خاطري اكل ربيان قطري !!!

[حمد 2002]

السلام عليكم ورحمه الله وبركاته

الموضوع يحمل العنوان التالي

ممنوع صيد الربيان القطري !!! لين متى يعني ؟


الكل يدري بأن الربيان القطري ممنوع على البحار ايصيدونه وهالقرار من عده سنوات ؟ معنى بحرنا شكبره !!!

انزين لين متى يعني هالقرار ؟

وبالمقابل المتوفر بالسوق فقط الربيان الايراني والبحريني والسعودي ...

لصالح من هالقرار ..

وهل هالقرار مدروس ولا عشوائي ؟!!

خاطرنا ناكل ربيان قطري والله !!

وبالمقابل ربيان قطر ايهاجر للبحرين والسعوديه بعد ماكبر وايردون ايبيعونه لنا !!!!


مع فائق تحياتي العطره ..

اخوكم حمد 2002

[احساس غريب]

المشكله في طريقة صيد الربيان اللي هي الكراف..
ياطويل العمر هالكراف مشكلته يدمر الدنيا ويكسر المناقف ويعفس الفشوت ويصيد السمك الصغير والكبير واللي يناكل واللي مايناكل ف انا من وجهة نظري ان هال قرار صائب لنه لو سمحوا فيه صدقني ان المدراسيه بيد مرون بحرنا

[cavok]

ولا بناكله الظاهر
ما ينتهي ها القرار ////// اشدعوه
واللة ذكرتنا يا الشيخ حمد 2002

[تغلبية]

القرار صائب جداً .. بس طول بالك حمد

بتلحق عليه وبتاكله ان شاءالله

[النهار]

حمد قرار حضر صيد الربيان يصبّ في صالح البيئة البحرية والمحافظة على الأسماك

حمد اقراء هذي المقاله لعلك تقتنع

http://www.raya.com/home/print/f6451603-4dff-4ca1-9c10-122741d17432/35b7ad72-3187-49c0-93b6-4425cc7e7a41

[وحش قطر]

للعلم اغلب الربيان اللي في السوق ربيان مزارع

السؤال ليش ماعندنا مزارع ؟؟؟؟

[بوخالد911]

ابي ربيااااااااااااااااان

[معماري قطري]

حسب ما سمعت إن كثير ياكلونه ولا يدرون إنه قطري

وناس يصيدونه ويبيعونه في سوق السمك .. هذا حسب ما سمعت

[Northqatar]

اذا صج خاطرك فيه

اطلبه من البحرين

هم يصيدونه عادي من السيف الجبلي " الغربي "

[حسن]

كتب لك رد وراح بسبه كيوتل

شوف اللي يقول لك في ربيان في قطر يستاهل الصيد هذا بعيد
عن الواقع ولا يعرف البحر

مصايد الربيان تم تميرها من قبل عمليات الحفر في السابق والى كونت جزر اصطناعيه
فلا يوجد ربيان الى شي لا يذكر

تعرف ياحمد لو سمح بفتح صيد الربيان لن يذهب احد
لان عارفين ماعاد به ربيان بسبب الدمير اللي حصل
وهم مستفيدين من العشره الاف المساعده من البلديه كانت واصبح 5000 اما الان مااعلم

لو انا مسؤل في الثروه السمكيه لفتحت صيد بس علشان يقتنعون ان مافي ربيان

حمد اذا خاطرك في ربيان قولي باسويلك مشخول
صدقني ماكلته في اكبر مطعم في الدوحه

:)

[المارونـــي]

الربيان الي اييك من البحرين والسعوديه اغلبها ربيان قطر ومصيود عن طريق دخول المياه الاقليميه

[يمامـة]

أخاف روبيان قطر نفس فقع قطر ما ينوجد الا في المحميات والانستغرام ...........> ما قلت شي لحد يركز على الرد ،،

المهم يا حمد ترى الروبيان البحريني لبيييب وخاصة الجامبو منه ،، يعني مب لازم يكون قطري علشان تاكله ،،

[ابن قطر]

عشم ابليس بالجنه المشكله المنع صار له عقود من الزمن ليش

[SeniorTrader]

بفكي قطر زين

[العودي V.X.R]

الربيان الي اييك من البحرين والسعوديه اغلبها ربيان قطر ومصيود عن طريق دخول المياه الاقليميه


كلام صحيح ظ،ظ*ظ*ظھ ��������

[Right]

الربيان القطري .. تتمتع بصيده القوارب السعودية والبحرينية والإيرانية



ويعاد بيعه بالسوق القطري بسعر غالي مع العلم أنه قطري 100% من الأصل



!!!

