*@* فلل ذات تصاميم مبدعة *@*

[نور الحور]

السلام عليكم ورحمة الله وبركاته ،،

حبيت أعرض لكم تصاميم عدد من الفلل اللي تتميز بأناقتها وتصميمها المبدع .. وفيها بعض الأفكار الحلوة ..

وبحاول كل فترة أثري الموضوع بعدد من الصور والمخططات للفائدة والمنفعة العامة ..

وبعد لأخذ فكرة عشان تشتري بكرة ههههه .. أقصد لاقتباس الأفكار ..:nice:


نبدأ بسم الله ..

الفيلا الأولى من بين فلل فخمة مصممة في الرياض من ضمن مشروع .. واعتقد تم تنفيذها ..


هذي الواجهة من برا ..

http://im36.gulfup.com/4JYC0.jpg (http://www.gulfup.com/?YGWBAY)


وهذا مخطط الدور الأرضي .. حبيت فيه الدرج في المركز وكلشي يتوزع حوله .. طبعاً لاحظوا التصميم مناسب للبيئة السعودية ..

http://im36.gulfup.com/r2q1h.jpg (http://www.gulfup.com/?5sTE8H)


وهذا مخطط الدور الأول .. كل غرفة لها تراس خاص .. وااااو بصراحة ..:victory:

http://im36.gulfup.com/eAHg9.jpg (http://www.gulfup.com/?oxuQ2W)


وهذا مخطط فوق السطح (البنتهاوس) .. بس هو مو كتلة وحدة ..

عدة غرف موزعة .. حبيت التوزيع والانشراح .. والجكوزي والمظلة .. وقزاز السكاي لايت ..

وفي عدة عتبات رايحة لفوق بعد شكلها جلسة ومسبح او جلسة وقزاز سكاي لايت على المنطقة اللي تحت ..

http://im36.gulfup.com/vFSus.jpg (http://www.gulfup.com/?wsZg77)


وهذا توضيح مادري شيسمونه .. مقطعي يمكن ههههه

http://im36.gulfup.com/92fLb.jpg (http://www.gulfup.com/?qvhCch)
http://im36.gulfup.com/jSF8n.jpg (http://www.gulfup.com/?SPPrtV)

وهذي بعض الصور ثري دي للفيلا ..

الدور الأول :

http://im36.gulfup.com/S1Ykw.jpg (http://www.gulfup.com/?VsbtC3)


السطح :

http://im36.gulfup.com/BXKu5.jpg (http://www.gulfup.com/?AQnDxZ)
http://im36.gulfup.com/FJd2H.jpg (http://www.gulfup.com/?rS1zSQ)


وبس والله .. تمنيت أكون مهندسة عقب هالتصاميم الحلوة .. لأني حبيت الأفكار بشغف :shy:

انتظروا الجديد .. بنزل كل فترة صور وتصاميم .. :nice:

أختكم / نور الحور

[معماري قطري]

قهر ما بينت الصور عندي .. نور شوفي لج حل

[معماري قطري]

ألحين بينت الصور ما ادري شفيه غالف آب

حلو التصميم وعجبني فيه التبسيط والتعقيد في نفس الوقت .. في التبسيط فيه الغرف موزعة صح بحمام كامل وغرفة ملابس مغلقة كاملة مفصولة عن الحمام .. والدرج السيدة للخدمات من المطبخ للصالة فوق ومن الصالة فوق للبنتاهاوس .. وحتى الدرج الرئيسي بسيط ووسطي وحلو فوقه السكايلايت اللي بينور الصالة تحت .. والبنتاهاوس مفتوح من الوسط ويتكون من 4 أجزاء وهذا عندنا محتمل الا مؤكد غير قابل للترخيص من قبل التخطيط لأنه يغطي تقريباً 60% من السقف .. والحلو فيه ينفتح بنوافذ على حوش وسطي في السقف .. وفيه دلع لآخر درجة .. حوض سباحة في السقف وجكوزي ومطبخ سقف وهذا يدخل شوي في التعقيد.

