مشكلة تسريب ماء من الشور

[w.qatar]

السلام عليكم

اخواني ابي نصايحكم في هالموضوع الشور يسرب ماي من وزاويتين و السيليكون اللي حاطه المقاول مب حاطينه بشكل جيد انا استغرب من سوء امكانيات المقاولين

والله كانه طفل عاصر السيلكون بشكل عشوائي مجرد تلطيخ وفيه فراغات كثيره لدرجه ان بعض الزوايا داخلها لون اسود هذا عفن نتيجة تسرب الماء داخل هالسيلكون و حاولت بكل انواع المنظفات ما طار

الحين افكر اشيل الشور كله و احط بانيو في هالزاوية لان الشور على زاوية

ابي اعرف وين اجود نوعية من هذا الشكل وهل تنصحون بالبانيو المتنقل اللي ينحط بالحمام بدون اي سيلكون و لا شي ولا الافضل اللي يتثبت

و احيانا افكر اسوي نفس طريقة الفنادق احط رخام في هالزاوية و افصل باب زجاج للشور

انصحوني بافضل طريقة ما ينتج عنها تسرب للمياه بعد فتره

[معماري قطري]

شوف حد فاهم في التركيب وفي تصليح الخطأ وإنتبه لشغله .. وايد ناس دخلاء على الشغلة يخربون بدال ما يصلحون .. ومثل ما ذكرت الفنادق يتابعون بمناقصات صح ومع شركات صح ومشرفين جيدين وما يقبلون شغل ناقص.

لأي شخص حال انتهاء الشغل عليه يجربه قبل ليسكن حتى يسبح ويغسل الحمامات ويشوف شلون تصريف الماي ويمسك دفعة دسمة على المقاول ما يعطيه اياها الا بعد التطمن ان كل شيء صح.

[MAZEN37]

عانيت من المشكله سابقا وحلي كان اني شليت حوض الشور وبلطت مكانه لكن تحت مستوى بلاط الحمام بتقريبا 2 سم وخليت سلوب للصفايه وانسى موضعك للابد

[@north_star@]

حتى لو ركبتي بانيو وما تركب صح وما انحط عليه سيليكون اصلي راح تكون عندج نفس المشكلة ونصيحتي جيبي بايب فيتر فهمان وخله يحط سيليكون مقاوم للعفن وفي منه اسباني بس اهم شي ما يحط من النوعيات العادية