نص طلاب الصف غايبين..!! [الأرشيف] - منتديات شبكة الأسهم القطرية

qatarman8008

10-02-2014, 08:12 AM

السلام عليكم ورحمة الله وبركاته...
اسعد الله صباحكم اخواني واخواتي..

وكالعاده.. يدور حوار تلقائي يومي بين الاب وابناءه كل يوم.. ثم يتفاجا الاب بظواهر غريبة بدات تطرا على المجتمع.. تؤثر بشكل ايجابي او سلبي على طريقة تفكير هؤلاء الابناء...

سؤلت سؤالا البارحة من ابنتي ذات العشر سنوات.. لمذا لا تغيب عن المدرسة..؟؟
فكرت اجاوب بطريقة بسيطة تنهي النقاش سريعا.. فكان جوابي سؤالا..
ولمذا تغيبين عن المدرسة اصلا..؟؟

فكان الجواب سريع ولم ينهي النقاش سريعا كما تصورت...
لان اكثر من نص طالبات الصف غايبين..!!

واذا بصوت ابني هو الاخر.. حتى احنا يابابا.. اكثر من نص طلاب الصف غايبين اليوم..!!

تذكرت فعلا.. في الصباح و انا اقود سيارتي باتجاه المدارس ثم الى العمل.. لاحظت الشوارع نصف فارغة على غير عادتها..
ايضا ساحات المدارس الداخلية اللتي هي محطة لتنزيل واخذ الطلاب ايضا نصف فارغة..
مما يدل على انه فعلا هناك نسبة كبيرة من الغياب عن المدارس.. وليس عن مدارس عيالي فقط..

ما هو الجواب من وجهه نظركم..

هل غاب اكثر من نصف طلاب الفصل هكذا وبشكل منظم عمدا..
هل كان في ضروف تستدعي فعلا غياب الطلاب..
او ان الدراسة والالتزام بالدوام الرسمي للطلاب اصبح شيئ ثانوي..
ام ان الوالدين غيبوهم عمدا.. مصيبة لو كان الوالدين غيبوهم عمدا..!!

كيف يؤثر هذا التصرف اللامسؤول على شخصية وعقلية ابنائنا.. سواء الغايبين منهم ام الحاضرين..

وسلامتكم..

ضوى

10-02-2014, 08:17 AM

ثقافة الغياب عند عيالنا صارت متعبة والله ، صحيح كلامك ثلاث ارباع الطلاب غايبين ، يقولك ليش نداوم احد واثنين والثلاثاء اجازة ويجرون الاسبوع كامل ، سبب ضيقتي من بنتي اللي المفترض شهادة وتكون حريصة اكثر من على الالتزام ، تقول مب مداومة اقولها بتداومين لين في الاخير بالقوة الجبرية داومت ، المشكلة اكثر البنات غايبات طيب ليش هالثقافة من اولياء الامور ، هذا مستقبل والكورس هذا وايد قصير وبيعدي بسرعة ان شاء الله يغيبون اسبوع ويتاخر المنهج اسبوع ويصير ضغط عليهم ، مدري متى بننتبه لهالشي

qatarman8008

10-02-2014, 08:37 AM

احب اكون صريح جدا معاج اختي ضوى.. قبل ان اطرح هذا الموضوع ناقشته مع اكثر من شخص عندي في الدوام.. وكان الجواب كالتالي..
يوم الثلاثاء اجازة..!!
يعني تبون تغيبون الاحد والاثنين والاربعاء والخميس.. عشان يوم الثلاثاء اجازة..!!
يوم الثلاثاء هو اليوم الرياضي للدولة .. بتوجيهات من الامير حفظه الله.. يوم رياضي للعقل والبدن.. يعني مزيد من الحركة والعطاء وبذل المزيد من الطاقة من اجل صحة البدن والعقل..

قلبناها غياب..!!

