مارأيكم في هذه الفيلا

[سهم طايش]

الاخ العزيز بويوسف حبيت اخذ رأيك و ملاحظاتك على هذه الفيلا

و كم ممكن يكون سعر بنائها تقريبا ( عظم )

حجم البناء ( 800 متر )

حجم الارض ( 1290 متر )

ممكن رأيك و ملاحظاتك للشكل او الديزاين

و ما هو عيوب الجي ار سي



5501

[ابن ادم]

حلوة الفلا

ماشاء الله بارك الله

[الراوي]

ماشاءالله الله يزرقنا قصر في الجنة قولوا امين

[لاداعي]

الله يوفقك اخوي سهم طايش

[بويوسف]

هلا اخوي العزيز

تكلفة البناء اذا حسبنا المتر 1600 بتطلع مليون وثمان وعشرين الف ريال قطري ..

بالنسبة للجي ار سي فهو شديد التحمل وجيد ولكن لا افضل عمل مساحات كبيرة من البيت بواجهات جي ار سي ..
التصميم الخارجي جميل وان كان التصميم الداخلي وتوزيع الغرف هو الاهم ...

[فارس الكلمة]

التصميم الخارجي المعقد الكثير التعاريج قد يكلفك مبلغاً إضافياً ..

كما أنه يكون حاضنا للغبار و الأتربة ..

عليك باستخدام الحجر لتغطية الجدران الخارجية كنوع من العازل الحراري .. و كناحية جمالية ..

ألف مبروك .. و الله يهنيك ..

كم كان تكلفة التصاميم ..؟

[سهم طايح]

تصحيح بسيط

يطلع مليون وميتين وثمانين الف ريال

عموما التصميم طيب

ومنزل مبروك مقدما :)

[هاييتي]

توكل على الله وابنيها اخوي سهم طايش خوش تصميم والحجم ممتاز جداً خصوصا طرازها الاسلامي

[عضو المنتدى]

الله يوفقك سهم طايش على البنيان ...

أخوي بيوسف ممكن سؤال :

إذا كان المبنى كما هو في الصورة به - قبو دور أرضي - يتكون من

مجلس وصاله وغرفه فهل سيكون السعر المتر ب 1600 ريال في

هذه الحاله .؟؟؟ وكم يكلف القبو .... هل له سعر محدد عند المقاولين ؟؟؟

كما هو متعارف عليه المتر ب 1600 ريال ؟؟



وشكرا لك

[سهم طايش]

تسلمون جميعا على المشوره و الرد

جزاكم الله خير

بحاول اخفف شوي من الجي ار سي

سؤال ثاني اخوي بويوسف

هل تنصح باستبدال الانتر لوك بشيء آخر ؟

ما هي المواد البديله و الممتازه للانترلوك ؟

[ابن ادم]

1600 للمتر المربع

سمعت يتفاوت بين 800 و1200؟ فهل من يؤكد لنا

[سهم طايش]

1600 للمتر المربع

سمعت يتفاوت بين 800 و1200؟ فهل من يؤكد لنا

الله يرحم ال800 ريال

خبرك عتيج اخوي

عقب حب خشوم يالله يرضون ب1500 للمتر المربع

[ROSE]

منزل مبارك اخوي سهم طايش


ماشاء الله شغل مرتب وحلو
:app: :app: :app: :app:


من هاي اللي واقف برا ليكون مصورينك :eek2:

[سهم طايش]

منزل مبارك اخوي سهم طايش


ماشاء الله شغل مرتب وحلو
:app: :app: :app: :app:


من هاي اللي واقف برا ليكون مصورينك :eek2:

لا

انا اللي اطل من الدريشه

:nice:

[khaldoon]

تسلمون جميعا على المشوره و الرد

جزاكم الله خير

بحاول اخفف شوي من الجي ار سي

سؤال ثاني اخوي بويوسف

هل تنصح باستبدال الانتر لوك بشيء آخر ؟

ما هي المواد البديله و الممتازه للانترلوك ؟



اولا الف مبروك على التصميم الرائع والله يوفقك اخوي سهم طايش
ثانيا لاحظت انه في ناس كثير يرفظون تركيب الانترلوك لانه موطن النمل ويفضلون تركيب بلاط عادي وخصوصا بلاط كسر رخام واعتقد انه لا يوجد فرق كبير في السعر بين تركيب الانترلوك والبلاط (اكثر من خمس سنوات منقطع عن متابعة الاسعار و بناء الفلل والمجمعات فاعتذر عن عدم معرفتي بالسعر الان لانه قبل ذلك كانت التكلفه تقريبا نفسها)
بالتوفيق ان شاء الله

[jajassim]

