لنا ولا لهم ؟ ابي اعرف ..!

[المحاميه]

السلام عليكم

الموضوع صار يضايق الواحد بصراحه .. انا عندي وجهة نظر وحابه اقولها مادري تتفقون معاي فيها ولا لا ..

الأجانب ... !

عدد الأجانب في ازدياد بشكل مب طبيعي .. ادري لان البلاد قاعده اتطور وهم اللي يساعدونا والخ ..

بس يااخوان .. الواحد صار مايقدر يستمتع ف بلاده ولا يروح ولا يرد .. بصراحه مالنا شي

يعني أقرب مثال اليوم الرياضي .. الواحد يتجنب الطلعه بسبت الزحمه .. ولما نروح ونوصل للفعاليات نحصل اغلب الموجودين اذا مب كلهم اجانب ..

لاحظت كل شي .. كل مناسبه .. كل فعاليه .. كل مكان ترفيهي فالبلاد كل اللي فيه اجانب اجانب اجانب

لين متى؟
لنا ولا لهم ؟

الصراحه شي يحر ..

الحل الثاني اذا مب ناويين يخلصونا منهم .. تخصيص شي من الفعاليات او الاماكن للمواطنيين وسلامتكم

لحد يقولي عنصريه .. العنصريه ان هم ماخذين كل شي واحنا صرنا نتجنب الاماكن ونتجنب المشاركه بسبت زحمتهم .. العنصريه ان احنا قاعدين ف حلقه مغلقه لا قادرين نروح ولا نجي بسبتهم ..

هذا اللي عندي .. تفضلوا وقولوا صح ولا غلط كلامي :weeping:

[ضوى]

لا غلط كلامج يالمحامية

الاماكن الخدمية كالعلاج والصحة يجب ان يكون لنا مكان خاص فينا ، اما الاماكن العامة فهي ملك لله كيف نخصصها لمواطنين واجانب ؟؟ سماء وارض الله كيف ممكن تتخصص ، بنوصل مرحلة انه حتى الهواء لازم يتفلتر للمواطنين والاجانب يتنفسون هوا العوادم والملوثات البيئية

لاتزعلين مني بس الاجانب يحبون يمتعون نفسهم مب مثلنا ، روحي احجزي مكان قبلهم عشان مايضايقونج ويزاحمونج هم جذي يسون من الغبشة يحجزون

[لاجئ عاطفي]

انا اتفق معاها مثل درب الساعي كان المستفيد منه هو المواطن وسحوبات السيارات للمواطنين فماشوف فيها شي لو يتم تخصيص بعض الفعاليات للمواطنين او عوائلهم

[دااانة قطر]

الحل الثاني اذا مب ناويين يخلصونا منهم .. تخصيص شي من الفعاليات او الاماكن للمواطنيين وسلامتكم
لحد يقولي عنصريه .. العنصريه ان هم ماخذين كل شي واحنا صرنا نتجنب الاماكن ونتجنب المشاركه بسبت زحمتهم .. العنصريه ان احنا قاعدين ف حلقه مغلقه لا قادرين نروح ولا نجي بسبتهم ..

هذا اللي عندي .. تفضلوا وقولوا صح ولا غلط كلامي :weeping:



وعليكم السلام ورحمة الله وبركاته
بصراحة معااج انهم مااخذين كل شي وأحيانا أحس نفسي أجنبية لأن البعض صاارت معااملتهم لنا سيئه وفي بلادنا فنحتاج لمكاان خااص فينا حتى البحر مب قاادرين نوصل له
لكني أتفق مع الأخت ضوى بأن هذي الفعاليات في مكاان عاام وملك للجميع لكن أتمنى إن الدولة تحط قواانين للالتزاام باالاحتشاام في البلاد لأن المهاازل زاادت

[Super Cool]

السلام عليكم

الموضوع صار يضايق الواحد بصراحه .. انا عندي وجهة نظر وحابه اقولها مادري تتفقون معاي فيها ولا لا ..

الأجانب ... !