حياتي روايه

10-02-2014, 08:46 AM

عادي فديت اعيالي يداومون ومستانسين ان بكره " اجازة رياضية " ومجهزين ملابسهم الرياضيه حق بكره ،،،،، من الصبح إن شاء الله مشي ورياضه

من شب على شي شاب عليه وماتعب اهله والي حوله

منسق قطري

10-02-2014, 08:50 AM

غياب الطلبه دليل على استهتار اولياء الأمور

شيخ الديرة

10-02-2014, 09:03 AM

كم يوم من حق الطالب يغيب بدون عذر؟ يوم واحد زيادة يعيد السنة, ما تحتاج مداولة ومحاكم

ورد الدوحه

10-02-2014, 09:09 AM

والله انا وحده ماخلي اعيالي ايغيبون وأذكر مرة اتصلوا لي المدرسة تعالي اخذي اعيالج مافي دراسه اثنين اللي مداومين ورجعناهم
:eek5:

الله المستعـــــــــان

كازانوفا

10-02-2014, 09:12 AM

اولهم ابني اللى يسالني اروح اليوم والا اغيب
يا حبهم للغياب المشكله اساله ليش لهدرجه تكره الروحه للمدرسه يقولي كرهتها من المدرس الرياضيات المصري

MAZEN37

10-02-2014, 09:28 AM

في مثل يقول
ان اردت ان تطاع فطلب المستطاع
الحين اجازه نصف السنه حول الشهر وتبون الاولاد يداومون يوم وياخذون اجازه اليوم الي بعده حق اليوم الرياضي وعقب يداوم !!!!

ذكـــــرى

10-02-2014, 09:46 AM

جيرانا لين الحين مسافرين هم وعيالهم يقولون الاسبوع الاول عادي مايحاسبون عليه هاذا والله اعلم يمكن اغلب الناس كذا نفسهم

Riku3

10-02-2014, 09:51 AM

ترى جات بوقع غلط شوي .. المدارس تبدى الا ندخل بإجازة .. واكثر الناس يدورون الحل الاسهل بأن يستمرون بنظام الاجازه لين بعد اليوم الرياضي وفي ناس اعرفهم لين الحين برع البلاد ..

على ايامنا ما كنا نغيب عن الحضور للمدرسة بس الكل يغيب عن الحضور للصف ههههه ..

بقولك مثالين على ناس كبار يتهربون من المسئولية .. مره كنت في مدرسة ومديرهم قال في الطابور للطلاب بكره تقدرون تغيبون، الحضور مب الزامي ! .. كان هدفه يخرب الاختبارات الوطنيه على بدايتها يوم ما كان عليها درجات .. وانا "كنت" موظف في المجلس الاعلى للتعليم وما كان يدري اني موجود في الطابور ..

فمثل هالمدير هو الي يغرس روح اللامبالاة في الاطفال ومثلها الوالدين يوم يخلونهم يغيبون ..

ومثال ثاني في الوزارات وكيف تلاحظ كاونترات الموظفين تقل كثير ويزيد الضغط بسبب غياب الموظفين عن عملهم او كسلهم لان ثاني يوم اجازه ! .. وامس صادفت في وزارة التخطيط العمراني (مبنى الرخص) الي صوب سوق الجبر .. موظفه تصارخ بأعلى صوتها للي يوزع ارقام خلاص رد المراجعين ولا توزع رقم للكاونتر الخاص فيها لان على قولتها "يكفي مشيت 160 مراجع اليوم" .. وكنا للحين الساعه 12 !! وبعيني شفت الي يوزع ارقام رجع 6 اشخاص في دقايق وضيعت عليهم اليوم لان ما عندها ثقافة انها ملزومه تخدم المراجعين لين نهاية دوامها او عند اغلاق الكاونترات بشكل رسمي من الادارة .

فهالثقافه موجوده عن الطلاب والكبار وحتى الموظفين .. الله يعين .

شيخ الديرة

10-02-2014, 10:00 AM

ترى جات بوقت غلط شوي .. المدارس تبدى الا ندخل بإجازة ..

اللي وضعوا الجدول الدراسي عندهم كامل العلم بمواعيد العطل الرسمية وهو تقصير واضح منهم بعدم تفادي تقارب الأجازة المدرسية مع العطلة الرسمية. أرجو ان يتعلموا ويتفادون هذه الهفوة في جدول السنة القادمة بحيث تكون الأجازة ليست متاخمة لأسبوع يوم العطلة الرسمية

بصمة قطرية

10-02-2014, 12:22 PM

ولدي ثاني يوم له يداوم و يطلع الساعه عشر ونص ..!!
محد مداوم و ما إستلموا الكتب ..!!!!
الأحد و الأثنين الغالبية مغيبين عيالهم
لأن الثلاثاء إجازة الدوام بيكون الأربعاء ..

qatarman8008

10-02-2014, 01:49 PM

ولدي ثاني يوم له يداوم و يطلع الساعه عشر ونص ..!!
محد مداوم و ما إستلموا الكتب ..!!!!
الأحد و الأثنين الغالبية مغيبين عيالهم
لأن الثلاثاء إجازة الدوام بيكون الأربعاء ..

