الرادارات

[بانغ بانغ]

الرادارات صارت اكثر من الاشجار على بعض الشوارع
هل بالفعل الهدف منها سلامة الناس او الربحية
نبي إحصائيات عن الحوادث قبل وبعد حقبة الرادارات
سلامي للمرور

[بومحمد]

أتمنى زيادة عدد الرادارات ووضعها على كل إشارة ضوئية وكل دوار وشارع
لأن الحوادث زادت بصراحة

[aziz4z]

الرادارات صح قليلة , و نحتاج أكثر و أكثر , في ناس متهورين لأبعد الحدود , لو أنه مافي رادارات كانوا أكلوا بشر , بس الرادارات خففت كثير من الحوادث

[بريق الحق]

صحيح واتمنى يحطون داخل البيت يمكن يدعمون بعض بعد (:

[رجل الجزيرة]

نريد رادات أكثر الليلة وانا راجع من الدوام تقريبا الساعة 3 العصر إثنين من أهل الجيات مروا على رادات شارع سلوى كأنهم إلا يتسابقون في البر، إلا ما فيه هلكبترات تترصد لهم و تبلغ عنهم الشرطة وتلحقهم وتسجنهم.

[القطيني]

اشوف انها لسا قليلة أو غير موزعة بشكل صحيح

[توشيبا]

علي مخالفات رادارت 64000

[وطن]

علي مخالفات رادارت 64000

:omg:

الحمدلله الذي عافانا مما ابتلاهم به

[وطن]

الرادارات صارت اكثر من الاشجار على بعض الشوارع
هل بالفعل الهدف منها سلامة الناس او الربحية
نبي إحصائيات عن الحوادث قبل وبعد حقبة الرادارات
سلامي للمرور

الرادارات ما عمرها حدت من الحوادث

ياريت يتخذون عقاب صارم مع المخالفين اللي تتكرر مخالفاتهم
ومع المستهترين اللي ما يهمهم شي
سجن و خدمة مجتمعية و محاضرات توعوية غصب عنهم


لكن الرادار
ما اشوف له فائدة

لان الشباب ما زالوا يتسابقون
و المستهتر مازال مستهتر
ويزرق وسط السيارات بشكل جنوني

[بريق الحق]

الرادارات ما عمرها حدت من الحوادث

ياريت يتخذون عقاب صارم مع المخالفين اللي تتكرر مخالفاتهم
ومع المستهترين اللي ما يهمهم شي
سجن و خدمة مجتمعية و محاضرات توعوية غصب عنهم


لكن الرادار
ما اشوف له فائدة

لان الشباب ما زالوا يتسابقون
و المستهتر مازال مستهتر
ويزرق وسط السيارات بشكل جنوني

اتمنى منع افلام السباق والالعاب السوني عشان مايتعلمون يزرقون (:

[بانغ بانغ]

الرادارات ما عمرها حدت من الحوادث

ياريت يتخذون عقاب صارم مع المخالفين اللي تتكرر مخالفاتهم
ومع المستهترين اللي ما يهمهم شي
سجن و خدمة مجتمعية و محاضرات توعوية غصب عنهم


لكن الرادار
ما اشوف له فائدة

لان الشباب ما زالوا يتسابقون
و المستهتر مازال مستهتر
ويزرق وسط السيارات بشكل جنوني

اتفق معك 100%

[توشيبا]

:omg:

الحمدلله الذي عافانا مما ابتلاهم به

للعلم ماعمري تعديت السرعه فوق 130

وكلها علي شارع واحد وردارات متحركه والسرعه علي 110و120

[وطن]

للعلم ماعمري تعديت السرعه فوق 130

وكلها علي شارع واحد وردارات متحركه والسرعه علي 110و120

يوم انك تدله
ليش ما تخفف في هالشارع بالذات

[khalid525]

واحنا مب راضين عن اداء المرور في ضبط المتهورين واتمنى زيادة الرادارات وتحويل المخالفين فوق سرعة ظ،ظ¦ظ* الى النيابة ووضع دوريات دائمة في الخطوط السريعة لمنع المتهورين اللي سببوا الحزن والحسرة لاهاليهم ،مدري ليش كل هالسرعة والتهور وفي الاخير تحصله يبي يروح يلعب بلاي ستيشن في العنه .

[بوخالد911]

الله يزيدهم

[بوخالد911]

علي مخالفات رادارت 64000

وليش ما اسحبوا موترررررررررك؟!؟!؟

[يوسف0]

وليش ما اسحبوا موترررررررررك؟!؟!؟

اي والله ليش :anger1:

انا سحبوا موتري على اقل بواااااااايد

ولا ناس وناس ؟

[مختلفة عقليا]

السلام عليكم .,

الرداد شنو هدفه ., ؟؟ يخلي الناس اتخفف هاي الصح .,

يعني مو كاميرا خفيه ., يدعسونها في اماكن محد درا ابها .,

خير ردار وخط سريع ., خيييييير .. ؟؟

مخالفتي 25000 ., :weeping:

ويسلمو .,

[قطريه22]

في شوارع مايتساهل يحطون فيها رادارات

اتوقع هدفهم الربح فقط

[بانغ بانغ]

خط الوكرة اللي ورا سلاح الجو في 7 رادارات ثابته في شارع طوله 7 كم. كل اسبوع موتر منقلب .... يعني ما سوت شي. لازم قوانين رادعة سحب مواتر او سجن .....