عدد الأجانب في ازدياد بشكل مب طبيعي .. ادري لان البلاد قاعده اتطور وهم اللي يساعدونا والخ ..

بس يااخوان .. الواحد صار مايقدر يستمتع ف بلاده ولا يروح ولا يرد .. بصراحه مالنا شي

يعني أقرب مثال اليوم الرياضي .. الواحد يتجنب الطلعه بسبت الزحمه .. ولما نروح ونوصل للفعاليات نحصل اغلب الموجودين اذا مب كلهم اجانب ..

لاحظت كل شي .. كل مناسبه .. كل فعاليه .. كل مكان ترفيهي فالبلاد كل اللي فيه اجانب اجانب اجانب

لين متى؟
لنا ولا لهم ؟

الصراحه شي يحر ..

الحل الثاني اذا مب ناويين يخلصونا منهم .. تخصيص شي من الفعاليات او الاماكن للمواطنيين وسلامتكم

لحد يقولي عنصريه .. العنصريه ان هم ماخذين كل شي واحنا صرنا نتجنب الاماكن ونتجنب المشاركه بسبت زحمتهم .. العنصريه ان احنا قاعدين ف حلقه مغلقه لا قادرين نروح ولا نجي بسبتهم ..

هذا اللي عندي .. تفضلوا وقولوا صح ولا غلط كلامي :weeping:

مشكلتج اختي ان مجرد وجود الأجانب هو اللي يضايقج و هذا شي مب طبيعي....المفروض إن اذا واحد واقف محترم نفسه و محترم اللي
حواليه إن وجوده ما يضايقج لأنه بشر بل حتى لو كان حيوان تكرمين بعد مفروض وجوده في حد ذاته ما يضايقج....الزحمة مب هو سببها...
سببها بدائية البنية التحتية....إذا فعلاً مجرد وجود الأجنبي حواليج يضايقج فيمكن و إسمحيلي في هالكلمة عندج نزعة من العنصرية

[المحاميه]

انا معاكم مب قصدي العنصريه او اني احرمهم من الترفيه والروحه والجيه

بس شنسوي

الواحد قام يحس نفسه غريب اذا راح مكان وكل اللي حوله اجانب
تحس انك مسوي شي غلط

:weeping:

[المحاميه]

اخوي كول

انا ماقدر اخذ ولا استمتع في بلادي وفي الفعاليات

الزحمه مب من هل قطر

الزحمه من الاجانب اللي عددهم فاق عددنا او يمكن هل قطر قاموا يتجنبون الاماكن العامه بسبت زحمة الاجانب

[Mbarkaji]

انا معاكم مب قصدي العنصريه او اني احرمهم من الترفيه والروحه والجيه

بس شنسوي

الواحد قام يحس نفسه غريب اذا راح مكان وكل اللي حوله اجانب
تحس انك مسوي شي غلط

:weeping:

وين المشكلة بوجود الاجانب في حال حافظو ع النظام والعادات والتقاليد والاحتشام

[الحـ(درب)ـب]

تذكرت الحين ليش اهل بريطانيا يسبون الخليجيين لانهم تارسين لندن ......

وتذكرت اهل زلامسي يوم يقول لي واحد فيهم مانقدر نطلع الجبل احنا اهل زلامسي والسبب ان السياحة الأجانب تارسين المكان

وتذكرت مقاهي باريس وخصوصا شارع الشانز يوم كله خليجيين

وتذكرت دبي وزحمتها وكلها هنود واجانب ولما نتمشى فيها مالنا محط ريل

اعتقد كلامي واضح للجميع ....
يانكون مثل الناس والله خلقنا من نفس واحدة
يانغلق بلدنا على انفسنا ومانبي حد ... لكن بنفس الوقت مانطلع من بلدنا ^_^


فكرو فيها -- وخصوصا كاتبة الموضوع

[Dana’1]

الأجانب هم هل الوناسه بهالأماكن يحبون يونسون أعمارهم ... ومعطين للمكان تنوع والوان