التصميم حديث ومتميز وممكن التعديل عليه شوي مثل إضافة مصعد وترتيبات ثانية في الحوش أهمها إضافة مواقف سيارات.

[السندان]

الصراحة اكثر شي عجبني فيه البنت الهاوس ومثل ماقال اخوي معماري ..... ددددددددلع

يعطيج العافية أختي نور الحور

[نور الحور]

بالضبط معماري .. التصميم سهل ممتنع .. :victory:

عجبتني وايد شغلات فيه وفيه مجال كبير للتطوير والتحسين للأفضل ..

بس ترى البنتهاوس غرفتين .. والباقي مظلة .. ما أعتقد مساحة الغرفتين تغطي 60 % ..

ولا بعد التظليل ممنوع ؟؟ أو يحسبونه ضمن مساحة التغطية ؟؟

أما مواقف السيارات شوف الصورة الأولى معماري بتشوف إن موقف السيارة تحت الفيلا :victory:



السندان .. إي والله بيت دللللع .. :nice:

والبنتهاوس شرح وايد وأحلى ما في التصميم يمكن بعد ..

بس بعد فكرة التراسات حلوة ..

وفوق هذا كله تحس النور داخل ومتوزع بكل مكان << طبعاً مو أنا هههههه

[معماري قطري]

صح غرفة الجكوزي طلعت غير مسقوفة وكذلك غرفة حوض السباحة .. وممكن عندنا نتلاعب بهم ونخلي حايطهم نازل ونرفعه بعدين أو نغطيه بطريقة ثانية ومواد غير

[لاجل QT]

البيت شكلة مريح للنفس

احب اللون الابيض مع لون السما

في انتظار المزيد بشغف:)

[Bozizoo]

يعطيك العافيه على التصميم
البيت واااايد حلوو بس ماينفع مجتمعنا ولا افكارنا و طريقية معيشتنا
ممكن الشي الي نسويه البنت هوس ناخذ منه الفكره و الاسكاي ليت والدرايش الكبارايضا حلوه
حتى الدرايش الكبار في ناس عندهم عليها ملاحظات
غرف الملابس صغيره
مداخل البيت ليست منطقيه
درج البيت في نص الصاله رغم صغر الصاله ضيع المكان كامل
بس ماعرفت شنو رقم 9/10/11/12/13
امس دخلت بيت واحد من الشباب في التشطيبات النهائيه او تقريبا قبل التاثيث
اول ملاحظه كانت غرف الملابس كانت صغيره وكيف الرجال يحاول يعدل و يحل المشكله هذه و خاصه في الغرفه الماستر
وبما ان حريمنا ماشاءالله عليهم ذويقات تشري اقل شي تسوي كبتين كبار في غرفة الملابس
انا حاليا اشتغل على بيت العمر في الخرايط سويت غرفة الملابس 6*3
اخوي معماري قطري ماعرفت انزل مخطط البيت في الموقع الملف pdf
مع ان المخطط لين الحين تحت الملاحظات و التعديل
انتظر احد من الاعضاء يرويني كيف

اختي ننتظر منك المزيد من التصاميم واكيد سيثري اي تصميم اما بفكره ماكانت على البال او على الاقل تتجنب اخطاء بمناقشة الاعضاء
تحياتي للجميع

[نور الحور]

صح غرفة الجكوزي طلعت غير مسقوفة وكذلك غرفة حوض السباحة .. وممكن عندنا نتلاعب بهم ونخلي حايطهم نازل ونرفعه بعدين أو نغطيه بطريقة ثانية ومواد غير

بالضبط .. وحتى لو التصميم مسقوف كله ممكن ناخذ فكرة ونغير اللي نبيه ..