أخوى سهم طايش ،، الصورة ما اطلعت

[khaldoon]

أخوى سهم طايش ،، الصورة ما اطلعت





اتمنى انه الصوره ظاهره الحين اخوي جاسم

[سهم طايش]

اولا الف مبروك على التصميم الرائع والله يوفقك اخوي سهم طايش
ثانيا لاحظت انه في ناس كثير يرفظون تركيب الانترلوك لانه موطن النمل ويفضلون تركيب بلاط عادي وخصوصا بلاط كسر رخام واعتقد انه لا يوجد فرق كبير في السعر بين تركيب الانترلوك والبلاط (اكثر من خمس سنوات منقطع عن متابعة الاسعار و بناء الفلل والمجمعات فاعتذر عن عدم معرفتي بالسعر الان لانه قبل ذلك كانت التكلفه تقريبا نفسها)
بالتوفيق ان شاء الله

الله يرحم والديك اخوي خلدون وصلت للي ابيه ( كسر الرخام ) وايد اسمع عنه

وين القاه طال عمرك

سألت اكثر من محل و كلهم قالوا ما عندنا

تسلم

[قطري مغامر]

مبروك اخووي سهم طايش مقدما لاكن ممكن تعطينا تصميم البيت من الداخل

[khaldoon]

الله يرحم والديك اخوي خلدون وصلت للي ابيه ( كسر الرخام ) وايد اسمع عنه

وين القاه طال عمرك

سألت اكثر من محل و كلهم قالوا ما عندنا

تسلم


جزاك الله كل خير اخوي سهم طايش

تلاقيه في مصانع البلاط والانترلوك اللي في الصناعيه مثل مصنع وشركة العاصمه وغيره كثير
موجود بلاط كسر رخام وبلاط شعبي وكل الانواع

[مغروور قطر]

جعله منزل مبارك اخوي سهم مقدما وتصميم رائع

[مزيون_قطر]

الله يوفقك اخوي سهم طايش وتستاهل الخير وجلعه فيلا مباركه ان شاء الله

[طالع بن نازل]

فيلا تصميمها روعة ,,,,,,,,,,,,,,,

على فكرة انا قاعد ابني بيتي , ومساحة البناء 810 متر مربع
ومساحة الارض 1280 متر مربع ,

تسمحلي اخذ بعض افكار شكل الفيلا:) :) :) :) :) :) :)

نسيت اقولك كلفني بناء الفيلا 1230 للمتر المربع مع التشطيب اسعار
قبل سنة واربع شهور .

بالتوفيق اخوي ................................

[سهم طايش]

فيلا تصميمها روعة ,,,,,,,,,,,,,,,

على فكرة انا قاعد ابني بيتي , ومساحة البناء 810 متر مربع
ومساحة الارض 1280 متر مربع ,

تسمحلي اخذ بعض افكار شكل الفيلا:) :) :) :) :) :) :)

نسيت اقولك كلفني بناء الفيلا 1230 للمتر المربع مع التشطيب اسعار
قبل سنة واربع شهور .

بالتوفيق اخوي ................................

افا عليك اخوي الفيلا و راعي الفيلا حلالك

خذ راحتك

الله يبارك لك و يوفقك

[بوخالد2]

اخووى سهم طااايش 00 منزل مبارك انشاءالله واتهنى فيه انت وعيااالك 00 لكن حبيبي انصح اذا بتشطب عليك بالاحساااء ترى الرخاام والبرسلان وكسر الرخاام 000 بلاش وبسعار من تصدقهااا 00 انا واحد من الربع قبل لايرووح سام اول شي في قطر طلع عليه 60000الف يالغالي ورااح جاب نفس الكميه والنوووع للبيت من الاحساااء 22000الف ادرى ماتصدق لكن رووح وراح تذكرني بالخير واذا تبي ارقام محلات عندي ترى (( حق الشبابيك 000البرسلان 00 الدرابزين 00 محلات الله يعزك الحمامات 00 لاني قاعد اشطب بيت الولد صرت خبره :deal: ههههه بس الله يعينك على البناء شقى والله والله يهنيك وكل شي بلاش ترى هناااك لاتفوت وتشترى بالغالي اهنيه في قطر 00 ومشاءالله شباب سعوديين يوصل الطلبات عندك لين بيت في قطر 000 توكل على الله :eek2:

[سهم طايش]

تسلم اخوي بوخالد

يا ليت تكتب الارقام هنا ليستفيد الجميع

لك كل الشكر

انزين جمارك بوسمره ما ياخذون ضريبه على المواد ؟

[طالع بن نازل]

افا عليك اخوي الفيلا و راعي الفيلا حلالك

خذ راحتك

الله يبارك لك و يوفقك

يا اخي والله انك احرجتني

الله يوفقك اخوي , بس نصيحتي لك , عقدك مع المقاول خله تشطيب
صدقني اريحلك وخاصة انك اول مرة تبني فيها .