ترى حتى قبل هالأمور والزحمه كلها كورنيش قطر زماان أغلب الي يجلسون فيه ويتمشون هم ياالبتان والا الفلسطينيه ونادر وجود القطري طبعا أ أتكلم إذا صادف ومرينا هناك ما نشوف إلا هم
مافي تواجد كبير للعوائل القطريه حتى يلفت نظرنا ونقول أهل قطر يطلعون
مع إن كورنيش قطر كان روعه في زمانه ومازال له رونقه
حتى المتنزهات كالنساء وحديقه الحيوانات وغيرها فيها قطريين بس كان الطاغي هم البتان والشوام مشاءلله


يعني هالشي من زمان قبل الزحمه هالناس تحب تطلع وتتحرك

[Super Cool]

انا معاكم مب قصدي العنصريه او اني احرمهم من الترفيه والروحه والجيه
بس شنسوي
الواحد قام يحس نفسه غريب اذا راح مكان وكل اللي حوله اجانب
تحس انك مسوي شي غلط
:weeping:

المفروض طالما اللي جنبك مب مخلوق فضائي ما تحس باي إحساس مختلف!!!


اخوي كول
انا ماقدر اخذ ولا استمتع في بلادي وفي الفعاليات
الزحمه مب من هل قطر
الزحمه من الاجانب اللي عددهم فاق عددنا او يمكن هل قطر قاموا يتجنبون الاماكن العامه بسبت زحمة الاجانب

وهذا ما يلغي أن سبب الزحمة هو البنية التحتية نيو يورك فيها فوق الـ9 مليون
ومليااااااااااااااااااانة سياح أضعاف مضاعفة عن قطر بكبرها مع ذلك ما تحس بزحمتها نفس الدوحة

قولي الحمد لله عددني بسيط الدولة تعزنا في دول الدولة قد ما تعطي ما تغطي نص الشعب

[دااانة قطر]

الأجانب هم هل الوناسه بهالأماكن يحبون يونسون أعمارهم ... ومعطين للمكان تنوع والوان

ترى حتى قبل هالأمور والزحمه كلها كورنيش قطر زماان أغلب الي يجلسون فيه ويتمشون هم ياالبتان والا الفلسطينيه ونادر وجود القطري طبعا أ أتكلم إذا صادف ومرينا هناك ما نشوف إلا هم
مافي تواجد كبير للعوائل القطريه حتى يلفت نظرنا ونقول أهل قطر يطلعون
مع إن كورنيش قطر كان روعه في زمانه ومازال له رونقه
حتى المتنزهات كالنساء وحديقه الحيوانات وغيرها فيها قطريين بس كان الطاغي هم البتان والشوام مشاءلله


يعني هالشي من زمان قبل الزحمه هالناس تحب تطلع وتتحرك


اذكر ايام العرضه عالكورنيش في 22 فبراير و 3 سبتمبر وايام العيد حق الالعاب لنارية اغلب اللي يحضرون اهل قطر ومع الزحمة كنا نستانس وبالصدف نلاقي اهلنا وربعنا بصراحة مذكر ان الاجانب كانوا يتواجدون في هالاماكن بكثره
احنا مب منزعجين من تواجدهم كثر مامنزعجين ان مب قادرين نلاقي مكان لكثرتهم

[Super Cool]

على فكرة مساحة الدوحة أكبر من مساحة جزيرة منهاتن كاملة اللي هي معقل السياحة و المعمار في نيويورك و في قلب الزحمة

منهاتن شايلة كم مليون و احنى على مليونين و نشتكي...لا و نصهم ما يطلعون و نقول مافي مكان و اجانب!!!

السبب...البنية التحتية وليس الأجانب

[العلياا]

أي والله زحمه يا دنيا زحمة

ما ادري احس هالنوع من الفعاليات حلاته تشوفين زحمة عليها وإقبال من هالاجانب لان هم هل الوناسة تشوفين عشرين لون خصوصا في اليوم الرياضي استمتعت جدا يوم شفته فالتلفزيون وما احس انهم مضيقين علينا بالعكس لان اصلا احنا ما نروح لمثل هالفعاليات . .
يمكن اتضايق لما اروح مركز صحي او مستشفى هنيه صج قولي عنصرية !

