حق السفر لكل مواطن ومواطنه!!!!

[حسن]

السلام عليكم ورحمه الله وبركاته

صباح الخير جميعا

الكل شايف ظاهره السفر التى غزت كل بيت وعائله واصبحت فريضه واجبه في كل اجازه !!

الحمدلله المجتمع القطري يتمتع بوفره ماليه عاليه وهذا بفضل الله
ونحمد الله ونشكره على هذه النعمه

والملاحظ : ان اصبح هاجس المجتمع القطري بالذات السفر !!
لا يخلو مجلس ولا اماكن العمل ولا تجمع الى والحديث عن السفر واين ستقضى اجازتك.
سواء نهايه الاسبوع اجازه العيدرمضان اجازه عيد الاضحى اجازه الربيع اجازه شهر اربعه اجازه اليوم الوطني
اجازه اليوم الرياضى.

ماهي الاسباب اللتي ادت الى ذالك ؟

هل الروتين اليومي او لتغير البيئه والراحه والاستجمام يتطلب ذالك؟؟
هل زياده الرواتب والدخول الاخرى سؤاء اسهم ايجارات وغيرها لها دور في ذالك ؟؟
هل هي ثقافه جديده غير مقصوده ام وليده صدفه ؟؟؟
هل التقليد او له دور في ذالك؟او نوع من البرستيج الاجتماعي الجديد؟؟
اذا اردت ان تسافر ماهي وجهتك المفضله الدول العربيه ؟ام الغربيه ؟ولماذا؟ وماهي الدوافع؟
هل السفر ادى الى تغير نمط حياتك لعاده ما او سلوك معين ؟
هل ترى السفر سبب في تغير بعض السلوكيات في المجتمع ؟ اخلاقيه او دينيه؟
هل ترى ان السفر يساعد على تعليمك الاقتصاد والادخار ام على ثقافه الاستهلاك؟
هل تضع للسفر ميزانيه خاصه من دخولك ام دين من البنك ؟؟
هل السفر اصبح عبى على الاسره القطريه ام لا ؟ولماذا ؟
هل السفر اصبح ضروره في كل الاجازات ولماذا؟

اتمنى سماع اراكم وتجاربكم في ذالك


للاستفاده منها


تحياتي لكم

[الزعفراني]

لاشك ان مافي انسان في الكون ما يحب السفر - الا ما ندر - بقصد التعرف على الناس والثقافات والسياحة والاطلاع والوناسه .. ولا شك ان السفر مكلف من حيث التذاكر والسكن والمصاريف للاستمتاع في السفر من فعاليات وغيره ..
ولاشك ان هذه التكاليف كانت تحول بين سفر الكثييييييير بسبب عدم توفر السيولة او الفلوس .. لكن بعد زيادات الرواتب ولله الحمد توفرت وصار الانسان يقدر يسافر ويغطي تكاليف السفر .. لذلك الناس قامت تسافر كثير وتلف بلدان كثيرة كانت تحب او تطمح او تحلم تزورها
وهالشيء مافيه شيء .. لكن الاهم ان اللي يسافر يعكس صورة طيبة عن بلاده ودينه في الخارج .. يستانس ويطرب نفسه في حدود المباح .. والاهم مايكون هالسفر عبء عليه .. او على حد من افراد اسرته .. او يكون هاجس مع كل إجازة .. حتى السفر له متعة لو كان منظم
وعلى مناسبات مثلا سفرة في الصيف وسفرة في عطلة الربيع والسلام .. مب 20 مليون سفرة في السنه ..

الموضوع اعتقد اصبح له ارتباط نفسي عند الانسان بطبيعته محب للسفر والترحال وتغير الجو ..

تحياتي لك

[حسن]

لاشك ان مافي انسان في الكون ما يحب السفر - الا ما ندر - بقصد التعرف على الناس والثقافات والسياحة والاطلاع والوناسه .. ولا شك ان السفر مكلف من حيث التذاكر والسكن والمصاريف للاستمتاع في السفر من فعاليات وغيره ..
ولاشك ان هذه التكاليف كانت تحول بين سفر الكثييييييير بسبب عدم توفر السيولة او الفلوس .. لكن بعد زيادات الرواتب ولله الحمد توفرت وصار الانسان يقدر يسافر ويغطي تكاليف السفر .. لذلك الناس قامت تسافر كثير وتلف بلدان كثيرة كانت تحب او تطمح او تحلم تزورها
وهالشيء مافيه شيء .. لكن الاهم ان اللي يسافر يعكس صورة طيبة عن بلاده ودينه في الخارج .. يستانس ويطرب نفسه في حدود المباح .. والاهم مايكون هالسفر عبء عليه .. او على حد من افراد اسرته .. او يكون هاجس مع كل إجازة .. حتى السفر له متعة لو كان منظم
وعلى مناسبات مثلا سفرة في الصيف وسفرة في عطلة الربيع والسلام .. مب 20 مليون سفرة في السنه ..

الموضوع اعتقد اصبح له ارتباط نفسي عند الانسان بطبيعته محب للسفر والترحال وتغير الجو ..

تحياتي لك

اشكرك يالزعفراني على هذا الرد الجميل

نورت الموضوع

[قطريه22]

خل الناس تسافر وتغير جو ياحسن

السفر الحين ينقال للدول الي تاخذ في الطياره اكثر من ساعتين
انا الدول القريبه صارت مثل بلادنا ماينعد سفر علينا

[قطريه22]

بعدين تعال حمد الي قال بيكتب موضوع
شالسالفه ليكون انت حمد وعندك اسمين؟؟

[المحاميه]

حسن
اشرايك يحطون قانون يمنعون فيه السفر
يعني
يخلون الواحد يسافر كل 5 سنوات مره

هالحل يرضيك؟

على قولت ضوى الله يذكرها بالخير ..
دعو الخلق للخالق :weeping:

[حسن]

خل الناس تسافر وتغير جو ياحسن

السفر الحين ينقال للدول الي تاخذ في الطياره اكثر من ساعتين
انا الدول القريبه صارت مثل بلادنا ماينعد سفر علينا

الحمدلله على السلامه ياقطريه

شلون دبي اكيد فله

يعني تقصدين الساعتين بالطياره ماينعد سفر
:con2:

يعني الطياره تمشي 900 كيلو في الساعه ضرب 2 يعني 1800 كيلو
مني وحزم الجلاميد

:omg:

يعني تبين مسافات اطول
خلاص نقول للطيار لف على دبي خمسين مره علشان قطريه

[بونووف]

هل الروتين اليومي او لتغير البيئه والراحه والاستجمام يتطلب ذالك؟؟

اكيد شلون تقدر تكسر الروتين اذا انتي قاعد في نفس المكان

هل زياده الرواتب والدخول الاخرى سؤاء اسهم ايجارات وغيرها لها دور في ذالك ؟؟

كنت اسافر من ايام كنت متدرب وراتبي 4000

هل هي ثقافه جديده غير مقصوده ام وليده صدفه ؟؟؟

مافهمت ثقافه جديده غير مقصوده مب نفس معنى ولدية صدفه..؟:rolleyes2:

هل التقليد او له دور في ذالك؟او نوع من البرستيج الاجتماعي الجديد؟؟

ماله خص التقليد ولا البرستيج .. حتى اذا اسافر ماحب اقول حق حد عشان لايحشروني بالطلبات

اذا اردت ان تسافر ماهي وجهتك المفضله الدول العربيه ؟ام الغربيه ؟ولماذا؟ وماهي الدوافع؟

على حسب مدة الاجازه .. اذا طويله غربيه .. الدوافع كثيره .. منها الراحه و تغيير الجو

هل السفر ادى الى تغير نمط حياتك لعاده ما او سلوك معين ؟

في اشياء الواحد يتعلمها من الغرب مثل احترامهم للسواقه والنظام في كل شي

هل ترى السفر سبب في تغير بعض السلوكيات في المجتمع ؟ اخلاقيه او دينيه؟

اكييد.. بس فالاخير يرجع للاساس

هل ترى ان السفر يساعد على تعليمك الاقتصاد والادخار ام على ثقافه الاستهلاك؟

يعلم اكيد .. اذا تسافر بتحط كل شي في بالك من الصرفيه على السكن والتنقل و التسوق .. عشان ماتتوهق في نص السفره الا انت داق صبع

هل تضع للسفر ميزانيه خاصه من دخولك ام دين من البنك ؟؟

اسافر عالراتب ..اذا كلش استعملت الفيزا ..

هل السفر اصبح عبى على الاسره القطريه ام لا ؟ولماذا ؟

على حسب كل اسره ومدخولها .. ويقولك مد ريولك على قد لحافك

هل السفر اصبح ضروره في كل الاجازات ولماذا؟

مب شرط كل الاجازات .. يعني اجازه وترك مب غلط


:victory:

[حسن]

بعدين تعال حمد الي قال بيكتب موضوع
شالسالفه ليكون انت حمد وعندك اسمين؟؟

حمد على وزن حسن

:tease:

بعدين نسيت ارد عليك فرط الرد الاول
وانا طالب منع السفر يوم تقولين خل الناس تسافر ياحسن
عنوان الموضوع حق السفر لكل مواطن ومواطنه

يعني انا طالب بحقوق لكم من تحت الحزام

زرتي راس الخيمه

:victory:

[المحاميه]

بعدين تعال حمد الي قال بيكتب موضوع
شالسالفه ليكون انت حمد وعندك اسمين؟؟

توج تدرين
وجهان لعمله واحده :weeping:

[حسن]

حسن
اشرايك يحطون قانون يمنعون فيه السفر
يعني
يخلون الواحد يسافر كل 5 سنوات مره

هالحل يرضيك؟

على قولت ضوى الله يذكرها بالخير ..
دعو الخلق للخالق :weeping:


ركزي شوي يالمحاميه بليز
زيين كماصرتي قاضيه كان المتهمين راحو فيها اعدام

قالك انتي فكري شوي وخلي عندك راي مستقل ومدروس
ماعلينا

انا ماطرحت اي ماذكرتيه بتاتا

[Dana’1]

بصراحة ياحسن من يوم أنا طفله والناس تسافر...ماهو بالشي الجديد
لكن أكيد مع زيادة الرواتب والخير ولله الحمد والمنه ...وبعضهم ممكن يكون عنده مال لكن يتخوف من السفر لأسباب كثيرة منها جهل اللغه والمكان إي بيروح له بنسبه كبيرة فخياف يسافر بالذات مع العائله أقصد
لكن الحين بالإضافه للخير والنعم ومع وجود الإعلام والترويج للسياحة بكل الوسائل بالتلفزيون والنت ..وعروض وصور وحتى اللغه ماعاد هو الحاجز بحكم إنفتار العالم على بعضه بالعموم..
والإنسان بالغالب يحب السفر وإنه يشوف ويجرب أشياء جديدة ويطلع من روتينه
كل هذي الأسباب وغيرها ساعدت على كثره السفر هالأيام من وجهة نظري

[قطريه22]

الحمدلله على السلامه ياقطريه

شلون دبي اكيد فله

يعني تقصدين الساعتين بالطياره ماينعد سفر
:con2:

يعني الطياره تمشي 900 كيلو في الساعه ضرب 2 يعني 1800 كيلو
مني وحزم الجلاميد

:omg:

يعني تبين مسافات اطول
خلاص نقول للطيار لف على دبي خمسين مره علشان قطريه

الله يسلمك
ساعتين كانك في السياره والا في السوق ههههههههههه

اما روحة 45 دقيقه ماتنعد سفر

ودبي بالنسبة لي صارت بلادي الثانية حفظتها حتى في محل من كثر ماروحه اعرفوني ههههههههههه

لا انا في الشارجه ودبي بس

[حسن]

هل الروتين اليومي او لتغير البيئه والراحه والاستجمام يتطلب ذالك؟؟

اكيد شلون تقدر تكسر الروتين اذا انتي قاعد في نفس المكان

هل زياده الرواتب والدخول الاخرى سؤاء اسهم ايجارات وغيرها لها دور في ذالك ؟؟

كنت اسافر من ايام كنت متدرب وراتبي 4000

هل هي ثقافه جديده غير مقصوده ام وليده صدفه ؟؟؟

مافهمت ثقافه جديده غير مقصوده مب نفس معنى ولدية صدفه..؟:rolleyes2:

هل التقليد او له دور في ذالك؟او نوع من البرستيج الاجتماعي الجديد؟؟

ماله خص التقليد ولا البرستيج .. حتى اذا اسافر ماحب اقول حق حد عشان لايحشروني بالطلبات

