محطات وقود ... عليكم مخطط غير مدروس

[بومحمد المطاوعه]

السلام عليكم ورحمه الله وبركاته ...

شخباركم يا اخواني واخواتي فالله

صبحكم الله بالخير...

اسأل الله ان يحفظكم جميعآ
اسأل الله ان يحفظكم في هذي الاجازه الاسبوعيه
اسأل الله ان يجعل لسانكم معلق في ذكره تعالى
اسأل الله ان يغفر لنا ويرحمنا ويطهر قلوبنا


الصراحه عندي موضوع اليوم عن ...

(( محطات وقود ))

نقاط الموضوع :

1- وسع المحطه
2- مدخل المحطه
3- مكان المحطه


اولآ اشكر القائمين على نشأ هذي المحطات والبناء والدراسه على عمل مثل هذي المحطات العجيبه
ولاكن بتكلم على النقاط التي طرحتها فالاعلى

1 _ وسع المحطه :

الصراحه كل محطات وقود ضيقه والمطبات الموجوده كسرت السيارات
يعني المحطه ماشاءالله تبارك الرحمن نظيفه وحلوه وفيها جميع الخدمات ولاكن ضيقه والمواقف قليله وتصير زحمه داخل المحطه
ليش شالسبب في هذا التخطيط ..؟

2_ مدخل المحطه :

مستغرب ولليوم افكر في المهندس الذي صمم المدخل للمحطه
بحط لكم صوره تقريبآ مشابهه

http://historicalcities.files.wordpress.com/2009/02/patrolstationdesign10.jpg

يعني المحطه اذا كانت فيها ازدحام سيحدث ازدحام لخارج المحطه وتصبح زحمه في الشوارع ويمكن يصير حادث والسبه الازدحام في المحطه
والسبب الاكثر ان المادخل للمحطات خطأ

مثال حي :

1 / محطه وقود التي على خط بوسمره قريبه من مكينس !!!

الصراحه شي محير جدآ

هذي المحطه مستغرب انها صغيره ومستغرب من المدخل للمحطه !!

يعني المهندس لايعلم ان هذي المحطه ستصبح ازردحام شديد بسبب الشاحنات المرتاده على الشارع هذا .؟

المدخل ضيقه وصغير ويتسكر بسبب زحمه الشاحنات

والمحطه قريبه من الشارع ليش مايتم عمل المحطه اشوي داخل ويتم توسيع المدخل ...!


2 / محطه وقود التي قبل مدينه الكعبان ...!

مدخل المحطه حدث ولا حرج تبعد عن المحطه يمكن كيلوين للمدخل
يعني تطوف المحطه وبعدها تلف وترجع للمحطه !!

انزين ليش ...؟

3/ محطه وقود بوسمره ..!

والله المدخل ضيق وحاد جدآ
يمكن يسبب انقلاب للسياره اذا كانت مسرعه


نرجع للنقاط

3_ مكان المحطه :

المفروض المحطه تكون اشوي داخل بعيده عن الشارع
ليتم توسيع للمدخل والمخرج
وليتم التحمل الازدحام داخل المحطه وليس خارج المحطه وعلى الشارع
لتقاضي الازحام في الشوارع ولتجنب الحوادث

اتمنى اكثار من محطات وقود وتبديل المحطات القديمه
ولاكن بأخذ هذي الملاحظات بعين الاعتبار

وشاكر لكم يا اداره وقود الموقره


بومحمد المطاوعه

[المرحب]

صباح الورد أخونا بومحمد المطاوعه

أشكرك ع الموضوع

جميع محطات وقود نفس التصميم والازدحام

[بانغ بانغ]

تكلمنا في هالموضوع قبل وايد.... قارن محطات ادنوك وبتعرفون الفرق

بس وقود كشركة , فقدت مصداقيتها امام الجمهور من زمان مرة مع وقود كمحطات ومرة مع فاحص