[Dana’1]

اذكر ايام العرضه عالكورنيش في 22 فبراير و 3 سبتمبر وايام العيد حق الالعاب لنارية اغلب اللي يحضرون اهل قطر ومع الزحمة كنا نستانس وبالصدف نلاقي اهلنا وربعنا بصراحة مذكر ان الاجانب كانوا يتواجدون في هالاماكن بكثره
احنا مب منزعجين من تواجدهم كثر مامنزعجين ان مب قادرين نلاقي مكان لكثرتهم

ماكنت أتكلم عن مناسبات بس
أتكلم بالأيام العاديه
والا المناسبات والألعاب المتنقله قبال الكورنيش كان فيه قطريين بالأضافة للأجانب
العرضات الأجانب مو صوبها
أنا أتكلم أماكن تمشيه بالعموم

[شيخ الديرة]

بس يااخوان .. الواحد صار مايقدر يستمتع ف بلاده ولا يروح ولا يرد .. بصراحه مالنا شي

يعني أقرب مثال اليوم الرياضي .. الواحد يتجنب الطلعه بسبت الزحمه .. ولما نروح ونوصل للفعاليات نحصل اغلب الموجودين اذا مب كلهم اجانب ..


كنت في أسباير في اليوم الرياضي, وصلت الساعة 10 صباحا , وصلنا واحد بالسيارة حتى نتجاوز مشكلة المواقف, وكانت أكثر الناس تتمشى وتستمتع بالجو المشمس وتتفرج على الناس الأخرين.

كنت أفرح لما أسمع أحد يتكلم باللهجة القطرية, ولكن كانوا قليلون جدا, وقرار الغياب عن الحدث هو قرارهم وليس قرار الأجانب

لا أعتقد اذا " يخلصونا منهم " راح يزيد عدد مشاركات المواطنين في هذه المناسبات

[n00r]

والله اذا بيفصلون بينا .. اهم شي يكون في المرافق الصحيه ..


المفروض يكون لنا الاولويه .. مب تفريق .. بس احنا نعتبر فئه صغيره بالنسبه لهم


واللي يحر .. كلهم تأمين صحي ويعتبرون نفسهم اول شي


موضوعج يالمحاميه .. يبيله وووووووقفه وحل

[khalid Qtr]

نفترض أنه تم تحديد بعض الفعاليات للمواطنين فقط .. أكاد أجزم أن الإقبال عليها سيكون ضعيفاً ..

نحن الآن نعيش فترة نهضة شاملة في قطر ، وعلينا أن نرضى بالأمر الواقع وأن نزيد من مشاركاتنا في الفعاليات المختلفة ليكون لنا حضور مؤثر في بلادنا ، الآن نرى حضور غير القطريين للفعاليات بنسبة أكبر من القطريين لأننا نحن القطريين نغيب عن الحضور أكثر من كون عدد الأجانب أكبر من عددنا.

[شبح الصمت]

اذا هل قطر نفسهم الي تكلمين عنهم ما يصدقون اجازة وعلى طول صوب يسافرون وكله على اساس انه الدوحة زحمة من الي خلا هالشيء يحصل قولي لي اختي المحامية !!


شوفي الزحمة تسبب بس ربعنا ما يحبون يتواجدون مش الكل طبعاً فئات معينة تقول انا اغلغص نفسي بينهم ليش وترى اغلب الناس كلهم عوائل الي مسببين الزحمة وتعرفين ليش تشوفين الزحمة بهالكثرة لانه المواقف والمداخل والمخارج غلط ولو صار انه في تنظيم صدقيني راح الواحد يرتاح ولو شاف مساحات كبيرة راح يرتاح اما انك تحط لي فعالية في وسط الدوحة ووسط الزحمة لازم تكون زحمة مش غلط اني لو سويت الفعالية بعيد خارج حدود المباني والمجمعات خل العالم تطلع الي تبي بتطلع عقب بنشوف من الي بيروح لها ومن الي بيتم ..