بما يتوافق مع الشروط هني في قطر :victory:

[نور الحور]

البيت شكلة مريح للنفس

احب اللون الابيض مع لون السما

في انتظار المزيد بشغف:)


منورة لأجل .. أهم شي الشغف ههههه

بالفعل التصميم مودرن ومريح ..

والألوان الفاتحة دايماً تريح .. حتى الألوان اللي لها علاقة بالطبيعة مثل السماوي والبحري والأخضر ..

ومع الإنارة الطبيعية توفر انشراااح ..

وفوق هذا اللون الأبيض أنا اعتبره بمثابة (حركة السكون) في الكتابة بالفصحى ..

في اللغة العربية يقولون :

(سكن تسلم ) .. يعني اللي ما يبي يتوهق بالحركات يحط سكون ..هههههه

نفس الشي اللون الأبيض .. اللي متوهق شيحط ألوان وخايف يطلع البيت مو حلو ..

عليه بالأبيض .. بينقذه من شغلات كثييرة ... وبيرحمنا احنا من أذية عيونا !

بصراحة في مباني و بالذات الواجهات الخارجية عليها ألوااان .. مش ممكن .. تعذيب بشغف ههههه

قلنا لونوا حياتكم بالشغف .. بس مو لحد الاكستريم جذي ...

شكلي شطحت شوي .. سوري :shy: قلبي متروسة ههههههه

[نور الحور]

يعطيك العافيه على التصميم
البيت واااايد حلوو بس ماينفع مجتمعنا ولا افكارنا و طريقية معيشتنا
ممكن الشي الي نسويه البنت هوس ناخذ منه الفكره و الاسكاي ليت والدرايش الكبارايضا حلوه
حتى الدرايش الكبار في ناس عندهم عليها ملاحظات
غرف الملابس صغيره
مداخل البيت ليست منطقيه
درج البيت في نص الصاله رغم صغر الصاله ضيع المكان كامل
بس ماعرفت شنو رقم 9/10/11/12/13
امس دخلت بيت واحد من الشباب في التشطيبات النهائيه او تقريبا قبل التاثيث
اول ملاحظه كانت غرف الملابس كانت صغيره وكيف الرجال يحاول يعدل و يحل المشكله هذه و خاصه في الغرفه الماستر
وبما ان حريمنا ماشاءالله عليهم ذويقات تشري اقل شي تسوي كبتين كبار في غرفة الملابس
انا حاليا اشتغل على بيت العمر في الخرايط سويت غرفة الملابس 6*3
اخوي معماري قطري ماعرفت انزل مخطط البيت في الموقع الملف pdf
مع ان المخطط لين الحين تحت الملاحظات و التعديل
انتظر احد من الاعضاء يرويني كيف

اختي ننتظر منك المزيد من التصاميم واكيد سيثري اي تصميم اما بفكره ماكانت على البال او على الاقل تتجنب اخطاء بمناقشة الاعضاء
تحياتي للجميع


الله يعافيك بوزيزو ويخليلك زيزو ويبارك لك فيه ..

بالنسبة لي ما في تصميم مو ممكن أحوله لتصميم يناسب احتياجاتي وذوقي ويناسب البيئة بعد ..

المقصد من عرض هالتصاميم هو أخذ فكرة وتطويرها ..او أخذ مخطط وتعديله ..

لو لاحظت انا كتبت إنه مناسب للبيئة السعودية ..

لأنهم بالسعودية يخلون الطابق الأرضي للضيافة فقط ..

مقلط رجال ومجلس نساء وغرفة طعام ومغاسل ومطبخ وغرفة ضيوف ..

والأسرة المسكينة بس لها الدور الأول والبنتهاوس ..هههههه

عشان جذي بتشوف المدخل في الواجهة لمقلط الرجال ..

واللي ورا للنساء واللي على جنب مدخل الأسرة اليومي !!!

هالشي مو مكتوب بالمخطط .. لكن لأني اطلعت على

مخططات خليجية كثيرة وعارفة كل دولة شلون تصمم مخططاتها ..