والاربعاء والخميس اجازة لان الثلاثاء اجازة.. !!

Summer Fruits

10-02-2014, 01:59 PM

اليوم رحت دار السلام الصبح
ولا فوق خمس يهال اللي شفتهم يتمشون
اقووول شدعوى ذيلا ماعندهم مدرسة
بس شكله اول اسبوع ياخذونها اجازة الشباب

يمامـة

10-02-2014, 02:34 PM

غياب الطلبه دليل على استهتار اولياء الأمور

دليل استهتار القوانين ،،

الغياااااااب كبيييييير جدا ،،

يمامـة

10-02-2014, 02:36 PM

اللي وضعوا الجدول الدراسي عندهم كامل العلم بمواعيد العطل الرسمية وهو تقصير واضح منهم بعدم تفادي تقارب الأجازة المدرسية مع العطلة الرسمية. أرجو ان يتعلموا ويتفادون هذه الهفوة في جدول السنة القادمة بحيث تكون الأجازة ليست متاخمة لأسبوع يوم العطلة الرسمية

اليوم الرياضي متحرك ماله تاريخ ثابت يا اخوي ولد الشيخ

يأتي في كل يوم ثلاثاء من الأسبوع الثاني من شهر فبراير

العام كان في وسط الاجازة هالسنة بعد الإجازة ،، المشكلة لو في قوانين تعاقب الطالب الغايب
ما كان غاب .................> فالقصور في القوانين أساسا ،

ضوى

10-02-2014, 02:37 PM

دليل استهتار القوانين ،،

الغياااااااب كبيييييير جدا ،،

ولدي اربع طلاب في صفه وبنتي اربع طالبات معاها ، السؤال ليش خلوهم لين 1.40 دقيقة ؟!!!

Dana’1

10-02-2014, 02:38 PM

عندي العكس بنتي داومت اليوم.. اول ما اركبت السيارة تقولي ما أخذنا ولاشي وكثيرر بنات غايبين وحتى المعلمات الاحتياط ر قالو لو غبتي كان أفضل! قلت بقلبي أجل يبشرون بالي بيغيبها يوم الاربعا والخميس هههه
ماهي سالفه بصراحة

يمامـة

10-02-2014, 02:41 PM

ولدي اربع طلاب في صفه وبنتي اربع طالبات معاها ، السؤال ليش خلوهم لين 1.40 دقيقة ؟!!!

شدراني ...............> :(

ضوى

10-02-2014, 02:46 PM

شدراني ...............> :(

هذي بنتي زمرانة علي ليش خليتيني اروح من بيصلح العلاقات بينا الحين ، باغيبها اربعاء وخميس عشان اراضيها

vip-30003

10-02-2014, 02:58 PM

ياليت كل المدارس اطبق حرمان الطالب من الاختبار

في حال تجاوز غيابه 15 متواصله او 30 متقطعه

هي مره بس والكل بعدها بتسنع

لازم الصرامه والحزم في التعليم

اي غياب بدون اجازة مرضيه يتحاسب ولازم نربطه بدرجات حضور واتضباط

يمامـة

10-02-2014, 02:58 PM

هذي بنتي زمرانة علي ليش خليتيني اروح من بيصلح العلاقات بينا الحين ، باغيبها اربعاء وخميس عشان اراضيها

هاهاها مالج الا هالحل :(

والله شعرفنا شسالفة ، ، ولدي اجباري داوم عنده اختبارات ومب ناوية اغيبه عقب الاجازة
وبنتي مضغوطين في صفهم تقول اغلب بنات المدرسة غايبين امس ،، واليوم راحت
كل بنات اخواني وخواتي غايبين خذتهم اختي بيتغدون برع فاتصلوا فيني يبونها قلت لهم
روحوا اخذوها من المدرسة .............> وردت فرحانة مغيرة جو على الأقل طلعت من المدرسة ،،

حياتي روايه

10-02-2014, 03:29 PM

التسيب هذا بالمدارس الحكوميه المستقله ،،،، أعيالنا بالخاص الكل مداوم من أول يوم واليوم كان عنهم أختبار بعد

بصمة قطرية

10-02-2014, 04:06 PM

بصمة قطرية

10-02-2014, 04:07 PM

التسيب هذا بالمدارس الحكوميه المستقله ،،،، أعيالنا بالخاص الكل مداوم من أول يوم واليوم كان عنهم أختبار بعد
جارتي و حماتي عيالهم في خاص و للحين ما داوموا ..

