سؤال للخبراء .. مكيفات duct split .. صاج معدن او فووم؟

[Hamad_qa]

حبيت أستفيد من خبرة الأعضاء .. ماهو الأفضل لمادة تمديدات الدكت للمكيفات ال دكت سبلت ؟
هل الصاج المعدن أفضل ام الفوم ؟

[Azizuk]

نصيحة أخ عليك بالصاج وماعليك من كلام أي احد
الفوم ماده سامة وشركات التكيف وراعي الجبس مايهتم راح يفتح في فتحات عشان ينزل اسيام الجبس والديكور ومع الزمن المادة السامه مادة الفوم رايح تستنشق الهواء ولا تنسى ان هذا بيت يعني انت وعيالك على طول موجودين في البيت
لو مجمع تجاري راح تقعد في كم ساعة وطالع مب مشكلة

[Hamad_qa]

تسلم اخوي عزيز ع الإفادة .. بانتظار أيضاً مشاركات الاخوان

[معماري قطري]

ميزة الفوم الوحيدة إنه عازل للحرارة ويجي الهواء على المسافات بارد وطبعاً السعر الرخيص وسهولة التركيب، والمضار ذكرها إخوي عزيز يو كي .. لكن لو نستفيد من الحديد أو المعدن المخلوط اللي يجي مثل القصدير ويكون مغطى بعازل حراري جيد مثل رولات الصوف الصخري المعزولة بقصدير قوي مؤكد بيكون أفضل .. مع الرقابة ومتابعة التركيب والتشديد على عدم ترك الصوف الصخري مكشوف لأنه ضار بعد للجهاز التنفسي .. ويبقى خط الحماية الأخير اللي هو الجبس لأنه ما يسرب غبار وأتربة من فوقه لتحت وهو في ذاته عازل حراري إضافي.

[بو راشد 1]

نصيحة أخ عليك بالصاج وماعليك من كلام أي احد
الفوم ماده سامة وشركات التكيف وراعي الجبس مايهتم راح يفتح في فتحات عشان ينزل اسيام الجبس والديكور ومع الزمن المادة السامه مادة الفوم رايح تستنشق الهواء ولا تنسى ان هذا بيت يعني انت وعيالك على طول موجودين في البيت
لو مجمع تجاري راح تقعد في كم ساعة وطالع مب مشكلة


للاسف، انا ركب لي فوم، و كنت اتمنى معرفة هذة المعلومة من قبل :weeping:، قدر الله و ما شاء فعل.

[معماري قطري]

للاسف، انا ركب لي فوم، و كنت اتمنى معرفة هذة المعلومة من قبل :weeping:، قدر الله و ما شاء فعل.

إن شاء الله يا بو راشد الجبس يمنع أي غبار من الفوم ينزل تحت .. وإحنا نعرف إن الجبس ثابت ومصمت عدل .. المشكلة تبين واضحة في لو كان عندنا سيلوتكس اللي فيه فتحات حق صدى الصوت .. والكارثة صج لو كان الفوم مفتوح في مجرى هواء التكييف وينزل منه غبار خفيف مع التكييف .. هذا الوضع يفترض له دراسة من مختبراتنا الفتية وله قوانين خاصة لحماية أرواح المستخدمين.

والله يعجبني التكييف السبلت العادي لا وجع راس ولا أضرار وسهل وسعره معقول.

[Hamad_qa]

مشكور معماري قطر على المعلومات .. أنا كلمت الشركة انه يكون صاج و راح يكون عليه عازل بسمك 25 ملم و العازل يتغطى بـ cloth

[معماري قطري]

مشكور معماري قطر على المعلومات .. أنا كلمت الشركة انه يكون صاج و راح يكون عليه عازل بسمك 25 ملم و العازل يتغطى بـ cloth

هذا أحسن حل الله يوفقك .. ما ادري ليش راح عن بالي .. حتى الخيش أو القماش المغطى أو المغموس في الجبس يكون عازل جيد وصحي وزين.

[السندان]

الله المستعان

والله مصيبه اذا هالكلام صحيح

والمفروض مثل هالأمور اللي لها مضار وتنتشر في وسط المنازل من قلة ادراك ووعي وبنفس الوقت إهمال الجهات المختصة عن مواصفات المواد لحماية أرواح الناس وصحتهم

لابد التأكد من موضوع الفوم واعتقد هي مادة ( الدايوكسايد) والتدخل السريع من المسؤولين

حفظنا الله وإياكم

[معماري قطري]

الله المستعان

والله مصيبه اذا هالكلام صحيح

والمفروض مثل هالأمور اللي لها مضار وتنتشر في وسط المنازل من قلة ادراك ووعي وبنفس الوقت إهمال الجهات المختصة عن مواصفات المواد لحماية أرواح الناس وصحتهم

لابد التأكد من موضوع الفوم واعتقد هي مادة ( الدايوكسايد) والتدخل السريع من المسؤولين

حفظنا الله وإياكم

المشكلة مترابطة ولها علاقة بالحريق السريع وفي النهاية يطلع لنا مسؤول كبير يقول مواصفات البناء القطرية غير ملزمة .. عيل من المسؤول علمني يا سعادة المسؤول؟

[السندان]

