انا قطري مب لابس حزام الامان ...

[حمد 2002]

السلام عليكم ورحمه الله وبركاته


الموضوع يحمل العنوان التالي

(( انا قطري مب لابس حزام الامان ... ))

انا قطري مب لابس حزام الامان وبالمقابل انجوف الاجانب اول مايشغلون السياره يربطون حزام الامان ...

انا قطري مب نازل اشتري لي حليب وروتي من السوبرماركت وبصيح هرن للهندي وهو ايجيب الطلب غصبن عنه !! وبالمقابل تجد الاجنبي ينزل من السياره لكي يجيب غرشه ماي وحده !!


انا قطري مب عاد الخرده الي يعطيني اياها الهندي وبالمقابل اتحصل الاجنبي ايعد الخرده ريال ريال ...

انا قطري مابي اشتغل واتعب نفسي بالشغل .. وبالمقابل اتحصل الاجنبي يكرف لين آخر رمق من الدوام ...


انا قطري مابي اوقف بطابور الانتظار وبالمقابل اتحصل الاجانب ايوقف بالطابور لأنتظار دوره !!!

انا قطري بطلب من المطعم لعدد 2 وبالمقابل اتحصل الاكل الي طالبه ايكفي فريجهم كله خخخ والاجنبي ايتقاسم السنوديجه مابينه وبين زوجته !!!


انا قطري مب دارس الا آخر اسبوع قبل الامتحانات وبالمقابل اتحصل الاجنبي يدرس حتى بالاجاره !!!



كيف نغير طريقه تفكيرنا تلك ؟ !!!

وهل نستطيع رغم استمرارنا بنفس نمط الحياه تلك ؟

بالتوفيق ..

[مو مهم]

سؤال
سويت معاينه للموضوع وقريته قبل لا تنزله ..؟

[قطريه22]

الحزام احسه يزنط الواحد
هو للامان في حالة الحوادث بس الحوادث الخشنه لاقدر الله فهو يمنع الشخص من انه يطير بره السياره ويحميه

فالافضل لبسه للكل
يمكن الي مايحب يلبسه يستحي او يقول بيعفس ثيابه

[حسن]

يادين امي

:weeping:

[حمد 2002]

سؤال
سويت معاينه للموضوع وقريته قبل لا تنزله ..؟

مالمقصد من سؤالك ؟

[حمد 2002]

الحزام احسه يزنط الواحد
هو للامان في حالة الحوادث بس الحوادث الخشنه لاقدر الله فهو يمنع الشخص من انه يطير بره السياره ويحميه

فالافضل لبسه للكل
يمكن الي مايحب يلبسه يستحي او يقول بيعفس ثيابه

مممم انا لاحظت بان اغلب النساء القطريات يلبسون حزام الامان بعكس الشباب ... ماسبب ذلك ؟

[حمد 2002]

يادين امي

:weeping:

:weeping:

[مو مهم]

فضوول

[حمد 2002]

فضوول

لا لا لازم اعرف يالله تكلم ..

[العنيده]

مممم انا لاحظت بان اغلب النساء القطريات يلبسون حزام الامان بعكس الشباب ... ماسبب ذلك ؟

التزم بالقانون لان السواقه تخرع صارت و مافيني يوقفني شرطي او اتخالف اخاف :rolleyes2:واحراج لي كبنت وحاليا اشوف بعض الشباب ملتزمين بالحزام اكثر يارب دوم مب لان تفتيش :rolleyes2:
بالنسبه حق النقاط اللي طرحتها برايي اعتبرها تعود عودونا نهرن يجيب راعي الدكان الاغراض عودونا مافي طابور لان عددنا قليل قبل مب دلع بس عاده ونمط حياه بسيطه .. والحين مع تغيير الافكار وقدوم الوافدين اتوقع باذن الله يتغير هالشي للافضل طبعا نقدر ناخذ من الزوار الشي الايجابي منهم ..

وشكرا على الطرح اخوي حمد ..

