المرور عند بيتنا

[كلاسيك قطر]

السلام عليكم ورحمه الله وبركاته

انا توني جاي من برع بادخل بيتنا لقيت مرور احذى بيتنا وقفت عندهم نزلت وقلتلهم شسالف واقفين صوب بيتنا

قالي شفت السياير الي واقفه فوق الرصيف
فلتله ترى هاي بيتنا وسياير سيايرنا

الشرطي حط الزقات ع السيارات بيتنا وراح الحين هاي شنو مخالفه وله اروح المرور واقولهم السالفه

[يوسف0]

والله لو مرني وانا فبيتنا القديم جان عضيته على راسه

صفيت فالمواقف الي على الشارع جان يدعم سيارتي وسيارة الأهل
جاري ماضارب ابرة سكر الله يستر عليه ويحفظه مع هله

ومرة ثانية عراوي مادري شاحنه نسفت سيارتي

ويله يوسف روح تبهدل فالصناعية وسيارة كانت وكالة :weeping:

ومن بعدها كله فوق الرصيف

الله يعينك ويفيدونك الأعضاء

[اليشم]

فلت الشرطي من أسنانك، وتبي اتعضه في راسه
هاي وعندك ست ضروس بس

[يوسف0]

فلت الشرطي من أسنانك، وتبي اتعضه في راسه
هاي وعندك ست ضروس بس

لاتحاتي الست ضروس الباقية جودة

[اليشم]

واضح من الصوره الجوده عاليه

[يوسف0]

واضح من الصوره الجوده عاليه

:tease:

[كلاسيك قطر]

الف شكر لكم

بس ماحصلت ردود حلوه منك

نبي مساعده

[توشيبا]

اشلون اخوي وضح اكثر

انا بيتي مافيه مكان اوقف سيارتي فيه اوقفها فوق الرصيف جنب باب البيت ؟

عليها مخالفه

عيل وين اوقف سيارتي في الفريج اللي جنب فريجنا واروح للبيت مشي ؟

اذا صاكينك مخالفه روح مرور خليفه وراجع في الموضوع

[BoFahed]

اخوي انا ادوام صوب الابراج وقفت جنب الرصيف وفترة ما حد يخالفني وفي مرة صنف شرطي خالفني جاني مسج من مطراش وبعد نص ساعة نزلت احرك الموتر الا شفت شرطي مع جهازه قلتله ترا ربعك خالفوني ورويته مسج مطراش قالي ما عليك اصلا بالسيستم ما يصير نخالفك !!!'

بعد ساعه جاني مسج ثاني من مطراش !!!!! تخيل مخالفتين في ساعه واحدة وفي نفس الموقف ؟؟؟؟
الي قهرني انه شرطي وكذاب !!!!!!

[NBA_]

انا صار معاي موقف صار لي 3 سنين أوقف الموتر ف نفس المكان ,, بسس الاسبوع اللي طاف وانا راجع من المسيد الا واشوف اللزقه الصفرا على موتري ,,

الله يصلح الحال ,,

انزين يصير أروح المرور وأكلمهم في امكانيه يشيلونه من السستم ولا لا

[بصمة قطرية]

أمرهم غريب ..!!
وين يبون الواحد يصف
بالذات لو حوشه صغير ..!!!

[النهار]

خلهم يجيون عندنا في مدينة خليفه
ولا 300 سيره كلهم واقفين على الرصيف
قريب من بيتنا بيت مقسم فيه عشر عوائل لو اي واحد وقف عند البيت على طول ابنجر له تايرين مش تاير واحد

[سعادة الوزير]

نفس المشكلة عند بيتي ، البيت على شارعين والشارع الجانبي فيه باب صغير استخدمه حق تحميل وتنزيل الاغراض لانه قريب من الملحق ، يوم اكرمونا بانشاء الارصفة في الفريج سكرو علي هالمدخل والحين عشان استخدمه لازم اوقف في نص الشارع!!! ، المصيبه ان هالباب موجود في خارطة البيت من الاساس وعليه موافقة من البلدية!! ، وطبعاً الحين ماقدر اوقف جنب البيت مثل قبل لاني لازم اركب فوق الرصيف.

بصراحة صارت القوانين متعبة جداً وتثقل كاهل المواطنين ، لازم الجماعة يراعون ان هذا حي سكني مب شارع تجاري عشان يضيقون علينا ويخالفون سياراتنا بدون وجه حق.

