شنو افضل مكيف ميستبوشي ولا فوجي

[فانفير]

السلام عليكم ورحمة الله وبركاته

للأسف نقلنا لبيت جديد ولازم اركب مكيف سبليت فبغيت اعرف شنو الافضل مكيف ميستبوشي ( دايا ولا الكتريك ) ولا gree ولا فوجي انا ابغي اركب مكيف يكون حار وبارد لغرفة النوم حجمها اربع ونص في اربعه شنو الحجم المناسب للغرفة طنين او طن ونص وبغيت اعرف وين محل وكيل مكيفات ألميستبوشي

[حياتي روايه]

الميستوبيشي ممتاز

[اليشم]

ميستوبيشي:ok:

[فانفير]

جزاكم الله خير

بس ألميستبوشي وين ينباع سمعت انه نوعين دايا والكتريك شنو الافضل والاهم يكون هادي مافيه صوت

[أسد الجزيرة]

بيتى اجار و لا ملك

[السلولي]

انا افضل ماركه يورك وبالتوفيق

[بونووف]

يازين الفانفير بس

[فانفير]

البيت ايجار ان شاء الله بنقعد فيه لمدة سنه ونص

[فانفير]

انا كلمت شركة المتحدة للاكترونيات وقال لي الموظف سعر المكيف الميستوبشي الكتريك حار وبارد طنين 4150 اربع الف وأمية خمسين لكنه مب بستن وقال هالنوع مركبينه في قصر الامير وفي الجيش وقال لي المكيف اللي عندهم الاصلي الياباني

وهم كلمت الريس وسالت عن الفوجي طنين حار وبارد وقال 4750 اربعه الف وسبمعية وخمسين بس انا مستغربه كيف الفوجي أغلى من الميستوبشي

[بونووف]

دام الميستوبيشي ارخص توكلوا على وخذوا المستبيشي ... عندنا واحد من 98 ولين اليوم شغال ومايقول اي

[نفسي عزيزه]

فوجي اكيد

الميستوبيشي بالماضي حاليا خلاص

[بوNasser]

انا كلمت شركة المتحدة للاكترونيات وقال لي الموظف سعر المكيف الميستوبشي الكتريك حار وبارد طنين 4150 اربع الف وأمية خمسين لكنه مب بستن وقال هالنوع مركبينه في قصر الامير وفي الجيش وقال لي المكيف اللي عندهم الاصلي الياباني

وهم كلمت الريس وسالت عن الفوجي طنين حار وبارد وقال 4750 اربعه الف وسبمعية وخمسين بس انا مستغربه كيف الفوجي أغلى من الميستوبشي

الميتسوبيشي اللي وكيله التيسير هو الأصلي، (ميتسوبيشي دايا) وهذا غالي، وما فيه امل انه يكون ارخص من الفوجي. (( اخبره ياباني بس ما ادري اذا فيه منه صناعات ثانية))

اما المتسوبيشي الثاني (ميتسوبيشي الكتريك) نعم يمكن يكون ارخص من الفوجي. (( وهذا كان فيه منه ياباني و تايلندي)) ووكيلهم المتحدة للالكترونيات مثل ما تفضلت.

تحياتي للجميع.

[أسد الجزيرة]

دام ايجار خذوا ارخص نوع و يكون االكمبريسر بيستون
طنين اعتقد كافي لانه الغرفة صغيرة و خذوا بارد فقط

[فانفير]

الميتسوبيشي اللي وكيله التيسير هو الأصلي، (ميتسوبيشي دايا) وهذا غالي، وما فيه امل انه يكون ارخص من الفوجي. (( اخبره ياباني بس ما ادري اذا فيه منه صناعات ثانية))

اما المتسوبيشي الثاني (ميتسوبيشي الكتريك) نعم يمكن يكون ارخص من الفوجي. (( وهذا كان فيه منه ياباني و تايلندي)) ووكيلهم المتحدة للالكترونيات مثل ما تفضلت.

تحياتي للجميع.

انا اتصلت على محل الميتسوبيشي اللي وكيله التيسير وقال لي ماعندهم سبلت حار وبار وسعر طنين ب 5000 وقال مافيه بستن خلاص حاليا يجبون نظام تروبكال فبالنسبة لي تساوى مع الميتسوبيشي اللي وكيلة المتحدة لانه قال انه ياباني ونظامه تروبكال بس سعرهم اقل من التيسير

:rolleyes2:

[فانفير]

دام ايجار خذوا ارخص نوع و يكون االكمبريسر بيستون
طنين اعتقد كافي لانه الغرفة صغيرة و خذوا بارد فقط

انا احترت مع ردك فعلا الغرفة صغيرة ومكيف gree حاليا رخيص وزين بس المتوفر عندهم نظام تروبكال فقط البستن مخلص وما عندهم حار وبارد

[فانفير]

جزاكم الله خير الجزاء إخواني وماقصرتو

[العربية نت]

حاول انك ما تسترخص في موضوع المكيفات خاصة اذا كنت مقتدر حتى ولوكنت في بيت باجار في النهاية انت الي مستفيد من التبريد وقت الصيف الحار وبعدين المكيفات الجيدة تعيش وتنقلها لبيت اخر بعد فما دامك حددت نوعين فوجي ومتسوبيشي ارشح لك فوجي ووكيلة الريس شارع الخليج وهو نظام بستن
بالتوفيق :)