[Abdulraman]

بالعكس يجب زيادة الرادارات وانا اشوف بعض الرادارات اماكنها غلط مثل الكرنيش حاطين 2 ومن يقدر يسرع في الكرنيش حدك تمشي 20 او 40 من الزحمه

[ستاربكس]

للاسف اصبح الهدف من الرادارات ليس الحد من السرعه ولكن الكسب المادي .

[العلياا]

علي مخالفات رادارت 64000

عندنا وعندك خير
والحمد لله مب انا اللي ادفعهم :shy:

عموما ما وجدت هالرادارات الا عشان مصلحتكم لانهم يعرفون ان بني آدم يحب الفلوس ما في حل غيره

[وطن]

عندنا وعندك خير
والحمد لله مب انا اللي ادفعهم :shy:

عموما ما وجدت هالرادارات الا عشان مصلحتكم لانهم يعرفون ان بني آدم يحب الفلوس ما في حل غيره


لو انتي تدفعينهم بتحرصين أكثر
وما بتخالفين

ابوي يدفع لنا كل شي
الا المخالفات
كنوع من أنواع التأديب

:shy:

[العلياا]

لو انتي تدفعينهم بتحرصين أكثر
وما بتخالفين

ابوي يدفع لنا كل شي
الا المخالفات
كنوع من أنواع التأديب

:shy:

أبشرج هالشهر نزل مبلغ خيالي وطويل العمر قال خلاص من الشهر الجاي انتي تدفعين مخالفتج خصوصا اني كنت استخدم سيارة البيت واحين عندي سيارتي فـ خلاص راحت علي :weeping:

بس ادري حزت الصج مب مخليني ادفع

[زبرجد]

لو خايفين ن على الناس كان ما أخفوها وكان ما إمنعوا أجهزة تكشف الرادارات .

[وطن]

أبشرج هالشهر نزل مبلغ خيالي وطويل العمر قال خلاص من الشهر الجاي انتي تدفعين مخالفتج خصوصا اني كنت استخدم سيارة البيت واحين عندي سيارتي فـ خلاص راحت علي :weeping:

بس ادري حزت الصج مب مخليني ادفع
هاهاهاهاها
يمكن يعرف ابوي
وعلمه الطريقة التأديبية


الحق يقال ما كانت مخالفاتي الا رادار
ومره في السنة بس

الحين الحمدلله مافي خير شر

[MAZEN37]

المرور لازم يكون حازم بتطبيق العقوبه مب زيادة الرادارات
مثال المخالف يروح المرور ومني مناك شالو نص المخالفه ويمكن كل المخالفه
ومثال التواير البالون نزل قانون يمنع استخدامها و90 بالميه من الجيات بالون يعني يابوزيد كانك ماغزيت

[ناصر الصلاحي]

السلام عليكم

انا مش ضد الرادارات بس انا ضد الرادارات اللي يخبونها ورى شاحنه ولا باص ليش يعني اذا هم هامهم مصلحه الشعب كانوا ما خبوها
و ثاني شي ليش ما يسحبون ليسن الشباب اللي متجاوز النقاط المسموح فيها؟؟ تعرفون ليش ؟؟
لأن لو سحبوا ليسن هالشخص راح يخسرون زبون عندهم ههههههههههه هاي كلام واحد من الشباب قاعد جنبي هههههههههههههههههه

[الركادة]

علي مخالفات رادارت 64000

واحد من الربع كان عليه 47000 .. ومادفع باع السيارة فتشليح

من فترة نزلوا هلمخالفات علسيارته الجديدة والرقم المميز راح عليه :omg:
سؤال
مخالفات السعودية تنزل عندنا ولا لاء

[بانغ بانغ]

واحد من الربع كان عليه 47000 .. ومادفع باع السيارة فتشليح

من فترة نزلوا هلمخالفات علسيارته الجديدة والرقم المميز راح عليه :omg:
سؤال
مخالفات السعودية تنزل عندنا ولا لاء

اي تنزل

[NBA_]

السلام عليكم .,

الرداد شنو هدفه ., ؟؟ يخلي الناس اتخفف هاي الصح .,

يعني مو كاميرا خفيه ., يدعسونها في اماكن محد درا ابها .,

خير ردار وخط سريع ., خيييييير .. ؟؟

مخالفتي 25000 ., :weeping:

ويسلمو .,

هاي كلمممة ويسلممو يجيب لي الضحكة مَ دري ليش ههههههههههههه

المهم اللي متعبني رادار متحرك اللي وراا محطة الجامعة :(

الله كريم

[معماري قطري]

اتمنى يحطون 10 رادارات على مضمار سباق الصناعية .. قصدي دوار الصناعية اللي السيارات عليه تمشي 100 بعضها والشاحنات تمشي بأقصى سرعتها

[معماري قطري]

يحطون رادارات مكشوفة ما هي بمدسوسة حتى يعرف الواحد ويخفف

[بصمة قطرية]

سياسة الرادارات في الدول المتقدمة التخفيف من السرعه ..
تلقى قبل الرادار لوحة توضح أن أمامك رادار
عندنا سبحان الله
العكس تماماً
كل يوم يخترعون طريقة جديدة للرادار ..!!
يوم ورا شجرة و يوم في باص و يوم مدعوس وانتو بكرامة في زبالة
عليهم أفكار عجيبة ..!!!
للأسف يفكرون في المكسب المادي بس ..!!