[بومحمد المطاوعه]

صباح الورد أخونا بومحمد المطاوعه

أشكرك ع الموضوع

جميع محطات وقود نفس التصميم والازدحام

صبااااح الفل

الشكر لله طال عمرك

صحيح ياخوي والله تعبنا

[بومحمد المطاوعه]

تكلمنا في هالموضوع قبل وايد.... قارن محطات ادنوك وبتعرفون الفرق

بس وقود كشركة , فقدت مصداقيتها امام الجمهور من زمان مرة مع وقود كمحطات ومرة مع فاحص

مافي مقارنه ابد
ابد ابد

الله كريم

[بومحمد المطاوعه]

نسأل الله ان يحفظنا

[بومحمد المطاوعه]

ننتظر النقاش

[ريم الشمال]

قصر نظر في التخطيط بمعنى مخططات لايتم دراستها بشكل مستقبلي الناس ازدياد وتطور وهم نظرتهم تحت رجولهم ليس عندهم مدى بعيد ( هذه كلمة شيبه كان يقول نظرتهم تحت رجولهم وما عندهم مدى للنظر لبعيد وهو ما درس ولا تعلم ولا تخرج من الجامعات )
بس ماذا نقول إلا الله يصلح الحال

[musel999]

في المناطق الداخلية ممكن تجد لهم عذر لكن في المناطق الخارجية غلط ياريت يسونهم مثل محطات السعوديه في سلوى ماشاء الله وسيعه وفيها كل ماتحتاجه من اغراض للسياره وغير السياره

[سعادة الوزير]

شركة وقود بشكل عام (سواء للمحطات او شركة فاحص) ينطبق عليها المثل القائل (الضرب في الميت حرام) ، احتكار حكومي وامتيازات لا اول لها من آخر ، وفي النهاية الخدمات اقل من متواضعة بالنسبة للمحطات ، ويسوء الوضع أكثر بالنسبة للفحص الفني ويصل الى الفساد بين العاملين بشكل انتشار الرشوة بين العاملين.

الحل الجذري هو اسلوب التنافس التجاري عن طريق فتح المجال للجهات التجارية الى تقديم خدمات مشابهة للجمهور ، ونخلي السوق هو الي يجبر مزودي الخدمة الى تحسين مستوى الخدمات.

[aziz4z]

كلامك سليم
أبدا ما في أي تخطيط , أو قصر نظر لمهندسيي الوقوود , ربما يكون عندهم مهندس واحد و محتكر كل شيء , و قاعد يخطط على كيفه , لأنه مستحيل مهندس عنده خبره في تخطيط محطات الوقوود يسوي محطات بهالشكل
أو أنه مهندس خطط لهم لمحطة معينة , و بدل ما يتعبون نفسهم , ينفذون تخطيط نفس المحطة في أماكن ثانية , لأنه تصميم كل المحطات نفس الشيء , 3 خطوط للسيارات الصغيرة , و خط واحد للشاحنات و جدام محلات سدرة ( يعني نسخ لصق )
ياريال روح لدول ثانية راح تشوف محطة من محطة تفرق و من مكان لمكان تفرق ,

[مو مهم]

والله من فتره حاولت انزل صور لمحطه وقود ام صلال بس استخدم الايفون ما اعرف ارفع الصور عن طريقه

اتجاه الاسهم داخل المحطه متلخبطه

مثلا انت جاي من اقصى المحطه من اليمين في اسهم سيدا فقط لين ما ينتهي محل سدره وفيه طريق لتبديل الزيت على اليسار وعند اللفه محطوط اسهم سيدا للخروج او الدخول للتبديل الزيوت والغسل اول ما تتجه للفه تحصل نفسك عكس السير

يعني غير انها ضيقه اسهم المسارات خطاا

يا لبيه محطه الخيسه شكبرها

[Bo Rakan]