بصمة قطرية

10-02-2014, 04:08 PM

والاربعاء والخميس اجازة لان الثلاثاء اجازة.. !!

قلت لعيالي بتداومون الأربعاء والخميس ..

المحاميه

10-02-2014, 04:11 PM

اسمحولي ياامهات اصï»» معروف اول يوم محد بيداوم وصج الناس كلها مسويه شبك عشان اجازة باجر

زين قالولكم محد مداوم ليش تجبرونهم

ضوى بنتج عورت قلبي
عاد بتغيبينها يومين ورا اخاف الكل يداوم ذيك الحزه

vip-30003

10-02-2014, 06:14 PM

أبشرك
في مدارس إذا الطالب غاب 10 أيام بدون عذر
يحرم من دخول الإختبارات ..

الحرمان كان في لائحة الضبط السلوكي السابقة

اما اللائحة الجديده ما انذكر الحرمان فيها

وماظن يطبقوا الحرمان وماقصد المدارس اقصد المجلس

لان الموافقه اتجي المدارس من المجلس

حياتي روايه

10-02-2014, 08:38 PM

جارتي و حماتي عيالهم في خاص و للحين ما داوموا ..

اعيالي واعيال حماتي واعيال فريجنا داوموا وكل أعيالهم خاص ،،،

حمد 2002

10-02-2014, 09:01 PM

من انخلقه الدنيا ومن انولدنا على وجه الارض انعرف ان الطلاب بالمدارس اول اسبوع بعد الاجازه سواءا ربيع ولا صيف ايكونون اكثريتهم غياب ونفس الشيء بالجامعه اول اسبوع وثاني اسبوع ..

يعني هالأمر عااااادي ،،،

بالتوفيق ...

شيخ الديرة

10-02-2014, 09:46 PM

اليوم الرياضي متحرك ماله تاريخ ثابت يا اخوي ولد الشيخ

يأتي في كل يوم ثلاثاء من الأسبوع الثاني من شهر فبراير

العام كان في وسط الاجازة هالسنة بعد الإجازة ،، المشكلة لو في قوانين تعاقب الطالب الغايب
ما كان غاب .................> فالقصور في القوانين أساسا ،

عذر غير مقبول, الكل يعرف ان اليوم الرياضي ثاني ثلاثاء فبراير, لا يصعب على أحد وضعه على التقويم بغض النظر عن التأريخ

شيزكيك

11-02-2014, 04:27 PM

عرفتوا ليش في استهتار ولا مبالاة وعدم التزام من قبل بعض الموظفين لانهم ربوا على هالشي من صغر غياب بالهبل من المدارس ايش راح ينتج لنا

الحمدلله الغياب ممنوع عندنا بتاتا الا في الحالات الطارئة

والحمدلله قالوا محد داوم اول يوم بس ما يمشي عندنا هالكلام

انا ابي مصلحتهم وعقب لين اكبروا بلتزمون في دوامهم

عضو مشاكس

11-02-2014, 04:56 PM

عادي متعودين هذه عادة اصلا

بصمة قطرية

11-02-2014, 05:34 PM

الحرمان كان في لائحة الضبط السلوكي السابقة

اما اللائحة الجديده ما انذكر الحرمان فيها

وماظن يطبقوا الحرمان وماقصد المدارس اقصد المجلس

لان الموافقه اتجي المدارس من المجلس
ولدي في الثانوية و قال لي في طالب إنحرم ..

اعيالي واعيال حماتي واعيال فريجنا داوموا وكل أعيالهم خاص ،،،
كل اللي حولنا ما داوموا
ولدي الكبير يداوم بس عشان ما ينحسب غياب
محد مداوم و يطلعون من وقت ..

حياتي روايه

11-02-2014, 11:44 PM

ولدي في الثانوية و قال لي في طالب إنحرم ..

كل اللي حولنا ما داوموا
ولدي الكبير يداوم بس عشان ما ينحسب غياب
محد مداوم و يطلعون من وقت ..