اذا اردت ان تسافر ماهي وجهتك المفضله الدول العربيه ؟ام الغربيه ؟ولماذا؟ وماهي الدوافع؟

على حسب مدة الاجازه .. اذا طويله غربيه .. الدوافع كثيره .. منها الراحه و تغيير الجو

هل السفر ادى الى تغير نمط حياتك لعاده ما او سلوك معين ؟

في اشياء الواحد يتعلمها من الغرب مثل احترامهم للسواقه والنظام في كل شي

هل ترى السفر سبب في تغير بعض السلوكيات في المجتمع ؟ اخلاقيه او دينيه؟

اكييد.. بس فالاخير يرجع للاساس

هل ترى ان السفر يساعد على تعليمك الاقتصاد والادخار ام على ثقافه الاستهلاك؟

يعلم اكيد .. اذا تسافر بتحط كل شي في بالك من الصرفيه على السكن والتنقل و التسوق .. عشان ماتتوهق في نص السفره الا انت داق صبع

هل تضع للسفر ميزانيه خاصه من دخولك ام دين من البنك ؟؟

اسافر عالراتب ..اذا كلش استعملت الفيزا ..

هل السفر اصبح عبى على الاسره القطريه ام لا ؟ولماذا ؟

على حسب كل اسره ومدخولها .. ويقولك مد ريولك على قد لحافك

هل السفر اصبح ضروره في كل الاجازات ولماذا؟

مب شرط كل الاجازات .. يعني اجازه وترك مب غلط


:victory:



اشكرك يابونوف على هذا الرد الوفي

تحياتي لك

[قطريه22]

هل الروتين اليومي او لتغير البيئه والراحه والاستجمام يتطلب ذالك؟؟
نعم


هل زياده الرواتب والدخول الاخرى سؤاء اسهم ايجارات وغيرها لها دور في ذالك ؟؟
بالنسبه لي لا


هل هي ثقافه جديده غير مقصوده ام وليده صدفه ؟؟؟
ليست ثقافه وانما تغيير نفسيه وجو


هل التقليد او له دور في ذالك؟او نوع من البرستيج الاجتماعي الجديد؟؟
لا


اذا اردت ان تسافر ماهي وجهتك المفضله الدول العربيه ؟ام الغربيه ؟ولماذا؟ وماهي الدوافع؟
الغربيه، بعيداً عن المظاهر ، الي يعجبني بساطتهم


هل السفر ادى الى تغير نمط حياتك لعاده ما او سلوك معين ؟
لا

هل ترى السفر سبب في تغير بعض السلوكيات في المجتمع ؟ اخلاقيه او دينيه؟
نعم لضعاف النفوس والمقلدين


هل ترى ان السفر يساعد على تعليمك الاقتصاد والادخار ام على ثقافه الاستهلاك؟
الادخار للسفر فقط


هل تضع للسفر ميزانيه خاصه من دخولك ام دين من البنك ؟؟
ميزانيه من مدخولي


هل السفر اصبح عبى على الاسره القطريه ام لا ؟ولماذا ؟
لا


هل السفر اصبح ضروره في كل الاجازات ولماذا؟
لا

[يمامـة]

حسن

بشكل عام اشوف اني ضد هوس السفر اللي صايد الناس ،،
الناس مب عارفين اشلون يستغلون اوقاتهم او اشلون يستفيدون منه الا بالسفر ،،

طبعا اهنيه ما اعترض على اللي بيسافر ولكنني اشوف ان حتى السفر لازم يكون بفايدة
صحيح التغيير حلو .. لكن ان نوصل لمرحلة ان كل بيزة اتيينا نقطها في السفر
اشوفه تقدير غير حكيم لنعمة المال !!!

[فرهود]

بختصار ياحسن الناس ماتدري وين تحط فلوسها اللهم لك الحمد . دخل اقل اسره الحين يتعدى نص مليون في السنه هذا غير اذا فيه بعد عوائد منيه ومناك عقار او اسهم . فالحل الوحيد والامثل لصرف هذي المبالغ هو السفر وتدري ان اقل سفره نقول مثلا لدبي تكلف على الاقل 50الف ريال فشلون لو بتربع -تربع على وزن تصيف- في تركيا او شرق اسيا يبيلك مع العايله اقل شي 150الف .

فكرت اسافر هالاجازه بس قلت وين اروح اوروبا برد موت واهلها يشتون عندنا .شرق اسيا رطوبه .دبي ملينا منها وكنا في قطر ماصارت تفرق . فعلا الدوحه حلوه في الربيع بس للي يعرف يخطط صح خصوصا هالسنه مع المطر والربيع .

[حسن]

حسن

بشكل عام اشوف اني ضد هوس السفر اللي صايد الناس ،،
الناس مب عارفين اشلون يستغلون اوقاتهم او اشلون يستفيدون منه الا بالسفر ،،

طبعا اهنيه ما اعترض على اللي بيسافر ولكنني اشوف ان حتى السفر لازم يكون بفايدة
صحيح التغيير حلو .. لكن ان نوصل لمرحلة ان كل بيزة اتيينا نقطها في السفر
اشوفه تقدير غير حكيم لنعمة المال !!!

اشكرك يا اليمامه وفرتي على جهد العناء والتفكير

يعني تتوقعين يمشون على نظريه اللي عندي قرشين ومحيروه يشتري حمام ويطيروه

انا مع التغير والاستجمام

ولكن

بفكر ووعي ودراسه وفائده

اشكرك يااليمامه انا لما اشوف حكيمه المنتدي يطمئن قلبي


سعيد جدا بمشاركتك اوي خالص جدا

:victory:

[يمامـة]

اشكرك يا اليمامه وفرتي على جهد العناء والتفكير

يعني تتوقعين يمشون على نظريه اللي عندي قرشين ومحيروه يشتري حمام ويطيروه

انا مع التغير والاستجمام

ولكن

بفكر ووعي ودراسه وفائده

اشكرك يااليمامه انا لما اشوف حكيمه المنتدي يطمئن قلبي


سعيد جدا بمشاركتك اوي خالص جدا

:victory:

وفرتي على جهد العناء والتفكير هاااا ؟

شوف يا اخوي حسن ،، كل شي زاد عن حده انقلب ضده ،،

حلو الانسان يسافر لكن مب حلو يفسس فلوسه ، من زمان ضد الفكرة هذي
يعني في ناس في الشهر مرتين يسافرون دبي ،، طيب ليش ؟
نغير جو ودبي مب مثل قطر ( يا عالم الجو هو نفسه والمطاعم هي نفسها !!)
وشو التغيير اللي بيصير غير ركوب الطيارة والنزول منها ؟

في الوقت اللي اشوف ان الواحد لو حاول يستفيد من المبالغ هذي
في أمور تعود عليه وعلى اسرته بالفايدة كنا حزتها حرفنا قيمة هالفلوس
اللي تنصرف في السنة اكثر من مرة بحجة الترويح عن النفس !!

