هل ندمت انك سويت عملية قص المعدة

[أسد الجزيرة]

السلام عليكم

عملية قص المعدة عملية بدأت في الانتشار مثل النار في الهشيم في سبيل فقدان الوزن و الانطلاق للحياة

هي للمتان حياة جديدة ترجع الشعور بالثقة و انطلاقة للحياة بعنفوان و نشاط
و لمرضى السكري و الضغط و الكوليسترول و الضعف الجنسي علاج مثبت بالدراسات اثبت جدواه

و لكن تحتاج اهتمام و متابعة و فحص دوري و الاستمرار على الفيتامينات و المعادن

السؤال فقط لمن عمل العملية هل ندمت انك عملتها

ما نبي ردود بيزنطية و سقراطية رجاءاً خلوا الناس تستفيد

لكم المايك

[قطريه22]

يصير انا ارد :shy:
انا ماسويتها بس باقولك تجارب اكثر من شخص سواها

اغلبية الي سووها واعرفهم فيهم السكر والضغط
سووها في الاردن ومن بعد العمليه السكر والضغط صار معتدل ووقفو الحبوب
والدكتور هو الي قايلهم يوقفونها.

وفي كم وحده ضعاف بس سووها لان فيهم السكر وفعلاً يقولون من بعد العمليه ماحتاجو انهم ياكلون حبوب السكر.

ماقد سمعت حد يشتكي منها غير الالم الي يكون بعد العمليه

[Qa10]

الخدمة الوطنيه بتقلص عدد العمليات اعتقد ، الله يعوضكم للجراحين المتخصصين p:

[مو مهم]

هل عمليه قص المعده اكيد تضبط السكر...؟

[أسد الجزيرة]

يصير انا ارد :shy:
انا ماسويتها بس باقولك تجارب اكثر من شخص سواها

اغلبية الي سووها واعرفهم فيهم السكر والضغط
سووها في الاردن ومن بعد العمليه السكر والضغط صار معتدل ووقفو الحبوب
والدكتور هو الي قايلهم يوقفونها.

وفي كم وحده ضعاف بس سووها لان فيهم السكر وفعلاً يقولون من بعد العمليه ماحتاجو انهم ياكلون حبوب السكر.

ماقد سمعت حد يشتكي منها غير الالم الي يكون بعد العمليه

مشكورة على الرد و حياج الله


الخدمة الوطنيه بتقلص عدد العمليات اعتقد ، الله يعوضكم للجراحين المتخصصين p:

الخدمة الوطنية لا تاخذ الا من هو صحيح جسمانياً و اما المرضى لا يقبلون و اكيد في شروط من ناحية الجسم للقبول فالمتين ايش يسوي؟


هل عمليه قص المعده اكيد تضبط السكر...؟

نعم هذه اكيد و مثبت علمياً و لكن وجب المحافظة على الاكل الصحي و الرياضة و العملية فقط خطوة اولى من اجل تعويد الشخص على الالتزام

مع نقصان وزن نتيجة تقليل الاكل تقل نسبة النشويات و السكريات الداخلة للجسم فينزل السكر و السبب الثاني هو مع نقصان الوزن ينشط الجسم في افراز الانسولين

[ashhal_q]

انا سويت العمليه - باي باس ... الحمد الله الوضع افضل من قبل
خصوصا السكر والضغط ...
هذه العمليه زي مالها حسنات اكيد لها مضار
من استخدام الحمام اكرمكم الله
الاكل وطبيعته الخاصه
الحالة النفسية احيانا
موضوع الفتيتامينات وقلتها في الجسم
لو يرجع الزمان للخلف ...
مارح اسوي العملية
فقط سأهتم بالرياضة وتغير سلوكيات الطعام الغير صحيحة ...