كلنا بني جنس واحد دام نجتمع على لا اله الا الله وان محمداً رسول الله

[مختلفة عقليا]

السلام عليكم .,

والله لو علي حطيت ايام لطلعاتنا وايام لطلعاتهم .,

اعتراضي مو عليهم ., وعلي وجودهم ., لانهم ساعدوا وايد ولان وجودهم مهم .,

وما احب يكون فيني ذره كبر ,’

بس صج الزحمه والمميزات اللي ياخذونها تعبتنا .,

ويسلموو .,

[n00r]

والله من كثرت الاجانب مالنا محل

[khalid Qtr]

اذا هل قطر نفسهم الي تكلمين عنهم ما يصدقون اجازة وعلى طول صوب يسافرون وكله على اساس انه الدوحة زحمة من الي خلا هالشيء يحصل قولي لي اختي المحامية !!


شوفي الزحمة تسبب بس ربعنا ما يحبون يتواجدون مش الكل طبعاً فئات معينة تقول انا اغلغص نفسي بينهم ليش وترى اغلب الناس كلهم عوائل الي مسببين الزحمة وتعرفين ليش تشوفين الزحمة بهالكثرة لانه المواقف والمداخل والمخارج غلط ولو صار انه في تنظيم صدقيني راح الواحد يرتاح ولو شاف مساحات كبيرة راح يرتاح اما انك تحط لي فعالية في وسط الدوحة ووسط الزحمة لازم تكون زحمة مش غلط اني لو سويت الفعالية بعيد خارج حدود المباني والمجمعات خل العالم تطلع الي تبي بتطلع عقب بنشوف من الي بيروح لها ومن الي بيتم ..



كلنا بني جنس واحد دام نجتمع على لا اله الا الله وان محمداً رسول الله

هذا الرد يمثلني ..

[المحاميه]

اشكر الجميع على الرد والتفاعل الايجابي

بس تصدقون أثرتوا نقطه مهمه كانت غايبه عن بالي وهو المجتمع القطري نفسه .. صح ليش هل قطر دايما يعزفون عن المشاركه ودايما منغلقين على ذاتهم ولايحبون يروحون ولايجون؟ لين متى هالحال يعني؟
شفيها لو شاركتوا ف الفعاليات المتعوب عليها واللي تكلف الشي الفلاني؟

متى بتغير نظرية قبضي أرضج وجابلي بيتج ؟
كل شي منقود كل شي منقود لين متى :secret:

في نظري حان الوقت كي نغرد خارج السراب

[مختلفة عقليا]

^
^
^

لان الحريم يبون جيه ., اكثر من الشباب

صدقيني لو المره تبي شي بتسويه ,. بس هم اللي ينتقدون .,

دام محترمه نفسج روحي كل فعاليه وجوفي واستمتعي ,’

كل تغير بدايتة انتقاد ., وعقب فتره الناس كلها اتسوي هالشي .,

ويسلموو .,

[ضوى]

شخصيا عن نفسي يالمحامية مب مسألة منقود منقود ، بس خلاص شي تعودنا عليه صعب يصير ، الطلعة نفسها ثقيلة ، حتى عيالي صاروا مثلي كانوا يحنون يوم شافوا مافي امل خلاص الطلعة بوقت معين اما فعاليات وهالشاياء كلها ماتغير من جدولنا شي تقدرين تقولين عرف مشينا عليه

[خزامئ]

بلعكس كلامش صحيح
مانقدر نروح اي مكان
سرنا اذا بغينا نوسع خاطرنا طلعنا للبر
بس البر شوي وخلاص يجي الحر مانقدرنروح له
لو يسوون لنا مكان خاص او ايام في الاسبوع لنا ولهم كذا مانكون ضلمنا حد
وفي نفس الوقت ارتحنا من الزحمه
خصوص البحر سرنا بس نسمع طاريه وذا رحنا شفنا نتروع من المناضر وخصوص الاطفال مانقدر نخليهم يشوفون

[المحاميه]

