هونج كونج

[كايد الوكره]

يا أهل الخبره !!!

هونج كونج لمده 3 او 4 ايام ؟

السكن ؟ السياحه ؟ التسوق ؟

الفكره حالياً السكن في قلب دزني

اقتراحاتكم ؟؟؟

[سـ ع ـود]

نصيحه السكن مايكون في ديزني لاند لان ديزني لاند بعيده شوي عن مركز المدينه وبعد ماتصكر الملاهي المساء مافي اي فعاليات والمنطقه تكون شبه ميته
انصحك بفندق بينسولا يعتبر رقم واحد في هونج كونج وراح يكون في كاولون لانه يعتبر مركز المدينه في تسيم تسا تسوي ورمزها بالانجيزي TST وقريب جدا من شارع ناثان الحيوي والمولات في هونج كونج كثيره عد وغلط
لكن احسب احسابك ان الماركات العالميه مثل lv و gucci و الخ الاصليه طبعا في هونج كونج اغلى حتى من الدوحه ودبي ،
بالنسبه للمواصلات كثيره منها المترو استخدمه سهل والترام والفيري والتكاسي متوفره بكثره في كل مكان ،
بالنسبه للاماكن السياحيه فيه عندك المجمعات التجاريه الكبيره وفي ديزني لاند وفيه متحف مدام توسو للشمع وفيه ملاهي اوشن بارك هذا اللي يحضرني اللحين ،
بالنسبه للاكل الحلال نادر لكن موجود وبسهوله تلاقيه خصوصا في شارع ناثان اغلب المطاعم الحلال فيه وفيه في نفس الشارع جامع كولون الكبير للصلاه ، واحسب حاسبك ان اكل اللحوم والدواجن مايجوز لانهم لاهم مسيحين ولا هم يهود اغلبهم ديانتهم البوذيه فنصيحه خلك فالاكل النباتي او البحري اسلم لك وحرص ان الاكل مايكون فيه لا خمور ولا يكون فيه اي منتج من منتجات الخنزير لان الخنزير خصوصا ومشتقاته داخل في 80% من اكلهم ، فآنتبه على هالشغله الله يرضى عليك اسلم لك وللي معاك، ولاتنسى بعد تسوي بحث في الانترنت عن هونج كونج في تقارير ومعلومات كثيره عنها ، البلد بشكل عام تعتبر اغلى شوي من قطر لكن بالنسبه لي من اروع البلدان اللي زرتها ولا امل منها ، والاهم من هذا كله نسبة الامان فيها عاليه ومعدل الجريمه فيها فالسنه يساوي تقريبا صفر - حسب احصائيات معدل الجريمه العالميه - .
هذا اللي اذكره اللحين
وأي استفسار ثاني انا في الخدمه .
:)

[كايد الوكره]

بيض الله وجهك اخوي سعود
تم تدوين كل المعلومات بنجاح

[المحاميه]

4 ايام

ترا هونغ كونغ فيها وايد اماكن سياحيه يعني الجدول بيكون فل ان شاء الله

ولاتنسى تزور جزيرة مكاو

[كايد الوكره]

بعد اكتشافي لـ هونغ كونغ

ابرز السلبيات :

اكل الحلال قليل .. وفقط مطعم تركي مصرع من هونغ كونغ انه اسلامي ( حلال ) في الليدي ماركت
ولكن المطعم غالي جداً وضرب سعر غير متوقع

في الاماكن السياحيه ( ديزني لاند يوجد مطعم واحد حلال ( ماليزي )

الشعب غير متعلم