أنا اتكلم عن المدارس الأمريكية الهااي كلاس حبيبتي

بصمة قطرية

12-02-2014, 12:03 AM

أنا اتكلم عن المدارس الأمريكية الهااي كلاس حبيبتي

خخخخخ
يحليلج
من قال لج انهم يدرسون في مدارس عادية
كلهم هاي كلاااااااس ..

vip-30003

12-02-2014, 12:18 AM

بصمة قطرية

12-02-2014, 12:48 AM

خلينا الغياب وركزنا على مدارس هاي كلاس

ياليت المجلس يطبق غرامة مالية على الغياب بدون عذر

لانه مدفوع من الدولة كوبونات للمواطن

صج ليش الدولة تتحمل اهمال الطالب او الاسرة

سواء في المدارس المستقله او الخاصة كل طالب مدفوع له مبلغ

وميزانية المدارس المستقلة بعدد طلابها

يعني الطالب الدوله خصصت له مبلغ سنوي لدراسة

واهماله يعتبر هدر من المال العام

تقول عيالهم في مدارس هاي كلاس ...!!!!!!

كلامك صحيح
بس لما الطالب يداوم ومافي دراسة
و الأغلبية غايبين تلوم من ..؟؟
عيالي ما كنت بغيبهم أنا ضد الغياب
و دايماً عيالي يداومون من أول يوم دوام
بس خواتي قالوا لي عيالنا بيغيبون و مافي دراسة
و فعلاً هاي اللي صار ،،
بكرة كل عيالي مداومين إن شاءالله

ANONYMOUS

12-02-2014, 01:38 AM

المشكله اذا يروحون المدرسه ومافي دراسه والحضور سبهلله ويرجعون بخفي حنين

اعتقد هالسبب الرئيسي اللي شجع اولياء الامور يغيبون اعيالهم

عازف الاورج

12-02-2014, 02:59 AM

اختصاراً للوقت

الجواب بسيط وهو "الفلوس" و "الدلع" و "الرفاهيه الزايده"

ليش نروح المدرسه ونتعب روحنا واحنا عندنا فلوس و ماناقصنا شي!!!!!!!

مع الاسف هذا الواقع

لاجل QT

12-02-2014, 04:19 AM

ANONYMOUS

12-02-2014, 05:03 AM

^

المصدر ؟

شيخ الديرة

12-02-2014, 07:00 AM

الغياب بسبب ان مافي دراسة

الحقيقة ان مافي دراسة بسبب الغياب. المدارس مفتوحة والكوادر التدريسية موجودة في المدارس ومدفوعلهم رواتب بالكامل.

ضوى

12-02-2014, 09:21 AM

الغياب بسبب ان مافي دراسة

هالشي يصير سنويا معتادين على هالوضع بعد اي اجازة

غير ان الدوام وقع بين اجازة اليوم الرياضي

الدراسة الجد تبدأ يوم الاحد القادم باذن الله تعالي

خلوهم يرتاحون هالااسبوع الغياب ماينحسب مع هالكم الهائل من الغياب

بس هالوضع غلط يا لاجل ، قاعدين يمشون على شي وكانه من الاعراف الاجبارية ، بصراحة شي فوق الطبيعي ، يوم اجازة يبون يوم قبله ويوم بعد ، تخلص الاجازة يبون اسبوع عقبها حتى يلتزمون ، العيد يبون قبله كم يوم وعقبه كم يوم ، يعني هذا مايصير ، بنتي وولدي هالكورس قلت لهم اللي بيجي يقولي محد بيداوم وبنغيب ياويلكم غياب هالكورس مافي لو شنو بصراحة مصخت السالفة ، على فكرة حتى بالدوامات نفس الشي

يمامـة

12-02-2014, 01:54 PM

^

المصدر ؟
لأجل متعاونة مع متطلبات الطلاب في أهمية عدم وجود دروس اول أسبوع !!

بصمة قطرية

12-02-2014, 01:54 PM

عيالي داوموا اليوم
و قالوا لهم اللي يبي يغيب بكرة يغيب ..!!!

يمامـة

12-02-2014, 02:17 PM

عذر غير مقبول, الكل يعرف ان اليوم الرياضي ثاني ثلاثاء فبراير, لا يصعب على أحد وضعه على التقويم بغض النظر عن التأريخ

اخوي ولد الشيخ ،،

ما يصير كل سنة يغيرون في جدول الدوام المدرسي علشان يوم رياضي !!

المفروض أصلا الطلاب يتعلمون السنع ،، ويقدرون ان الاجازة إجازة والدوام دوام ،،!!

