++ مساكن العزاب ++

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..



هل في يوم مر احد فيكم قدام بيت عزاب وشافه نظيف او ما حصل كركبه قدامه او اغراض او تحس بشعور المرض ..


هل الجوء اللي يسكنون فيه يساعدهم على الحياة او انه بس مش حالك و10 في حجرة وحده وفي حمام واحد ..

من الي عليه مسؤولية من هالوصاخه والامراض التي تتناقل ..

هل يجب على البلدية زيارة مساكنهم واعطاء مخالفة للمؤجر لهم او المستآجرين ..


http://www.alwasatnews.com/data/2013/3783/images/main_loc-11.jpg


الرجاء عدم التجريح في هذه العمالة ولكن نريد حلول لهم لانه مساكنهم صج مأساة وتآثر عليهم على وسكان المنطقة او الفريج !!

[عاشق العديد]

والله ياخوي شبح احنا زهقنا ..

قدام البيوت تحصل خمسميه موتر .. وماتدري شلون هذول كلهم ينامون فبيت واحد ..

انا ماني عارف هل هي فعلن بيوت عوائل ..
ولا بس عائله وحده والباقين كلهم عزاب ..

قدام البيت وصاخه وسيارت كجره خربانه محذوفه والي يقهر البلديه ماتشل السياير هاذي ..
وانا قدام بيتي كنت صاف موستنغ ومافيها شي .. بس موتر مزود ماقدر اسوقه 24 ساعه جاو وعطوني ورقة ازاله ..
وهاي موتر مافيه شي ..

[بانغ بانغ]

والله موضوع مهم والبلدية خبر خير . نفس الشي في الوكرة 16 عائلة في 3 غرف .....
شنقول

[بانغ بانغ]

الللوم على المؤجرين

[شبح الصمت]

والله موضوع مهم والبلدية خبر خير . نفس الشي في الوكرة 16 عائلة في 3 غرف .....
شنقول


الللوم على المؤجرين




والحل اخوي مب لازم يكون في تفتيش دوري للبيوت ذي دام لا يبون يشلونهم من وسط المناطق السكنيه والا يبون يكون شكلها نظيف ومرتب !

[شبح الصمت]

والله ياخوي شبح احنا زهقنا ..

قدام البيوت تحصل خمسميه موتر .. وماتدري شلون هذول كلهم ينامون فبيت واحد ..

انا ماني عارف هل هي فعلن بيوت عوائل ..
ولا بس عائله وحده والباقين كلهم عزاب ..

قدام البيت وصاخه وسيارت كجره خربانه محذوفه والي يقهر البلديه ماتشل السياير هاذي ..
وانا قدام بيتي كنت صاف موستنغ ومافيها شي .. بس موتر مزود ماقدر اسوقه 24 ساعه جاو وعطوني ورقة ازاله ..
وهاي موتر مافيه شي ..


ما حاولت تتواصل مع البلدية تشوف لهم حل ..
لانه صج مأساة

[بانغ بانغ]

طال عمرك ليش ما يؤجرون بلوك مال بروة او ازدان خاص للعمال

[شبح الصمت]

طال عمرك ليش ما يؤجرون بلوك مال بروة او ازدان خاص للعمال



حتى لو أجروه راح يقلبونه نفس المساكن الخارجية عدم اهتمام ونظافة لانهم تعودوا على هالشيء ..
بس ليش ما يكون في رقابة من البلدية تفتر عليهم اتابع تشوف ..

لانه وصاخة البيت وعدم الاهتمام فيه تآثر على هالانسان وتسبب له امراض والامراض تنتشر بينهم البين وبسرعة ولا ننسى منهم من هو عامل معنا في العمل او في مطعم او او في اماكن كثيرة ..

اقل ما فيها يوعونهم وما يخالفونهم يخوفونهم

[khalid Qtr]

الحل يتمثل بإقامة مجمعات سكنية للعمالة خارج الدوحة أو في الصناعية الجديد ويتم تأجيرها لهم ..

[بشائر]

اللهم صل وسلم عليه وبارك ..

موضوع مهم شكرا لك على الطرح ..