[قطريه22]

مممم انا لاحظت بان اغلب النساء القطريات يلبسون حزام الامان بعكس الشباب ... ماسبب ذلك ؟

ههههههههههههههه السبب انهم يخافون يتخالفون ههههههههههه

[الـقـاسـي]

والله اخوي حمد انا قطري وفي قطريين كثير مايتصرفون بنفس الطريقة اللي ذكرتها

[Right]

كثير من القطريين لا يفعلون الأشياء التي ذكرتها



الحمدلله أنني قطري



" فاقد الشيء لا يعطيه "

[مو مهم]

جاوبوك الربع

لاننا قطريين وما نسوي هالشي

عرفت ليش سالتك قريته بعد ما كتبته .. قارنته بالواقع ...

اتمنى انك ما تشوف الدنيا بعين وحده

[khalid Qtr]

للأمانة هذه التصرفات تكاد تندثر في المجتمع القطري ، أكثر من حالة تجاوز حدثت مؤخراً فيما يخص الانتظار في الطابور ووجد المتجاوز من يقف في وجهه ويرجعه من اهل قطر ، صارت في المراكز الصحية أكثر من مرة وتم التصدي لها ..

أما ما يخص حزام الامان فهو ضروري جدا وفيه تتحقق السلامة

[بانغ بانغ]

السلام عليكم ورحمه الله وبركاته


الموضوع يحمل العنوان التالي

(( انا قطري مب لابس حزام الامان ... ))

انا قطري مب لابس حزام الامان وبالمقابل انجوف الاجانب اول مايشغلون السياره يربطون حزام الامان ...

انا قطري مب نازل اشتري لي حليب وروتي من السوبرماركت وبصيح هرن للهندي وهو ايجيب الطلب غصبن عنه !! وبالمقابل تجد الاجنبي ينزل من السياره لكي يجيب غرشه ماي وحده !!


انا قطري مب عاد الخرده الي يعطيني اياها الهندي وبالمقابل اتحصل الاجنبي ايعد الخرده ريال ريال ...

انا قطري مابي اشتغل واتعب نفسي بالشغل .. وبالمقابل اتحصل الاجنبي يكرف لين آخر رمق من الدوام ...


انا قطري مابي اوقف بطابور الانتظار وبالمقابل اتحصل الاجانب ايوقف بالطابور لأنتظار دوره !!!

انا قطري بطلب من المطعم لعدد 2 وبالمقابل اتحصل الاكل الي طالبه ايكفي فريجهم كله خخخ والاجنبي ايتقاسم السنوديجه مابينه وبين زوجته !!!


انا قطري مب دارس الا آخر اسبوع قبل الامتحانات وبالمقابل اتحصل الاجنبي يدرس حتى بالاجاره !!!



كيف نغير طريقه تفكيرنا تلك ؟ !!!

وهل نستطيع رغم استمرارنا بنفس نمط الحياه تلك ؟

بالتوفيق ..

والله كلامك صح حمد ... ليش فينا غرور وكبرياء

[bos3eed]

اللي ذكره حمد من صفات تميز المجتمع صحيح, وكان المفروض تضيف عليه ادعاء المثاليه وانكار الواقع. لكن في نفس الوقت اقول لحد يكبر السالفه, هالاشياء ماتعتبر مشاكل كبيره

[qatara]

لبس مالبس هو حر هو المستفيد او المتضرر

مالكم ومال الناس الي هذه الدرجه تدخل

[مختلفة عقليا]

السلام عليكم .,

بعض مما ذكرت موجود .,

خصوصا ما يخص الاسراف ., وعدم احترام قوانين المرور .,

طبعا الموضوع اولا واخيرا ., يرجع للتربيه والمفهوم (( الخاطئ )) لبعض الافكار .,

ويسلموو .,

[غايه الطواش]

والله ياحمد الي تقوله اشوفه كثير ومن دون مبالغه
سواء من حريم او رياييل

اليوم الصبح واحد عطلنا عند مدخل الدوام بسبب ان يبي يدخل الدوام ويطلع من الجهه الثانيه اختصار للطريق ع ان شغلنا لازم تدخل بتصريق وتصرف بكبر وعجهيه وصارخ على السيكيورتي , لاهي الي مشى بالطريق الثاني مثل باقي الناس ولاهو الي خلى الموظفين يدخلون الدوام بسبه ان واقف ع البوابه مناحس !

