ديكور الشبابيك ع واجهة الفيلا = فوم ؟ حي ار سي ؟ جي ار بي؟= [الأرشيف]

عيد بن شاكر

17-02-2014, 11:14 AM

السلام عليكم جميعا و يعطيكم العافية

ايش الأفضل بالنسبة لكورنيش الدرايش و الوارش؟

الفوم رخيص بس كواليتي ماعرف

الجي ار سي غالي بس كواليتي يعتمد ع التصنيع

الجي ار بي ؟؟؟؟ عباره عن ايش؟؟ انا اعرف بيبات جي ار بي!!! الي عنده فكره ينورنا

يعطيكم العافية

معماري قطري

17-02-2014, 10:59 PM

الجي آر بي يا طويل العمر بلاستيك رإنفورسد غلاس .. Plastic Reinforced Glass وغلاس هنا لا تعني زجاج بل تعني فايبر غلاس .. سوري عكست الجملة هي تجي غلاس أول Glass Reinforces Plastic وهي نوعية من المواد البلاستيكية يتم تصنيعها بخلطات من مواد خاصة بينها أصباغ مخلوطة تقاوم الشمس لفترات طويلة بلا تغير.

تبقى عندك المشكلة إن كل هذي المواد يدخل في شغلها الجهل والعشوائية وعمرها الإفتراضي عندنا قليل .. الأفضل منها الحجر الطبيعي والصناعي لو تركب صح وكتحديد وديكورات .. وهذي قناعتي ورأيي الخاص .. حول الفتحات والقطع التزيينية الخاصة كالأعمدة وحدود الأقواس وأعلى الحوائط كتاج أو غطاء سور .. الباقي ممكن يكون صبغ نوعية جيدة ويبين جمال الحجر مع الصبغ كتصميم متناسق .. ممكن استخدام قطع جي ار سي جيدة التصنيع بس في قطر الجهل والغش متفشي في هذي القطع .. ممكن بدالها تشتري قطع جبس وتنصبغ صبغ زين مقاوم وتدوم أكثر من الجي ار سي .. بسبب بسيط إن الجي ار سي المصبوغ من الخارج والغير مصنع بخلطة الصبغ فيه يكون صلب وما يمسك عليه الصبغ ويتقشر بسرعة .. الجبس يمسك عليه الصبغ وصبغ عازل بيعيش معاك بدون مشاكل أكثر من الجي آر سي الغش أو المعمول بجهل.