عاجل جدا : المحلات المعروفه في فيلاجيو وغيرها تنصب علينا

[Wolf 91]

السلام عليكم ورحمه الله وبركاته

بدخل في صلب الموضوع على طول .. وأتمنى توخي الحذر من الجميع لان هالنصب في تزايد
المحلات المعروفه من غير ذكر أسامي
اللي ب فيلاجيو واللاند مارك وغيرها من المجمعات .. عليها عمليات نصب غير طبيعيه

والمستفيد من هالموضوع مجهول ( المحلات أو الشغالين في المحلات )..

هالسالفه صارت لي 4 مرات وفي كل محل نفس النصب وصارت لـ هلي بعد

اشتري 4 قطع مثلاً ( 2 تيشيرت + بنطول + شورت )
يحسبون علي 5 قطع ويضربون فالكمبيوتر ( 2 تيشيرت + 2 بنطلون + شورت ) وأنا فالاساس ماخذ 4 خطع وادفع حق 5 قطع

الباركود حق البضاعه يضغطونه مرتين واحنا غافلين ومانشيك على الفاتوره .. وبس ندفع

لان حنا عيال قطر نثق تمام الثقه فيهم .. ( أكثر فئه تستغفلنا هي الفئه الأندونيسيه والفلبينيه )

وبعد ماسئلت ونبشت فالموضوع عرفت ان موظفو الكاشير يدفعونا الفلوس وهم عقب يروحون ياخذون البضاعه

مرتين العبوا علي .. ومرتين صدتهم وخليتهم يردون فلوسي نفس اللحظه وكاش ( مع العلم اني كنت دافع بالبطاقة ومايصير يردون لي فلوسي كاش )

اللي يقول ليش ماشيكت قبل لا تدفع .. للعلم مأقدر اشيك لان الفاتوره تنعطى بعد الدفع

أتمنى هالموضوع يوصل لكل قطري وقطريه ولكل من ساكن على هالأرض الطيبه لتوخي لحذر

ويعطيكم العافيه ..

[السلولي]

ليش ماتشيك على السعر قبل لا تضغط على الباسبورد حق الatm

[Wolf 91]

ليش ماتشيك على السعر قبل لا تضغط على الباسبورد حق الatm

اخذ فوق 8 قطع ماعرف قيمه البضاعه كم تكون
لازم اطلع الحسابه واحسب قبل لا اروح للكاشير

موضوعنا ياخوي ليه موظفين الكاشير مش ثقه
وين اصحاب المحلات عنهم !!!!!!!!!

[قلب صادق]

جزاك الله كل خير على التنبيه
واتذكر احد الاعضاء بعد تكلم عن عمليات نصب في المطاعم

[مختلفة عقليا]

السلام عليكم .,

هالنصب يصير في كل مكان (( مطاعم _ محلات _ دكاكين ))

ياريال تعبنا والله .,

جييك في الجوال (( الحاسبة )) ., هاي الحل .,

ويسلموو .,

[العلياا]

أنا من النوع اللي ما اشيك على الفاتورة حتى لو أشتريت قطعة وحدة وحتى الخردة ما أعدهم :rolleyes2:
شكراً على النتبيه

[OM_OMAR_QATAR]

كثرانة هالحالة مفروض عليها اجراءات مشددة

[كازانوفا]

وبالفعل اللى استغرب منه انه التنزيلات بصفه مستمرررررررررررررررررره ما توقف غير كم يوم وترجع بتزيلات مغريه اكثر من اللى قبلها
لذلك وضح السبب ايش هو ..
جزيت خيرا على التنبيه

[شيزكيك]

اول مره اعرف انهم ممكن يطقون الغرض مرتين وعقب يأخذونه لهم الحرامية النصابين صج الفلبن وايد نصابين وانا عادتي اشيك الفاتورة جدامهم واحسب الاغراض الي شاريتهم

بس ذي بعد تنبيه لي اني انتبه اكثر المرات اليايه

[Dana’1]

أنا واجهت تلاعب او تحايل ولف ودوران من نوع أخر ومع مطاعم بالغالب وكذا محل خارج المجمعات بس من أتفاهم معهم يردون حقي

بالنسبة لك في هالمحلات الموضوع أسهل نوع ما بحكم وجود السعر بشكل واضح عالقطعه وعشان تتفادى هالشي شوفهم عند الكاشير وهم يسون سكان على طول يطلع السعر بالشاشه لين يخلص من مسح كل القطع بعدها المجموع
بتكون عرفت كم مرة عمل سكان وجمعت الارقام بشكل سريع وبإذن الله مايكون فيه نصب
ومن تحس إن فيه واحد زاد على طول بلغ عليه إدارة المحل على الأقل
بالتوفيق

[مدققة جامعية]

تسلم على التنبيه
الله يذكرك بشهادة :nice:

[اليشم]

الحذر واجب بكل مكان، داخل وخارج قطر
وشكرا للتنبيه

[l0o0rd-qtr]

محل مختص بالملابس الرياضيه بمقابل مطعم مشهور وصار لي نفس الموقف وكتبت عنه هني بالمنتدى شريت ملابس ب 400 القى الحساب وصل 600 والفلبينيه عمدا مسويه هالحركه اذا مرت عليك تكسب واذا صدتها يجي اللبناني المسؤول يقولك توها جديده وماتعرف الشغل!!!

[أسد قطري]

جزاك الله كل خير على التنبيه

[بو الجوري]

أولا الله يجزيك خير يا راعي الموضوع لآنك نبهتي :)

أول أمس رحت شريت من الركن الرياضي اللي فالستي حق اليهال

و أمس الظهر خذت لفه فالقسم وشفت موضوعك عالسريع

اليوم الصبح و أنا منسدح قبل الصلاه لقيت الكيس فالغرفه مفتوح والفاتوره تقول تعال شوفني خخخخخخ

تذكرت موضوعك قلت بشوف ، إلا ألاقي فالفاتوره قطعه زياده

أنا خذت تيشرتين للبنات وبنطلونين و تيشرت لي أنا

لقيته حاسب كل شي 2 ، يعني دافع أنا زياده 265 ريال :anger1:

اليوم بروحلهم أول مايفتحون :anger1:

[كازانوفا]

أولا الله يجزيك خير يا راعي الموضوع لآنك نبهتي :)

أول أمس رحت شريت من الركن الرياضي اللي فالستي حق اليهال

و أمس الظهر خذت لفه فالقسم وشفت موضوعك عالسريع

اليوم الصبح و أنا منسدح قبل الصلاه لقيت الكيس فالغرفه مفتوح والفاتوره تقول تعال شوفني خخخخخخ

تذكرت موضوعك قلت بشوف ، إلا ألاقي فالفاتوره قطعه زياده

أنا خذت تيشرتين للبنات وبنطلونين و تيشرت لي أنا

لقيته حاسب كل شي 2 ، يعني دافع أنا زياده 265 ريال :anger1:

اليوم بروحلهم أول مايفتحون :anger1:

الله يخليك عايزه اسمع ان صار في تكفخ عشان يتعلمووووو

[بونووف]

بو الجوري بشر شصار معاك

[بومحمد المطاوعه]

البعض يستحي ان يحسب اسعار الاغراض

يدفع لو قاصين عليه
بس اهم شي مايسحب جدام العالم

عقب لين راح البيت

يبربر ويتكلم ويكتب في البلاك بيري والمواقع

انزين بدال لاتسوي حق نفسك شوو

شيك على اغراضك قبل لاتطلع من المحل

[بوخالد911]

يسلمووو للتنبية

[بو الجوري]

الله يخليك عايزه اسمع ان صار في تكفخ عشان يتعلمووووو

هههههههههههه دنا غلباااان


بو الجوري بشر شصار معاك

والله اليوم ناوي أروح إن شاء الله ، لآني تعبان شوي ومضغوط فالدوام


البعض يستحي ان يحسب اسعار الاغراض

يدفع لو قاصين عليه
بس اهم شي مايسحب جدام العالم

عقب لين راح البيت

يبربر ويتكلم ويكتب في البلاك بيري والمواقع

انزين بدال لاتسوي حق نفسك شوو

شيك على اغراضك قبل لاتطلع من المحل

بومحمد ، ترا مب كل من بربر فالمواقع كان مستحي من العالم فالمحل

أنا عن نفسي مايجي فبالي إنهم ينصبون ، و حزات الواحد يتأكد لكن مرات مع دوشة اليهال وكثرة الأغراض الواحد يدفع ويطلع

[سرايات]