[HuNTeR_QTR]

السلام عليكم

اسمحلي ياخوي اقولك كلامك غير صحيح لما تقارن القطري بالاجنبي في هذي الامور...

الحمدلله ان القطريين واعيين وعندهم ادراك لاحترام القوانيين..

الايام هذي ياعزيزي الاجنبي صار يخرق القوانين وصار يتجاوزها ويضربها بعرض الحيط..

صار الاجنبي عنده من الواسطه مايكفيه انه يتخطى اي قانون..

كثير من اخوانا الوافدين مايلبس الحزام ويتجاوز من اليمين وياخذ خط المواقف ويركب الرصيف ويطوف اشارة اليسار من اليمين و و و و

والله ثم والله ان شوف عيني ومواقف مرت علي شخصيا ان القطري يطبق ويحترم القوانين والاجنبي يخالفها..

اذا القطري يوقف ويهرن للهندي عشان الطلبات ترى الاجنبي يسوي نفس الشي.. واذا القطري يطلب حق فريج وهم شخصين الاجنبي ياكل في اغلى المطاعم,, والقطري اذا زاد الطلب خذه بارسل وعطاه عامل النظافه ولا واحد محتاج..

لو بارد على موضوعك يبيلي موضوع بروحي بمالقارنه العكسيه لك ,, ماقول الا افتح عيونك وشوف حواليك عدل بتلاقي كلامك غلط واسمحلي على الاطاله ومشكور

[شبح الصمت]

كم شيء طرحته

الحزام
الدراسة
وووالخ ..





ركز بوشهاب ترى محد يلحقك وانت تكتب صدقني

ريلكس خذ نسم واكتب على سعة ولا تفكر انه الموضوع راح احد يكتبه عنك او احد راح يطرح مثل فكرتك ..

مواضيعك بنتابعها ونرد عليها ومستمعتين بالمناقشة معاك ومع الاعضاء ..

ريلكسن ريلكسن

[خليفـة]

بالنسبة لحزام الامان
اول ما كنت احب احطه .. وكان يضايقني
خذت موتر يطلع صوت اذا ما لبسته .. ويوقف الصوت بعد فتره

وعقب خذت موتر الماني .. ولكن كان صوت تنبيه حزام الامان يستمر لين البسه
وقلمت البسه وتعودت على لبسه

للأمانة .. حزام الأمان ضروري للغاية
الأعمار بيد الله سبحانه .. ولكن هو من الاسباب الي تقلل نسبة الاصابة في
حال تعرض الواحد لحادث .. سواء من الامام او الخلف
او حتى في انقلاب السيارة لا سمح الله .

اما بالنسبة لباقي ملاحظاتك اخوي حمد .. اعتقد كل انسان يتصرف بحكم تربيته
والتزامه الديني بينه وبينه ربه

الانسان الي تربى على الاعتماد على النفس .. والاقتراب من الله
بتلقاه انسان غير اتكالي وغير مغرور وغير متكبر
ويقوم بعمله ويؤديه على اكمل وجه

والانسان المغرور المقصر
توقع منه كل شي يسيء لنفسه

خليفــة

[الركادة]

يقولك يا حمد في علم النفس

أول خطوة في العلاج (الإعتراف) بوجود العلة

وهذا اللي نفقده ..ننكر وجود الخطأ برغم من انا نشوفه كل يوم ويخالف تعاليم ديننا


وندخل في متاهة النسب (بكسر النون ) والارقام ..كم قطري انت شفت وكم قطري انا شفت :anger1:

وننسى موضوعنا وبتطلع فالاخير غلطان من راسك لريولك

واللي تكلمت عنه كائن فضائي

[الركادة]

كم شيء طرحته

الحزام
الدراسة
وووالخ ..





ركز بوشهاب ترى محد يلحقك وانت تكتب صدقني

ريلكس خذ نسم واكتب على سعة ولا تفكر انه الموضوع راح احد يكتبه عنك او احد راح يطرح مثل فكرتك ..