[شبح الصمت]

سو لك محمية صغيرة في البيت او برجة عادية وجيب لك فشوت وحطهم وجيب لك كمن جوز ربيان وربهم وانساهم وبيتكاثرون ولا تنسانا عاددد لو صار عندك محمية حمد لام الربيان

:shy:

[حسن]

الربيان الي اييك من البحرين والسعوديه اغلبها ربيان قطر ومصيود عن طريق دخول المياه الاقليميه

هذا الكلام غير صحيح نهائيا

:nono:

[حسن]

الربيان القطري .. تتمتع بصيده القوارب السعودية والبحرينية والإيرانية



ويعاد بيعه بالسوق القطري بسعر غالي مع العلم أنه قطري 100% من الأصل



!!!







:nono:


غير صحيح هل اللي تقولونه
وبعدين ليش يروح لهم مايبنا هو مرتاح وامان عندنا
وهذيلاك يبيعونه


غير صحيح ياسنايدر

[qatara]

الربيان الي اييك من البحرين والسعوديه اغلبها ربيان قطر ومصيود عن طريق دخول المياه الاقليميه


الله المستعان

[ولد العرب]

السلام عليكم ورحمه الله وبركاته

الموضوع يحمل العنوان التالي

ممنوع صيد الربيان القطري !!! لين متى يعني ؟


الكل يدري بأن الربيان القطري ممنوع على البحار ايصيدونه وهالقرار من عده سنوات ؟ معنى بحرنا شكبره !!!

انزين لين متى يعني هالقرار ؟

وبالمقابل المتوفر بالسوق فقط الربيان الايراني والبحريني والسعودي ...

لصالح من هالقرار ..

وهل هالقرار مدروس ولا عشوائي ؟!!

خاطرنا ناكل ربيان قطري والله !!

وبالمقابل ربيان قطر ايهاجر للبحرين والسعوديه بعد ماكبر وايردون ايبيعونه لنا !!!!


مع فائق تحياتي العطره ..

اخوكم حمد 2002

اليوم الفجر كنت بالسووق السمك غالي السعودي وتحسرت على القطري

[الركادة]

الربيان القطري .. تتمتع بصيده القوارب السعودية والبحرينية والإيرانية



ويعاد بيعه بالسوق القطري بسعر غالي مع العلم أنه قطري 100% من الأصل



!!!





الكلام هذا صحيح يا بو علي

بدون ليش لانه عبدالحليم غنى ليش ومات

[Abdulraman]

هذا القرار حق عيال الفقاره بس

[بومحمد المطاوعه]

ههههههههههههه يارياال
من صجك

العالم تصيد وتاكل

[Super Cool]

سؤال....هو الربيان من متى طلعوا له جواز؟ وهل هو جواز دبلوماسي ولا جواز مهمات؟؟؟

والله حالة الخليج كله مفتوح على بعضه و البحر صغير و تركيبته وحدة شاللي بيفرق لو شريت ربيان بحريني و لا سعودي ولا إماراتي و لا أياً كان؟؟؟ ما تبي بطاقة الربيان بعد هههههههههه

[بومحمد المطاوعه]

هذا القرار حق عيال الفقاره بس

اي والله

[حسن]

الكلام هذا صحيح يا بو علي

بدون ليش لانه عبدالحليم غنى ليش ومات

اركد يالركاده وهذا الكلام غير صحيح

واهل مكه ادري بشعابها

:victory:

[الركادة]

اركد يالركاده وهذا الكلام غير صحيح

واهل مكه ادري بشعابها

:victory:

واحنا اهل وين يا حسن
ماعلينا

شوف حدودنا البحرية تغيرت عن قبل
والربيان نفس ما قال اخونا ماله جواز
يعني يطلع من عندنا ينصاد عند جيراننا
ينباع علينا

[حسن]

واحنا اهل وين يا حسن
ماعلينا

شوف حدودنا البحرية تغيرت عن قبل
والربيان نفس ما قال اخونا ماله جواز
يعني يطلع من عندنا ينصاد عند جيراننا
ينباع علينا


انادري منك لني راعي بحر

زين ممكن تقولي شلون طريقه الصيد وين كانت المصايد

انا كاتب رد في الموضوع ولكن بسبب سؤ خدمه النت عندي راح الرد
ومعاد لي نفس اكتب مره اخرى كامل

حدودنا البحريه تغيرت كيف ممكن تفسر لي دزوها جدام ولا
عرضوها

يعني حتى باقي السمج بيروح لهم وبيصدونه هم وبيبعونا علينا
زين هم ماعندهم بحر ولا بحرهم خالي ماي مالح بدون حياه

نفسي افهم

وبعدين وش لون الربيان القطري

[توشيبا]

لون الربيان القطري عنابي

قاطعوه لا احد يشتريه عشان يرجعونه مكانه ونروح نصيده

اذا انا مب راعي بحر واعرف الاسباب

يليت بو علي تهدي الوضع عندك وتكتب لنا الرد اللي انمسح بسبب اوريدو

[ClassicRoyal]

ياخوي حمد مستحيل بيمنعون شي الا وله سلبيات

[حسن]