[الـقـاسـي]

والله من ناحيه السفر هو فعلا زاد هالايام وصار تقريبا مع كل اجازه , بس ترى ماتلوم الناس الحياه صارت كلها ضغوطات ماتحصل وقت ف مايصدقون تجي الاجازه الا وسافروا يستمتعون بعدين الدوحه شفيها عشان الناس تقعد فيها .
انا عن نفسي سفراتي واجد لكن في كثير منها اكون مجبور اما مع الدوام او دوره او شغل غير السفرات مع الاهل وهي اللي تكلف واجد بصراحه لان مع اهلك معناته لازم فيه سوق وماتقدر تروح اي مكان وماتقدر تركب اي مواصلات لازم كلها تكون فايف ستار اما مع الشباب بالعكس والله ماتكلف ولا شي.

[حسن]

هل الروتين اليومي او لتغير البيئه والراحه والاستجمام يتطلب ذالك؟؟
نعم


هل زياده الرواتب والدخول الاخرى سؤاء اسهم ايجارات وغيرها لها دور في ذالك ؟؟
بالنسبه لي لا


هل هي ثقافه جديده غير مقصوده ام وليده صدفه ؟؟؟
ليست ثقافه وانما تغيير نفسيه وجو


هل التقليد او له دور في ذالك؟او نوع من البرستيج الاجتماعي الجديد؟؟
لا


اذا اردت ان تسافر ماهي وجهتك المفضله الدول العربيه ؟ام الغربيه ؟ولماذا؟ وماهي الدوافع؟
الغربيه، بعيداً عن المظاهر ، الي يعجبني بساطتهم


هل السفر ادى الى تغير نمط حياتك لعاده ما او سلوك معين ؟
لا

هل ترى السفر سبب في تغير بعض السلوكيات في المجتمع ؟ اخلاقيه او دينيه؟
نعم لضعاف النفوس والمقلدين


هل ترى ان السفر يساعد على تعليمك الاقتصاد والادخار ام على ثقافه الاستهلاك؟
الادخار للسفر فقط


هل تضع للسفر ميزانيه خاصه من دخولك ام دين من البنك ؟؟
ميزانيه من مدخولي


هل السفر اصبح عبى على الاسره القطريه ام لا ؟ولماذا ؟
لا


هل السفر اصبح ضروره في كل الاجازات ولماذا؟
لا



اشكرك ياقطريه على ردك رغم اني اختلف معك
ان الماده هي الاساس في السفر
الواحد بدون فلوس مايقدر يروح مكان الى اذا انتى عندك سعفه تسافرين عليها
:)

وبعدين كيف السفر مهب عبى يعني مايحتاج مال وحجز تذاكر وسكن ومواصلات ومشتريات
لايكون انتى على حساب الديوا....

:victory:


اشكرك ياقطريه

[حسن]

بختصار ياحسن الناس ماتدري وين تحط فلوسها اللهم لك الحمد . دخل اقل اسره الحين يتعدى نص مليون في السنه هذا غير اذا فيه بعد عوائد منيه ومناك عقار او اسهم . فالحل الوحيد والامثل لصرف هذي المبالغ هو السفر وتدري ان اقل سفره نقول مثلا لدبي تكلف على الاقل 50الف ريال فشلون لو بتربع -تربع على وزن تصيف- في تركيا او شرق اسيا يبيلك مع العايله اقل شي 150الف .

فكرت اسافر هالاجازه بس قلت وين اروح اوروبا برد موت واهلها يشتون عندنا .شرق اسيا رطوبه .دبي ملينا منها وكنا في قطر ماصارت تفرق . فعلا الدوحه حلوه في الربيع بس للي يعرف يخطط صح خصوصا هالسنه مع المطر والربيع .

يامرحبا بفرهود

اي والله صدقت بكلمه الناس مهب عارفه وين تحط فلوسها
فعلا الدخول عاليه جدا وانا تفق معك ان الكثير دخلهالشهري مش اقل من 100الف وطالع
تعرف ان الفلوس لماتجيك وماتستغلها ولا تدخر منها او تشتري شي ينفعك وتنمى لك مدخول
تتواكل وتروح وتنتهي

الصراحه ام الربيع عندنا السنه غير غير
اي والله ماينفوت انا استغرب من اللي رايح يكشت برع قاع اجلح املح وعندنا خضار مش طبيعي
يازين تخيم في بلادك في احد الروض وتسوي عشاك وحتى اللي عنده نسوان
يقدر يرجع في الليل ويكون مستانسين في البر الحلو والتمشيه وكل شي قريب
ولا خساير برع وتذاكر وسكن ومشتريات
حتى برنا وهو مستوي كانه جنه مايبونا

بلادنا فيها فيروس

حيالك الله يافرهود

[يمامـة]

الصراحه ام الربيع عندنا السنه غير غير
اي والله ماينفوت انا استغرب من اللي رايح يكشت برع قاع اجلح املح وعندنا خضار مش طبيعي
يازين تخيم في بلادك في احد الروض وتسوي عشاك وحتى اللي عنده نسوان
يقدر يرجع في الليل ويكون مستانسين في البر الحلو والتمشيه وكل شي قريب
ولا خساير برع وتذاكر وسكن ومشتريات
حتى برنا وهو مستوي كانه جنه مايبونا

بلادنا فيها فيروس

حيالك الله يافرهود

بنت اخوي تقول لأول مرة اكتشف ان قطر خضراء ...................> من عقب ما راحت أماكن
شافت فيها الأرض مخضرة من عقب المطر على عكس السنين اللي طافت اللي كانوا يخيمون في العزبة !!

