وين اقدر القى وظيفة براتب 30,000 للجامعيات ؟!!

[قطرية88]

السلام عليكم ورحمة الله وبركاته ,,

اخواني واخواتي الافاضل ,, انا خريجة جامعية دفعة 2013 من كلية الاداب ,,

وابحث عن وظيفة لكن مب عارفه وين بالظبط اقدر القى وظيفة يكون راتبها في حدود (30,000) ثلاثين الف ,,

يعني لحد الحين مالقيت الا الداخلية ,, لكن بحكم اني متزوجة وزوجي يستلم العلاوة الزوجية فراتبي بيكون عندهم (18,600) بفئة اعزب من الدرجة السابعة,,

تقدرون دلوني على اماكن ممكن القى فيها هذا الراتب ؟؟!!

[hanayen]

الله يوفقك

[بريق الحق]

الله يوفقج (:

[يوسف0]

تحتاجين واسطة

[sultan01]

30 الف مره وحده انا أشتغل من سنه 2000 وجامعي وراتبي 30 الف

[ضوى]

اختي الراتب هذا مايحصله الجامعي الا اذا وصل سنوات خبرة معينة اما من البداية صعب

[قطرية88]

جزاكم الله خير

[قطرية88]

يعني معقوله ولا مكان ممكن يعطيني في حدود 30 ,, يعني ممكن يكون اقل بس مب لدرجة 18600 ريال وايد نازل بالنسبة لجامعية ومدنية

قالولي لو دشين مرشح ضابط بتاخذين في 40,000 وخدمة ra ( وهي خدمة بدل تذاكر وبدل سكن واشياء كثيرة )

يعني مب معقوله مافي ولا مكان ممكن يعطني في حدود (25,000 - 30,000) .؟؟؟؟؟؟؟؟!!!!!!!!

[مشموم]

الله يوفق لك ، مجال التدريس رواتبهم حلوه ! بس تعبهم كثييييييير

[الزعفراني]

سؤال شمعني 30 الف ليش مب 50 والا 100 ألف ؟ :)

[نجدي قطري]

السلام عليكم
الراتب كبير شوي، وخصوصًا من غير بدل السكن. لكن تقدرين تقدمين على جامعة قطر أو قطر فاونديشن.
لكن نصيحة لوجه الله دوري لج شغل يوظفج بسرعة على شان ما تنتظرين وايد، وعصفور في اليد خير من عشرة على الشجرة.

[قطرية88]

سؤال شمعني 30 الف ليش مب 50 والا 100 ألف ؟ :)

30 لان لقيت البترول والغاز يعطون 30 للجامعيات الجدد ,, ولكن الموضوع يبيله واسطه قوية ,, وربك كريم

[قطرية88]

عصفور في اليد خير من عشرة على الشجرة.

خير ماقلت ياخوي ,, جزاك الله خير

[العربية نت]

بصراحة السنير في الحكومة مسكين :) ومظلوم في حقوقه ويمكن مع ذلك يحسدونه :rolleyes2:

بس باقول لراعية الموضوع باختصار اي جهة حكومية ينطبق عليها قانون الموارد البشرية فمن الصعب تلقين هال راتب الا بمساعدة مدير الادارة الي بتعينين فيها وهي من ناحية منح عمل إضافي وعلاوات اخرى يمكن يوصل للمبلغ المذكور :eek5:
اذا تبغني هالراتب بتحصلينه في اللجنة الأولمبية لهم لائحة خاصة وعندهم تأمين صحي وبدل تعليم وغيره من المميزات المهمة بس يبي له واسطة :swoon:

نتمنى مع التعديلات القادمة في قانون الموارد احترام السنير وتقدير شهادته وتعبه :shy:

[نفسي عزيزه]

غريبه محد ذكر المدارس المستقله الظاهر لاعت جبودهم ههههه

اختي المدرسه اذا توج متوظفه وجديده 32 الف وطالع بس الله يعينج على المدرسه هههههههه

[أم محمد 90]

اللجنة الاولمبية القطريه

راتب اساسي : 9600

علاوة اجتماعيه : 4000

بدل سكن : 3000
بدل سكني اضافي : 1500
بدل تنقل : 1500
علاوة طبيعو عمل 25٪
علاوة تشجيعيه (لكل موظفي اللجنه) 25٪ ع الراتب الاساسي


اختي كبداية تبين رواتب قوية عندج قطاع البترول والبنوك

ك وزاره انسي ..

