضر ولو تبي استخدم الكلينكس ماتوصخ الطريق العام ...

السايق عرف خطاه وتم يتعذر منها ويتأسف

يعني هم يبيلهم عين حمراء ونفضة بسيطة تصلبهم ..

لكن أهل قطر للأسف سلبين ... ومافرضوا وجودهم في الشارع القطري !

[مواقف النجادة]

الدولة سوت كروة علشان تطور خدمة التكاسي .. و لكن عملياً و جود كروة قضى على خدمة التكاسي في قطر ..

- التكاسي اختفت من اغلب مناطق قطر كنا سابقا نحصل التكسي البرتقالي فيها بسهولة قبل كروة..

- السواقين مايدلون الطرق ولا يعرفون عربي و يتعاملون بكثير من الدلع و العنجهية مع الزبائن لانهم حاسين بندرتهم ..

- الاسعار مبالغ فيها مقارنة باسعار التكسي البرتقالي .. هذا الكلام منذ انشاء كروة علشان محد يقولي ان عامل الزمن ياثر في الاسعار.

- السيارات ليست نظيفة من الداخل وريحتها خايسة .. مع انه من المفترض ان كروة انشئت كي تعالج هذة النقطة !

- سواقين كروة يشقحون ارصفة و يتجاوزون من اليمين و يسوقون بعدائية ورعونة ويدشون حصى بسرعات عالية لان المواتر مب لهم ,عكس سواقين التاكسي البرتقالي اللي كانو يسوقون بالعدال لان الموتر يعتبر راس مالهم.

- مثل ما تفضل الاخ .. يتجنبون الزبون المواطن ..لانهم لا يستطيعون مخالفة القوانين اذا كان في معيتهم .. سواء قوانين المرور او اخذ زبون اخر .

- مناطق كنا نحصل فيها تكاسي بسهولة و احنا صغار في التسعينات و لكن بعد انشاء كروة وحتى يومنا هذا مافي امل تحصل فيها تاكسي حتى لو وقفت بالساعات.. مثل الشارع التجاري في العزيزية .. الشارع التجاري في ام صلال محمد .. حول جمعية ازغوة .. الشارع التجاري في الخريطيات .. الوكرة .. جمعية الناصرية.. المنطقة الصناعية .. الخ..



بصراحة رغم احتكارها الظالم لخدمة التكاسي .. كروة تتصرف كشركة ليموزين صغيرة و موزعة جم تاكسي امام كم فندق خمس نجوم و كم مول .. بينما اغلب مناطق قطر تعاني من الحرمان من خدمة التكاسي ..

احتكار كروة فشل رغم التضخم في البنية التحتية المتاحة لهذه الشركة من مباني واراضي و ميزانيات .. ببساطة لان المستفيد النهائي (زبون التكسي) كان يحصل على خدمة افضل و اسرع و اسهل و ارخص قبل انشاء هذه الشركة الفاشلة..

و انا اطالب وزير النقل ان يلغي احتكار هذه الشركة كي تتوفر التكاسي في مناطق قطر كالسابق .. و قبل هذا اتمنى منه ان يذهب الى اي شارع تجاري في الاحياء السكنية التي ذكرتها او غيرها ويحاول ان يركب تكسي في اي وقت من اوقات النهار او الليل ! ..

[العلياا]

إدارتهم مب قادرة عليهم !!

[New Vision]

للعلم سائق كروه مطلوب منه يوميا250ريال في خلال12ساعه والورديه الثانيه نفس الشي يعني السياره تدخل فاليوم500ريال في 30 تساوي15الاف ريال اي مشروع يدخل هالفلوس طبعا عدد السيارات بالاف وهاي السبب الي مخليهم مايفتكرون فالتكسي ولامشاكله

[bo_saud]

للأسف ..