[مشاكل]

السفر قبل سنتين كان حلم ،،، ولذلك الان تشوف العالم مفتلّه في كل اجازة حتى الويك اند
حتى لندن هالايام ماتجيب الراس
اللهم دمها علينا نعمة واحفظها علينا من الزوال

[حسن]

والله من ناحيه السفر هو فعلا زاد هالايام وصار تقريبا مع كل اجازه , بس ترى ماتلوم الناس الحياه صارت كلها ضغوطات ماتحصل وقت ف مايصدقون تجي الاجازه الا وسافروا يستمتعون بعدين الدوحه شفيها عشان الناس تقعد فيها .
انا عن نفسي سفراتي واجد لكن في كثير منها اكون مجبور اما مع الدوام او دوره او شغل غير السفرات مع الاهل وهي اللي تكلف واجد بصراحه لان مع اهلك معناته لازم فيه سوق وماتقدر تروح اي مكان وماتقدر تركب اي مواصلات لازم كلها تكون فايف ستار اما مع الشباب بالعكس والله ماتكلف ولا شي.

يارجال انت من صجك
اي ضغوطات يا القاسي الحين اقل التزام هي الاسره عندنا كلشي
بالاعتماد على الغير الله يرحم والديكم
اذا اجازه الربيع شهر كامل وين صارت ذي

وبعدين من يقولك الدوحه وش فيهاا هذا الاول اما الحين مجماعات ضخمه اماكن حلوه
وجو بارد وامطار
وبر عجيب وحلو قول الناس صارت فسقانه من الرواتب العاليه
هذه الزبده

روح شوف بوخارب وش يقول في موضوع لندن


حيلك الله يالقاسي


المقدمه وبس

[OM_OMAR_QATAR]

والله اثرت موضوع، امس انا اتناقش فيه مع أهلي
بعد ان سمعنا محاورة بالراديو مع طبيبة قطرية ، مفروض هي ضمن مجال الخبرة والخدمات الي في قطر
وامور
تررررررررررررب
دخل الموضوع على سفر والاماكن الي راحت لها وهالأمور


استغربنا واستهجنا الموضوع
لكل مقامَ مقال..

[حسن]

والله اثرت موضوع، امس انا اتناقش فيه مع أهلي
بعد ان سمعنا محاورة بالراديو مع طبيبة قطرية ، مفروض هي ضمن مجال الخبرة والخدمات الي في قطر
وامور
تررررررررررررب
دخل الموضوع على سفر والاماكن الي راحت لها وهالأمور


استغربنا واستهجنا الموضوع
لكل مقامَ مقال..


شو ياام عمر

مافهمت عليك وضيحلنا اكثر ماعرفت القصه

ممكن ايش النقاط اللي طلعتي فيها

شرفتي ياام عمر

شو اخبار التجاره منيح

[حمد 2002]

يابوعلي ممكن اتلخص موضوعك بسطرين لكي اعرف المغزى الي تبي توصله او خلاصه الموضوع وفحواه ، لاني متكيسل اقراه كله والله ،،،

بالتوفيق ،،

[قطريه22]

يابوعلي ممكن اتلخص موضوعك بسطرين لكي اعرف المغزى الي تبي توصله او خلاصه الموضوع وفحواه ، لاني متكيسل اقراه كله والله ،،،

بالتوفيق ،،

هههههههههههههههههههههههههههههههههههههههه
الحين حسن مايقصر المسكين يقرى مواضيعك كلها
وانت عيزان تقرى موضوعه
افااااااااااااااااااااااااااااااااااااااا والله
شوف رفيجك ياحسن شيقول

[قطريه22]

اشكرك ياقطريه على ردك رغم اني اختلف معك
ان الماده هي الاساس في السفر
الواحد بدون فلوس مايقدر يروح مكان الى اذا انتى عندك سعفه تسافرين عليها
:)

وبعدين كيف السفر مهب عبى يعني مايحتاج مال وحجز تذاكر وسكن ومواصلات ومشتريات
لايكون انتى على حساب الديوا....

:victory:


اشكرك ياقطريه


بالنسبة للمصاريف هي صج تعب ويبي لك ميزانيه
بالنسبه لي انا وخواتي نقسم كل شيء بينا الغرف والمواصلات هالطريقه تخلي المصاريف تخف على الواحد اما المشتريات فكل واحد والي يبي يوديه معاه

[alnaseer555]

ودي أسافر بس مديون فيمدحون سيلين والمخيم ابرك ولا اقبض خط اذا كلش كلش دبي يومين بعد عشان الخساير

[حسن]

يابوعلي ممكن اتلخص موضوعك بسطرين لكي اعرف المغزى الي تبي توصله او خلاصه الموضوع وفحواه ، لاني متكيسل اقراه كله والله ،،،

بالتوفيق ،،

من شفت ردودك في الاستراحه انصاف الليالي وانا داري انك اليوم
ميح

حاط نفسك على الصامت

تسهر ها خل ينفعك السهر

[ذكـــــرى]

اولا واخيرا للمفوشرر قدام اهلهم وجيرانهم
ثانيا فلوسهم واجد ومايدرون شيسوون فيها ولو تقولهم تبرعو للفقراء قالو ماعندنا
ثالثا لان اروتين والحياه الممله ذبحتهم
بس اهم نقطه المفووشر لدرجه يصورون مع كل معلم هناك علاشان نتاكد انهم سافرو صج

[حمد 2002]

هههههههههههههههههههههههههههههههههههههههه
الحين حسن مايقصر المسكين يقرى مواضيعك كلها
وانت عيزان تقرى موضوعه
افااااااااااااااااااااااااااااااااااااااا والله
شوف رفيجك ياحسن شيقول

الحين بركز وبجاوب بوعلي يستاهلل والله ، والله ياقطريه اني سهران امس ومريض والله ولا مركز بشيء :)

بس لبوعلي اتهون كل المصايب ويستااااااااااهل النوخذه ،،،

خلج محضر خير ياقطريه ولاتدخلين بيني وبين بوعلي ...


بالتوفيق ...

[حمد 2002]

من شفت ردودك في الاستراحه انصاف الليالي وانا داري انك اليوم
ميح

حاط نفسك على الصامت

تسهر ها خل ينفعك السهر

اي والله يابوعلي السهر مايفيد ،، لازم الانسان يهتم بصحته شوي ،،،بالتوفيق

[قطريه22]

الحين بركز وبجاوب بوعلي يستاهلل والله ، والله ياقطريه اني سهران امس ومريض والله ولا مركز بشيء :)

بس لبوعلي اتهون كل المصايب ويستااااااااااهل النوخذه ،،،

خلج محضر خير ياقطريه ولاتدخلين بيني وبين بوعلي ...


