[ كيف تقدم الحلوى او الهدايا لأطفالك ! ]

[الزعفراني]

السلام عليكم

السؤال حسب اللي في العنوان :

كيف تقدم الحلوى أو الهدايا لأطفالك ؟؟

يعني لما تشتري لهم حلويات او هدايا ألعاب صغيره مثلا .... إلخ

شلون تقدمها لهم ؟؟

الطريقة اللي تتبعها في هالشيء ؟؟

:shy:

أنا جربت طريقة حلوه قريتها وكان مفعولها خطير ..

رحت الدكان شريت تشيبس وكافي وحلويات وعصاير .. ( طبعا يفضل انك توعدهم تشتري لهم هالاشياء دون مقابل يعني لا تربط هالشيء بانجاز سووه ولا تربطه بتوقيت معين ) .. المهم وقبل لا أدخل البيت ... خشيتهم في أماكن مختلفة داخل السيارة ..

شي في الدرج .. شيء تحت الكرسي .. شيء في الشنطة .. شيء تحت التكايه .. شيء عند الطفايه ... إلخ

ولين وصلت البيت قلت حق العيال .. شريت لكم كيت وكيت وكيت .. قالوا وين .. قلت لهم في السيارة .. وكل واحد ونصيبه اللي يفتش ويلقى شيء .. هو له ..


طبعا مب كل مره تسوي نفس الطريقة ولكن هذي طريقة يمكن تستخدمها في البيت في الغرف مثلا .. وتوزع هالحلويات وتخليهم يدورون عليها ..


الأثر من هالطريقة ان هالشيء راح يبقى في ذاكرتهم لما يكبرون .. ويتذكرون هالشيء ..
وفيه جانب مهاري ونوع من المرح والألفة بين الأب وابناءه .. خصوصا اللي اغلب يومهم مشغولين او ماعندهم الوقت الكافي للجلوس او اللعب مع اطفالهم ..


وأخيرا لا ينصح باكثار شراء الحلويات للاطفال لانها مضره بالصحة وبالاسنان :shy:

[المحاميه]

حلوه بس

لو واحد خذ اكثر من الثاني او خذ شي مايحبه؟ مشكله

[khalid525]

تسلم الزعفراني

[غايه الطواش]

شي جميل

اخر هديه شريتها لليهال

حطيت كل كل واحد فيهم الاشياء الي يبحها ببوكس وغلفته بالرسوم واللون الي هو يجبه

وحطيتها على سرير كل وحده منهم قبل النوم وكتبت عمركل وحده على البوكس ان الكبيره فيها شر نوعا ما

والصبي حطيته بغرفته .....

من غير مقابل الهديه ...بس كنت ابي اشوف رده فعلهم

[alsoq]

اخوي الزعفراني

انا صراحة احاول اتجنب اوديهم دكان قد ما اقدر لا سببين الاول الاكل غير صحي والثاني التعود على ها الشي

انا نصيحتي تعودهم على اكل البيت تسوي لهم حلويات في البيت وابعد عن الشبس وحلويات الدكان تراها لا تخضع للمعاير تتعرض لحر وغيره

[الزعفراني]

حلوه بس

لو واحد خذ اكثر من الثاني او خذ شي مايحبه؟ مشكله

ما راح تصير مشكله لان الكل مشغول باللي عنده وبالوناسه

السيناريو راح يكون كالتالي

بيتجمعون وكل واحد يستعرض اللي عنده .. وبتصير صفقات تبادل ..

وعقب يمكن تتدخلين في الموضوع وتعيدين التوزيع والكل راح يتقبل

جربي الطريقة وشوفي النتايج

[الزعفراني]

تسلم الزعفراني

الله يسلمك اخوي خالد

[النهار]

اذا اثنين تناحسوا على نفس المكان يمكن يصير ضرب مضارب
ذكرتي على هدت الباص في المدارس الابتدائيه هههههههه

[زبرجد]

بخت عيني لو أحد يخشش لي خاتم تحت مخدتي وحلق في شنطة يدي وسوارة ألاقيها وأنا ألبس نعولي..... وإنتوا بكرامة :)

[ضوى]

فكرة جميله جدا

[ولد العرب]

بخت عيني لو أحد يخشش لي خاتم تحت مخدتي وحلق في شنطة يدي وسوارة ألاقيها وأنا ألبس نعولي..... وإنتوا بكرامة :)

في الجنه ياختي :weeping:

[وطن]

ما راح تصير مشكله لان الكل مشغول باللي عنده وبالوناسه

السيناريو راح يكون كالتالي

بيتجمعون وكل واحد يستعرض اللي عنده .. وبتصير صفقات تبادل ..

