نصيحة لمرضى السكر هام

[alsoq]

السلام عليكم

امس قالي اخوي ان فيه حادثه حصلت عند الاشارات
انه كان فيه سياره موقفة والهرن معلق انزلو يشفون السالفة لقو السايق طايح راسه على سكان بدون حركه اتصلوا في الاسعاف والحمدلله كانو قريب وشخص نزلوه من سياره ومددوه لما وصلت سياره الاسعاف وشافوه سالهم اخوي شفيه قالوا هبوط سكر

فا الله يحفظ من لديهم سكر انه يخلي معه تمر او سكريات لا قدر الله هبط معه سكر يكون عنده شي


اسأل الله العظيم ان يشفي كل مريض

[حياتي روايه]

وايد يصيدني هبوط سكر وانا اسوق اوقف اقرب مطعم او اي مكان واشرب اي شي
طبعا اكون اسوق وانا ما شوف شي قدامي ومختنقة وودي اشق ثيابي
الله المستعان

[نتفـه]

الله يشفي كل مريض ان شاء الله ..

[مو مهم]

^^^^
اللهم امين

هبوط السكر مشكله
بس اهم شي المريض بالسكر ما يوسوس بالمرض

انا فيني هبوط والحمدلله لا افحص ولا اروح مستشفيات الا اذا نزل حده بس اكثر من السكريات ومتعايش معاه طبيعي

مرات وانا مفطر يوصل 60 واقل بدرجه او درجتين خاصه اذا كنت افكر ببعض اموور الدنيا

[Aaziz]

وايد يصيدني هبوط سكر وانا اسوق اوقف اقرب مطعم او اي مكان واشرب اي شي
طبعا اكون اسوق وانا ما شوف شي قدامي ومختنقة وودي اشق ثيابي
الله المستعان

نصيحة للجميع

فيه شراب صغير ينباع في الصيدليات (يكون موجود في منطقه اجهزه السكر و ملحقاتها) عباره عن علبه بلاستيكيه صغيره اطول من صبع اليد بشوي ،، غالبا يكون داخلها سائل و بعض الشركات يكون داخلها سائل مثل الجل
هذا المنتج مخصص لحالات هبوط السكر ،، يرفع السكر (100 درجة) بشكل سريع جدا ولكن لمده قصيره (نص ساعه فقط) يعني مصنوع للحالات الطارئة .
المفروض هذا المنتج يكون دايما مع مريض السكر . في المكتب ولا عند راس السرير وهو نايم يمكن يهبط السكر ولا في شنطة اليد مع النساء .

اجر و عافيه

[معماري قطري]

انا الفجر نزل عندي وانا نايم بس الحمد لله أحس واقوم اكل شيء وأحياناً أكثر ويرتفع وهذي مشكلة ثانية بس أهون من النزول .. مع العلم إني البارحة متعشي زين بس الغداء كان خفيف.

[مو مهم]

انا الفجر نزل عندي وانا نايم بس الحمد لله أحس واقوم اكل شيء وأحياناً أكثر ويرتفع وهذي مشكلة ثانية بس أهون من النزول .. مع العلم إني البارحة متعشي زين بس الغداء كان خفيف.

اخوي معماري
انا مستحيل اقوم من الفراش بدون كافي او حليب شاي سكر زياده قبل لا اغسل وجهي يجيبونه لي وانا منسدح نادر اقوم بدون شي احس ان راسي بكبر المخدة ما اقدر اشيله

وزين انك تحس ع نفسك

[hanayen]

الله يشفي كل مريض

[+abc]

الله يشافيكم ويعافيكم ونصيحة لكم جميعا خلوا التفكير والزعل والاعصاب ووسعوا خطركم تراها سبب رئيسي للتعب والمرض

والله يشافي الجميع

[alfaisaly]

انا مره كنت طالع من كلية الهندسه بجامعة قطر سيرا على الاقدام متوجهه للمكتبه مبنى البنين وانا امشي احس وصلت حدي وكنت حاليا عند بوابة البنات وحصلت وحده قلت لها اختي ياليت تستعجلين وتجيبين لي عصير عندي هبوط سكر خلاص ماقدر امشي ولا اتحرك قامت الاخت الكريمه طنشتني ومن رحمة الله علي كانت فيه اخت اسيويه من جنسيه عربيه عند الباب وسمعتني قامت وفتحت شنطتها وعطتني كافي لولا الله ثم لولاه مادري شكان بيصير فيني اللي قهرني بنت بلادي سحبت علي

[حياتي روايه]

انا مره كنت طالع من كلية الهندسه بجامعة قطر سيرا على الاقدام متوجهه للمكتبه مبنى البنين وانا امشي احس وصلت حدي وكنت حاليا عند بوابة البنات وحصلت وحده قلت لها اختي ياليت تستعجلين وتجيبين لي عصير عندي هبوط سكر خلاص ماقدر امشي ولا اتحرك قامت الاخت الكريمه طنشتني ومن رحمة الله علي كانت فيه اخت اسيويه من جنسيه عربيه عند الباب وسمعتني قامت وفتحت شنطتها وعطتني كافي لولا الله ثم لولاه مادري شكان بيصير فيني اللي قهرني بنت بلادي سحبت علي

الله المستعان محد بيحس بمعاناتك الا الي مر بموقفك الاف المرات

انا مره نزل عندي السكر وانا اسوق وقفت احذى مدرسة ودشيت وانا اترنح خلاص بيغمى على
وقفت عند الريسبشن وقلت لها ممكن كافي او اي شي فيه سكر
الاخت استغربت ظنتني داشة بقاله
المهم تلاحقت عمري وقعت ع الكرسي الا ركضت وكتت بحضني البساكيت والكاكاوات شليت واحد وبلعته وياااااله عقب نص ساعه صحصحت وقمت امشي

[ديمه]

الله يحفظ كل مرضى السكري
أنا شفت حالة انخفاظ سكر واحد من الاهل فقد الوعي وأقصد به فقد الاستيعاب وكان رافض يتناول أي شيء حاولنا نشربة سكر رفض وكان مش في وعية ولما بالزور قسنا السكر لقيناه 33 ورافض ياكل اي شيء ويهلوس
كان موقف الله لايذوقه لأحد
:weeping:

[الحـ(درب)ـب]

اصبح مرض العصر

ولكن يجب اتخاذ التدابير اللازمه