لا تزعلين انا لحين مو جامعيه وخبرتي 4 سنوات توظيف وراتبي اكثر من الراتب الي عطوج اياه !!!

[نتفـه]

غريبه محد ذكر المدارس المستقله الظاهر لاعت جبودهم ههههه

اختي المدرسه اذا توج متوظفه وجديده 32 الف وطالع بس الله يعينج على المدرسه هههههههه

اسمحي لي الراتب للي توها جديده مو صحيح :)
اول ما تتعين 26 الف او 25 الف جذي مو 32 الف !

وما اعتقد في اي مكان بقطر يعطي الجامعية 30 الف من اول ما تتوظف ! الا اذا يمكن قطاع بترول او شي الله اعلم لكن ما سمعت .. كله يقولون التدريس اعلى مكان يعطي رواتب ! وبعد ما توصل 30 اول ما تتوظفين ..
ربي يوفقج ان شاء الله

[مــاي ورد]

شدعوة الله يهديج مايعطون طالبة توها متخرجة هالمبلغ و قطاع البترول وغيره يحتاج لغة و تخصص مرغوب مش بس واسطة وحتى في البترول مايعطونج 30 اول ماتدخلين !!!

[بوحارب]

نصيحة توكلي على الله وخذي وظيفة الداخلية

حتى لو الراتب متوسط تكفي الراحة النفسية

لكن قطاع البترول والشركات الخاصة والله بيطلعون الراتب من عيونج

ولا بتتهنين في حياتج كزوجة او ك أم في المستقبل

الفلوس مب كل شي وموفقه

[المحقق كونان]

30 الف صعبه كبداية في الوزارات

يبي لج سنوات خبرة

[بوخالد911]

مستحيل 30 الف كبداية

لا يبيلج كم سنة خبرة

وتكونين ع الدرجة المالية الثالثة

[المحاميه]

الغاز والبترول

البنوك

[مسك روز]

لا ماعتقد في وظيفه براتب 30 الف حق وحده توها متخرجه !
صعبه شوي ..
انا جامعيه وخبره وراتبي 19 والحمدلله، اهم شي الراحه النفسيه على قولة بوحارب
لا ودخت السبع دوخات لين توظفت هالوظيفه ..

موفقه ان شاءالله

[بنت مريخ]

الوزارات مافيها راتب ثلاثين
انا موظفه من تسع سنوات ماوصل راتبي الثلاثين
غاز او بترول او بنوك بتحصلين بس دواماتهم متعبه

[بونووف]

القطريه

[CH Engineer]

كل شركات البترول تعطيج فوق ال30 وبعض الشركات فوق ال40
وعندج قطر فونديشن رواتبهم عاليه
+
المدارس

[Qatari In Us]

انا جامعي شهادة امريكية بتخصصين ومتزوج ومقتنع براتبي اللي هو 28500 وانتي الله يهداج مب راضية باقل من 30 الف وتخصص اداب. عالعموم الله يوفقج وتخصصج ينفع للتعليم ماتوقع بتحصلين وظيفة بدايتها 30 .

[الدوحه1]

اللجنة الاولمبية القطريه
راتب اساسي : 9600
علاوة اجتماعيه : 4000
بدل سكن : 3000
بدل سكني اضافي : 1500
بدل تنقل : 1500
علاوة طبيعة عمل 25٪
علاوة تشجيعيه (لكل موظفي اللجنه) 25٪ ع الراتب الاساسي

اختي كبداية تبين رواتب قوية عندج قطاع البترول والبنوك
ك وزاره انسي ..
لا تزعلين انا لحين مو جامعيه وخبرتي 4 سنوات توظيف وراتبي اكثر من الراتب الي عطوج اياه !!!