كلامك صحيح اخوي بومحمد اكثر شي نعاني منه دخولنا وخروجنا من المحطة وخاصة وقود الكعبان وازيدك من الشعر بيت البلدية سكرت محل سدره الي فالمحطه :confused:الي شغال بس البترول والمغسله :secret:

[معماري قطري]

هو فيه شيء يتخطط صح في قطر؟

[al-obaidly]

كل شي عندنا اخــــــــــــــــرطي

[بومحمد المطاوعه]

الله المستعان

للرفع والمناقشه

[بومحمد المطاوعه]

والله التخطيط في عينها

[بومحمد المطاوعه]

قصر نظر في التخطيط بمعنى مخططات لايتم دراستها بشكل مستقبلي الناس ازدياد وتطور وهم نظرتهم تحت رجولهم ليس عندهم مدى بعيد ( هذه كلمة شيبه كان يقول نظرتهم تحت رجولهم وما عندهم مدى للنظر لبعيد وهو ما درس ولا تعلم ولا تخرج من الجامعات )
بس ماذا نقول إلا الله يصلح الحال


والله المحطات روعه ولاكن التخطيط صفر

[q6ri_vip]

هو فيه شيء يتخطط صح في قطر؟

باقي 8 سنيين لكأس العالم وأبي مشروع واحد تم بس مشروع واحد من السنيين اللي طافت أكتمل ع أكمل وجه دون مشاكل وبفترة محدوده اتركك من الفترة ع الأقل شي يبيض الوجه لدوله

[شيخ الديرة]

ربما يكون عندهم مهندس واحد و محتكر كل شيء
وراتبه 8 ألاف ريال لأنه جايبيه من قرية لم تصلها أي سيارة لحد الأن. المهندسين المختصين يريدون راتب ينافس ما يأخذوه في الدول الأخرى.

[بومحمد المطاوعه]

الله المستعااان

[bos3eed]

افشل محطة في العالم, لكن لاتستغربون لان بالنسبة للمبتدئين اللي يديرون الشركة ها المحطات تعتبر انجاز, يقارنون انفسهم مع انفسهم, لو قارنوا انفسهم مع دول اخرى كان قدموا استقالاتهم. قبل اسبوع كنت ابدل تواير في احدى محطات وقود, جا العامل مع مسدس الهوا وخرط لي التريت مال البلط ولما كلمت المدير يقول مالنا خص هذا من اول.

[القطيني]

حد بعد لاحظ فرق الاسعار الي في السوبر ماركت هناك "سيدرة"

[STAR2012]

عندي بعض المعلومات البسيطة في موضوع محطات الوقود :
جميع التراخيص التي تمنح لاي مستثمر او شركة الجهه المانحة هي من يحدد كبر المحطة او صغرها حيث تصنف المحطات 3 فئات
1- الفئة الاولى تكون مساحتها 5 الاف متر فما فوق وتشمل جميع المرافق واغلبها تكون خارج النطاق العمراني او مداخل المدن وتراخيصها من البلديات ووزارة النقل
2- الفئة الثانية من 3500 الى 5000 الاف متر داخل النطاق العمراني وتتبع للبلديات ولاتشمل كل المرافق
3- الفئة الثالثة لاتتجاوز مساحتها 3 الاف متر وتكون داخل الاحياء ويسمح فقط لبيع الوقود وسوبر ماركت وبوفية على ان لا تتجاوز 4 مرافق

فقط حبيت اوضح هذه المعلومة ممكن التراخيص الممنوحه للشركة هي من الفئة الثانية وهذا سبب صغر حجمها

[من بغى الزين]

بعكس محطات وقود منظمه وكل شي متوفر فيه ومافي شي كامل ياخوي بس الحمد الله في تطور عن المحطات القديمه

[كرواتيا]

مشكور ع الموضوع

[بومحمد المطاوعه]

جزاكم الله خير
وبيض الله وجيهكم