مواضيعك بنتابعها ونرد عليها ومستمعتين بالمناقشة معاك ومع الاعضاء ..

ريلكسن ريلكسن


:omen2:خل الريال يعبر قلبه متروسه

[Rider]

مب كل القطريين ياخوي يسون كل الي كتبته

[شبح الصمت]

:omen2:خل الريال يعبر قلبه متروسه



اي قلب

كلنا قلوبنا فيها شيء بس بعد لازم في جانب ايجابي

ذبحنا السلبي يالركاده

[وليف الشوق]

يادين امي

:weeping:

ههههههههههههههههههههههههههههههههههههههههه يقطع سوالفك ياحسن وربي ماالومك مجرد شوفتك لموضوع حمد وانا والله خاطري اعضه
ياااااااااااااااااااااااااااااااااااااااااااااخي لا تعمم وانا معك لكن كل اللي قلته انا من الناس مااسويه واللي يسويه ياااخي هذا استايله ومتعود عليه

[يمامـة]

نوعا ما كلامك صحيح في تصرف القطري من ناحية انه يحق له يسوي أشياء بعينها

في حين المقيم تلقاه يتحرك ويلتزم في بعض الأمور مب كلها من قوانين المرور ,,

يمكن هالثقافة المتوارثة يا حمد كسبها الواحد من وجود من يخدمه في الدكان ،،

لكن في المجمعات تلقى القطري يدور مواقف لين تطلع عيونه وعقب ما تطلع عيونه يصف سيارته
ويروح المجمع ويشل أكياس مشترياته بروحه ويرد يركب سيارته ومرات تلقاه داز العربانة ويرتب اغراضه في
السيارة ...................> اصبر عليهم بيتغيرون وبنتغير كلنا ان شاءالله ،،

[لقمان]

موضوعك ذكرنى بسالفة فى احد الشيبان مر من الاشارة والاشارة شابة حمرة المهم الرجل تجواز الااشارة والا ب رجال المرور اوقفو الشايب احد الشرطة قال لة ليش تمر والاشارة حمرة رد عليهم وقال الاحمر مو حق الاجانب فقط

[S S]

كل واحد يمثل نفسه

[بوحارب]

خاطري اكتب لك 40 سؤال بس كذا من الملل ههههه

[الفا برافو]

اخوي حمد نسيت تقول انا قطري او قطريه اركب عيالي الصغار جدام ويتمون واقفين واحياناالصغير في حضني ونا اسوق !!!

[الركادة]

حمد يفتح الموضوع وبعدها ما يتكلم ولا يرد ولا يمر حتى

كاني بفتح موضوع بهالخصوص

[الركادة]

اخوي حمد نسيت تقول انا قطري او قطريه اركب عيالي الصغار جدام ويتمون واقفين واحياناالصغير في حضني ونا اسوق !!!

راحت عليج الشيخة

حمد ما يرد
وتبينه يزيد وينقص

مالج امل اقول

[بومحمد المطاوعه]

بارك الله فيك ياخوي حمد ع الطرح


انا عن نفسي مافي امل اقول في نفسي هالكلام كله

قطري ولا اجنبي
الي يخاف الله يخاف الله

الي بيحافظ على حلاله بيحافظ

بس انا برد على سالفه الحزام والسوبرماركت

انا من القطريين الذين يلبسون الحزام
اما سالفه البقاله على حسب النفسيه الصحه
اذا كنت تعبان ما انزل واذا كنت مركلس انزل واتشرى

ف عادي جدآ ياخوي
بتلقى جذي وبتقلى جذي

تحياتي لك

[المحاميه]

انا قطري مابي اشتغل واتعب نفسي بالشغل .. وبالمقابل اتحصل الاجنبي يكرف لين آخر رمق من الدوام ...!



بالتوفيق ..

فيه ناس امس شارده من الدوام وقاعده فالبيت تتصفح المنتدى!؟!؟


انزين ليش عنوان الموضوع عن حزام الامان والمضمون عن القطري نفسه وحركاته ؟

[بوخالد911]

بااالغت كثيرا

هداك الباري

[R 7 A L]

كيف نغير طريقه تفكيرنا تلك ؟ !!!