[مو مهم]

اخوي اسد الجزيرة

انا فيني هبوط وليس ارتفاع

[مستثمر تحت التعليم]

بسم الله الرحمن الرحيم

السلام عليكم

أنا لي تجربة من ست شهور وقد كنت أعاني من وزن 120 كيلوا ولكن المشكله الحقيقيه ليست في الوزن وأنما في المشاكل المصاحبه الضغط والسكر والأملاح والكرسترول
وللامانه الشكل مهم أيضا
ولا أحد يقول مارس الرياضه فأنني كنت أمارس الرياضه مع الرجيم وخلال سنه أخسر 8ال10 كيلو ومن ازهق واوقف يرجع وزني الدبل في شهر أو شهرين
المهم أنا توكلت واستخرت وعملت العمليه عند الدكتور خريس والآن الحمد لله حمدا كثيرا أنتظم السكر والضغط واختفى الكرسترول والأملاح وقد عملت تحليل كامل وكانت النتائج مثاليه
بحسب كلام الدكتور فقد قال لي جمله جعلتني أطير من الفرح (( أنت أنسان جديد ))
والوزن الآن مابين التسعين والتسع والثمانين ومرتاح والحمدلله

ملآحظه :أنا لا أنصح ولآ أحذر من العمليه فالقرار ينبع من الشخص نفسه والسلام عليكم ورحمة الله

[شسالفة...؟]

بالنسبه لي مب ندمان ولو رجع فيني الزمن كان اتخذت نفس القرار واللي ما اتخذته الا بعد جهد جهيد واللي استمر لسنوات حتى اقدمت على الخطوة.

اللهم لك الحمد والمنه انا من بعد العملية انسان جديد ولكن كل شيء له عيوب ومميزات

وبالنسبة لي ما اندم اني سويتها ولكن اتضايق لما اكون بعزومه واستحي من الناس واكل وياهم واتوهق واروح عزكم الله الحمام واقعد ارجع اللي اكلته لاني ما اتحمل الاكل السريع ولا اتحمل اي اكل تكون فيه نسبة الدهون عالية

ملاحظة: لا أحد يسويها الا بعد تفكير عميق ومراجعة دكاتره مختصين يخافون الله مو هدفهم الربح وفي الأخير يستخير الله سبحانه وتعالى

[ANONYMOUS]

انا ماسويت العمليه

بس نفرض مثلا اني كنت متين جدا وسويت العمليه

راح اندم انا ماسويتها من قبل

وسالفة الرياضه ما رياضه كلام ماخوذ خيره..

يبي لها نيه قشره وعزيمه وإصرار و عقل وصحبه صالحه واسلوب حياتي رياضي جديد

وهذا ليس تشجيع ولا تحذير

بس مجرد رأي

والسلام عليكم ورحمة الله وبركاته

[من بغى الزين]

بعكس عمليه حلوه وناجحه

[همر]

لو عاد بي الزمن الى الوراء

مع ان لو تفتح عمل الشيطان

لسويت العمليه مرة ومرتين بل ثلاث مرات ....

[بصمة قطرية]

ما سويتها و الله لا يحوجني لهالعملية ..
الصحة نعمة ..
اللهم لك الحمد و الشكر ..
حولي وايد مسوينها
اللي سواها عشان السكر واللي عشان الضغط
واللي بسبب السمنة ..
بصراحة :
اللي عشان الضغط و السكر كانت أوزانهم فوق التسعين
و حالياً صاروا هياكل عظمية
وايد وايد ضعفوا و للحين بينزلون ..
وحدة قالت سويتها عشان السكر خف السكر
لكن ما راح ما زال يرتفع عندي بين فترة و فترة
و حالياً لها اربع سنين من سوتها رجع وزنها يرتفع ..!!
و السكر صار يرتفع أكثر من عقب العملية ..
و المعاناة الحقيقية الأكل ..
يعني لازم يكون شوي شوي و لا على طول
وانتو بكرامة يرجع ..!!!!
في حالات إنتكست عقب العملية
منهم وحدة أمس سمعت عنها إنها سوت العملية في الأردن
و أصيبت بجلطات و تعبت وااايد ..