بالتوفيق ...

سلامتك وماتشوف شر
ههههههههههههه اشوفك صاير طيب اليوم

[حمد 2002]

سلامتك وماتشوف شر
ههههههههههههه اشوفك صاير طيب اليوم

الله كريم ياقطريه ،، :)

[OM_OMAR_QATAR]

شو ياام عمر

مافهمت عليك وضيحلنا اكثر ماعرفت القصه

ممكن ايش النقاط اللي طلعتي فيها

شرفتي ياام عمر

شو اخبار التجاره منيح

الي اقوله يخوي ،
ان السفر ربما حاجة وربما متعة وربما طموح

لكن ما مفروض يكون هاجس، وهو اهم شي " ومظهر ولازم وواجب"

،
يعني طبيبة جايبيها حوار علمي طبي.. تناقش احوال الطب والبلد وتطوره وخدماته الصحية والطبية

ليششششش السفر يدش عرض؟؟
يعني اصلا لو بغت تدخل السفر تدخل له على انه للعلاج مثلا


عرفت شأقصد؟؟



اكلمك عن محاورة بالراديو

وانا مو من ربيع منيح خخخخخخ

[قــطــريــه]

الدولة مافيها سياحة داخلية مافيها الا ثلاث مجمعات مافيها اشياء ممكن الواحد يستمتع فيها اللهم في فصل الشتاء ممكن تغيير الجو من خلال الطلعات للبر او للبحر والشباب يحبون سيلين والعديد خلال هذه الفترة لكن اي شي ثاني مافيه مهرجانات مصخره يسوون مهرجان سوق واقف ولا غيره ومافيه الا مطربين يغنون ومانقدر نروح هالاماكن
الموضوع لا هو زيادة رواتب ولا هو برستيج ولا اي شي الموضوع ان قطر مافيها سياحة داخلية الدولة تتطور من كل مجال الا السياحة قاعدين نتأخر والسبب ان احنا مب مواكبين العصر من ناحية السياحة

[شيخ الديرة]

اولا واخيرا للمفوشرر قدام اهلهم وجيرانهم
ثانيا فلوسهم واجد ومايدرون شيسوون فيها ولو تقولهم تبرعو للفقراء قالو ماعندنا
ثالثا لان اروتين والحياه الممله ذبحتهم
بس اهم نقطه المفووشر لدرجه يصورون مع كل معلم هناك علاشان نتاكد انهم سافرو صج

أتفق مع ذكرى, أول أسبوع بعد الأجازة الكل يسأل الكل وين سافرت ومنين جيت, واللي ما مسافرة كأنما "مختلة عقليا" أو نعجة حمرة

بالأضافة الى ذلك الهروب من الواقع ومتطلباته, مادامك في الدوحة هذا يريد وذاك يريد وهذا يعتب وذاك يطلب

[حسن]

الدولة مافيها سياحة داخلية مافيها الا ثلاث مجمعات مافيها اشياء ممكن الواحد يستمتع فيها اللهم في فصل الشتاء ممكن تغيير الجو من خلال الطلعات للبر او للبحر والشباب يحبون سيلين والعديد خلال هذه الفترة لكن اي شي ثاني مافيه مهرجانات مصخره يسوون مهرجان سوق واقف ولا غيره ومافيه الا مطربين يغنون ومانقدر نروح هالاماكن
الموضوع لا هو زيادة رواتب ولا هو برستيج ولا اي شي الموضوع ان قطر مافيها سياحة داخلية الدولة تتطور من كل مجال الا السياحة قاعدين نتأخر والسبب ان احنا مب مواكبين العصر من ناحية السياحة

لو سمحتي

ماهي السياحه من منظورك لنا والتي تناسبنا !!
ياريت تذكرين لنا وتشرحين على الاقل نوصل رساله المسؤلين ؟؟

انا اشوف قطر بكبرها دوله سياحه ممتازه
من جميع النواحي من الشواطئ الممتده ومن الربيع البري ومن الاسواف الشعبيه
ومن المولا ت والمجمعات وش باقي بعد

اتمنى تشرحين لنا مفهوم السياحه لنستفيد

تبون كستنا علشان تشونه موجد بعد في السوق

خليني نحدد هدف

نسمع تفضلي

:con2:

[شيخ الديرة]

لو سمحتي

ماهي السياحه من منظورك لنا والتي تناسبنا !!
ياريت تذكرين لنا وتشرحين على الاقل نوصل رساله المسؤلين ؟؟
انا اشوف قطر بكبرها دوله سياحه ممتازه
من جميع النواحي من الشواطئ الممتده ومن الربيع البري ومن الاسواف الشعبيه
ومن المولا ت والمجمعات وش باقي بعد


رووء أبو علي رووء :stop:
هل تتوقع شعب ماليزيا لا يسافر للسياحة خارج ماليزيا لأن بلدهم ملئ بالأماكن السياحية؟
واذا الكثير من قطر يسافرون الى دبي للسياحة, هل هذا يعني أن أهل دبي لا يسافرون للسياحة الخارجية؟

اللي متمكن من الكلفة, ويراعي دينه أثناء سفره, ليس لك عليه حجة

[حسن]

رووء أبو علي رووء :stop:
هل تتوقع شعب ماليزيا لا يسافر للسياحة خارج ماليزيا لأن بلدهم ملئ بالأماكن السياحية؟
واذا الكثير من قطر يسافرون الى دبي للسياحة, هل هذا يعني أن أهل دبي لا يسافرون للسياحة الخارجية؟

اللي متمكن من الكلفة, ويراعي دينه أثناء سفره, ليس لك عليه حجة

ههههههههههه

ياهلا ياشيخ الديره

الصراحه موضوع الغياب وعلى صفحات الجرائد اقلقني بشكل كبير
وزرع في بناء واجيال هذا الوطن بالامبالاه وعدم الشعور بالمسؤليه

وسؤالي حق الاخت كان واضح وصريح
ونبي نوصل رساله للمسؤلين

شنهو نوع السياحه المطلوبه اذكرولنا امثله

تبون د يبان وحيايا
ولا
اسكريم
ولا لحيه الشايب

ولا نسير بروبرو بيوبيو

ولا غراش فانتا

ولا مساج

نبي نعرف ياشيخ لنستفيد

[شيخ الديرة]

شنهو نوع السياحه المطلوبه اذكرولنا امثله

لا تنسى الهدف من الموضوع والنقاش, هدفك هو الألتزام بالدوام المدرسي, وليس منع السياحة الخارجية.