3 شهور في امريكا وبتضبظ الامور
وبيحترم القانون من لايحترمه

[أم محمد 90]

انا مالبس حزام الامان يسلل العباه

[المارونـــي]

جاوبوك الربع

لاننا قطريين وما نسوي هالشي

عرفت ليش سالتك قريته بعد ما كتبته .. قارنته بالواقع ...

اتمنى انك ما تشوف الدنيا بعين وحده

:app::app::app::app:

[مضارب دوسري]

ياخي حمد كلم البنوك ترى ملينا مب حاله هذي !

نبيهم يزودون مكاين ال atm اللي تسحب وانت فالسياره
ماصارت ياخي
احيانا الواحد يضطر ينزل من سيارته تخيل ينزززززززل من سيارته ويمشي مسافه طويله تصل الى 10 متر عشان اسحب !
لو توسخ ثوبي او شي من هالقبيل يعني ارجع البيت ابدل عشان ابي اسحب فلوس من حسابي

لي متى يعني ؟

[ya3coub]

السلام عليكم

اسمحلي ياخوي اقولك كلامك غير صحيح لما تقارن القطري بالاجنبي في هذي الامور...

الحمدلله ان القطريين واعيين وعندهم ادراك لاحترام القوانيين..

الايام هذي ياعزيزي الاجنبي صار يخرق القوانين وصار يتجاوزها ويضربها بعرض الحيط..

صار الاجنبي عنده من الواسطه مايكفيه انه يتخطى اي قانون..

كثير من اخوانا الوافدين مايلبس الحزام ويتجاوز من اليمين وياخذ خط المواقف ويركب الرصيف ويطوف اشارة اليسار من اليمين و و و و

والله ثم والله ان شوف عيني ومواقف مرت علي شخصيا ان القطري يطبق ويحترم القوانين والاجنبي يخالفها..

اذا القطري يوقف ويهرن للهندي عشان الطلبات ترى الاجنبي يسوي نفس الشي.. واذا القطري يطلب حق فريج وهم شخصين الاجنبي ياكل في اغلى المطاعم,, والقطري اذا زاد الطلب خذه بارسل وعطاه عامل النظافه ولا واحد محتاج..

لو بارد على موضوعك يبيلي موضوع بروحي بمالقارنه العكسيه لك ,, ماقول الا افتح عيونك وشوف حواليك عدل بتلاقي كلامك غلط واسمحلي على الاطاله ومشكور

أخوي هنتر قطر

اشكرك على الرد الكافي و الوافي

ولا اقدر ازيد عليك ذكرت كل الي فكرت فيه اول ما قريت الموضوع

اللهم انه المشكلة موب فالقطري عامة بل فنسبة من القطرين الي ما قدرو يتركون العادة القديمة
و شافو الناس اتطور و تحسن من معاملاتها و افعالها

و صار كل همهم كقطرين انهم يذكرون سلبيات فئة من القطرين و يعممونها عالكل للأسف الـــستيريو تايب القطري القديم تبدل مدري ليش في ناس تحب تجلبه او انشوفهم فالشارع من وقت لوقت !!!

[Super Cool]

الأسباب معروفة

أولاً الإحساس الذاتي بالإستحقاق...مثال...ليش تبي يعطونك كذا انت شنو سويت علشان تستحقا؟...لأني قطري!!!

ثانياً الكسل و الخمول....إحنا شعب يكره الرياضة و الحركة و يحب الخمول و الجنك فود...صارت الكرشة جزء من الهوية القطرية

ثالثاً الإهتمام بآراء الناس و كثرة مراقبة الغير...احنا شعب يحب النميمة و العقار و وايد نهتم بتعليقات غيرنا

رابعاً الحسد....احنا شعب حسود اذا قلت له ليش تسوي كذا يقول لك فلان سوى و محد قاله شي!!!!

[حمد 2002]

أشكر كل من مر على هالموضوع كلن بأسمه ... فرد فرد .. او من شاهد هالموضوع بصمت من خلف الشاشات :shy: ..