معقوله 25% طبيعة عمل + 25% تشجيعيه = 50% من الراتب الاساسي ؟؟؟؟؟

اعلى طبيعة عمل في قانون الموارد البشريه هي 35% وتمنح على ماعتقد للجامعيين القطريين في التخصصات التاليه: الهندسه , المحاسبه , القانون.

يعني الموظف في اللجنه ياخذ علاوة طبيعة عمل اعلى من المهندس او المحاسب او القانوني الجامعي القطري وحتى اكثر من القطري الحاصل على الدكتوراه؟؟؟؟؟؟؟

الافضل للقطري ان يشتغل في اللجنه بالثانويه العامه!!!!!!

وين العدل والتشجيع للمهندسين/المحاسبين/القانونيين القطريين اللي يشتغلون في الجهات الحكوميه اللي تخضع لقانون الموارد البشريه؟؟؟

[الكنترول]

راتب حلوا في الداخلية ومكان مريح ,,

أختي لا تضيعين الوظيفة عليج الراتب حلوا ومع الخبرة بيزيد

توكلي على الله وصلي صلاة الإستخارة

[meme-93]

سين سؤال ..

كم راتب الموظف الجامعي الجديد مع سنوات خبره في قانون الموارد البشريه..؟

[العربية نت]

الجامعي الخريج جديد يتعين على السابعه واعتقد راتبه ما يزيد عن ال عشرين الف ريال في جميع الجهات الي تخضع لقانون ما يسمى بالموارد البشريه :eek5:

وللتوضيح اللجنة الأولمبية وغيرها من الجهات الي بالواسطة سوو لهم جدول رواتب بروحهم وسموهم التشغيلية و للأسف انه يوجد تفرقه في رواتبهم عن إخوانهم في باقي الجهات الحكومية الاخرى والعلاقة التشجيعيه التوجد الا في بعض الجهات لكن نتأمل في التعديلات الجديدة ونتمنى القضاء تماماً على تلك التفرقة تبقى أمنيات ويمقن آيه يقمن لا :shy:

[قطرية88]

اولا : احب اشكر الكل الي تفاعل معاي في هذا الموضوع

ثانيا : حابه اوضح اني تمنيت الراتب يكون في ( حدود 30,000 ) يعني ممكن اقبل باقل منه لكن مب لدرجة (18,000) هذا يعتبر اجحآآآآآآآآآآآآآآآآآآآآآف في حق شهادة جامعية المفروض مايستهان فيها

ثالثا : الي يقول مستحيل ((((( اقسم بالله العظيم اني اعرف بنات معاي يستلمون 29,000 في احد شركات البترول بس لان وااااااااااااااااااسطتهآآآآآآآآآآآآآآآآآآآآآ فلان بن فلان ولا بعد شهادتها آداب مثلي ولغة ماعندها ضعيفة وجدا بعد ,, وانا الداخلية قبلت فيني لان عندي لغة ولله الحمد )))))

انا لحد الحين ابحث عن هالوظيفة ومافي شي اسمه مستحيل ،، وان شاءلله استفيد ويستفيد الجميع من هذا الموضوع

وجد شكرا جزيلا لكم جميعا ,, ومازال النقاش مستمر

[قطرية88]

اللجنة الاولمبية القطريه

راتب اساسي : 9600

علاوة اجتماعيه : 4000

بدل سكن : 3000
بدل سكني اضافي : 1500
بدل تنقل : 1500
علاوة طبيعو عمل 25٪
علاوة تشجيعيه (لكل موظفي اللجنه) 25٪ ع الراتب الاساسي


اختي كبداية تبين رواتب قوية عندج قطاع البترول والبنوك

ك وزاره انسي ..

لا تزعلين انا لحين مو جامعيه وخبرتي 4 سنوات توظيف وراتبي اكثر من الراتب الي عطوج اياه !!!

حبيبتي كلامج مايزعل الا يخليني اصر اكثر على راتب 30 ,, وشكرا على المعلومات القيمة صراحة

بس ياريت تفيديني اكثر وتوضحين لي اوقات الدوام ؟!!

