السفر الى الصين

[k.fatma]

السلام عليكم ورحمة الله وبركاته
انشالله عقب اسبوعين باروح الصين لتأثيث البيت الجديد
ابي ارائكم ونصايحكم ومن فيكم راح الصين وشلون البضاعه والاسعار

[بانغ بانغ]

اتجنبوا الامور مثل الابواب او الاثاث الكبير او الأشياء الكهربائية
وايد شباب جابوا مطابخ وحمامات وانتوا بكرامة وابواب واطلعت غير

[بانغ بانغ]

انا اثثت بيتي من الرياض والكويت والدمام شي عجيب

[بونووف]

الاسعار تختلف على حسب الجوده .. اهم نقطه انه حد يكون موجود وقت مايدخلون الاثاث الكونتينر .. لانه يمكن يجيبون لكم لون غير او شي من المعروض عندهم

صارت لنا وصارت حق رفيجي

[بونووف]

انا اثثت بيتي من الرياض والكويت والدمام شي عجيب

وايد ناس يمدحون الرياض .. يقولون انها اوفر من الصين اذا حسبت فلوس الشحن وتكاليف السفر

[سهم..]

تروح وترجع بالسلامة والتوفيق
1- لف سوق الدوحة عدل واعرف الأسعار والنوعية والجودة واعرف سعر كل شي
2- اذا تبي الاشياء الرخيصة ولو كانت أقل جودة فلا تتعب وتسافر بتحصلها في الخليج بسعر مقارب
3- أسواق الأثاث في الصين ثلاث درجات عالي وسط أقل .
الجودة العالية : سعرها غالي جداً جداً
الجودة الوسط : لك فيها خيارات كثيرة وجودتها تعتبر ممتازة وسعرها مناسب
الجودة الأقل : متوفرة عندنا وبكثرة وأسعارها ما تفرق كثير بين الصين والخليج
فاصل وكاسر بنفسك ولا تعتمد اعتماد كلي على المترجم
فالمكاسر لو تنزل إلى أقل من النص عادي
4- اختيار المكتب والترجمة مهم جداً
5- صور كل شي تاخذه عشان ماتنسى ويش أخذت مع كثرة الأغراض
6- كل شي تاخذه اسأل المترجم عن ضمان وصوله الدوحة سليم

الله يحفظك ويلهمك الصواب والرأي السديد

[الرويـس]

السعووووووووووووووودية والامارااااااااااااااااااااااااااااااااات
افضل من الصين
كمسافة وتعامل وسعر مقارب جدا وشحن أسهل وخدمة أفضل في حال اللخبطة

[فريج النجادة]

الشحن من الصين غالي جدآ

والبضاعة الصينية موجودة في السعودية

والنقل في حدود 1500 ريال

والنقل من الصين يكلف اكثر من 10 الاف ريال