ولكن لو حتى صار بالدوحة سياحة حقيقية, هذا لا يعني أن أهل الدوحة لا يسافرون للسياحة الخارجية.

ما أقصده أن سؤالك "شنهو نوع السياحه المطلوبه اذكرولنا امثله" لا يؤدي بالضرورة الى وضع حل للمشكلة الأساسية.

[بومحمد المطاوعه]

ماهي الاسباب اللتي ادت الى ذالك ؟


قله اماكن الترفيه عندنا



هل الروتين اليومي او لتغير البيئه والراحه والاستجمام يتطلب ذالك؟؟


اممممممم تقريبآ



هل زياده الرواتب والدخول الاخرى سؤاء اسهم ايجارات وغيرها لها دور في ذالك ؟؟


اي نعم شي طبيعي



هل هي ثقافه جديده غير مقصوده ام وليده صدفه ؟؟؟


ليست ثقافه بس شي من العاده
ان فالاجازه الواحد يسافر




هل التقليد او له دور في ذالك؟او نوع من البرستيج الاجتماعي الجديد؟؟



عند البعض نعم
التقليد شي مهم عندهم




اذا اردت ان تسافر ماهي وجهتك المفضله الدول العربيه ؟ام الغربيه ؟ولماذا؟ وماهي الدوافع؟



عن نفسي انا احب الدول الخليجيه
ولا عمري رحت دول اوروبيه ولا غربيه ولا عربيه

الدوافع : لأني اخاف على نفسي من المشاكل وشي طبيعي خارج الخليج مايحبون الملتحيين




هل السفر ادى الى تغير نمط حياتك لعاده ما او سلوك معين ؟



لا طبعآ بس تغير جو وزيارات لأهلنا فالخارج




هل ترى السفر سبب في تغير بعض السلوكيات في المجتمع ؟ اخلاقيه او دينيه؟



ماعتقد ياخوي حسن اذا كانت السفره للخليج
اما للخارج الله اعلم




هل ترى ان السفر يساعد على تعليمك الاقتصاد والادخار ام على ثقافه الاستهلاك؟



يمكن ويمكن لا




هل تضع للسفر ميزانيه خاصه من دخولك ام دين من البنك ؟؟



انا عن نفسي ميزانيه خاصه للسفر
مثلا اجمع قبلها بكم شهر

لان سفراتي كلها للخليج




هل السفر اصبح عبى على الاسره القطريه ام لا ؟ولماذا ؟



لا اعلم




هل السفر اصبح ضروره في كل الاجازات ولماذا؟



لا مب ضروري
بس لاكن حلو الواحد يغير جو











يعطيك العافيه يالغالي

هلكتني بالاجابات هههههه

[حسن]

قله اماكن الترفيه عندنا



اممممممم تقريبآ



اي نعم شي طبيعي



ليست ثقافه بس شي من العاده
ان فالاجازه الواحد يسافر



عند البعض نعم
التقليد شي مهم عندهم



عن نفسي انا احب الدول الخليجيه
ولا عمري رحت دول اوروبيه ولا غربيه ولا عربيه

الدوافع : لأني اخاف على نفسي من المشاكل وشي طبيعي خارج الخليج مايحبون الملتحيين



لا طبعآ بس تغير جو وزيارات لأهلنا فالخارج



ماعتقد ياخوي حسن اذا كانت السفره للخليج
اما للخارج الله اعلم



يمكن ويمكن لا



انا عن نفسي ميزانيه خاصه للسفر
مثلا اجمع قبلها بكم شهر

لان سفراتي كلها للخليج



لا اعلم



لا مب ضروري
بس لاكن حلو الواحد يغير جو











يعطيك العافيه يالغالي

هلكتني بالاجابات هههههه


الله يعافيك يابومحمد واشكرك على التفاعل

وبيض الله وجههك يالذيب

وتسلم لي على المرور والدوريات

:victory:

[OM_OMAR_QATAR]

اخوي حسن عليك مخالفة
ليش ماترد على ردي الي فيه رد على ردك على ردي
ههههههههه

[زبرجد]

أيام السبعينات ويمكن قبل كانوا القطريين يسافرون وخاصة لندن ومصر ولبنان أو أمريكا للدراسة ومصر وبيروت للانتساب وكان كثير من القطريين ما يقدرون يسافرون يمكن لقلة ذات البد أو ما كان السفر بهذي الأهمية ومن هالأكثرية كانت الرغبة قوية عند أبناءهم لكن ما بيدهم حيلة ولما سنحت الفرصة انهم يسافرون بعد ما توفرت عندهم المادة وفكرة السفر تبلورت عندهم شدوا الرحال لأرجاء المعمورة . صار السفر سهل لانه توفرت المادة وزاد اطلاع الناس وصار الغني والفقير يسافر حتى لو ياخذ قرض المهم يسافر .

[حسن]

اخوي حسن عليك مخالفة
ليش ماترد على ردي الي فيه رد على ردك على ردي
ههههههههه

شهوذا ياام عمر

وين ردك عشان ارد عليه واسمحيلي اذا تجاوزت لردك يمكن مانتبهت لردك

انتلى تامرين ولو
الصراحه انشغلت في الريوم الرياضي الجميل
انش اء الله اشوفه وارد عليك

حقك علي ياام عمر

[Dana’1]

اخوي حسن عليك مخالفة
ليش ماترد على ردي الي فيه رد على ردك على ردي
ههههههههه

خليها ثنتين مع سبق الإصرار والترصد هههه
ياكثر ما تصير معي في هالموضوع أو غيرة ومن غير أعضاء نخالف من وإلا من هههه
مشكله الكبر بالسن يورث النسيان وقله التركيز:tease:

[حسن]

