استفسار طبي

[قطرة مسك]

السلام عليكم
عندي استفسار ، عندي مشكلة في جفن عيوني ، فوق جفن العين من فوق والجفن السفلي ،طلعت قبل اسبوع حبة فوق جفن عيني من برا ، وشلتها بطيتها ، وصار مكانها مشوه شلون اقدر اشيلها
قالوا لي انها اكياس دهنية تطلع بالعين ، هل لها علاج ، وين تنصحوني اروح لعيادة خاصة

[ضوى]

فهد القحطاني شاطر بهالامور وعن تجرية ، مكان عيادته في النصر جنب الصيدلية بصفة مطعم الريف اللبناني

[حمد 2002]

أبراهيم مسعد ، استشاري مصري ، عياده الدوحه ..

بالتوفيق ...

[النهار]

الدكتور فهد القحطاني

[قطرة مسك]

يعطيكم العافية ، ماقصرتوا

[قطرة مسك]

زين ماتعرفون دكتورة افضل عن الدكتور

[غير البشر]

اختي قطره مسك ماتشوفين شر

روحي حق اي دكتور جلد
وخليه يسوي لج كي = جوي = كوي
يكون على شكل جهاز له راس مثل القلم يحرق الكيس
ولايبين منه شي بأذن الله

[النهار]

اخوي بوسعود دكتور فهد القحطاني استشاري دكتور لديه خبره طويله
بالاضافه انه دكتور في مستشفى حمد يعني كل الامكانيات المتطوره متوفره عنده

[قطرة مسك]

زين لما يسوي كوي هل يرد مرة ثانية ...

[قطرة مسك]

اخوي النهار .. انا ما اقلل من الدكتور القحطاني ، بس انا افضل دكتودة اروح لها

[نور الحور]

الله يشفيج يارب ..

أنا مع غير البشر ..

هذي مشكلة جلدية بالمقام الأول .. أتوقع الكي ينفع ..

أو حتى ممكن يعطيج دوا لهالمنطقة ..

طهور إن شاء الله ..

[قطرة مسك]

الله يسلمج

[اليشم]

أختي الموضوع جدا بسيط
حطي عليها كمادات ماي دافيه، وخذي موعد مع أي دكتوره في مستشفى حمد قسم العيون، اتصلي وشوفي العيادات المسائيه
إذا شالتها عدل ماراح يرجع

[اليشم]

الكيس الدهني Chalazion، ينفتح من داخل الجفن
نصيحه روحي لدكتوره في قسم العيون، ما أنصح بقسم الجلديه لأنه مهب شغلهم
تحياتي

[غير البشر]

الكيس الدهني Chalazion، ينفتح من داخل الجفن
نصيحه روحي لدكتوره في قسم العيون، ما أنصح بقسم الجلديه لأنه مهب شغلهم
تحياتي


لالا جلديه
وانصحها لاتروح حق دكتور عيون
انا اتكلم عن تجربه

واليك تجربتي

طلع لي كيس في الجفن في طرف الجفن يعني عند الرموش بالضبط
رحت مغربي للعيون
قالو بسيطه
بنج كامل + وترقد عندنا نص يوم + 5000 ريال تكلفه العمليه

رحت دكتور جلد

سوى لي كي على الكيس

المده خمس دقايق + 150 ريال :rolleyes2: + اموري طيبه الحمدلله من سنتين واكثر :victory:

[بصمة قطرية]

روحي للدكتورة سناء في عيادة حسن عبدالله
رحت مع إختي مرة و قالت للدكتورة
متضايقة من الحبة اللي في جفن عيني
شلتها لها في ثواني ..

[اليشم]

لالا جلديه
وانصحها لاتروح حق دكتور عيون
انا اتكلم عن تجربه

واليك تجربتي

طلع لي كيس في الجفن في طرف الجفن يعني عند الرموش بالضبط
رحت مغربي للعيون
قالو بسيطه
بنج كامل + وترقد عندنا نص يوم + 5000 ريال تكلفه العمليه

رحت دكتور جلد

سوى لي كي على الكيس

المده خمس دقايق + 150 ريال :rolleyes2: + اموري طيبه الحمدلله من سنتين واكثر :victory:

يختلف العلاج حسب الحجم وعدد ومكان الأكياس الدهنيه، لذلك يفضل طبيب العيون وخصوصا عند الحاجه للتدخل الجراحي
لو كان صغير وسطحي ممكن كي عند دكتور الجلد
كي وعند الرموش بالضبط، والله زين ماطير رموشك

[اليشم]

أخت بصمه يعني ايش الحيه؟!

[بصمة قطرية]

أخت بصمه يعني ايش الحيه؟!

خخخخخخ
العتب على النظر
أكتب من الآيفون
قصدي الحبة ..

[قطرة مسك]

اشكركم جميعا .. ماقصرتوا

[وليف الشوق]

اعتقد حالتك لاتختص بطبيب (( عيون )) وانما طبيب تجميل فهو يحدد نوع الورم الصغير وكيفية القضاء عليه أن كان بأدوية او عملية تجميل صغير لاأزالة الورم
والاجدر بك عدم إزالتها بالطريقة التقليدية لكثرة سلبياتها مستقبلا"

[حمد 2002]

ماتجوف شر ان شاء الله ،،،

[حراير قطر]

انا مع غير البشر ونور الحور

دام الحبه طالعه برع اتوقع انه من اختصاص دكتور جلدية

انا طلعت لي قبل حبه في الجفن بس من داخل وكان من اختصاص دكتور عيون

وما عليج شر ان شاء الله ...

[شبح الصمت]

آجر وعافيه اختي

من تجربة لصديق قريب لي

شوفي الله يسلمج عليج بالشاي الليبتون

الطريقة //
تجيبين حبة شايء لبيتون وتنقعينها في الماي وتحطينها في الثلاجه تبرد اشوي عقب تحطينها على عينج وتصكرين عليها بشاش من فالليل لين الصبح ..

وفي قطور المشكلة طرش لي الوصفه بالوتس آب وهقني مع خط هالدكاتره

بس استعمالها 4 مرات في اليوم واشوفه احسن بوايد

[حراير قطر]

اشرآيك يا شبح اني كنت اغسل عيني بماي وشامبو جانسون

هاي الدكتور قالي الطريقة في الاهلي

احط اشوي من الشامبو على حافه الكف واغسل عيني

حركة اليد اتكون من تحت لين فوق .. ان شاء الله فهمتوا علي

دورت الطريقة بالنت وما لقيت :rolleyes2:

[قطرة مسك]

من خبرتكم ، ماسبب ظهور هذي الاكياس الدهنية ،
سمعت من رفيجاتي بالدوام ، ان مالها علاج وترجع بعد سنوات هل هذا الكلام صحيح