هالسواقين عرفوا ماي القطريين والمسؤولين في كروة .. مش مهتمين .. واعرفوا انه لارقيب ولا حسيب

فمشوا على مشيهم هم .. صاروا هم المعزبين واحنا ننطر كرمهم .. يضفونا بسييايرهم والا لا


ماينفع واياهم الا مثل ماسوا رفيقك .. غصب عنه اركب ويوصلني .. لكن اعطيه كروته



هذا غير تصرفاتهم المشينة عزكم الله بالبصق في كل شارع

مرة وحدة اغسلت واحد منهم عند الاشارة .. هاوشته وقالت له مب من حقك تمارس هالسلوك القذر

انت في بلد متحضر ولو تبي استخدم الكلينكس ماتوصخ الطريق العام ...

السايق عرف خطاه وتم يتعذر منها ويتأسف

يعني هم يبيلهم عين حمراء ونفضة بسيطة تصلبهم ..

لكن أهل قطر للأسف سلبين ... ومافرضوا وجودهم في الشارع القطري !


هذا المفروض ينسحب من السياره من قفاه سحب وتخليه يمسح سعابيله بيده وتمشي عنه

واذا كثرها طراقين وخله يشتكي

[ورقــة أمــل]

ليش مافي رقم للتواصل معاهم

مثلا

كيف ترى قيادتي
How you see my driving?

[سهم عتيج]

كلام سليم ،، وبالفعل الواحد المفروض مايعتمد على كروة الا في المطار فقط في القادمون

ونتمنى عودة التاكسي البرتقالي من جديد

[مختلفة عقليا]

السلام عليكم .،

انا ما ابي اجمع .، بس صار لي موقفين مع كروه

الأول .، كنت طالعه من المستشفي وركبت كروه ورحت لمكان يمكن 5 دقائق وكان امبند العداد وما عطيته فلوس لانه طلب 30 >> ما أتعاطف مع النصابيين

الثاني .، امس كنت في سوق واقف .، وصافه ورا الفندق .، ركبت كروه لان من صوب المسيد يعني من مكاني للسيارة دقيقتين بس .، ويوم وصلت قال 20 << عشرين مين والناس نيمين ؟؟!!

قلت وين !؟ ليش مؤ فاتح العداد ؟! قام أفتحه وحط 10 قدامي .،

قلت له المفروض انا أعطيك 4 .، بس بعطيك 10 من عندي صدقه .،. ههه

وبس والله يعني كل ما اركب يحترموني بس نصابين .،

يسلمو .،

[Super Cool]

الحل سهل

تركيب كاميرا من الشركة و مراقبة السايق

انت اذا صار لك موقف خذ مني هالرد...طلع جوال و شغل الفيديو و صور رقم التكسي و رز الكاميرا على وجه السايق و اسئلة على الكاميرا و اذا في امه خير يكذب عليك ثاني يوم لا تخلي قناة ما تفضحهم فيها و خل يجون هم زحف يراضونك بعدها

[الواثق باالله]

الله المستعان...والله صادق ياالطيب

أنا حصل معي أكثر من موقف مع كروة واشتكيت ولاحياة لمن تنادي !!!

هذا غير الطحش والسرعة الزائدة في الشوارع والتجاوزات

[يمامـة]

وصلت للضيم والقهر من كروة ..................> أخ عليكم يا كروة :(

شوف يا اخوي ،، انت من اليوم وطالع جهز جوالك واي تاكسي كروة فاضي ما يوقف لك
صور رقمه وقدم شكوى ضده وكل يسوي نفس الشي .......> عيب عليهم ما يوقفون للناس !!

[يمامـة]

كلام سليم ،، وبالفعل الواحد المفروض مايعتمد على كروة الا في المطار فقط في القادمون

ونتمنى عودة التاكسي البرتقالي من جديد

او طرح شركة جديدة ثانية وثالثة ورابعة !!

[وطن]

خل يحترمون القوانين بالأول
تقول الشوارع ملك لهم وضاربين بكل قوانين المرور عرض الحائط

بعدها بـ يتعلمون يحترمون البشر


من أمن العقوبة
أساء الأدب

وهم واضح محد يخالفهم ولا يأدبهم و يحاسبهم

[khalid525]

حل هالامر بسيط ، الغ الاحتكار اللي معطينه حق كروه ، واسمح للقطاع الخاص بالدخول المباشر .
وشوف شلون بتتعدل الامور

[أم هشام]

والله موضوعك جاه على الجرح الشكاوي منهم لا تعد ولا تحصى والحمد لله ما تعاملت معهم ابدا وان شاء الله ما اتعامل معهم
لكن كل شكواي بخصوص طريقة قيادتهم للسيارة دفاشة ورعونه وتخويف .
لكن الجواب على سؤالك ليش ما بوقفوا للي يلبس الثوب الابيض .. موجود بنفس موضوعك
الله يستر من الهجوم علي ويفكرني انا اللي مألفة هالكلام
لكن سمعنا كثير بان بعض الصبيان والمراهقين بطلعوا بتاكسي كروة ليوصلهم على الستي او فيلاجيو ولما يوصلهم بفتحو الباب وبركضوا بسرعة
وفي منهم بصارخوا عليه وطبعا هو بخاف وما بسترجي يسوي شي
طبعا هذه الحالة يجب ان لا تعمم وما بسوي هالحركات الا اللي متربي على ايدين الخدم فقط ..
لكن هم عمموها بينهم الظاهر
هذا ما سمعته من اشخاص شاهدين على نفس هالمواقف .
والله يهدي الجميع

[يمامـة]

والله موضوعك جاه على الجرح الشكاوي منهم لا تعد ولا تحصى والحمد لله ما تعاملت معهم ابدا وان شاء الله ما اتعامل معهم
لكن كل شكواي بخصوص طريقة قيادتهم للسيارة دفاشة ورعونه وتخويف .
لكن الجواب على سؤالك ليش ما بوقفوا للي يلبس الثوب الابيض .. موجود بنفس موضوعك
الله يستر من الهجوم علي ويفكرني انا اللي مألفة هالكلام
لكن سمعنا كثير بان بعض الصبيان والمراهقين بطلعوا بتاكسي كروة ليوصلهم على الستي او فيلاجيو ولما يوصلهم بفتحو الباب وبركضوا بسرعة
وفي منهم بصارخوا عليه وطبعا هو بخاف وما بسترجي يسوي شي
طبعا هذه الحالة يجب ان لا تعمم وما بسوي هالحركات الا اللي متربي على ايدين الخدم فقط ..
لكن هم عمموها بينهم الظاهر
هذا ما سمعته من اشخاص شاهدين على نفس هالمواقف .
والله يهدي الجميع

كلامج صحيح في جزئية الصبيان الصغار .....> نقطة لابد من عدم تجاوزها :nice:

[غايه الطواش]

امس باص كروه الكبير السواق يسوق وعينه في الجوال قلبي يغى يوقف من الخرعه, وليته الباص الصغير لا ..الكبير
الله يكفيها شر وحش الشارع (كروه)

ومن كم سنه رفيجتي ابوها طالع من المسيد صلاه الفجر دعمه باص كروه وشرد !!

[يمامـة]

امس باص كروه الكبير السواق يسوق وعينه في الجوال قلبي يغى يوقف من الخرعه, وليته الباص الصغير لا ..الكبير
الله يكفيها شر وحش الشارع (كروه)

ومن كم سنه رفيجتي ابوها طالع من المسيد صلاه الفجر دعمه باص كروه وشرد !!

ولدي الكبير يقول لو كل واحد شاف راعي كروة مخالف نزله وكفخه ورده في الباص ما كان شفنا تجاوزات منهم
( طلع ما يحبهم كلش ) :weeping:

[@north_star@]

المفروض لما يوقف التكسي ونركب فيه وقلنا للسايق عن وجهتنا خلاص ما ننزل وملزوم غصب عليه يوصلنا
من فترة كانت سيارتي بالتصليح وطبعا بعد التنقيعه من صباح الله خير وقفلي واحد يقولي وين رايح قمت فتحت الباب وركبت وقلتله طريق سلوى وقالي سووري زحمة وانا بتاخر ومن هالخرابيط وطبعا ما نزلت قلتله حرك ومالي شغل فيك وطبعا انطم ووصلني .