[h2004]

التدريس كمعلمة ممكن .. ولكن المهمنة فيها مشقة وتحمل وصبر لمن لايعشقها ويستمتع بها

[طلعة الروح]

التدريس كمعلمة ممكن .. ولكن المهمنة فيها مشقة وتحمل وصبر لمن لايعشقها ويستمتع بها

هاذي المهنة الوحيدة اللي محد ينصح فيها خصوصا في قطر ولا انصح فيها لا المتخصص ولا غير المتخصص.

[مو مهم]

التدريس

[بوخالد911]

الوزارات مافيها راتب ثلاثين
انا موظفه من تسع سنوات ماوصل راتبي الثلاثين
غاز او بترول او بنوك بتحصلين بس دواماتهم متعبه
لو درجتج المالية الثالثة
بيوصل ال 30 الف وأكثر اشوي

[رهيب]

السلام عليكم ورحمة الله وبركاته ,,

اخواني واخواتي الافاضل ,, انا خريجة جامعية دفعة 2013 من كلية الاداب ,,

وابحث عن وظيفة لكن مب عارفه وين بالظبط اقدر القى وظيفة يكون راتبها في حدود (30,000) ثلاثين الف ,,

يعني لحد الحين مالقيت الا الداخلية ,, لكن بحكم اني متزوجة وزوجي يستلم العلاوة الزوجية فراتبي بيكون عندهم (18,600) بفئة اعزب من الدرجة السابعة,,

تقدرون دلوني على اماكن ممكن القى فيها هذا الراتب ؟؟!!

اذا زوجج يشتغل في القطاع الخاص اوالشركات المساهمة فتستحقين بدل سكن و العلاوة الاجتماعية فئة متزوج

[أم محمد 90]

حبيبتي كلامج مايزعل الا يخليني اصر اكثر على راتب 30 ,, وشكرا على المعلومات القيمة صراحة

بس ياريت تفيديني اكثر وتوضحين لي اوقات الدوام ؟!!

اختي انا طلعت من اللجنه لانه كلها انظمه ف انظمه وشغل متعب جداً واختلاط بشكل مبالغ فيه

الدوام من ظ§ - ظ¢

لج ظ¨ ساعات شهرياً استئذان

اذا داومتي ظ،ظ* (رغم انج مستئذنه) تعتبرين غياب

اذا داومتي وطلعتي ظ،ظ* هم تعتبرين غياب

اذا خذتي اكثر من ظ،ظ* اجازات مرضيه خلال سنه تقييمج ينزل

اذا خذتي ظ£ اجازات مرضيه واكثر من اخر دوره طلعتيها ماتستحقين دوره


وكلها من فوق لي تحت واسطات في واسطات

انا طلعت ورحت وزاره واحس براحه كبيييييره والحمدلله

[بوخالد911]

اذا خذتي اكثر من ظ،ظ* اجازات مرضيه خلال سنه تقييمج ينزل



طبعا التقييم ينزل

لأنه ظلم
اللي يداوم ويكرف بمكتبه ويحصل امتياز
وبين اللي ماخذ مرضية وراقد ببيته وياخذ امتياز

ما لكم كيف تحكمون

[أم محمد 90]

طبعا التقييم ينزل

لأنه ظلم
اللي يداوم ويكرف بمكتبه ويحصل امتياز
وبين اللي ماخذ مرضية وراقد ببيته وياخذ امتياز

ما لكم كيف تحكمون


لا اخوي الاجازه المرضيه تمنح للمريض ومن حقه اذا تعبان او مريض

هذاني انا ف اجازه مرضيه لمده اسبوعين مسويه عمليه

هل معناته لاني سويت عمليه ومرضت ينزل تقييمي !!!

المرض مو بيدنا

لكن فئه تخرب ع فئه والله المستعان

[ريم الشمال]

تدرين تم تعيني في التدريس براتب ست آلاف وخرده نحن مساكين جيل الطيبين
احين راتبي الذي توظفة فيه لا يرضى به سائق شاحنه ( فيس يبكي )
الحمد لله على ما اعطى سابقاً ولاحقاً وكنا وما زلنا في خير ونعمه
انتي تقدرين تأخذي بنصائح من اشار عليك بتدريس أو شركات النفط والغاز وغيرها حتى تحققي ما تريدين

[Umsultan]

انا توظفت براتب 5750 أيام اجود نوع من الطيبين
هذا راتب الجامعي بعد

الله يوفقك يا رب وتفيدينا بموضوعك ونحصل وظيفة راتبها زين

[alfaisaly]

عيل شتقولين متوظف سنة 1998 براتب 1500 ريال والحين راتبي الحمدالله زين لكن معناه قبل

[MOHAM79MED]

السلام عليكم ورحمة الله وبركاته ،،،،
اختي ( قطرية 88 ) عندج الجمارك رواتبهم قوية
انا شغال في الجمارك والحمد الله واعزوبي استلم فوق الثلاثين في الدوحة وعندج بوسمرة رواتبهم اقوى من الي يداوم في الدوحة والفرق تقربيا من الدوحة وبوسمرة ( 6 الى 8 الف ريال ) بس الدوام عندهم شفتات ومافي اي تعب للموظفة لانه بيكون وظيفتها تسجيل وبعض الاحيان تفتيش اذا تطلب الامر انها تفتش والتعب بيكون في المشوار من الدوحة الى بوسمرة فقط .
والله يوفقج ان شاء الله ..

[Super Cool]

قطر للبترول

[العلياا]

الاخوان والخوات ما قصروا
بشكل عام قطاع البتروكيماويات رواتبهم زينه بس يبيلج لغة وشغلهم متعب

بالتوفيق ان شاءالله

[w.qatar]

الخريجة الجديده اللي تبي 30 تشتغل في التدريس

اما في الوزارات الجامعيات في العشرينات بس مع الخبره يزيد

انا اول ما توظفت راتبي 10000 بعد سنوات الخبره الحمد لله تعدل الراتب

[Right]

دوري لج " واسطة " بالأول



وموضوع خااااااالص :victory:

[newwife76]

القوات المسلحه
وزارة الماليه
وزارة التنمية الاداريه
الامانه العامه لمجلس الوزراء

رواتبهم توصل قريب ال 30

وانا اقولج حرااااام تشتغلين في هالراتب ،، لا تيأسين دوري بعد

وشهر 4 في معرض مهني قدمي أوراقج في كل الجهات

[asadfg]

بحكم طبيعه عملي في التوظيف في القطاع الخاص في عده عوامل تحدد راتبج

خبرتج
تخصصج
قدراتج
لغتج
نتائج مقابلتج
جدول الرواتب لكل شركه

طبعا اذا فرش اتوقع صعبه تتبتدين ب30 ممكن في شركات البترول القويه مثل شل ودولفن ممكن يعطونج ها الراتب كبدايه بس مثل ماقلت الامور الي ذكرتها تحدد لج

[الدوحه1]

بحكم طبيعه عملي في التوظيف في القطاع الخاص في عده عوامل تحدد راتبج

خبرتج
تخصصج
قدراتج
لغتج
نتائج مقابلتج
جدول الرواتب لكل شركه
طبعا اذا فرش اتوقع صعبه تتبتدين ب30 ممكن في شركات البترول القويه مثل شل ودولفن ممكن يعطونج ها الراتب كبدايه بس مثل ماقلت الامور الي ذكرتها تحدد لج

انا اعرف واحد مؤهلاته"اعدادي" وراتبه فوق ال 60 الف ويشتغل في جهه تخضع لقانون الموارد البشريه ؟؟؟؟؟؟؟؟؟؟

[قطريه ماركه]

التدريس

[أسد الجزيرة]

انا اعرف واحد مؤهلاته"اعدادي" وراتبه فوق ال 60 الف ويشتغل في جهه تخضع لقانون الموارد البشريه ؟؟؟؟؟؟؟؟؟؟

كم سنة شغال ؟

[ANONYMOUS]

سؤال شمعني 30 الف ليش مب 50 والا 100 ألف ؟ :)

القناعه كنز

[الركادة]

دوري لج " واسطة " بالأول



وموضوع خااااااالص :victory:






كلام سليم 100%
اذا كان الراتب في قمة اولوياتج اختي الكريمة

[اناقه]

السلام عليكم اختي

فديتج طرشي لي ال cv على الايميل و ان شاء الله بحاول اساعدج

طرشي لي ايميلج على الخاص و بتواصل معاج باذن الله

بس بيكون الراتب في اخر العشرينات اذا الله كتب لج نصيب ما راح يوصل ال 30 لعدم وجود خبرة

بالتوفيق ان شاء الله

[Khaled Qatar]

شركات البترول والغاز ، الثانويه يوصل 30

[Serenade]

وانا بعد ادور من زمان. اذا لقيتي قولي لي :weeping: محد يبي تخصصي تصميـــم- مستهينين فينا

[نفسي عزيزه]

اسمحي لي الراتب للي توها جديده مو صحيح :)
اول ما تتعين 26 الف او 25 الف جذي مو 32 الف !

وما اعتقد في اي مكان بقطر يعطي الجامعية 30 الف من اول ما تتوظف ! الا اذا يمكن قطاع بترول او شي الله اعلم لكن ما سمعت .. كله يقولون التدريس اعلى مكان يعطي رواتب ! وبعد ما توصل 30 اول ما تتوظفين ..
ربي يوفقج ان شاء الله

انا اهلي كلهم بالمدرسه ولنا اصحاب تراخيص الموظفه المدرسه الجديده تاخذ ف الثلاثين تكون جامعيه ومدرسه ومنسقه :nice:

[نفسي عزيزه]

الخريجة الجديده اللي تبي 30 تشتغل في التدريس

اما في الوزارات الجامعيات في العشرينات بس مع الخبره يزيد

انا اول ما توظفت راتبي 10000 بعد سنوات الخبره الحمد لله تعدل الراتب

:nice: احسن مكان واستر مكان

[بو خليفه 123]

اللي اعرفه مجال التدريس رواتبهم من 26 ألف الى 36 ألف

[قطرية88]

ماشاءلله حبيت تفاعلكم في الموضوع ,, جزاكم الله الف خير
وان شاءلله يستفيد الكل منه

[قطرية88]

السلام عليكم اختي

فديتج طرشي لي ال cv على الايميل و ان شاء الله بحاول اساعدج

طرشي لي ايميلج على الخاص و بتواصل معاج باذن الله

بس بيكون الراتب في اخر العشرينات اذا الله كتب لج نصيب ما راح يوصل ال 30 لعدم وجود خبرة

بالتوفيق ان شاء الله

اختي جزاج الله الف خير ودي ابعثلج اميلي واتواصل معاج ,, لكن مع الاسف ماقدر بسبب مشاركاتي اقل من 50

[Serenade]

للي سالني عالخاص اذا تخصصي تصميم داخلي .. عفوا ردي ما يوصلك بالخاص لانك حاط خاصية انك ما تستقبل رسائل خاصة فبكتب ردي هني:
انا خريجة فرجينيا و لكن تخصصي ليس تصميم داخلي.. جزاكم الله خير و الله يوفقكم يا رب

[قرنقووش]

اختي مهندسة واول ماتوظفت فالبترول كانت تستلم 23 الف وهي خريجة تكساس
وتشتغل فالبرج
اختي الثانية مهندسة وتداوم في شركة غاز وفالمصنع تستلم حدود 34 الف .. وكلهم جداد ماقد اشتغلوا من قبل .. الرزق من الله

[نتفـه]

انا اهلي كلهم بالمدرسه ولنا اصحاب تراخيص الموظفه المدرسه الجديده تاخذ ف الثلاثين تكون جامعيه ومدرسه ومنسقه :nice:

هذي سلم الدرجات من المجلس الاعلى للتعليم معروف حتى لو منسقه فرق الراتب 750 ريال فقط لا غير ما توصل 30 وهي جديده وماعندها خبره مستحيل p:
والثلاثين يستلمونها بعد فتره يعني 3 او 4 سنوات

[كرواتيا]

خريجة فرجينيا اذا مالقيتي شغل كلميني