تسريب في البيت

[قلب صادق]

السلام عليكم ورحمة الله وبركاته

ظهرت مشكلة في البيت في الدور الثاني وهي تسريب ماء في سقف الدور الارضي وما نعرف من وين التسريب

فهل هناك طريقة او شركة لمعرفة من وين التسريب او احد مر بنفس المشكلة

وجزاكم الله كل خير

[العربية نت]

السلام عليكم ،،،
المشكلة ميه في الميه في الحمام الي فوق التسريب مباشره ولكن هناك احتمالات لذلك:
هناك احتمال كبير ان يكون من البانيو الخاص بالسباحة يعني يمكن يكون البايب الممتد من البانيو الي تحت السيراميك والمؤدي الي التصريف قد يكون فيه كسر ويمكن يكون الفتحة بين البانيو والجدار كبيرة ومغطاة بسيلكون
وهو لاينفع لكبر الفتحه ويحتاج الى أسمنت شيكو على هذا الامر بنفسكم بتعرفون من ناحية السيلكون ضعيف ام لا

احتمال اخر وهو الحمام الفرنجي نفسه ليس مركب بشكل تام ويمكن يكون في أطرافه فتحة تسبب ذلك التسريب وهذا يحتاج الى تشييك

احتمال اخير قد يكون موجود بس أتوقع انه مستبعد البايبات اذا كانت داخل الجدار قد يكون بها كسر وهذا الامر سهل تعرفونه اذا لديكم برشر تم آتيك فوق وهو يعني انه اذا فيه كسرا لبرشر بيقغد شغال على طول بسبب الكسر لان لبرشر التماتيك مع فتح الماء يشتغل ومع عدمه يوقف

التسريب من الحمام وبتشوفونه من خارج الفيلا مخرب الصبغ خلو الدريول او الخدامه يطلع ويأخذ لفه على الفيلا من برا

وفي النهاية شوفوا لكم سباك ممتاز وقد يتطلب الامر كسر السيراميك بالكامل

بالتوفيق ولا تنسونا من الدعاء الطيب :)

[العربية نت]

حبيت أضيف نقطة وهي مهمه عدم استعمال الحمام الي شاكين فيه غلقه تماماً حتى يتم حل المشكلة

[قلب صادق]

اخوي العربية نت جزاك الله خير وبيض الله وجهك ما قصرت
الحين بالفعل مثل ما قلت تم اغلاق احد الحمامات الله يكرمك لحد ما نشوف الوضع وان شاء الله اوفيكم وش يصير معنا

[معماري قطري]

هل التسريب في نقطة معينة أم جزء كبير رطب؟

لو يبين واضح وينقط ومكانه وسط السقف إحتمال من بايبات التصريف وعدم جودة العازل .. لو من الأطراف والماي نظيف إحتمال تسريب من بايبات التغذية ولو سكرتوا الماي من فوق فترة طويلة بيبين .. وفي هذي الحالة تركيب بايبات تغذية ثانية وممكن ستانلس ستيل شكلها يبين مقبول وتكون فوق البلاط بيكون حل مناسب وسريع وبدون تكسير .. لكن لو فيه تسريب وسطي ومياه غير نظيفة وتم ينقط فترة بعد تسكير الحمام بيكون فيه ضرورة لنزع بلاط الأرضية وترتيب بايبات الصرف صح.

الطريقة الأفضل عمل اختبار ضغط قوي لبايبات التغذية من فوق وهذي طريقة سهلة وممكن تبين بسرعة لو فيه تسريب وممكن نعرف مكان التسريب بعمل ضغط قوي وملاحظة الحمام من داخل .. ومن ثم تكسير فقط مكان التسريب واصلاح الخلل بس لازم يكون عندنا بلاط زيادة أو بديل.

لو الضغط ما بين شيء ولا نزل معناه إن التسريب من الصرف .. ولتصليح الصرف ممكن عمل فتحة خارجية من ناحية النافذة أو توسيع النافذة والعمل والدخول بواسطة درج مؤقت خارجي حتى لا يمر العمال من داخل البيت .. وفي هالحالة تغيير الحمام كامل بيكون أفضل.

[معماري قطري]

وحتى من الممكن عمل اختبار الضغط على بايبات الصرف الصحي .. كل اللي تحتاجه واحد بايب فيتر شاطر.