شاور زجاج تفصيل

[لما]

وين احصل ياجماعه شاور زجاج بنوعيه ممتازة

[وطن]

العمودي في شارع سلوى
اذكر شفت عنده
جاهز مب تفصيل طبعا

وحجمه زين كبير مب صغير

[خزامئ]

عند نابينا
وعند المتحده

[معماري قطري]

ما شاء الله انتي تشتغلين بذوق عالي خصوصاً في الجبس وفي صور تشطيب البيت

ومن قريت .. كلمة تفصيل عرفت إنج ناوية تسوين شيء مميز لبيت الشاور .. عجبني الإتجاه الحالي لدمج حيز الشاور مع حيز البانيو في مساحة وحده وتكون مفصولة بباب زجاج .. والزجاج أنواع منها نوع يجي خفيف ومقوى صعب ينكسر .. ونوع منه يجي ينكسر ووقت الكسر ينزل على شكل كرات غير جارحة .. ونوع ينكسر بسهولة بس فيه طبقة بلاستيك تمنع تساقطه .. بالترتيب بالانجليزي Toughened .. Tembered .. Laminated .. ونصيحة بعض المحلات الدخيلة على الشغلة بتسوي لج قزاز سميك يعني على أساس يجي أقوى والمشكلة بيكون ثقيل وصعب يثبت وخطير لو انكسر .. أفضل شيء من رأيي الخفيف والمقوى بالبلاستيك وشوفي شركات الزجاج المختصة ممكن تسويه ولو مب مهم وايد عندج المنظر سوي له فريم ألمنيوم أو يو بي في سي ويركبونه بمفصلات قوية وتثبيت قوي أحسن .. ولو مهم المنظر وتبينه frameless ممكن بقطع خاصة ستانلس ستيل.

في حالة الفريم اليو بي في سي ممكن تركبين زجاج عادي لأن الفريم يعطي شوية حماية.

فيه محل قرب العزيزية وقرب الدوحة يو بي في سي مختص ويسوي بس اللي يشتغل فيه مصري وأذكر القزاز عادي .. ومحل ثاني سبكترآم قرب تقاطع السوق على طريق سلوى في سوق عين خالد أتوقع .. ونابينا بعد وغيرهم وايد

وبالتوفيق ولا تنسينا بصور.

[اللوز]

شغل ممتاز
نابينا

[لما]

http://im39.gulfup.com/OtB8P.png (http://www.gulfup.com/?h5NNPU)

[لما]

http://im36.gulfup.com/DUNyH.jpg (http://www.gulfup.com/?w8yLRy)

[لما]

شرايكم بشغل المتحده

نابينا ما عجبني ابدا

[كود نمبر]

والله ياختي انا مانصح فيه
واحد من الربع توه زالق في الحمام تكرمون وطاح على الزجاج
وسبب له قطع في اصابع يده اذا فيه بلاستك مقوى بيكون افظل

[NINA RICCI]

محل سبيكترا ارت شفت عندهم تشكيلات حلوه ..

بس انا ما اايد التفصيل ..

[ابوعلي]

محل سبيكترا ارت شفت عندهم تشكيلات حلوه ..

بس انا ما اايد التفصيل ..

ممكن عنوان المحل

[معماري قطري]

والله ياختي انا مانصح فيه
واحد من الربع توه زالق في الحمام تكرمون وطاح على الزجاج
وسبب له قطع في اصابع يده اذا فيه بلاستك مقوى بيكون افظل

هذا اللي أنصح به دوم .. ومشكلتنا بلادنا ما فيها قوانين بناء ملزمة وتاركين موردين ومنفذي الشغل على كيفهم والمفروض لمثل هذا الإحتياج يكون زجاج مقوى ببلاستك أو ينزل كحبات رمل أو ضد الكسر .. والمفروض لو فيه تجاوز أو غش من المحل تكون عليه قضية كبيرة.

[أم وضاحي]

هذا اللي أنصح به دوم .. ومشكلتنا بلادنا ما فيها قوانين بناء ملزمة وتاركين موردين ومنفذي الشغل على كيفهم والمفروض لمثل هذا الإحتياج يكون زجاج مقوى ببلاستك أو ينزل كحبات رمل أو ضد الكسر .. والمفروض لو فيه تجاوز أو غش من المحل تكون عليه قضية كبيرة.

المشكلة و ين بنحصل إللي تقول عليه ؟!!
حد عنده فكره

[معماري قطري]

المشكلة و ين بنحصل إللي تقول عليه ؟!!
حد عنده فكره

موجود عند جميع مختصين الزجاج الكبار والشركات العريقة .. حل ثاني ممكن تركيب الطوب الزجاجي ونوعية اوروبية قوية وهذي ممكن عملها بطريقة ما تسمح بخروج الماء.

[أم وضاحي]

موجود عند جميع مختصين الزجاج الكبار والشركات العريقة .. حل ثاني ممكن تركيب الطوب الزجاجي ونوعية اوروبية قوية وهذي ممكن عملها بطريقة ما تسمح بخروج الماء.

طيب كمل إحسانك و رشح لنا اماكن محدده
لأني حاليا وصلت لهاي المرحله و كلها كم أسبوع و أنزل البيت أن شاء الله

[Bozizoo]

انا مع تركيب طابوق بارتفاع متر و بعدين يركب زجاج
وذلك لسببين اولهم جمالي و ثانيهم امان و تقليل خطر احتماليه تكسر الزجاج

[معماري قطري]

طيب كمل إحسانك و رشح لنا اماكن محدده
لأني حاليا وصلت لهاي المرحله و كلها كم أسبوع و أنزل البيت أن شاء الله

مثلاً سبكترا أَو سبكترآم اللي قرب السوق المركزي .. مختصين زجاج بس مهم انتي تحددين النوعية .. ومهم للحمامات الزجاج يكون مقوى ببلاستك وما يتساقط أَو مثل ما ذكرت قبل وحطيت المصطلحات الانجليزية لأَنها مهمة في التوصيف .. الشيء الثاني البلاط للأَرضية ما يكون مزحلق وفيه ميزة عدم الانزلاق .. غيرهم أَتوقع كل مختصين الزجاج الكبار مثل الإختصاصي ونابينا ونشوان .. عندهم الغش والرخيص واللي قابل للكسر بسهولة وعندهم النوع المقوى ببلاستيك المهم احنا شنطلب.

المحلات الصغيرة كلها شغل أَي كلام .. شيء ثاني عندنا نوعيات بلاستك مخصصة للحمامات بس هذي ما اتوقع تجي تفصيل .. أَحسن فريملس مع فريمات ستانلس ستيل وقزاز مقوى ببلاستيك .. للجدران وللباب قطعة خفيفة واللي تسمى toughened وهذي مقواة ومعالجة حرارياً بحيث تكون رقيقة وخفيفة وقوية ولو انكسرت تنزل تتناثر ككرات صغيرة غير جارحة.

طبعاً الخفة مطلوبة للأَبواب والسمك والثبات مطلوب للجدران.