[بوطويشم]

السلام عليكم

اركب بدون ماتشاوره وقوله وصلني المكان الفلاني وشغل العداد

اذا رفض كلم الشرطة

وقدم شكوى لوزارة المواصلات و نسخه لمجلس الوزراء في حال عدم رد الوزاره

[بوخالد911]

المشكلة المسؤولين بكروة عارفين اللي يصير
واللي يقولك لا لازم تصور وتقدم تقرير للادارة
هذا مب كفو شغل ولا منصب

الان معظم سائقي كروة يفاوضون الركاب
ولا يشغلون العداد

[الزعيـم]

اخوي لمت اب للعلم تره سواقين كروه حتى المقيم العربي مايوقفون له ..!

شوف سيارات كروه كل الركاب فيها اسيويين

مع الاسف مافي نظام في كروه

- المفروض دام انه وقف خلاص غصب عنه لازم ياخذك المكان اللي انت رايح له

- تفعيل نظام الضوء ان التاكسي فاضي او لا

حادثه بسيطه قررت استخدم فيها تاكسي كروه وكانت اول مره واخر مره ، ماشتغل موتري وكنت في مكان ممنوع دخول سيارات كروه فيه بدون طلب ..، فاتصلت على كروه اطلب سياره ، قالي الموظف بعد نص ساعه تكون السياره عندك وراح نتصل عليك انقولك السياره موجوده ...!!

راحت نص ساعه ، ساعه الا ربع ، ساعه ، وطبعا كروه لاحس ولا خبر ، المهم وصلني احد الاصدقاء للبيت وكنت متوقع انه سيارة كروه راح توصل بعد ماروحت لكن ماوصلت ولا احد اتصل قالي السياره في الانتظار ..!

[طرف محايد]

ولدي الكبير يقول لو كل واحد شاف راعي كروة مخالف نزله وكفخه ورده في الباص ما كان شفنا تجاوزات منهم
( طلع ما يحبهم كلش ) :weeping:


هذا خوسيه ولا غيره؟

[ولد شرق]

بالخط العريض ونداء إلى الداخلية..... من امن العقوبه اساء الأدب

سواء كروه ولا غيرها
انتبهوا قبل فوات الاوان

من امن العقوبه اساء الأدب

[جينير]

السلام عليكم ورحمة الله وبركاته

سيارات كروة مستحيل توقف لك
كنت في الصناعيه مدخل سيارتي للصيانه
وابي ارجع للبيت وكان وقت الضحى
وكروة تمر واحاول اوقفهم وماهم راضين يوقفون مع العلم ان السيارة فاضيه ما معهم زبائن
وبعدها جاني قطري جزاه الله خير ووصلني


وفي موقف ثاني قريب محطة ابو هامور الصبح بدري
مدخل السياره للوكاله
اشرت لكروة ووقف على طول
مع اني كنت متوقع انه ماراح يوقف

وكان سبب وقوفه لي اني كنت لابس رياضه

المهم ركبت معه وكان بنغالي الجنسيه

مشينا وسولفت معه
قلت ليش انتوا ماتوقفون للقطري
قال هذا انت قطري ووقفت عندك
قلت لا انت وقفت لاني مو لابس ثوب قطري

عقب قال شوف بابا

قطري انا يوصل للمكان عقب ينزل ومايعطي فلوس ويصارخ علي
قلت طيب انا الحين قطري وكلامي زين معك وبعطيك اجرتك
اذا فيه واحد غلط خلاص تحطون القطريين كلهم بلاك لست

وعقب ماعطيته حسابه
قال بابا انا يبي اكراميه
مكان المنطقه مافيه زبائن يرجعون معي من مكان الوصول
وفوق هذا سواقتهم متهوره


الله يذكرك يالبرتقالي بالخير

[معماري قطري]

الحل بسيط كبوه يحطون كاميرات صغيرة ورخيصة وسيستم متابعة بسيط يكون مسلط على السواقين بس حتى ينضبطون في شغلهم .. ولو ما تشتغل الكاميرات بيحترمون نفسهم لأنهم يدرون إنهم متابعين.

[قطري سهم]

في كروه نصب واحتيال غير طبيعي

الهندي والاسيوي من شاكلتهم يخاف من العربي ولا القطري على وجه الخصوص لن اغلب التكاسي تشتغل مع الاسيويين بدون تشغيل العداد لو المشوار ب 70 عادي ياخذ منه 20 والاثنين مبسوطين