نعم يفترض أن تقوم البلدية بمتابعة هذه المساكن ومخالفة أصحابها والمؤجرين لها عند اكتشافهم
لمثل هذا المستوى المتدني من النظافة ..
الموضوع مهم ولازم المسؤولين في البلدية يسلطون الضوء عليه وتكون هناك حملات تفتيش مستمرة .

[شبح الصمت]

الحل يتمثل بإقامة مجمعات سكنية للعمالة خارج الدوحة أو في الصناعية الجديد ويتم تأجيرها لهم ..


هذا اخوي حل بس بعد النظافة عامل اساسي لحياة الانسان



اللهم صل وسلم عليه وبارك ..

موضوع مهم شكرا لك على الطرح ..

نعم يفترض أن تقوم البلدية بمتابعة هذه المساكن ومخالفة أصحابها والمؤجرين لها عند اكتشافهم
لمثل هذا المستوى المتدني من النظافة ..
الموضوع مهم ولازم المسؤولين في البلدية يسلطون الضوء عليه وتكون هناك حملات تفتيش مستمرة .


صدقيني اختي بشائر مأساة لو بس اطلين من الباب تشوفين الله يعز ويكرم الحاضرين اوصاخه ..
يعني اهتمام بسسيط البيت الي يسكنونه العمال مدري لو لونه ابيض يقلب لونه غير مع الايام من الوصاخة ..

[شبح الصمت]

كم مسكن عزاب حوالينكم في الفريج


وهل الكلام الي قلته صحيح وإلا لا

وهل انت من الناس الي تحاول تساعد في حل هالمسألة ام انك مالك بارض تعور رأسك وتعال وروح !!

[عصير بو نص]

لو اشتكيتو البلديه ماراح يقصرون البيت اللي جنبنا أجرته صاحبته على عمال ماكنا نشكي من الوصاخه الحمد لله بس حوش البيت كان استور لكيابل الكهربا والمعدات واشتكينا عليهم ومن شافو البيت على طول جاهم قرار الاخلاء و بعد شهر طلعو منه

[النهار]

طال عمرك ليش ما يؤجرون بلوك مال بروة او ازدان خاص للعمال

لان طال عمرك هل بلوكات اخذتها جهات رسميه لموظفيها
وبعدين مساكن بروه عندهم شروط للسكن لاتستطيع ضرب مسمار في الجدار الا بعد اخذ الموافقه منهم
مفروض من الجهات المختصه تعمل لهم سكن في اماكن بعيده عن العوائل
مره واكثر من مره وفي اماكن عده دخلت سكن عمال وموظفين مكس كل غرفه فيها 10 اشخاص الغرفه 4*4
توصيلات كهرباء اي كلام عمرك شفت مكيف طن ونصف يعمل على 15 امبير وايرات كهرباء مكشوفه سواكت كهرباء مكسوره
مساكنهم ترتع فيها الحشرات صراصير وبق وفئران وسحالي وقطط في المطابخ المفتوحه طاوله في الحوش مع بوتوجاز مسطح
وكباته معلقه على الجدران وغرف من الصفيح والخشب جميع الاضافات تتم من غير ترخيص
احمال زياده على الكهرباء مما يتسبب في حريق
بالاضافه الي المنظر الغير حضاري لهذه المساكن بسبب انه لاتعمل للمنزل صيانه دوريه

[Dana’1]

ماله داعي واحد يدخل مساكنهم..الكتاب واضح من عنوانه....فيكفي إنك تمر بس وتعرف الوضع العام للي بالبيت
تشوف البيت الواحد بدون مبالغة قدامه يوقف ظ£ باصات تاتا وباص أو باصين صغار
طبعا ناهيك عن موقع سكن هالعماله إلي يضر المواطنين بشكل كبيير
بعدين يقولون إننا نهتم بالعماله وبحقوقهم !


