كارثة في الطريق .....

[بانغ بانغ]

الشارع اللي بين دوار كهرماء واشارات الباراشوت بعد مرور المطار .....
توجد مدرسة اجنبية ....
الاهالي ايوقفون في الجهة المقابلة ويعبرون الشارع ايجيبون اعيالهم
والعالم سمت باتجاه إشارات الباراشوت

كارثة لاقدر الله ستحدث من كثر اللي يعبرون والسيارات جاية مسرعة ... لا مطبات ولا جسر عبور

ومركز الشرطة عيني عينك على بعد أمتار

يعني لازم اتصير كارثة عشان يتصرفون

[قلب الدوحة]

الله يسلمك في خلاف كبير بين المسؤولين وجسورالمشاة والخلاف كبير محد يعرف السبب.

http://www.qatarshares.com/vb/showthread.php?577245-سر-الخلاف-بين-المسؤولين-وجسور-المشاه

[بانغ بانغ]

الله يجزيك خير والله فوضى ... مساكين يهال يعبرون بروحهم وامهاتهم في السيارة
الله يحفظهم ان شاء الله

[GENIUS]

على الطريق الدائري الرابع في الجهة المقابلة لمحطة التضامن حصلت حادثة وراح ضحيتها طالب كان يعبر الشارع بنفس الظروف التي جاءت في الموضوع ولم يتم اتخاذ أي إجراء لتصحيح الوضع

[بوحارب]

جنيوس محد يعرف لهم في هال Zone الا انت

[khaldoon]

لما كنت طالب و رايح الجامعه الصباح قرر باص مدرسة انه يطلع فوق الجزيره وينتقل للجهة الثانيه بالشارع و انا كنت خلفه و ضربت بريك جامد و ما صدمته بس الحرمة اللي وراي لبست بسيارتي ولولا ستر الله ثم اننا كلنا مستخدمين حزام الامان كان رحنا فيها...و بناء عليه سووا حاجز على الجزيره

ايضا صار بعد فترة عند تقاطع حادث صدمت فيه حرمة واحد يقطع الشارع وما اعرف لو مات او لا و بناء عليه سووا اشارات

الحين بقطر صاروا مهتمين اكثر بامور الدفاع المدني بعد حريق فيلاجيو

يعني لابد من وجود ضحايا من اجل الارتقاء و التطوير...ولا حول ولا قوة الا بالله


لما تصير مصيبة ينبري المسؤولين في بلادنا العربيه في شرح اسباب حدوثها و كان الاولى بهم انهم يعملوا كل الاحتياطات الاحترازيه اللي تمنع وقوعها اصلا و يتفادوها

[حسن الاحمد]

وفيه شارع في البر في عين خالد طوله 200 متر فيه 3 مطبات مالهم اي داعي لان الشارع بمنطقة فضاء مفتوحة.. الزحمة واصلة لطريق سلوى بسبب هالمطبات.
حاولت اعرف السبب وعجزت.

[Riku3]

الاهالي بايعين عيالهم ويصفون بالجهه الثانيه من الشارع ولو صار شي يقطون اللوم على السواق ويتبهدل والحلول كثيره بس محد يبي يعور راسه لان لو بيد المسؤولين يعدلون شوارع لندن بدون مقابل ولا ان يصرفون هنا..

مره كنت بدعم طفل ومن الخرعه صارخت على ابوه وفقدت اعصابي وهو تم يعتذر بس ما حسيته فاهم شنو يعني لو دعمته بالسياره.

[الركادة]

كم سمعنا مأسي عن طالب لم يصل الى مدرسته ..وعن شيخ مسن لم يصل الى المسجد ..وعن ممرضة ...... الخ

لم يصلوا لعدم وجود جسر مشاه فدهستهم سيارات

اللوم يقع على مسؤولي اشغال أولاً واخيراً

للاسف اخوانا في اشغال بس فالحين يطلعون في الجرايد مسلطين الضوء على انجازاتهم اما في ارض الواقع نحن مستاؤون

وهذا الموضوع جدا مهم

لان ارواح هؤلاء الناس ليست برخيصة

وايضاً قطر حاليا (تحت مجهر ) من قبل بعض الجهات للاسف..

وهم يتصيدون في الماء العكر ..



لذا نناشد المعنين باتخاذ الاجراءات لتصحيح الوضع الراهن
والشكر لصاحب الموضوع وايضا للاخت قلب الدوحة التي سبق وان طرحت موضوع مماثل

[بوخالد911]

بُحت أصواتنا

ولا مجيب
!!!

[بوخالد911]

جنيوس محد يعرف لهم في هال Zone الا انت


عربي لو سمحت
!!!

[وحيد-الشوق]

قطر مقبلة على كاس العالم وبلادنا سمعتها وصلت لكل بقاع العالم وخيرنا ولله الحمد واجد ومع ذلك قطر بدون جسور للمشاة وبدون اي احترام او مكان لعبور المشاه !!!!

[كازانوفا]

وكذلك المدرسه الامريكيه لاني امر من نفس الشارع اللى فيه المدرسه الاهالي ينزلو اولادهم من الناحيه التانيه والاولاد يقطعو الشارع يا الله موقف جدا مخيف

[نوفة قطر]

الله يعين .. اكيد لازم يكون في جسر مشاة للعبور او مثل ماقلت مطبات عشان العالم تنتبه ..

اللوم ع اشغال اكيد والمسؤولين والاهالي لان لازم هم بعد مايخلون عيالهم يقطعون الشارع !

وحتى على المدرسه نفسها : )

لان اتوقع من حق المدرسه انها اطالب بوجود لافتات ومطبات .. صح والا ؟