لو أنا بعتمد هذا المخطط بغير فوق ال60 بالمية منه يمكن .. ممكن نفتح المساحات على بعض ..

ونشيل المطبخ من الواجهة .. ونخليه في الصالة مثلاً أوبن كتشن ..

بيكون أشرح بوااايد .. حتى الغرف وبالذات الماستر .. ممكن تتعدل بشكل كبير ..

أما بالنسبة لغرف الملابس .. فللأسف أنا لاحظت في غالب المخططات عندنا بقطر لهم قوالب تصميمية

شبه ثابته .. ممممممللة بشكل .. وتضيع مساحات على الفاضي ..

تلقى غرفة ملابس 2 ونص مثلاً بـ 2 ونص .. لكن ما تقدر تستغل إلا جدار واحد ..

لأن باب الحمام وأنت بكرامة ماخذ حيط كامل ومدخل غرفة الملابس ماخذ حيط ثاني ..

الحل ان باب الحمام يتغير مكانه .. ونستغل 3 جدران بغرفة الملابس ونسويها خزاين امريكية (ووك ان) ..

أما غرفة ملابس غرفة الماستر فضروري جداً تكون المساحة فيها كبيرة ..

وزين سويت انك كبرتها .. بالنسبة لي سويتها 8 ونص بـ 3 ونص :shy:

وهذا عقب ما صغرتها شوي بعد ..لأن خذنا منها قريب المتر عشان نسوي مخرج طواريء !

بس بما إنك في مرحلة المخطط اللحين أنصحك وأوصيك تعيد النظر في كل التفاصيل ..

خذ وقتك .. وحاول تلبي احتياجاتك أنت وذوقك وبما يتناسب مع شخصيتك ونمط حياتك ..

مو لازم تاخذ المنتشر والموجود والمتعارف عليه وبس .. أو تمشي على ذوق غيرك ..

في ناس مسويين مجالس كبيرة وغرف طعام وغرف ضيوف ومخلينها تطل على أحلى واجهة ..

وفي التشطيب يصرفون عليها أكثر جزء بالبيت .. وضيوفهم بالسنة ينعدون على أصابع اليد ..

أو يكون على حساب راحتهم هم بالبيت ..


بالنسبة للمخطط المعروض ..

رقم 9 و10 مغاسل ودبليو سي وانت بكرامة واحد للرجال والثاني للنساء ..

11 و12 مادري والله .. شكله غرفة تعليق العبايات يمكن !

13 ما عرفته يمكن غرفة ضيوف .. ههههه

يمكن لأن ما عجبني تقسيم الدور الأرضي فما ركزت عليه ..

بس ممكن يتطور للأفضل 180 درجة :victory:

[نور الحور]

و هذي فيلا جديدة بتصميم مبدع .. الصور أبلغ من أي تعليق ..:victory:


http://im39.gulfup.com/W3gKt.jpg (http://www.gulfup.com/?aIfWvr)

http://im39.gulfup.com/XXZWe.jpg (http://www.gulfup.com/?9f7HBk)

http://im39.gulfup.com/Qygdz.jpg (http://www.gulfup.com/?7r33c4)

http://im39.gulfup.com/hTuUa.jpg (http://www.gulfup.com/?ABRJAp)

http://im39.gulfup.com/XQ91u.jpg (http://www.gulfup.com/?yJqePF)

http://im39.gulfup.com/AiBor.jpg (http://www.gulfup.com/?MzEHWj)

http://im39.gulfup.com/YomA9.jpg (http://www.gulfup.com/?LcuHCk)

[معماري قطري]

يعطيك العافيه على التصميم
البيت واااايد حلوو بس ماينفع مجتمعنا ولا افكارنا و طريقية معيشتنا
ممكن الشي الي نسويه البنت هوس ناخذ منه الفكره و الاسكاي ليت والدرايش الكبارايضا حلوه
حتى الدرايش الكبار في ناس عندهم عليها ملاحظات
غرف الملابس صغيره

في بعض الغرف صحيح الرئيسية شوي كبيرة .. وبعض الغرف ممكن وضع كبت إضافي.

مداخل البيت ليست منطقيه

تبين لي المساحات رقم 17 مسطحات مائية منها اللي ورا حوض سباحة مفتوح على الصالة العائلية .. واللي على اليسار ممكن للأطفال واللي في المدخل ممكن حوض صغير مع نافورة وشلال .. لذلك تم اعتماد مداخل متعددة حتى يسهل الوصول لهذي المناطق ويتم خلط الخارج .. الحوش بداخل البيت.

درج البيت في نص الصاله رغم صغر الصاله ضيع المكان كامل
بس ماعرفت شنو رقم 9/10/11/12/13

مدخل المجلس نوعاً ما غريب والمفروض ينفتح وسطي في مدخل البيت المكون من بابين ورا بعض .. الدرج في النص يوصل للدور الأول فقط ومفتوح من فوقه بسكايلايت .. لذلك فكرته حلوه وممكن له معالجة خاصة بحيث يبين خفيف وبدرابزين زجاجي .. والصالة هذي ممر وموزع الصالة عندك مساحة رقم 7 .

انا استغربت المساحات اللي فوق أكثر منك 13 لو تلاحظ تبين لي 3 غرف بثلاث حمامات مقابلتها .. إحتمال ضيوف أو خدم بس تصميمها تعيس .. المساحات 10 و9 أكيد حمامات بس مستغرب ليش على داخل و11 و12 ما ادري أما غرف تغيير ملابس واحتمال سونا وستيم .. نطالب بتوضيحات من مهندستنا نور .. نور كيفج هذا موضوعج نبي توضيح.

امس دخلت بيت واحد من الشباب في التشطيبات النهائيه او تقريبا قبل التاثيث
اول ملاحظه كانت غرف الملابس كانت صغيره وكيف الرجال يحاول يعدل و يحل المشكله هذه و خاصه في الغرفه الماستر
وبما ان حريمنا ماشاءالله عليهم ذويقات تشري اقل شي تسوي كبتين كبار في غرفة الملابس
انا حاليا اشتغل على بيت العمر في الخرايط سويت غرفة الملابس 6*3

في هذا معاك حق وهذي المساحة بتطلع بكرة صغيرة .. واحد من الاخوان مصمم بيته بغرف ملابس ومخازن تابعة لكل غرفة .. أذكر نصحته يخليها كبيرة ومفتوحة ومزدوجة الإستعمال.

اخوي معماري قطري ماعرفت انزل مخطط البيت في الموقع الملف pdf
مع ان المخطط لين الحين تحت الملاحظات و التعديل
انتظر احد من الاعضاء يرويني كيف

اختي ننتظر منك المزيد من التصاميم واكيد سيثري اي تصميم اما بفكره ماكانت على البال او على الاقل تتجنب اخطاء بمناقشة الاعضاء
تحياتي للجميع

أول شيء يكون محفوظ عندك وتنزله كفايل بي دي اف عادي عن طريق غلف آب أو غيره من المواقع وتحط الرابط مال المنتديات بعد ما تنسخه هنيه.

[نور الحور]

هالمرة أعرض لكم صور فيلا أسبانية واااو ..

مكان ولا أروع .. منطقة جبلية مرتفعة مطلة على البحر ..

الرائع هو التأقلم مع طبيعة المكان ..

فالفيلا تأتي متدرجة ومختلفة الارتفاعات لأنها مقامة على منطقة جبلية متدرجة الارتفاع ..

وتم توظيف حتى الصخور وجعلها جزء من طبيعة ومفهوم المكان وجماليته بدل اعتبارها عائق ..

سنجد صخرة كبيرة تم اعتبارها جزء من المنزل .. وقطعة فنية فيه .. مع الاهتمام بالإضاءة حوله ..

مابي أطول .. أترك لكم الصور التي تحبس الأنفاس تتكلم .. :nice:

http://im40.gulfup.com/jUflr.jpg (http://www.gulfup.com/?yiOmNV)

http://im40.gulfup.com/eB7kG.jpg (http://www.gulfup.com/?aKyjhx)

http://im35.gulfup.com/5FLLL.png (http://www.gulfup.com/?kwnQDR)

http://im40.gulfup.com/Xi9kX.png (http://www.gulfup.com/?n2msA7)

http://im40.gulfup.com/wPs7y.png (http://www.gulfup.com/?7P9idK)

http://im40.gulfup.com/wKzeW.png (http://www.gulfup.com/?mv7qpB)

http://im40.gulfup.com/UsUhw.png (http://www.gulfup.com/?QBIRNf)

http://im40.gulfup.com/fOuKb.png (http://www.gulfup.com/?9mJAbB)

http://im40.gulfup.com/G1rjD.png (http://www.gulfup.com/?jJajgq)

http://im40.gulfup.com/didZP.png (http://www.gulfup.com/?AiEnXi)

http://im37.gulfup.com/Ca1jl.png (http://www.gulfup.com/?FBaFU4)

http://im37.gulfup.com/XdHan.png (http://www.gulfup.com/?T6Asp2)

http://im37.gulfup.com/HVkfV.jpg (http://www.gulfup.com/?cx4kUg)

http://im37.gulfup.com/KI2Qu.png (http://www.gulfup.com/?t99sW6)

http://im37.gulfup.com/DSEm3.png (http://www.gulfup.com/?EOWpLq)

http://im37.gulfup.com/l7ra5.png (http://www.gulfup.com/?hRVtJF)


http://im37.gulfup.com/n6sMy.png (http://www.gulfup.com/?86qUJl)


http://im37.gulfup.com/dJBgM.png (http://www.gulfup.com/?QnDFlX)

http://im37.gulfup.com/OLSkd.png (http://www.gulfup.com/?naNOfg)

http://im37.gulfup.com/JbbT9.png (http://www.gulfup.com/?kNLkuq)

http://im36.gulfup.com/bzXmz.png (http://www.gulfup.com/?h3B6uS)

http://im36.gulfup.com/FlJWf.png (http://www.gulfup.com/?uBsx9V)

[معماري قطري]

الأخيرة قمة الجمال .. بس مشكلة اللون الأبيض بسهولة يتوصخ لو قابل للغسيل بيكون زين.

تذكرت ملاحظة مهمة على المشربيات الخارجية .. مشكلتها عندنا تستوي عشوش للطيور ولو فيه حل بوضع صوت خاص يطرد الطيور ولا ذبذبات معينة ولا مسامير وأسلاك تمنع الطيور من النزول عليها بتكون عملية وحلوة.

[نور الحور]

هههههههههههههه .. عجيبة ملاحظاتك معماري ..

أنا مثلك أوسوس بالنسبة للطيور .. خاصة عاد الحمام ..يا سلاااام يسوون لك جو مش ممكن هههههه

بالنسبة للون الأبيض .. فأنا ذكرت إنه هو الحل السهل ..

فيه بساطة ونقاء ..طبعاً مو لازم الواحد يلتزم فيه بكل

البيت .. لكنه اختيار سهل ولون حيادي ويعكس الضوء في نفس الوقت ..

بعد لو تلاحظ طريقة حوض السباحة الخارجي مصمم بطريقة تعطي امتداد بصري مع البحر ..

بس ماعرف شسم هالطريقة .. لو عندك معماري أي فكرة ياليت توضح لنا

[معماري قطري]

هي طريقة الفضاء المتواصل وهي لو عندج حديقة وعندج حائط داخلي زجاجي وخذتي بعض العناصر من الحديقة كملتيها داخل من خلال الزجاج .. مثلاً عشب ملامس لحاجز الزجاج وأرضية بلون عشبي داخل وزراعة في إيصيصات وطريقة هذي الإيصيصات تعكس هذا الاتصال.

بالنسبة للحوض يوضع شوي مرتفع بحيث يضمن خصوصية اللي فيه وبنفس الوقت في مكان مفتوح ويطل على البحر بحيث اللي يسبح يحس إن البحر متصل مع الحوض.

[نور الحور]

^

شكراً معماري وجزاك الله خير .. على المعلومات الثرية ..

ممكن مصطلح الفضاء المتواصل بالانجليزي عشان اسوي سيرج أكبر على الموضوع ؟

[معماري قطري]

Continuous space or continuation of open space

or flow of internal space into external space

هشكل إنتي يبي لج كتب معمارية تقرينها بحث في النت ما يسوي ممكن شيء بس علميني شحصلتي

[نور الحور]

Continuous space or continuation of open space

or flow of internal space into external space

هشكل إنتي يبي لج كتب معمارية تقرينها بحث في النت ما يسوي ممكن شيء بس علميني شحصلتي



دورت على السريع معماري ما لقيت شي يسوى !

يبيلي أتفرغ له شوي .. وايد حابة الفكرة :nice:

[نور الحور]

فيلا جديدة ذات تصميم غريب مبدع .. أترككم مع الصور ..



http://im55.gulfup.com/iMQwT.bmp (http://www.gulfup.com/?JwJ2UO)


http://im55.gulfup.com/KTOU8.bmp (http://www.gulfup.com/?29cZxF)


http://im63.gulfup.com/WNOz1.jpg (http://www.gulfup.com/?JWQnCL)



http://im63.gulfup.com/Wg6tW.jpg (http://www.gulfup.com/?njHKVr)


http://im55.gulfup.com/9461V.bmp (http://www.gulfup.com/?pBgwNd)

[معماري قطري]

حلوه ذي وفيها شغل في المستويات وأَرضها أَقل شيء 30 في 40 متر

لي عودة عن قريب

[white bird]

جميل اللون الابيض :cry2:
بس عن نفسي أحب بيتي يكون كلاسك
المودرن ممكن اعيش فيه يومين اسبوع بالكثير

يعطيج العافية :o:

[نور الحور]

حلوه ذي وفيها شغل في المستويات وأَرضها أَقل شيء 30 في 40 متر

لي عودة عن قريب



بانتظارك معماري :nice:

[نور الحور]

جميل اللون الابيض :cry2:
بس عن نفسي أحب بيتي يكون كلاسك
المودرن ممكن اعيش فيه يومين اسبوع بالكثير

يعطيج العافية :o:



الله يعافيج وايت بيرد ...

الأبيض لون النقاء والراحة والتشافي ...

وما أستغربت اعجابج فيه لأنه لونج هههههههه

لكن حلو نكسر الأبيض بألوان ثانية ..

بالنسبة للمودرن والكلاسيك .. ههههههههههه موتيني ضحك ..

لأن الحال عندي معكوس ..

الكلاسيك حلو وراااقي جداً بس مو مودي كلللش ..:shy:

ممكن كنوع من التغيير أحطه بغرفة وحدة او زاوية معينة ..

لكن البيت كله كلاسيك ؟

نوووو وي ههههههه

بالنسبة لي أحب المودرن اللي فيه شوية تدخيلات وحركة ... ستايل فندقي ..

عموماً أحب ستايلات :

البوست مودرن

النيوكلاسيك

الهوتيل مودرن ستايل

واحب بعد الإسلامي والمغربي بس مو لكل البيت ..

أحس فيهم اصالة غيييير ..

سبحان الله .. الأذواق تختلف باختلاف أمزجة وشخصيات أصحابها ..

متابعة لموضوعج الديكورات الكلاسيكية .. عجبتني وايد بصراحة ..

أتشرف لمتابعتج موضوعي :nice:

[الفني]

الحمد لله