المفروض بصراحة الدوله تبني مسااااكن كبيييير نفس بروة تقريبا
وتجبر أصحاب الشركات التأجير للعماله فيها .. والدخل يستفيدون منه في أي جانب إصلاحي سواء لسلوك العماله أو تعليمهم الدين الإسلامي والفعاليات للترفيه الخاصة بهم

وأي عامل يسكن خارجها تسجل كمخالفه يعاقب عليها القانون

من حقهم بصراحة ياخذون راحتهم ومن حق المواطنين يرتاحون نفسيا
مايصير كذا محاصرينا من كل مكان هالعماله..الحين لما أرد للريان أتألم للي أشوفه من تواجد وكثرة العماله وسط العوايل و القطريين ومنظر وطريقة صف السيارات بالأحياء توحيلك بأن المنطقة منكوبه ..الله لا ينكب لنا حال

أتمنى من الجهات المسؤله الإنتباه لهذه النقطه والسعي في إصلاحها

[شبح الصمت]

لو اشتكيتو البلديه ماراح يقصرون البيت اللي جنبنا أجرته صاحبته على عمال ماكنا نشكي من الوصاخه الحمد لله بس حوش البيت كان استور لكيابل الكهربا والمعدات واشتكينا عليهم ومن شافو البيت على طول جاهم قرار الاخلاء و بعد شهر طلعو منه


لان طال عمرك هل بلوكات اخذتها جهات رسميه لموظفيها
وبعدين مساكن بروه عندهم شروط للسكن لاتستطيع ضرب مسمار في الجدار الا بعد اخذ الموافقه منهم
مفروض من الجهات المختصه تعمل لهم سكن في اماكن بعيده عن العوائل
مره واكثر من مره وفي اماكن عده دخلت سكن عمال وموظفين مكس كل غرفه فيها 10 اشخاص الغرفه 4*4
توصيلات كهرباء اي كلام عمرك شفت مكيف طن ونصف يعمل على 15 امبير وايرات كهرباء مكشوفه سواكت كهرباء مكسوره
مساكنهم ترتع فيها الحشرات صراصير وبق وفئران وسحالي وقطط في المطابخ المفتوحه طاوله في الحوش مع بوتوجاز مسطح
وكباته معلقه على الجدران وغرف من الصفيح والخشب جميع الاضافات تتم من غير ترخيص
احمال زياده على الكهرباء مما يتسبب في حريق
بالاضافه الي المنظر الغير حضاري لهذه المساكن بسبب انه لاتعمل للمنزل صيانه دوريه


ماله داعي واحد يدخل مساكنهم..الكتاب واضح من عنوانه....فيكفي إنك تمر بس وتعرف الوضع العام للي بالبيت
تشوف البيت الواحد بدون مبالغة قدامه يوقف ظ£ باصات تاتا وباص أو باصين صغار
طبعا ناهيك عن موقع سكن هالعماله إلي يضر المواطنين بشكل كبيير
بعدين يقولون إننا نهتم بالعماله وبحقوقهم !


المفروض بصراحة الدوله تبني مسااااكن كبيييير نفس بروة تقريبا
وتجبر أصحاب الشركات التأجير للعماله فيها .. والدخل يستفيدون منه في أي جانب إصلاحي سواء لسلوك العماله أو تعليمهم الدين الإسلامي والفعاليات للترفيه الخاصة بهم

وأي عامل يسكن خارجها تسجل كمخالفه يعاقب عليها القانون

من حقهم بصراحة ياخذون راحتهم ومن حق المواطنين يرتاحون نفسيا
مايصير كذا محاصرينا من كل مكان هالعماله..الحين لما أرد للريان أتألم للي أشوفه من تواجد وكثرة العماله وسط العوايل و القطريين ومنظر وطريقة صف السيارات بالأحياء توحيلك بأن المنطقة منكوبه ..الله لا ينكب لنا حال

أتمنى من الجهات المسؤله الإنتباه لهذه النقطه والسعي في إصلاحها




الله يعطيكم العافيه على المشاركة وسرد عليكم لاحقاً بس لانه المخ اشوي مهب متبرمج على هالرود حالياً


أعتذر اخواني وخواتي

التفههههي حده

[طبيب قطري]

شكثر شكينا مافي فايده، ويقولونلك مطلعين حملات مفاجئه وبشيلون المساكن المخالفه، انزين ليش ماشالوا سكن العمال اللي صوب بيتي!!

[معماري قطري]

لازم يكون فيه قانون ينظم العملية وجهات تتابع وتشرف وتتخذ القرار .. قبل السيارات يركبون طعش طعش واحد ورا بدون حماية .. يوم منع المرور واستوى يخالف ومخالفات قوية الكل التزم .. أَلحين سامحين بالتأَجير بالباطن وناس وايد لعبوا ببيوت أَهل قطر ولعبوا بأَبناء جلدتهم .. لدرجة إِنك استويت تشوف 3 أَو 4 عوائل في بيت 3 غرف .. والمأساة تحصل بينهم كم عازب في حتى ممكن نفس الغرفة مفصولة بفاصل خشبي رقيق أَو قماشي.

انا جنب بيتي روضة أَطفال كانت بيت صغير .. وكم مره ذكرت هالقصة أتوقع حفظها الجميع .. الروضة شغالة في الصبح روضة وفي الليل سكن عزاب وكانوا يسون فيها حفلات عيد ميلاد وراس السنة في الحوش .. والفلبينيات يتراكضون وضحك ورقص .. بلغت عنهم مرتين وآخر مره ما قصر ضابط من عيال ناس طيبين ولا اللي قبله لا يهش ولا ينش .. وطرش لهم تحريات سمعوا الأصوات وداهموا الروضة وشلوهم .. لكن بتقول الروضة سكرت أَو وقف عملها شغالة على طول ومن تهدأ السالفة بيردون على عادتهم وبهدوء وداخل الغرف بعد ما كانوا في الحوش.

[khaldoon]

اخوي انا واجهت هالمشكله في البيت الي كنت مستأجره من قبل و رحت و شكيت للبلديه و خبر خير و اكثر من مرة و صدقني الموضوع امتد لاكثر من سنتين وما سووا شي و انا طلعت من البيت و هم ظلوا موجودين

تخيل كل ما اراجع بلدية الدوحه قسم العماله بين العائلات يقولون طلبنا من كهرماء انها تعطينا رقم الكهرباء و الماء علشان نستدل على اسم المؤجر صاحب العقار ... اعطيتهم رقم العقار و رقم الكهرباء و الماء و اسم المؤجر و تليفونه و وين يشتغل و شكيت اكثر من مرة و ما صار اي شي

[طبيب قطري]

اخوي انا واجهت هالمشكله في البيت الي كنت مستأجره من قبل و رحت و شكيت للبلديه و خبر خير و اكثر من مرة و صدقني الموضوع امتد لاكثر من سنتين وما سووا شي و انا طلعت من البيت و هم ظلوا موجودين

تخيل كل ما اراجع بلدية الدوحه قسم العماله بين العائلات يقولون طلبنا من كهرماء انها تعطينا رقم الكهرباء و الماء علشان نستدل على اسم المؤجر صاحب العقار ... اعطيتهم رقم العقار و رقم الكهرباء و الماء و اسم المؤجر و تليفونه و وين يشتغل و شكيت اكثر من مرة و ما صار اي شي


هذا بالظبط اللي قاعد يصير معي!

[khaldoon]

هذا بالظبط اللي قاعد يصير معي!

بارك الله فيك انك اكدت قصتي ....تخيل انه البلديه على طول يقولون راسلنا كهرماء و كهرماء للحين ما ردوا علينا و الموضوع تأخر وايد..... تحس انه ما في اي تنسيق بين الدوائر الحكوميه مع بعضها البعض ....فكرت كذا مرة احط موضوع بالمنتدى عن غياب التنسيق بينهم من خلال معاناتي لنفس الموضوع بس كل مره اهون و الحين لقيتها فرصه مناسبه انه اذكر الموضوع

[بوخالد911]

المشكلة تبدا من المالك

يرضخ للايجار بمبلغ كبير
فيسكت

[alsoq]

ياخوك جنبنا بيت فيه 5 عوايل البيت شعبي ولا فيه اي اضافات وقديم
محرقه داخل يصلحون فيه مكيفات بعد ويغسلونها والله اللي اقوله لك الصدق
ارجعت الفيران الكبار السود تجي من عندهم

البيت لا يصلح للسكم كلش البيت عمره فوق 35 سنة ومهتري شلون ساكنين فيه مدري

كلمنا البلديه وجاوا ولا فعلو شي كلش

والمصيبه انهم يوقفون قدام مواقف بيتك عيالنا وجماعتنا ما يحصلون موقف