بصراحة ياحسن من يوم أنا طفله والناس تسافر...ماهو بالشي الجديد
لكن أكيد مع زيادة الرواتب والخير ولله الحمد والمنه ...وبعضهم ممكن يكون عنده مال لكن يتخوف من السفر لأسباب كثيرة منها جهل اللغه والمكان إي بيروح له بنسبه كبيرة فخياف يسافر بالذات مع العائله أقصد
لكن الحين بالإضافه للخير والنعم ومع وجود الإعلام والترويج للسياحة بكل الوسائل بالتلفزيون والنت ..وعروض وصور وحتى اللغه ماعاد هو الحاجز بحكم إنفتار العالم على بعضه بالعموم..
والإنسان بالغالب يحب السفر وإنه يشوف ويجرب أشياء جديدة ويطلع من روتينه
كل هذي الأسباب وغيرها ساعدت على كثره السفر هالأيام من وجهة نظري

يقول الشاعر عمير

يوم خبرونا عن جنابك ... حصل في الوسطه ناس غشامي

الكبر حق والنسيان نعمه
:)

احترم وجهه نظرك يا ديور

والله كل بيئه تختلف عن الاخرى
يعني في السعوديه يمكن الكثير يسافر في بلاده مثلا واحد من الشرقيه
يسافر الى الطايف عنده حد من هله ولا يبي يسافر وهذا سهل جدا
لا فيزه ولا تخريج ومطارات
دق سلف وانقز
نفس البيئه والاكل واللبس ماتغير عليه شي
وهذا انا اشجعه السياحه الداخليه وهنا في مكبتنا

ووشوفي المال هو اللي يحدد السفره في وقتنا الحالي
واللغه مثل ماذكرتي لم تصبح عائق

الله يازين سفرنا لاول من الخور الى الدوحه يعتبر سفر وتغير جو ماعقبه جو
مهب الحين كل اللعاب الدنيا عندهم ويقولك ملل
:)
ودك تصطره كف على ويهه
هههه
تصدقين كنا نحس بجمال الدوحه وحلوه وخصوصا لين سكرت المدارس
نهيت في السكيك وفيتامين دال فول مهب الحين كله مصوفرين ومزوزين
ونسبته كله صفر

او الاول عندنا ذاك من ذاك اللي يسافر واكثرهم
ككانو الاكباريه
والتجار واصحاب المال وكانت يابيروت ولا لندن ومصر
زلامسي انترلكن فرنسا ومادري وشو من هل الدلع لا كان مايوجد

عيال الفقاره حدهم ضواحي قطر
ويابخت من عنده عيال عم ولا خاله ولا عمه بعيد
الصيف عندهم

الله يرحم ذيك الايام اللي كلها سعاده ومحبه وتواصل
لا واذا سافرو رحنا كلنا المطار ننتظهرم ونستقبلهم والسفر كانه واحد راجع للحياه
لما يرجع
اما الحين اخيه يادافع البلا
كل دقيقه مسافر ولا يقرون كان ملحه
شنهو ذي ماله طعم ولا صمغه
مثل المشموم كان له عبق لاينسى مهب الحين ورده حمره وبيضا
وكله متهاوشين حياتهم يوم زعل ويوم يراضيها
شنو ذي عيشه تئصف العمر

اعذرينا شاركنا في اليوم الرياضي وكان جميل جدا جدا
واشكر المقيمين اللي بيضو ويهنا وخوصوا في كتارا اله هيهم
واشكر من حضر ومن رعنا معل الكعوب اللي ودك تضربها في قمه روسهم
يوم رياضي وهم كانهم رايحين حفله عرس

حيالله ديور ولكم
السموحه ترا الكبر شين وزين

:victory:

[يمامـة]

خاطري اهاجر مب اسافر .......> وين اهاجر ؟

[حسن]

خاطري اهاجر مب اسافر .......> وين اهاجر ؟

:eek5:

خير وين بين بلاد بارده ولا حاره
وش تحبين تاكلين سمج ولا لحم
بعدين حددي

الصراحه مالومك انتي الوحيده الغير كلش
99% من النساء صايبهم مرض اسمه هوس السفر

الظاهر عادوك

[يمامـة]

:eek5:

خير وين بين بلاد بارده ولا حاره
وش تحبين تاكلين سمج ولا لحم
بعدين حددي

الصراحه مالومك انتي الوحيده الغير كلش
99% من النساء صايبهم مرض اسمه هوس السفر

الظاهر عادوك

الظاهر تنشطت عندي الهرمونات النسووية :(

بس ما بي اسافر ابي اهاجر كوكب ثاني ....> ما تخبر كوكب فيه اوكسيجن واكل وشرب وانترنت ؟

[حسن]

الظاهر تنشطت عندي الهرمونات النسووية :(

بس ما بي اسافر ابي اهاجر كوكب ثاني ....> ما تخبر كوكب فيه اوكسيجن واكل وشرب وانترنت ؟

الصراحه انا مثلك يااليمامه

ودي اهاجر المانيا
واترك الجمل بما حمل الحياه جدا بسيطه هناك
اوي خالص جدا

اي

في اسمه سهيل سات حق قطر بعد شارينه
والارسال فول

بس وش تبين بالنت حلاتك تنقطعين عن العالم الخارجي

:victory:

[يمامـة]

الصراحه انا مثلك يااليمامه

ودي اهاجر المانيا
واترك الجمل بما حمل الحياه جدا بسيطه هناك
اوي خالص جدا

اي

في اسمه سهيل سات حق قطر بعد شارينه
والارسال فول

بس وش تبين بالنت حلاتك تنقطعين عن العالم الخارجي

:victory:

لا مابي انقطع عن العالم ابي اتواصل علشان ما احتاج ارد اهنيه :shy:

[أسد الجزيرة]

السبب انه السفر في الوقت الحالي اسهل من قبل و كثرة الفلوس و دام بالحلال ما فيها شئ الواحد يرفه عن نفسه

[هامور البورصة]

القعدة في العنه على هالجو عندي أحلى من لندن

[OM_OMAR_QATAR]

شهوذا ياام عمر

وين ردك عشان ارد عليه واسمحيلي اذا تجاوزت لردك يمكن مانتبهت لردك

انتلى تامرين ولو
الصراحه انشغلت في الريوم الرياضي الجميل
انش اء الله اشوفه وارد عليك

حقك علي ياام عمر




خليها ثنتين مع سبق الإصرار والترصد هههه
ياكثر ما تصير معي في هالموضوع أو غيرة ومن غير أعضاء نخالف من وإلا من هههه
مشكله الكبر بالسن يورث النسيان وقله التركيز:tease:

انا مصرّة ع الغرامة مافي مزح ههههههههه