يمامـة

12-02-2014, 02:18 PM

عيالي داوموا اليوم
و قالوا لهم اللي يبي يغيب بكرة يغيب ..!!!

أقول لج المشكلة اكبر من اليهال ،، المشكلة مافي ضبط من المجلس !!

بصمة قطرية

12-02-2014, 02:27 PM

أقول لج المشكلة اكبر من اليهال ،، المشكلة مافي ضبط من المجلس !!

صدقتي ..
لكن شنقول ..!!

الزعفراني

12-02-2014, 02:29 PM

كل العبء على اولياء الامور في هالموضوع .. لو كل ولي أمر الزم عياله بالحضور ما كانت ذي ظاهره موجوده .. اذا للموضوع تاثير على مسيرة التعليم والالتزام واجب الوزارة تتدخل لفرض الالتزام

بصمة قطرية

12-02-2014, 02:34 PM

كل العبء على اولياء الامور في هالموضوع .. لو كل ولي أمر الزم عياله بالحضور ما كانت ذي ظاهره موجوده .. اذا للموضوع تاثير على مسيرة التعليم والالتزام واجب الوزارة تتدخل لفرض الالتزام

عيالي كلهم داوموا اليوم
و غالبية الطلاب غياااب ..!!!
حتى المدرسات قالوا للصغار إذا بتغيبون بكرة غيبوا ..
لو كان في إلتزام و عقوبة للغياب كان محد غاب ..!!

الدمعه

12-02-2014, 03:27 PM

شيخ الديرة

12-02-2014, 03:38 PM

اخوي ولد الشيخ ،،

ما يصير كل سنة يغيرون في جدول الدوام المدرسي علشان يوم رياضي !!

المفروض أصلا الطلاب يتعلمون السنع ،، ويقدرون ان الاجازة إجازة والدوام دوام ،،!!

كثير من العوائل بعدها مسافرة، الأطفال أطفال، ولكن العتب على الكبار.

لاجل QT

12-02-2014, 03:48 PM

ههههههههه

رضيتو مارضيتو هذا واقع وعايشينة من سنين

قبل وبعد الاجازة بيوم مافي دوام

معقولة المدرسة بتشرح حق 3 طالبات في الصف

وبترد تعيد حق الباقي

خايفين على العباقرة يعني

اصبرو كلها الا يوميين وبيبدا الجد

هذا يسمونة تسخين:nice:

النهار

12-02-2014, 03:51 PM

كل العبء على اولياء الامور في هالموضوع .. لو كل ولي أمر الزم عياله بالحضور ما كانت ذي ظاهره موجوده .. اذا للموضوع تاثير على مسيرة التعليم والالتزام واجب الوزارة تتدخل لفرض الالتزام

ياخوي نفس المدرسين يبون فكه اول يوم بعد الاجازه من الطلاب ساعات قبل الامتحانات
يقولون الي يبي يجي يجي ولامايبي مايجي
معناتها غيبوا بشكل غير مباشر
هههههههههههه
بس على مين مصطفى وربعه مايمشي عليهم هالكلام

لاجل QT

12-02-2014, 03:53 PM

ياخوي نفس المدرسين يبون فكه اول يوم بعد الاجازه من الطلاب ساعات قبل الامتحانات
يقولون الي يبي يجي يجي ولامايبي مايجي
معناتها غيبوا بشكل غير مباشر
هههههههههههه
بس على مين مصطفى وربعه مايمشي عليهم هالكلام

هناء وشرين ملو من كثر مايجون ومافي دراسة

قالو الله

ياابلة هاتحسبو الغياب ولا اية

sultan01

12-02-2014, 04:09 PM

الغياب في المدارس المستقلة فقط ،،،،، لا يوجد غياب في المدارس الخاصة

يمامـة

12-02-2014, 04:23 PM

كثير من العوائل بعدها مسافرة، الأطفال أطفال، ولكن العتب على الكبار.

يتعلمون السنع من الكبار اللي بيخافون عليهم من العقوبات

خلهم يغرمونهم من جيبوهم بيضربون عيالهم علشان يداومون !!