وعقب يمكن تتدخلين في الموضوع وتعيدين التوزيع والكل راح يتقبل

جربي الطريقة وشوفي النتايج

صح كلامك

الفكرة وايد حلوة

للمستقبل ان شاء الله




بخت عيني لو أحد يخشش لي خاتم تحت مخدتي وحلق في شنطة يدي وسوارة ألاقيها وأنا ألبس نعولي..... وإنتوا بكرامة :)

هاهاهاهاهاها

ان شاء الله يا رب تلقين لج هدية مخشوشه

[لـبـيـه]

زين تخيل خاشهم بلموتر كل قطعه في مكان

شوي الي جايين عيالك وفي يدهم اليمين جبس بنص ريال ويدهم اليسار درج الموتر والثاني كاسر درج ثلاجة الموتر وجايبه معاه

ماغير يحصل نفسه في ثلاجة الموتر والثاني معلق على السبير :rolleyes2:

[مختلفة عقليا]

السلام عليكم .,

حبيت الفكره وايد .,

التنوع في التربيه ., شي ممتاز للاب والام او للعيال ,’ يجدد العواطف .,

ويسلمو .,

[لـبـيـه]

بخت عيني لو أحد يخشش لي خاتم تحت مخدتي وحلق في شنطة يدي وسوارة ألاقيها وأنا ألبس نعولي..... وإنتوا بكرامة :)

زيت تخيلي تحصلين تحت المخده الهديه الحلوه هذي

http://spg.ps/ar/wp-content/uploads/2012/06/hollandnr20c1fm3.jpg

[كازانوفا]

بخت عيني لو أحد يخشش لي خاتم تحت مخدتي وحلق في شنطة يدي وسوارة ألاقيها وأنا ألبس نعولي..... وإنتوا بكرامة :)

هههههههههه حبيبتي الله يرزقك ان شالله ههههههههههههه

[كازانوفا]

روعه الطريقه بس صعب يالنسبه لي بالسياره

[بشائر]

وعليكم السلام ورحمة الله وبركاته
أسعدك الله أخوي الزعفراني
موضوع جميل جدا تفكيرك بهذه الطريقة ومحاولتك للبحث عن طرق أخرى لتسعد بها أطفالك شيء رائع
اسأل الله أن يحفظ أبناءك ويقر عينك بهم ..وهنيئا لهم أب مثلك
وصدقني طالما أنك تغمرهم بهذا الحنان فكل ماتقدمه لهم وبأي طريقة كانت ستعجبهم وسيفرحون بها
لأنه ليست الهدية هي من تسعد قلب أطفالك بقدر ما سيسعدهم اهتمامك بهم وأنهم محور حياتك ..
سررت كثيرا بقراءتي لموضوعك ..

[الزعفراني]

شي جميل

اخر هديه شريتها لليهال

حطيت كل كل واحد فيهم الاشياء الي يبحها ببوكس وغلفته بالرسوم واللون الي هو يجبه

وحطيتها على سرير كل وحده منهم قبل النوم وكتبت عمركل وحده على البوكس ان الكبيره فيها شر نوعا ما

والصبي حطيته بغرفته .....

من غير مقابل الهديه ...بس كنت ابي اشوف رده فعلهم

الله يحفظهم .. وهذي من الاشياء الحلوه انه نفاجىء عيالنا بأشياء ما يتوقعونها .. لكنهم ينتظرونها ..

ودايما الهدايا او المكافآت ما نحاول نربطها بانجازات او أعمال قاموا فيها .. عشان ما يتعود الطفل على هالشيء بمعنى انا راح انجز الشغله الفلانه لانه في هديه تنطرني

[الزعفراني]

اخوي الزعفراني

انا صراحة احاول اتجنب اوديهم دكان قد ما اقدر لا سببين الاول الاكل غير صحي والثاني التعود على ها الشي

انا نصيحتي تعودهم على اكل البيت تسوي لهم حلويات في البيت وابعد عن الشبس وحلويات الدكان تراها لا تخضع للمعاير تتعرض لحر وغيره

صحيح كلامك وماعليه خلاف .. لكن في الاخير هذيلا اطفال وصعب نحرمهم من هالشيء .. التقليل من هالشيء قدر الامكان هو المطلوب لكن الحرمان
ما أشوف يمكن يجدي .. او البديل في البيت عن اللي موجود في الدكان ..