[حمد 2002]

في فريجنا رادار !!

[العنيده]

وعلى كثرتها للحين في تجاوزات خطره من السواقين ياريت يزيدونها ولا يغطونها يخلونها جدام الكل افضل خل الناس تهدى والله صارت السواقه خطره لا من سرعه ولا تجاوزات :omen2:

واطالب في البيت لان اختي وهي طالعه دعمت سيارتي متاخره على الدوام :shy:

[بن مفتاح]

سياسة الرادارات في الدول المتقدمة التخفيف من السرعه ..
تلقى قبل الرادار لوحة توضح أن أمامك رادار
عندنا سبحان الله
العكس تماماً
كل يوم يخترعون طريقة جديدة للرادار ..!!
يوم ورا شجرة و يوم في باص و يوم مدعوس وانتو بكرامة في زبالة
عليهم أفكار عجيبة ..!!!
للأسف يفكرون في المكسب المادي بس ..!!


سبحان الله ..

انا شفت هالشي في شقيقتنا الكويت .. قبل الرادار المتحرك بمسافة جيدة علامات تحذيرية لأن الغرض من هالرادار ( المتحرك ) الحد من السرعة وليس عمل مصيدة للسيارات المسرعة .. هناك اقدر اقول انهم يريدون الحد من السرعة وليس المخالفة بعينها .. أما هنا فكما قالت أخيتي يتفننون في اخفاء الرادارات .. مع ان ذلك قد يؤدي الى ما يُحمد عقباه اذا اكتشف السائق الرادار متأخراً وهو مسرع فقد يحاول ان يقلل من سرعته بشكل مفاجئ .. وقد يُسبب ذلك حادثاً ..!!

[الركادة]

اي تنزل

تسلم ياخوك عالرد

اكثر من مرة كان يصدني الرادار فالسعودية ويعطيني الشرطي
ورقة صفرا
واتفاجا انها مانزلت فقطر
هالكلام من 5 شهور تقريبا

[وطن]

مبروك عليكم الرادار الجديد على اشارة تقاطع الاعلام في الكورنيش

:nice:

[بانغ بانغ]

مبروك عليكم الرادار الجديد على اشارة تقاطع الاعلام في الكورنيش

:nice:

صح شفته والله شكله كانه قاعدة اصاروخ باتريوت او ستينجر

[وطن]

صح شفته والله شكله كانه قاعدة اصاروخ باتريوت او ستينجر

هاهاهاهاهاها
ذكرني بمسلسلات الكرتون
جريندايزر و غيره

[الركادة]

في فريجنا رادار !!


ينفع يكون اسم مسلسل رمضاني :victory:

[بوحارب]

بسيطة بسيطة

[حمد 2002]

ينفع يكون اسم مسلسل رمضاني :victory:

:nice:

[مرتبش]

نتخيل كل الرادارات واضحة ومعروف مكانها وتحذيرات كافية قبل الوصول لها..شنو بيصير؟ الكل بيخفف قبلها وبنستانس مافي مخالفات لكن المتهورين بعد مايعدون الرادار شنو بيسوون؟ خلونا نتخيل .!

[براك]

في البداية اشكر من طرح هذا الموضوع
لأننا بدأنا فعلاً نشاهد كثرة الرادارات و الأكثرية كانوا ضحايا مصيدة الرادار و لكل السؤال هل كثرة الرادارات تقلل من الحوادث
لا طبعا لأن المستهتر حتى لا يهتم بهذه الأمور ولكن يجب عمل دراسة لأسباب الحوادث ويمكن الإشارة إلى ان معظم الحوادث سببه قلة الخبرة في السواقة أو عدم المسؤولية .

[العنيده]

نتخيل كل الرادارات واضحة ومعروف مكانها وتحذيرات كافية قبل الوصول لها..شنو بيصير؟ الكل بيخفف قبلها وبنستانس مافي مخالفات لكن المتهورين بعد مايعدون الرادار شنو بيسوون؟ خلونا نتخيل .!



التخيل صعب بس الاصعب يكون مسرع ويتفاجا بالرادار تصير السالفه بريك في بريك والله الحافظ ..
خليزيدون عددها ويحطون كاميرات بالشوارع بس لا يخشونها لما اخفف قبل الرادار واعرف على الاشاره في كاميرا بمشي غصب نفس السرعه ..

مجرد راي :victory: