بكره الدخول راس لفان العائلات فقط القطريه الفقع

[qatar30]

السلام عليكم

اليوم الجمعه تاريخ 14\02\2014 الدخول راس لفان الصناعيه العائلات القطريه فقط للتفقع من الساعه 8 صباحا حتى الرابعه مساء

لعلم ممنوع دخول السيارات الخاصه ستكون في باصات ستوفرها قطر البترول

وشكراا

[رُفق المجنّا]

يُشكرون ع هذه الخطوة

[بصمة قطرية]

اللي سمعته إن هالخبر غير صحيح ..
مجرد إشاعه ..!!!!

[qatar30]

لا اختي بصمه انا ادوام هناك الخبر صحيح للعلم

[حسن]

بل كان مايسير تدافع بس

:funny:

[أسد الجزيرة]

وين مكان الباصات

[qatar30]

عندي البواب الرئسيه للعائلات فقط

[الحياة الخالدة]

زين شلون بيتأكدون أن العائلات قطرية ؟

[sweet qatar]

شي حلوووو :victory:

[معماري قطري]

الله يجزي من سعى في هالفكرة خير

[عضو مشاكس]

خبر حلو

[بن مفتاح]

أتمنى تأكيد اكبر للخبر .. ما نشكك في إخواننا .. لكن لفان ما هي قريبة ..

الخبر موجود في تويتر .. ولكن بشكل بسيط ..

وهناك من يقول ان فقع هذه المنطقة ملوث .. فهل هذا صحيح .. وكيف نتأكد من عدم ذلك ..

يا زين التفقع .. لكن أكيد الصحة اهم ..

جزاكم الله خير على الموضوع .. وعسى خير

[Aaziz]

هذا الي ما احبه في ربعنا ،،، يجيك شخص في خاطره شي (امنيه) يروح يكتبها في رساله و ينشرها اشاعه ،، و تنتشر بين فئه ليست بالبسيطه من الناس الفاضيه الي تدور سالفه

و النتيجه احراج الجهات العليا ،، خيبه امل المواطن ،، خلق روح من السخط

زين ليش ؟ ليش اذا جاك خبر بدون مصدر رسمي ما توقف نشره ،، ليش تكون وسيط لنقل اخبار كاذبه ؟ نتايجها سلبيه

[alsoq]

انتبهو الارض المحيطه براس لفان غير صحية من الغاز وغيره فلا احد يتفقع في ها الاماكن البر واسع

[المحاميه]

أما

مادري ماتقبلت الفكره

[vip-30003]

انتبهو الارض المحيطه براس لفان غير صحية من الغاز وغيره فلا احد يتفقع في ها الاماكن البر واسع

انا معاك اخوي ،،، الامطار مشبعة بالغاز ويمكن تكون امطار حمضيه ،،،

والله العظيم الامراض مب نفس قبل ،،، والسبب المصانع والغاز

[دستور]

جزاهم الله خير على البادرة الطيبة
لكن انا باروح مكان ثاني لأن الوقت اللي اختاروه غير مناسب
وطريقة الدخول بعد غير مناسبة
لي شخصيا

[حفيد الأنصار]

حلووة هــآي
ليش مايسوون مسابقة طيب
أكثر واحد يجمع فقع :secret:

[راس لفان]

في تمام الساعة 8:30 زحمة عند البوابة الخاصة بدخول المدينة الصناعية واللخويا ماقصروا في التنظيم وكلهم عائلات

مشاهدة شخصية

اليوم الجمعة 14/2/2014

[الحاقول]

جزاهم الله خير على البادرة الطيبة
لكن انا باروح مكان ثاني لأن الوقت اللي اختاروه غير مناسب
وطريقة الدخول بعد غير مناسبة
لي شخصيا

صح الوقت غير مناسب ... مادري مايعرفون ان اليوم يوم جمعه ويجب المحافظه على صلاة الجمعه

وثانيا طريقة الدخول فيها اهانه للعائلات كأنهم عمال مصنع غاز

واخيرا قبل السماح باخذ الفقع من المنطقه يجب تحليله صحيا حتى لايكون مشبع بالغاز وينشر الامراض للناس

[عنيــــد]

تنظيم رائع و بيض الله وجيه المسؤولين ،،

لقينا فقع لين امتلت الاكياس و الحمدلله ،،

الف الف شكر لصاحب المبادرة و الله يعطيهم العافيه

[ضوى]

صج شعب مايعجبنا شي ، لو تولع بنفسها هالحكومة عشان تسعدنا وترضينا بعد مايبين فينا ، لا حمدا ولا شكورا ، كل شي بنعذرب فيه وبنشكك فيه ،على اساس انه عايشين بعالم خالي من التلوث ، يبه الكرة الارضية كلها ملوثة جات على لفان