[الزعفراني]

اذا اثنين تناحسوا على نفس المكان يمكن يصير ضرب مضارب
ذكرتي على هدت الباص في المدارس الابتدائيه هههههههه

مافيها شي لو تضاربوا .. فرصة تكتشف قدراتهم القتالية واحيانا العدوانية وفرصة توجههم هههههه

طبعا انت بتكون متواجد بالقرب ومشرف على عملية التفتيش هههه

تحياتي لك

[الزعفراني]

بخت عيني لو أحد يخشش لي خاتم تحت مخدتي وحلق في شنطة يدي وسوارة ألاقيها وأنا ألبس نعولي..... وإنتوا بكرامة :)

أبوعيالج ان شاء الله

[الزعفراني]

فكرة جميله جدا

الأجمل حضورج

[اناقه]

زين تخيل خاشهم بلموتر كل قطعه في مكان

شوي الي جايين عيالك وفي يدهم اليمين جبس بنص ريال ويدهم اليسار درج الموتر والثاني كاسر درج ثلاجة الموتر وجايبه معاه

ماغير يحصل نفسه في ثلاجة الموتر والثاني معلق على السبير :rolleyes2:

هههههههههههههههههههههههههههههههههههههههههه

متاكد انهم يهال ؟؟؟؟؟؟

[اناقه]

عجبتني الفكرة

اليهال يحبون هالسوالف, فكرة بسيطة و لكن عوائدها كثيرة منها تسلية و تعاون و ضحك و بعدها مثل ما ذكرو بعض الاخوان فيها تبادل

يعطيك العافية على هالفكرة الطيبة

[طبيب قطري]

الهدايا من اسمها تكون مكافأه على انجاز معين، انا عن نفسي مااجيب هدايا الا للمتفوقين من عيالي ومااشوف اي مانع من اني اربط الهديه بإنجاز معين انتظره منهم ( الا الاكل طبعا، اذكر مره كنا بمطعم وشفت اب يقول حق ولده اذا كلت بجيبلك هديه! هذا اكبر غلط لان الياهل بيتعود ماياكل الا اذا كل يوم ابوه جابله هديه)
وايضا الهدايا بدون مناسبه تعلم البلاده والدلال وله تأثير سلبي على الاطفال، مااحب اني اعبر عن حبي لاطفالي بالهدايا والفلوس ولكن بتواجدي وعدم انشغالي عنهم ومشاركتهم بالحديث ..

[الزعفراني]

حد فيكم جرب الطريقة ؟ :secret:

[الزعفراني]

الهدايا من اسمها تكون مكافأه على انجاز معين، انا عن نفسي مااجيب هدايا الا للمتفوقين من عيالي ومااشوف اي مانع من اني اربط الهديه بإنجاز معين انتظره منهم ( الا الاكل طبعا، اذكر مره كنا بمطعم وشفت اب يقول حق ولده اذا كلت بجيبلك هديه! هذا اكبر غلط لان الياهل بيتعود ماياكل الا اذا كل يوم ابوه جابله هديه)
وايضا الهدايا بدون مناسبه تعلم البلاده والدلال وله تأثير سلبي على الاطفال، مااحب اني اعبر عن حبي لاطفالي بالهدايا والفلوس ولكن بتواجدي وعدم انشغالي عنهم ومشاركتهم بالحديث ..

الهدايا في مثل هذه المواقف مثلا النجاح او التفوق مفروغ منها .. لكن ما عنيته الهدايا البسيطة او الحلويات مثلا .. اليومية او المتكررة فالبعض يربطها بانجاز معين .. مثلا اذا رتبت سريرك بجيب لك كذا .. اذا صليت بجيب لك كذا .. اذا تميت ساكت بجيب لك كذا .. ... إلخ
في بعض يستخدم هالاسلوب مع الابناء .. لدرجة انه الاب يكذب على الطفل ولا يجيب له .. فتصير قناعة عند الطفل انه ما راح اسوي هالشيء لان مهما قالي ابوي بجيب لي ما راح اصدقه .. واذا صدق وجاب له .. راح يكون اتكالي ويمكن ينتظر التوجيه والوعود من ابوه عشان يبلش يسوي الشغلة الفلانية لانه راح يلقى شيء يتكافىء عليه .. يعني بيتم مهمل لترتيب غرفته لين تجيه اوامر مشروطه اذا رتبت بتحصل ... إلخ

[الزعفراني]

في الجنه ياختي :weeping:

لا للتحطيم :)

[الزعفراني]

صح كلامك

الفكرة وايد حلوة

للمستقبل ان شاء الله





هاهاهاهاهاها

ان شاء الله يا رب تلقين لج هدية مخشوشه

الله يوفقج ويسمع منج

[الزعفراني]

زين تخيل خاشهم بلموتر كل قطعه في مكان

شوي الي جايين عيالك وفي يدهم اليمين جبس بنص ريال ويدهم اليسار درج الموتر والثاني كاسر درج ثلاجة الموتر وجايبه معاه

ماغير يحصل نفسه في ثلاجة الموتر والثاني معلق على السبير :rolleyes2:

دام خايف من هالشيء يصير .. استبدل المكان بدال السيارة خشهم في البيت او في غرفة كل واحد مثلا ..

[الزعفراني]

روعه الطريقه بس صعب يالنسبه لي بالسياره

جربي في البيت مش لازم السيارة