انا حصل معاي موقف في سوبرماركت اللي بعد التموين العائلي في الريان اشتريت شوي اغراض وعند الكاشيير وانا اشوف اشكره الفلبينية حطت سعر واحد من الاغراض اكثر من السعر المكتوب عليه زين ان الاغراض شوي وانا مدقق على كل سعر يعني ما لحقت انسى واقوم اطلب منها تعيد تشيك على السعر مره ثانية هي ارتبكت قلت لها شيكي مره ثانية لان في غلط راح وجهها لون وجا الوان وشيكت على السلعة اووه بابا سووري وعدلت السعر صج شغل نصب. اما الحركة الثانية فصارت معاي في جمعية الميرة وعند الكاشيير عطيته مائة ريال وبطلع باقي المبلغ ما حصلت عندي شيء لاني مبدل البوك فطلعت له بطاقة الصراف وطلبت يرد المائه ريال اللي لي عنده وحياتكم اخذ المبلغ كامل من البطاقة وقعد يتهرب مني ويكلم اللي احذاه ويتلفت ومادري شنو عشان انسى وامشي وانا اراقب الوضع لين متى يعني اخرتها ياشر لي بيده يعني وخر عشان اللي وراك اخلصه قلت نعم رجع المائة ريال قبل وبصوت عالي هو احمر وجهه وقام يمسح العرق ورجع لي الفلوس .

[king fish]

ياناس اطلبوا الفاتوره انا في سوبرماركت مشهور حسبلي زياده وانا الحمد لله حاسب القطع الي شريتها انتبه لازم تتاكد من تصفير الصندوق

[القطيني]

لو نفترض الظن الحسن بالموظفيين فتكرار البنظلون ممكن يكون سهو أو بالخطأ تحصل كثيراً في كارفور و اللولو... عشان كذا حماية المستهلك اتنبه بأهمية مراجعة الفاتورة قبل المغادرة
وشكراً على النصيحة

[Mercedece]

هم ماخذين فكره ان احنا مانقدر نحسب ويغافلونا انا قمت احاسبهم واشيك وراهم بس عشان اغير هاذي الفكرة عن المسلم اجمالا والمواطن خصوصا بس اخوي لو دفعت بالفيزا هو مايستفيد شي لانه وراه محاسبين ويروح في الحساب البنكي للمحل اما الكاش فعلا ممكن يستفيد منه البايع نفسه بس اللي صار معاي انهم باقوا جوالي مرتين وماتشك فيهم لانهم عرب مرات

[اابوحمزه]

يعطيكم الف عافيه

[اابوحمزه]

الله يوفقكم للخير

[بو الجوري]

نسيت أعطيكم آخر التطورات :shy:

رحت ذاك اليوم وقلت لهم الموضوع وشافو السستم وخلو وحده تروح الستور تعد الموجود وتقارن
وحسيتهم متلخبطين و إنه فالسستم أكثر من اللي فالستور مع إن المفروض العكس

وقالو تأكد إنت ، قلتلهم لو شاري 2 ماجيتكم وتعنيت عشان أنصب عليكم بـ 265 ريال
المهم جاني المصري وقالي عطنا رقمك ويومين وبنكلمك ، عقب ما نسوي جرد صحيح

عقب إسبوع إتصلت أسال ، قالو آسفين ةتعال خذ فلوسك :telephone:

المهم عطيتهم كم كلمه عالخفيف ، وقلتلهم مره ثانيه غيري بيروح حماية المستهلك وبتدخلون في مشاكل ...


تباً لهم :)

[حياة]

انا بعد صار لي في محل وجوه اللي في فيلاجيو المغربيه
احسبت لي عطرين كانوا بحدود 500 وهي حسبتهم 700 وقلت ليه
سعرهم 500 وراحت وشيكت مره ثانيه وتمت تتاسف وجابت هديه
تراضيني فيها وكانت كرسي بحر لاني كشفتها ... الله العالم
كانت قاصده او بالغلط..
المهم الحذر واجب

[زمن العجائب]

حسبي الله فيهم

[لاجل QT]

وووي عيل باقونى لين قالو بس

مادقق بحكم ان اشتري اشياء كثيرة

والحل

[7llo]

ذكرتني في مطعم صب واي يومها شرشحت الفلبيني ياخي كل مره اخذ يدفعوني 35 رحت مره باخذ نص ساندويش وقلت له بس حط لي دياي وقطعه رومي حبه وحده طلع حسابي 20 قلت له اشوف الفاتوره حط لي بالفاتوره دبل شيس ودبل رومي شرشحته لعنت خير خيره قلت له والدبل قالي سوري سير وقالي حسابك 12 حاسبو ياجماعه

[مستثمر_]

احد المحلات في فيلاجيو بضاعته عليها بالجنيه البريطاني 13 وبالريال القطري 170
الفرق اكثر من النص
لما كلمت الكاشير
تعذر بالضرايب اللي في قطر
مع العلم ان الضرايب في بريطاني اكثر
تم فتح شكوى في حماية المستهلك وتحسفت

[marsa]

ضروري أشيك المرات الجاية ويا كثر مشترياتنا .. جزيت خيراً.

[طبيب قطري]

لاحول ولاقوة الا بالله شكرا على التنبيه