شخصيا عن نفسي يالمحامية مب مسألة منقود منقود ، بس خلاص شي تعودنا عليه صعب يصير ، الطلعة نفسها ثقيلة ، حتى عيالي صاروا مثلي كانوا يحنون يوم شافوا مافي امل خلاص الطلعة بوقت معين اما فعاليات وهالشاياء كلها ماتغير من جدولنا شي تقدرين تقولين عرف مشينا عليه

انزين ليش ياضوى ليش

خلهم يروحون يشوفون وينطلقون
حرام تذبحون اعماركم جذي
ولنفسك حق عليك

القعده فنفس المكان
اتجيب الكآبه

لازم الواحد يغير ويكسر الروتين ويروح ويرد ويشارك
يعني حرام الدوله تتعب وتوفر وتسوي وتخسر واخر شي كلٍ منخش ف بيته ويتابع من التلفزيون؟ زين وبعدين؟

[المحاميه]

الموضوع لكم احب اشوف وجهة نظر كل واحد
وكل رد انكتب قريته

حابه اعرف واقرا اكثر من اني ارد
في انتظار البقيه
وكل الاحترام للي شارك

[أم محمد 90]

ارتاح لما اروح مكان والاقي مكتوب عليه للقطريين فقط
احس بعز وافتخار ومحد يزاحمني الا الي من ثوبي

كنت مسافره اسبوع ورجعت احس كنها شهر نسيت شلون الاجانب وقحين
،تعرضت لموقفين ف الشارع من قبل اجانب

مره واحد ماسمح لي ادخل قدامه كنت ابي امسك يسار لاني طالعه من لفة يمين وضاربه اشاره كانت يزاحمني يلز بالسياره الي جنبه
نزلت له الدريشه قلت له بطوف قال تفضلي ماعجبه اني مخيسه قام كل مابي الف يلز ويوم لفيت غصب دعس جنبي بغى يحك سيارتي

(اخوي يقول ليش ماتصلتي تبلغين ! ابلغ ع وشو بالضبط)؟؟


واليوم كنت في فريج الدفنه والشارع رايح جاي وكنت امشي عادي واحد اجنبي عربي كان وراي لاز فيني ويكبس وقام وتجاوزني بطريقه مستفزه مثل الي يبي يحك سيارتي !



ليش كل هالهمجيه فالشوارع؟؟

والله صرت اخاف اطلع سيارتي موديل 2013 لحين ماشيه 8 الاف :(

[بريق الحق]

طلعي نيسان باب محد بسوي شي (:

[بوخالد911]

أتفق معج

[يمامـة]

لا غلط كلامج يالمحامية

الاماكن الخدمية كالعلاج والصحة يجب ان يكون لنا مكان خاص فينا ، اما الاماكن العامة فهي ملك لله كيف نخصصها لمواطنين واجانب ؟؟ سماء وارض الله كيف ممكن تتخصص ، بنوصل مرحلة انه حتى الهواء لازم يتفلتر للمواطنين والاجانب يتنفسون هوا العوادم والملوثات البيئية

لاتزعلين مني بس الاجانب يحبون يمتعون نفسهم مب مثلنا ، روحي احجزي مكان قبلهم عشان مايضايقونج ويزاحمونج هم جذي يسون من الغبشة يحجزون

:nice:

[لمت اب]

أغراب في وطننا
كلام المحاميه صحيح
السؤال ماهو الحل ؟؟؟؟

[القطيني]

اختي الكريمة أنا ممكن اتفهم وجهة نظرك لكن موب مع كل الاجانب
في بعض الاجانب تتشابه عاداتهم مع عادات اهل قطر وخاصة العرب منهم ما اظن انه في مانع من الاخطلاط معهم وبالنسبة لمثال اليوم الرياضي فأظن انه يوم رياضي للجميع ومن الممكن يكون في فعاليات عامة للنساء بحكم انه بلد اسلامي، لكن فعاليات عامة للقطريين فقط !!!! اظن ان الموضوع عنصري شوي

[بصمة قطرية]

تذكرت الحين ليش اهل بريطانيا يسبون الخليجيين لانهم تارسين لندن ......