ياخوي حمد مستحيل بيمنعون شي الا وله سلبيات


حمد وش عرفه بهل المواضيع عاد

حمد اساسا البحر مايعرف وش لونه

اعرفه زين مازين

التدمير في عمليه الصيد اكبر ماتتوقعون
البعض يتكلم ولا يعرف كيف يصطاد معاه حق
يفكر طريقه صيدها بالليد ينقونه نقوه

تصدق لو انا صاحب القرار لامرت بالسماح بصيده
تدري ليش

علشان الفوضويه يقتنعون بانه مافي ربيان وخل يخسرون نفسهم
بالمعدات
بس عقب لا يصايحون يرجعون لنا المساعده

اهني

يقولون لهم

ماميش

اخ لو انا راعي القرار

للاسف مسؤلين ماعندهم تفكير ولا خلفيه

خلوهم يتفشلون

:victory:

[ولد العرب]

حمد وش عرفه بهل المواضيع عاد

حمد اساسا البحر مايعرف وش لونه

اعرفه زين مازين

التدمير في عمليه الصيد اكبر ماتتوقعون
البعض يتكلم ولا يعرف كيف يصطاد معاه حق
يفكر طريقه صيدها بالليد ينقونه نقوه

تصدق لو انا صاحب القرار لامرت بالسماح بصيده
تدري ليش

علشان الفوضويه يقتنعون بانه مافي ربيان وخل يخسرون نفسهم
بالمعدات
بس عقب لا يصايحون يرجعون لنا المساعده

اهني

يقولون لهم

ماميش

اخ لو انا راعي القرار

للاسف مسؤلين ماعندهم تفكير ولا خلفيه

خلوهم يتفشلون

:victory:
ظلمت حمد 2002 ظلم فاااادح
ماتشوفه يتامل البحر ويركز على الربيان وفاصخ نعاله وحالته حماس محماس

[الركادة]

انادري منك لني راعي بحر

زين ممكن تقولي شلون طريقه الصيد وين كانت المصايد

انا كاتب رد في الموضوع ولكن بسبب سؤ خدمه النت عندي راح الرد

ومعاد لي نفس اكتب مره اخرى كامل


حدودنا البحريه تغيرت كيف ممكن تفسر لي دزوها جدام ولا

عرضوها


يعني حتى باقي السمج بيروح لهم وبيصدونه هم وبيبعونا علينا

زين هم ماعندهم بحر ولا بحرهم خالي ماي مالح بدون حياه

نفسي افهم




اهلا بالصياد الصغير ... <<< دوووووعابة :victory:

شدعوة ياخوك تسالني ..حسستني اني في اختبار

علعموم بحر قطر بحر حمدلله غني بكل شي سواء السمك بانواعه او الربيان

والسبب يعود لانهم امنعوا صيد الربيان

بخصوص سؤالك
زين ممكن تقولي شلون طريقه الصيد وين كانت المصايد

انا اقولك الطريقة هي الجرف لانه الربيان ما يسبح في الماي .يمشي عالرمل والمصايد كانت في الخور وسميسمة

حدودنا البحريه تغيرت كيف ممكن تفسر لي دزوها جدام ولا
عرضوها
يعني حتى باقي السمج بيروح لهم وبيصدونه هم وبيبعونا علينا

زين هم ماعندهم بحر ولا بحرهم خالي ماي مالح بدون حياه

نفسي افهم


ابشر بسعدك يالنوخذه
حدودنا دزوها علداخل الله يسلمك وتقلصت بعد سالفة جزر حوار

ما نبي نتكلم فهلموضوع :secret:


وانا اسالك اشمعنه الربيان ما يعيش ويبكر ويمرح في بحرهم لايكون بحرنا غير صالح للزراعة



الزبدة ياخوك

الربيان موجود ولله الحمد بس ممنوع من الصيد في قطر
وانا مع القرار مش ضده

صرنا نفيد ونستفيد

نفيد الجيران نشتري منهم الربيان

ومستفيدين في المحافظة على بحرنا

وبعدين وش لون الربيان القطري
اكيد عنابي وابيض :cool:

واذا صرت مسؤول انا اول واحد ببارك لك واعزمك على مشخول ومجبوس وصالونة ربيان قطري
:victory:

[QTR TV]

الحدود بعد قضية أحوار تقلصت من الجهه الغربية وزادت من الجهه الشمالية إلى مابعد فشت الديبل يعني هيه هيه صبه حقنه لبن
بنسبه الموضوع الكراف عسى الله لايخليهم يسمحون به لان الي يروح الخور او السميسمه ويغوص في بحرهم بيعرف الكراف وتأثيره على الحياة الفطرية

أما بخصوص موضوع الزراعة فالمشروع تم طرحه على مجلس الوزراء وتم الموافقه عليه وهو في المرحلة النهائية في وزارة البيئة

أما الربيان ياحمد فهوا مضر بصحه عالي الكرسترول فحاسب وانا خوك

[براك]

الربيان القطري ما تفرق عن الربيان في الدول المجاورة مثل البحرين

[مجلان]

الله يخلي الشوكه الذهبيه في الامارات