بادرة رائعة جدا شكرا جزيلا لصاحبها ومنفذها

[مخطط قطري]

صاحب المبادره امراه وعسى الله يطولنا في عمرها

[حمد 2002]

صج شعب مايعجبنا شي ، لو تولع بنفسها هالحكومة عشان تسعدنا وترضينا بعد مايبين فينا ، لا حمدا ولا شكورا ، كل شي بنعذرب فيه وبنشكك فيه ،على اساس انه عايشين بعالم خالي من التلوث ، يبه الكرة الارضية كلها ملوثة جات على لفان

بادرة رائعة جدا شكرا جزيلا لصاحبها ومنفذها

انزين ماقلنا شيء !!

[تغلبية]

اسهل شي الكلام وكلن يقط على الثاني

واحد من القطوا فقع ... يروح يحلل في مختبرات الصحة الله لايهينه ويحتسب الاجر.. ويقول لنا اشطلع في التحليل

[hanayen]

بصراحه انا توني جايه مع الوالده رحت عشان خاطرها وايد استأنست شكر للخويا ومستشفي حمد لتواجد سيارات الإسعاف مجهود مشكور

[بصمة قطرية]

ماشاءالله
الله يعطيهم العافية ..
ما قصروا بصراحة ..

[Riku3]

مريت ذاك الصوب بس متأخر قلت اشوف اشاعه او لا الا اشوف الباص والناس تركب .. سألت قالوا اخر باص فمانزلنا لان زحمه والوقت تأخر .

[بوخالد911]

خطوة موفقة


اللي راحو لقيتوا شي؟

[Riku3]

خطوة موفقة


اللي راحو لقيتوا شي؟حسب الي شفته ماشاء الله حصلت ناس تارسه الكيس كل حبه تقول الزود عندي

[القطو السمين]

رحنا واستانسنا وحصلنا فقع كبير ونشكر ادارة راس لفان والعاملين فيه فردا فردا اللي سهلوا علينا دخول راس لفان ونشكر صاحب الفكرة تميت اطلب له من وجداني ونشكر التنظيم الرائع ونشكر الخويا فردا فردا ومستشفى حمد وان كل شىء منظم والمنظمين اللي لابسين مدني ونشكر السكيورتي القطري اللي ماقصر ويازين اهل قطر وهم يفقعون ويازين ذرابه اهل قطر وادبهم ماتلقاه في بلد ثانية

[الزعفراني]

عاد نبي صور للفقع :)
والله يجزاهم خير على هالفكره

[تغلبية]

رحنا واستانسنا وحصلنا فقع كبير ونشكر ادارة راس لفان والعاملين فيه فردا فردا اللي سهلوا علينا دخول راس لفان ونشكر صاحب الفكرة تميت اطلب له من وجداني ونشكر التنظيم الرائع ونشكر الخويا فردا فردا ومستشفى حمد وان كل شىء منظم والمنظمين اللي لابسين مدني ونشكر السكيورتي القطري اللي ماقصر ويازين اهل قطر وهم يفقعون ويازين ذرابه اهل قطر وادبهم ماتلقاه في بلد ثانية

شوقتيني ..

نبي صور .. بليييز :shy:

[hanayen]

اتمنى يخصصون يوم ثاني بصراحه فكره اكثر من رائعه
اللي ما عجبني بصراحه في ناس الله يهديها تشرب وتأكل وترمي الفضلات في الارض وهذي والحمدلله كانت فئه قليله يا ليت كان في تنبيه ومخالفات للمخالفين الله يهديهم

[عاشق العديد]

والله من زمان وانا الفكره هاذي ترادوني انه فلفان فلل فقع..
كل يوم وانا مداوم اقول بروح باخذلي لفه.. واتراجع.. لكن الحين تاكدت.. بكره اوفيكم بالمستجدات

[براك]

رحنا بتاريخ 21/ 2/ 2014 وحصلنا فقع ونشكر ادارة راس لفان والعاملين فيه فردا فردا اللي سهلوا علينا دخول راس لفان ونشكر صاحب الفكرة والتنظيم الرائع ونشكر الخويا فردا فردا ومستشفى حمد والمصلى المتنقل من عيد الخيرية و كل شىء منظم والمنظمين اللي لابسين مدني ونشكر السكيورتي القطري اللي ماقصر ويازين اهل قطر وهم يفقعون ويازين ذرابه اهل قطر وادبهم ماتلقاه في بلد ثانية
الله يحفظ بلادنا قطر