وتذكرت اهل زلامسي يوم يقول لي واحد فيهم مانقدر نطلع الجبل احنا اهل زلامسي والسبب ان السياحة الأجانب تارسين المكان

وتذكرت مقاهي باريس وخصوصا شارع الشانز يوم كله خليجيين

وتذكرت دبي وزحمتها وكلها هنود واجانب ولما نتمشى فيها مالنا محط ريل

اعتقد كلامي واضح للجميع ....
يانكون مثل الناس والله خلقنا من نفس واحدة
يانغلق بلدنا على انفسنا ومانبي حد ... لكن بنفس الوقت مانطلع من بلدنا ^_^


فكرو فيها -- وخصوصا كاتبة الموضوع

الأمثلة اللي ذكرتها كلها مقتصرة في وقت معين فترة الصيف و الإجازات ..
يعني زلامسي و لا لندن العالم يهبون فيهم فترة الإجازات
مب طول السنه ..!!
و لا يزاحمون شعبها في إحتفالاتهم
تلقاهم في المناطق السياحية ..!!
صح كلامي و لا ..!!

[بصمة قطرية]

طلعي نيسان باب محد بسوي شي (:

لا لا الجمس
وحش الشارع
يخافون منه ..:secret:

[بصمة قطرية]

المحامية
كلامج صحيح
صرنا أقلية في بلادنا ..
يقولون ليش هل قطر مايشاركون في الفعاليات ..!!
حتى لو شاركوا بيكونون اقليه
عددهم بسيط ..!!
بالنسبة لي أحب أطلع عيالي و أوديهم كل مكان
لكن الزحمة تكرهنا في الطلعه
و لما نروح نحس مافي حد غيرنا من هل البلد شي يعور القلب ..
الوضع يذكرني بوضع هل قطر في السفر
لما يكون في فعالية و نروح و نلقى قطريين
بالضبط نفس يوم نسافر و نكون في مكان و نشوف قطريين ..!!!!
ما قلنا لا يشاركون بس من كثرتهم صرنا ما نقدر نطلع و نروح ..

[زبرجد]

تذكرت الحين ليش اهل بريطانيا يسبون الخليجيين لانهم تارسين لندن ......

وتذكرت اهل زلامسي يوم يقول لي واحد فيهم مانقدر نطلع الجبل احنا اهل زلامسي والسبب ان السياحة الأجانب تارسين المكان

وتذكرت مقاهي باريس وخصوصا شارع الشانز يوم كله خليجيين

وتذكرت دبي وزحمتها وكلها هنود واجانب ولما نتمشى فيها مالنا محط ريل

اعتقد كلامي واضح للجميع ....
يانكون مثل الناس والله خلقنا من نفس واحدة
يانغلق بلدنا على انفسنا ومانبي حد ... لكن بنفس الوقت مانطلع من بلدنا ^_^


فكرو فيها -- وخصوصا كاتبة الموضوع

إذا رحنا هالاماكن اللي ذكرتها رحناها سياحة مب استوطان !

[زبرجد]

المحامية المشكلة مب في الفعاليات المشكلة إنه عدد الأجانب تفوق على عدد المواطنين فطبيعي يزاحمونا في كل فعالية .

[طلعة الروح]

اتفق معاج اختي المحامية في كل ما ذكرتيه وفعلا احنا لما نطرح هالمواضيع ما يكون القصد منها العنصرية
لكن يحز بخاطر الواحد مثل ماذكرتي في اليوم الرياضي ماقدرنا نشارك والسبب الزحمة واللي موجودين
كلهم من الأجانب لهم نصيب الأسد في اماكن الفعاليات لكن الواحد صار يرضى بالواقع والسبب انهم هالاجانب هم اللي مسوين
جو مثل ماذكروا بعض الاخوان هنيه وفعلا في تقصير من القطريين في المشاركة واللي صار أمر واقع لدينا
ومثل ما قلنا مسألة الزحمة تلعب فيها البنية التحتية دور كبير في تفاقمها بالاضافة الى التكدس السكاني وتمركز الأنشطة
داخل الدوحه دون غيرها من المناطق،،،

تقبلي مروري،،،

[حسن الاحمد]

انا اسأل صاحبة الموضوع : تخيلي تروحين اي مكان في قطر بقصد الاستجمام والراحة وما تلقين اي أجنبي يخدمج؟؟
تخيلي !!!
تروحين مطعم او مقهى او فندق او شاطىء او .. او... وما تلقين اي اجنبي يقدم لك اي خدمة !!
الأجانب اللي تلقينهم جدامج مسوين زحمة هم اما يقدمون خدمة حتى تستمتعي بطلعتج او يقدمون منتج حتى تستهلكيه وماينقص عليج شي ...
او هم ناس مثلج جايين يقضون شوية وقت حلو مع عائلاتهم ... منهم اللي يدرس عيالج واللي يعالجهم واللي يحجز لك تذاكر واللي ينظف الشوارع واللي يبني لج فيلتج الحلوة واللي يغسل سيارتك واللي ... واللي ... واللي ...
طبعا الكلام هذا عمومي ويخص الكل حتى نعرف شنو سبب الزحمة

[حسن]

انا اسأل صاحبة الموضوع : تخيلي تروحين اي مكان في قطر بقصد الاستجمام والراحة وما تلقين اي أجنبي يخدمج؟؟
تخيلي !!!
تروحين مطعم او مقهى او فندق او شاطىء او .. او... وما تلقين اي اجنبي يقدم لك اي خدمة !!
الأجانب اللي تلقينهم جدامج مسوين زحمة هم اما يقدمون خدمة حتى تستمتعي بطلعتج او يقدمون منتج حتى تستهلكيه وماينقص عليج شي ...
او هم ناس مثلج جايين يقضون شوية وقت حلو مع عائلاتهم ... منهم اللي يدرس عيالج واللي يعالجهم واللي يحجز لك تذاكر واللي ينظف الشوارع واللي يبني لج فيلتج الحلوة واللي يغسل سيارتك واللي ... واللي ... واللي ...
طبعا الكلام هذا عمومي ويخص الكل حتى نعرف شنو سبب الزحمة


:omg:


:eek5:

شو هل الكلام يابوعلي تخيلت المنظر
قلت الحمدلله انه بس كلام
مش مصدق حجم الكارثه اللي بتصيدنا

يارجل

فال الله ولا فالك لا ياخوك انتو الجالسن واحنا الخارجين

شلون الناس تسافر بكره لو لا هل الاجانب (الوافدين)

انت ماشفت نزلت موضوع قبل اشكرهم

هذولا نعمه علينا من رب العالمين

ولا كانت احوال يابوعلي

شو خلصت من المخبول هذاك ولا ليسا

:discuss:

[حسن الاحمد]

:omg:


:eek5:

شو هل الكلام يابوعلي تخيلت المنظر
قلت الحمدلله انه بس كلام
مش مصدق حجم الكارثه اللي بتصيدنا

يارجل

فال الله ولا فالك لا ياخوك انتو الجالسن واحنا الخارجين

شلون الناس تسافر بكره لو لا هل الاجانب (الوافدين)

انت ماشفت نزلت موضوع قبل اشكرهم

هذولا نعمه علينا من رب العالمين

ولا كانت احوال يابوعلي

شو خلصت من المخبول هذاك ولا ليسا

:discuss:
هلا بو علي
ماخلصت منه ههههه ناطر يخلص الرخام وأكمل له.
الكابوس اللي تفكر فيه مارح يصير طالما كل واحد يعرف واجباته وماخذ حقه.

[أم محمد 90]

طلعي نيسان باب محد بسوي شي (:

ااااه ربي يرحم ايام الكروزر

الالماني ماينفع ف بلادنا

[مــاي ورد]

اليوم الرياضي اغلب القطريين ماراحوا الا عطاها بنومة واللي سافر واللي في البر يسون لكم فعاليات تخلونها للاجانب عقب تقولون مايسون لنا او مافي مكان نروح

ترى نفس مانتو تستمتعون لي سافرتوا برى هم بعد لهم حق في الترفيه والاستمتاع ,,,