وبالتوفيق ياطويل العمر ..........................

[lule]

الله يبارك لك في البيت .. يعطيك خيره ويكفيك شره ..

[lule]

اخووى سهم طااايش 00 منزل مبارك انشاءالله واتهنى فيه انت وعيااالك 00 لكن حبيبي انصح اذا بتشطب عليك بالاحساااء ترى الرخاام والبرسلان وكسر الرخاام 000 بلاش وبسعار من تصدقهااا 00 انا واحد من الربع قبل لايرووح سام اول شي في قطر طلع عليه 60000الف يالغالي ورااح جاب نفس الكميه والنوووع للبيت من الاحساااء 22000الف ادرى ماتصدق لكن رووح وراح تذكرني بالخير واذا تبي ارقام محلات عندي ترى (( حق الشبابيك 000البرسلان 00 الدرابزين 00 محلات الله يعزك الحمامات 00 لاني قاعد اشطب بيت الولد صرت خبره :deal: ههههه بس الله يعينك على البناء شقى والله والله يهنيك وكل شي بلاش ترى هناااك لاتفوت وتشترى بالغالي اهنيه في قطر 00 ومشاءالله شباب سعوديين يوصل الطلبات عندك لين بيت في قطر 000 توكل على الله :eek2:


ممكن الارقام والعناوين ؟؟

[limoOoOony]

مبروك مقدما اخوي سهم طايش وان شاء الله تتهنى فيه

بالنسبة لموضوع الجمارك اذا بتاخذ من اي دولة خليجية بشرط احضار شهادة الجمارك من المحل نفسة وانه تم الترسيم عليها في السعوديه اول مادخلت ماراح يكون عليها جمارك وهي اغلب شي تكون عن طريق الميناء هالمواد يعني اسمه ( المنافيست )

واذا كانت المواد صناعه سعوديه فوق ال 45% تاخذ شهاده من المصنع نفسه وايضا هذي تكون معفاه من الجمارك

واذا في اي استفسار اخر حاضرين

[سهم طايش]

مبروك مقدما اخوي سهم طايش وان شاء الله تتهنى فيه

بالنسبة لموضوع الجمارك اذا بتاخذ من اي دولة خليجية بشرط احضار شهادة الجمارك من المحل نفسة وانه تم الترسيم عليها في السعوديه اول مادخلت ماراح يكون عليها جمارك وهي اغلب شي تكون عن طريق الميناء هالمواد يعني اسمه ( المنافيست )

واذا كانت المواد صناعه سعوديه فوق ال 45% تاخذ شهاده من المصنع نفسه وايضا هذي تكون معفاه من الجمارك

واذا في اي استفسار اخر حاضرين

مشكور اخوي

شكلها سالفه طويله و حوسه

[الرميحي]

بصراحة خوش شغل بس احس انة وايد الجي ار سي :nice:

[المستثمر22]

افااااااااااااااااااا هذى آخرتها

[فزعـــــ قطر ـــــة]

http://www.dubaieyes.net/gallery/data/media/305/f148.gif

الله يهنيك أخوي سهم طايش وتسكنه بالصحة والعافية
والله يعينك ع البنيان عوار راس ..خل المقاول يشطب لك الفيلا واشتري راحتك أبرك لك
باالتوفيق أخوي

http://www.dubaieyes.net/gallery/data/media/305/f148.gif

[qattttttttar]

مـأشاء الله فيلـة حلـوه الله يبارك لك فيهـا ويعمـرها بالطاعـة والسعادة

[المخلب]

مبروك مقدما يااا خوي ..

بس مثل ماقالوا الشباب غير بدل الجي ار سي خله حجر ! ..

الا بسالك .. وين الفله ؟؟ لان لكل منطقه في مقاول يصلح لها !! ..

مثال : الوكره والمطار القديم (( صوب الثمامه الى حدود الفاميلي فود سنتر )) هذي افضل مقاول هو " الجنوب " ..

عندك صوب الدفنه " الصخره " ..

عندك صوب معيذر ودحيل " الفهد " ..

طبعا هذا ليس انتقاسا في حق باقي الشركات .. لكن هذوله الشركات متواجدين بكثافه هناك يعني متى ماطلبت منه يبني بيوافق لان عماله بنفس المكان فبيقلل من تكلفه النقل و توريد البضايع ( حديد وطابوق وغيره .. ) لان البيوت جنب بعض ..

والله يهنيك .. فيه يارب .. :)



فلا توهق روحك بمقاول تعبان ..