[كلاسيك قطر]

الخمد الله رحتلهم وشلت المخالفه

بعد تعب وانا ناقشهم والقهر كل موتر عليه 500 ريال اشدعوه مادري وين صاف انا

[Q0T0R]

الخمد الله رحتلهم وشلت المخالفه

بعد تعب وانا ناقشهم والقهر كل موتر عليه 500 ريال اشدعوه مادري وين صاف انا

زين سويت ... ولاكن السؤال... بعدين ايش راح تسوي لازم حل ؟؟؟

[يوسف0]

يمكن المرور ناويين يبنون مبنى جديد :telephone:

[بوخالد911]

عندهم مبدأ لا تصف فوق الرصيف لأنه كلف الدولة بالملايين

[كلاسيك قطر]

اشدعوه لا اصف مادري صاف عند ببتهم انا وانا مادري

[سارونه]

يالله صباح خير :)

المرور قاعدين يدورون شغل :) حتى عند باب البيت يخالفون :) الله المستعان ..

[قطريه22]

الله يعينك اخوي

هذي سوالف المرور قبل لاتنزل رواتب الناس يروحون يدورون اي شيء بس عشان يخالفونه

محد بيعطيك الحل الاكيد
الافضل تروح ياخوي وتراجع المرور وتدخل على مديرهم او مسؤولهم

[قطريه22]

خلهم يجيون عندنا في مدينة خليفه
ولا 300 سيره كلهم واقفين على الرصيف
قريب من بيتنا بيت مقسم فيه عشر عوائل لو اي واحد وقف عند البيت على طول ابنجر له تايرين مش تاير واحد

ههههههههههههههه يالشرير

[مختلفة عقليا]

السلام عليكم .,

اظن في قسم اسمه ., تظلم او شي جيه ., ما يحضرني الاسم .,

بس تقدر تشتكي عليهم .,

كلم الضابط وجوف شسالفه ., ؟؟ ترا الموضوع مو موضوع نصب في الشارع ., لا اوفر

ويسلموو .,

[Super Cool]

نسيبي في لخويا و قال لي بالحرف أن بعض العساكر يتوهق يخلص الشهر و هو ما خلص الدفتر فيروح يدور أي أحد يخالفه
والسلام...و اللي يخاف الله يدور شيء مثل حالتك و بالعمالة يخالف لأنه يعرف انه لو مريت المرور بيشلون المخالفه عنك مثل
مخالفة جدام باب البيت أو تنزيل أغراض أو أو أو....ترى بعض العساكر مب متعلمين و حتى أقل من الثانوي فما يفهمون
هالأشياء أو ما يقدر على خصم راتب لو ما خلص الدفتر

كله من موضوع الدفتر

بصراحة بعض العساكر يبيلهم كورسات علشان يعرفون يعاملون الناس

[معماري قطري]

فلت الشرطي من أسنانك، وتبي اتعضه في راسه
هاي وعندك ست ضروس بس

هههههههههههههههههه

[العربية نت]

من تجربة اشوف ان بعض اخوانا الشرطة يخالف لمجرد انه متملل والدليل افراد الشرطة في وزارة الخارجية صوب الابراج عادي تطلع تلقى ستكر على سيارتك او تجيك رسالة بعد لحظات من تسجيل المخالفة منهم انتبهو منهم لانهم شغلتهم التصيد محترفين :vampire:

[لـبـيـه]

زين اذا مافي مكان بلحوش وين اوقف موتري بلغرفه او بغرفة الخدامه

[7llo]

اخبر من فتره كنت في بيت واحد من اهلي وكنت صاف قدام عماره جات دوريه وصكتني مخالفه عشان انه صاف قدام محول الكهربا مع انه يوميا عالم تصف هناك ما مرت الدوريه الا لما انا صفيت وخالفوني مادري وش قصتهم مع هل المخالفات لين كم الميزانيه الي يبون يوصلونها المرور والدوريات

[ستاربكس]

الملاحظ ان المرور شاد حيله في المخالفات على القطريين فقط !!!

[كلاسيك قطر]

خلاص الموضوع تسكر ورحت وقابلت المدير قالي خلاص وشلو المخالفه والله يزاهم خير

[SeniorTrader]

صارتلي قبل راجعهم وبيشلونها ان شاء الله

[يوسف0]

ليش يعطونك مخالفة مدامهم بيكنسلونها اذا كلمتهم صج امرهم غريب عجيب

ياحبهم حق حب الخشوم

[Super Cool]

ليش يعطونك مخالفة مدامهم بيكنسلونها اذا كلمتهم صج امرهم غريب عجيب

ياحبهم حق حب الخشوم

لأن اللي يخالفك عسكري بحيالله رتبة مطلوب منه يخلص الدفتر و الا مب أحسن له...أما المخول بإلغاء المخالفة هو إما ضباط و رتبة عالية ما عليهم من الدفاتر

البلوى كلها فالدفتر

[يوسف0]

لأن اللي يخالفك عسكري بحيالله رتبة مطلوب منه يخلص الدفتر و الا مب أحسن له...أما المخول بإلغاء المخالفة هو إما ضباط و رتبة عالية ما عليهم من الدفاتر

البلوى كلها فالدفتر

يعطيك العافية على التوضيح

والي يتبهدل الي يتخالف لاحول ولاقوة الى بالله