ولاكن اخوي معماري يمكن تدارك الموضوع حتى لا ينتشر وسط عيالنا من غير وعي

التجار يروجون لبضاعتهم والاهم البيع والمستهلك في ستين داهية

[اختلفنا]

اسمحولي على المداخلة لكن احنا تونا متفقين مع شركة جنرال على تركيب الدكت فووم ولما قلنا له عن المواد المسرطنة قالنا هالكلام غير صحيح وانهم مركبين الفوم في كل شغلهم وقالنا ان الفوم احسن مع مرور الزمن من الصاج لانه يتعرض للصدأ وتكلفته وتركيبه جدا عاليه... وماردي شرايكم بالموضوع

[Azizuk]

اخوي كل شركة تبي الحل السريع والأسهل في التركيب روح فندق جنة الخليج في محل يبيع مكيفات كرير محل صغير صاحبه لبناني وقول له أي احسن الفوم أو الصاج وصدقني راح تقتنع بكلامة وراح انزل صور تبين شلون راعي الجبس لاعب بالدكت ومدخل الاسيام داخل الدكت عشان يمسك الجبس والديكور

انا طلع فرق السعر كبير يوم قلت لشركة انا حاب اركب الصاج حاول يقنعني بالفوم بس لم أوافق ورحت الورشة وشفتهم وهم يصنعون الدكت الفوم ماعجبني وماقتنعت بالفوم كلش وجداً سهل خدشه

في شركة المالكي تقوم بعمل دكت الصاج تقدر تتعاقد معاهم أو روح شركات تتعامل مع الوكلاء أو تجيب المكيفات من دول أخرى وتقوم بعمل الدكت في الدوحة واطلب منهم دكت الصاج

[Azizuk]

هذا بعض الصور الدكت وهو مخدوش وراعي الديكور منزل الاسيام داخل الدكت ومادة الفووووم ظاهرة من غلاف الدكت

http://im80.gulfup.com/vw7bB.jpg (http://www.gulfup.com/?GKHax1)
http://im80.gulfup.com/hiqfb.jpg (http://www.gulfup.com/?MQJURw)
http://im80.gulfup.com/vFSgR.jpg (http://www.gulfup.com/?RUpP1T)
http://im80.gulfup.com/hXRVA.jpg (http://www.gulfup.com/?eGFOKR)
http://im80.gulfup.com/eP5KL.jpg (http://www.gulfup.com/?XPLFDG)
http://im80.gulfup.com/3s9i5.jpg (http://www.gulfup.com/?v8BS89)

[معماري قطري]

ما قصرت إِخوي عزيز يو كي انا متفق معاك .. غير عن الحديد المفروض تكون عندنا مواد سهلة ورخيصة مثل الدكتات المرنة واللي تجي مثل تيوب من المعدن اللامع .. هذي خفيفة وسهلة وعازلة نوعاً ما بدون استخدام عازل رخيص ومضر عليها .. الشيء الثاني الدكتات هذي ممدة في حيز مغلق بين السقف والجبس وما تحتاج لعازل خصوصاً إِذا افترضنا العازل موجود في السقف وفي الحوائط.

الحديد الصاج منه أَنواع ما تصدي ومنه أَنواع تصدي بالتدريج على سنوات طويلة .. يفترض التكييف يزيل الرطوبة ويخف الصدأ ويفترض ناخذ الحل الأَسهل بلا دكت وبلا وجع راس تكييف سبلت وبس.

[alshobaki7]

أفضل نوع صاج سابك سعودي وباقي الانواع أغلبها سيء

[Chambray]

ركبت دكت دايكن ، لكن الصدمه ان المكيف دايم يكون على full power في المروحه ومافي خيار في الترمستات لتقليل قوه المروحه
لذلك فالغرفه الي فيها الحمام الي داخل الحمام وحده الدكت سبلت مسويه ازعاج رهيب في الغرفه

فخيار الدكت اسبلت بالنسبه لي كان اختيار ( سئ ) لاني انا ابحث عن هدوء ، وتبريد في نفس الوقت :(

الله يعينا

[alshobaki7]

ركبت دكت دايكن ، لكن الصدمه ان المكيف دايم يكون على full power في المروحه ومافي خيار في الترمستات لتقليل قوه المروحه
لذلك فالغرفه الي فيها الحمام الي داخل الحمام وحده الدكت سبلت مسويه ازعاج رهيب في الغرفه

فخيار الدكت اسبلت بالنسبه لي كان اختيار ( سئ ) لاني انا ابحث عن هدوء ، وتبريد في نفس الوقت :(

الله يعينا

حط صوف صخري فوق الجبس بورد ، راح يخف الصوت بس ما راح يختفي

[معماري قطري]

المشكلة بإِختصار شركات التكييف غش والمواصفات والمقاييس في سبات عميق وحقوق المستهلك ما لهم خص .. والسبلت العادي يخب علينا ونبعد عن المشاكل.

[Chambray]

حط صوف صخري فوق الجبس بورد ، راح يخف الصوت بس ما راح يختفي

خلاص ركبت الجبس الحين

ماقدر اكسر

بس اكتشفت شئ

ان الي يبي يركب نظام تكييف جيد يركب ( الباكج ) ولا يعور راسه في اي نظام ثاني
لا سبلت ولا غيره