ماجستير

[حمد 2002]

السلام عليكم


بدخل بالكلام دايركت = بطريقه مباشره .. ابي اخذ ماجستير من قطر وتحديدا من جامعه قطر بس من شروطهم لازم توفل وانجليزي ومادري شنو !!! شالحل للي مايعرف ومايبي في نفس الوقت ياخذ ماجستيرر برع قطر ؟

نبي حل ..


بالتوفيق ..

[بوNasser]

تعلم انجليزي اذا هاذي متطلبات الماجستير.

او

تزوج انجليزية

منها تتعلم اللغة ، ومنها تحسن النسل.

تحياتي لك وللجميع.

[حمد 2002]

:shy:

[العلياا]

أخوي حمد
في مراكز تعليمية يعطون هالدورات
عندك المعهد البريطاني ممتاز

والأنجليزي الشي الوحيد اللي محتاج ممارسة مب شهادة

الله يوفقك

[حمد 2002]

وشلون بنمارس اختي العليا وكلماتي الانجليزيه الله بالخير ..

[العلياا]

تمارس تخالط الناس تقعد تتكلم انجليزي حتى مع رفيجك بتستغربها فالبداية
انا وخواتي عشان نحسن لغتنا نتكلم انجليزي فالبيت ونصحح حق بعض
الهدف انك تتعلم مب تفوشر مثل ما هو منتشر
وهاي الشي الوحيد اذا شغلك ما فيه انجليز
حتى موضوع انك تشوف افلام انجليزية ما راح يساعدك
لازم تاخذ وتعطي

الله ييسر لك

[وطن]

اللغة سهلة لو حبيت تتعلمها
وراح تتعلمها بسرعة
ادخل معهد وتابع افلام وبرامج انجليزية اربط الكلمة بالترجمة
بتوصل مرحلة انت تصحح للمترجم اللي في الفيلم

الممارسة بشكل يومي عندك لين تروح مطعم ولا تصب بترول ولا غيره

واذا عندك في الدوام اجانب اقعد وتناقش معاهم ولغتك بتتطور و تقوى

[حمد 2002]

شكرا العليا . وطن . بوناصر ..
بس مشكلتي لو اجوف افلام انجليزيه ولا احد ايكلمني بالانجليزي .. مافهم ولا كلمه ..

[بصمة قطرية]

بتتعلم حمد
من أنولد و هو بلبلب بالإنجليزي ..
بس لازم تكون عندك إرادة ..
إدخل معهد و شوف مستواك
و راح يحددون لك كم لفل تحتاج
عشان تاخذ التوفل ..
صدقني الإنجليزي سهل لو حبيته
طول ما إنت حاط في بالك إنك ما تعرف
و إنه صعب ما راح تتعلم ..
تحدي هالشي عشان تاخذ الماجستير
كل شي يبي له شوية تعب ..
شد حيلك والله يوفقك ..
نصيحة مني
إبتعد عن البرتش كانسل
دخلت ولدي كورسين ما إستفاد شي ..

[حمد 2002]

الله كريم يابصمه .. بس انا تنقصني الاراده نفس ماقلتي ..

[qatar.syria]

في كثير جامعات يعطون شهادات ماجستير اون لاين يعني وانت قاعد ببيتك بدون ما تسافر وبدون ما تروح

اسال عنهم يمكن يفيدوك

[المحاميه]

^

اغلبهم مش معترف فيهم

[VX.R]

حمد لا تتعب نفسك حتى لو عرفت إنجليزي ما راح تجيب التوفل .
الا انك تهاجر برا عشان تدرس ، ولازم تكون فوق السنة.

[النهار]

حمد لا تتعب نفسك حتى لو عرفت إنجليزي ما راح تجيب التوفل .
الا انك تهاجر برا عشان تدرس ، ولازم تكون فوق السنة.

هههههههههههههههههه
صدقتوه الريال يبي يشرد من التجنيد :secret:

[بو راشد 1]

لا تكسرون مياديفه، شجعوة على الدراسة

[العلياا]

حمد لا تتعب نفسك حتى لو عرفت إنجليزي ما راح تجيب التوفل .
الا انك تهاجر برا عشان تدرس ، ولازم تكون فوق السنة.

اسمحلي على المداخلة
لكن ما اعتقد انه الحل عندي واحد من اخواني اصر اصرار غريب انه يسافر برا عشان يدريس برا لكن بدون الالتحاق بمعهد او جامعة !! يقول بس بعيش سنة احتك بالعالم وبتعلم .. الوالد وافق وطرشه برا والشي الطبيعي انه بيروح مع حد من ربعه صدقني ما استفاد شي تحولت السفر من غرض تعليمي الى سياحة !!

صحيح الاحتاك المباشر مع الاجانب اسرع طريقة لتعلم اللغة لكن مب شرط يطلع برا البلاد

بالتوفيق للجميع