يمامـة

12-02-2014, 04:45 PM

اذا البيئة الي عايشة بها والي حولك ينتشر عندهم ظاهرة التسيب واللامبالاة والغياب فليس بالضرورة الحكم على الجميع بمنظور البيئة التي تعيشين فيها ،،،

معليه يا اختي عيالي في مدرسة خاصة ،، الأجانب يغيبون من يخلصون الامتحانات حتى تقاريرهم ما ياخذونها
وغالبا يردون نص الأسبوع الأول من الدراسة ،،
مضوع الغياب يحكمه نظام المدرسة والقوانين ،،

الدمعه

12-02-2014, 05:09 PM

بصمة قطرية

12-02-2014, 05:10 PM

يمامـة

12-02-2014, 06:01 PM

انضري الى من حولك ووسع نضرتك ، نضرتك محصوره بالمجتمع الي حولك ، لا تعممي إذا كان مجتمعك هكذا ، تسيب غياب تمرد ،،، أنظري وأختلطي بالمجتمعات الناجحة تمنياتي لك بحياة أفضل

مب كل المدارس الخاصة ينضرب بها المثل ولكن أغلبها ممتاز هذا يرجع لأختيارك الغير موفق
صحيح كلامج مب كل المدارس الخاصة ينضرب فيها المثل ،،

ومع هذا غلط تكتبين الغير موفق ،، اصلها غير الموفق طفلي بو 11 سنة في مدرسته غير الموفقة يكتبها
غير ويضيف ال التعريف للكلمة الثانية ...............> واحنا تعلمناها من مدارس الحكومة على ايام مساطر ام موس :shy:

يمامـة

12-02-2014, 06:02 PM

بصمة حبيبتي هدي اعصابج ،،،،

دايما نطلع احنا الغلط وكل اللي حولنا واللي دارسين برا احسن مننا وهم اللي ارائهم صح ،،،

ريحي مخج ،،، في ناس مهما حاولتي توصلين لهم فكرتج ( ماتوصل ) ،،، يمكن يطيرها الهوا ويترسها غبار على ماتوصل لهم ،،،

لا يا دمعة محد غلط كلش خالص واصل ،، بس في ناس يظنون ان المدارس الأجنبية تخلق لهم طبقة خاصة فيهم
في الوقت اللي هم اللي المفروض يبرزون تأثير هالمدارس عليهم ايجابا مب سلبا !!

ANONYMOUS

12-02-2014, 09:14 PM

لأجل متعاونة مع متطلبات الطلاب في أهمية عدم وجود دروس اول أسبوع !!

لا لاني حسيت ان هالكلام رسمي

احنا فاهمين ان الوضع في بعض المدارس مب لين هناك بس لان في ربكه ب اجازة نص السنه و عقبها بيومين يوم وطني وعقبها ويكيند

كان ممكن يتفادونها بتقديم الاجازه اسبوع

مثلا المستقله كان اخر يوم امتحان تاريخ 19 يناير وهو يوم الاحد.. ليش ماخلو اخر يوم الخميس اللي قبله.. وعقبها اجازه اسبوعين من من 19 يناير لين 2 فبراير

وبعدها بيكون اليوم الرياضي بيمر بردا وسلاما

OM_OMAR_QATAR

13-02-2014, 08:06 AM

الغياب ظاهرة خطأ .. كل يوم بحسابه

حراير قطر

13-02-2014, 08:42 AM

كل سنه اخلي عيالي يداومون من اول يوم لاخر يوم ،،، ماشفت هالشي بين في عين الاداره ،،، ولا في نظام ولاشي ،،، السنه هذي خليت المثاليه والانضباط ،،، للي يبغي ،، ما غير يدمجونهم في صف واحد ولايدرسونهم ولا حد يقعد معاهم ،،، حتى مايقولون لهم قصص تنفعهم وتسليهم ،،،، اذا المدرسه مالها بارض عالعيال وتميز من بينهم فبمشي عيالي بقانوني اللي يرضيني ،،،

انتي نفسي من اول يوم لين اخر يوم الا اذا كانوا مرضيين هنا اخليهم يغيبون

بس هالكورس غيبتهم بس خليتهم امس يداومون عشان الكتب واتفرغ بتجلديهم بالاجازة :nop:

qatarman8008

13-02-2014, 08:48 AM

للاسف.. عدد كبير من الناس يسيؤون استخدام الاجازات..
ليس هذا وحسب.. ولكن ينشرون ثقافة الغياب والتقصير والتخاذل بين ابناء المجتمع...
عيل مدرسة تقول للطلاب غيبوا..
او اب او ام تقول لابناءها غيبوا..
كيف ننتظر ان نبدع او ان نكون اسوة لغيرنا..