ما أعتقد أي عملية ما لها مضاعفات و آثار جانبية ..

[MS.TOMA]

عمليه قص المعده اهي مرحله علاجيه وقائيه
يعني الحين السمنه تسسب لنا الامراض المزمنه ..

ترا في المانيا والدول الاجنيه تعتبر السمنه من الامراض الخطيره لانها المسسبب الرئيسي لكل الامراض القلب والارتفاع في الضط الدم الخ

وتامين الصحي .. يسونه عادي ويخافون عليهم

بس اهنيه بنطرونك تمرض وتموت عشان يدرون انك في خطر ..
التامين ما يغطي لانها تجي تجميليه .. من قال تجميليه قص المعده .. وين التجميل فيها ..
ادري طلعت من الموضوع بس الموضوع متعلق نوعا ما

انا الصراحه انصح فيها لان فيها الصحه بس على حسب الجسم لان في بعض ما يقدرون الالم
لازم يهتمون بصحتهم ويكثرون من المشي

والحديث بقيه ان شاء الله
وتحياتي

[مضارب دوسري]

انا سويتها اخوي
واقولك اي نعمممممم ندمت كثييييييييييييييييرا
لاني ماسويتها من زمان
وانا فاتح موضوع بتلقاه في الصفحه الثانيه من الحوار العام
واي شي تبي تعرفه عن العمليه مكتوب هناك

[مضارب دوسري]

لو عاد بي الزمن الى الوراء

مع ان لو تفتح عمل الشيطان

لسويت العمليه مرة ومرتين بل ثلاث مرات ....


اي والله وانا اشهد
فتلمستشفى قلت للدكتور بعد العمليه قلت كان قصيت لي 100% وقعد يضحك

[Chambray]

الندم وتأنيب الضمير يكون خلال اول اسبوعين فقط :)

[مضارب دوسري]

الندم وتأنيب الضمير يكون خلال اول اسبوعين فقط :)

لا والله اول أسبوعين
كنت مهلوس فقط
كنت اقعد مع نفسي وهذا بعد العمليه وأقول في نفسي كلها كم يوم واسوي العمليه وادعو الله ان ييسر علي العمليه
وبعدها اتذكر اني خلاص سويتها وتلقى الضحكه شاقه الوجه
تكررت معاي كذا مره

[مضارب دوسري]

اخوي اسد في منتدى اسمه رشاقه في قسم للمتكممين
قريت منه اكثر من 45 صفحه عن تجارب الاعضاء وفي كل موضوع يزيد اصراري على اجراء العمليه من تجارب الناس
وفي ناس بعد سنه وناس بعد سنتين
عيب المنتدى انك لازم تسجل عضويتك عشان تقرا كل المواضيع
انصحك تروح تقرا تحارب ناس هم سووها
واخر شي للحين اتذكر كلمة الاستشاري حمد سعدون العذبه لي
قبل العمليه
قالي روح للدكتور النقاش لا تروح لغيره
قلت له من ؟
قال ماراح اقولك اسامي
قلت فسر لي كلامك
قال الدكتور اللي يده كل يوم تسوي عمليات اللي عنده زحمه
يقول هذا تلقى يده يد نقاش
وقالي روح اسال واستفسر وبتلقى اللي اقصده

[مضارب دوسري]

اللي يكون عليهم خطر
هم مرضى القلب

ولكن مرضى السكر والضغط ان شاء الله انها خير لهم
ولكن تبرى الجروح متاخر عندهم هذا هو الفرق

[مضارب دوسري]

عمليه قص المعده اهي مرحله علاجيه وقائيه
يعني الحين السمنه تسسب لنا الامراض المزمنه ..

ترا في المانيا والدول الاجنيه تعتبر السمنه من الامراض الخطيره لانها المسسبب الرئيسي لكل الامراض القلب والارتفاع في الضط الدم الخ

وتامين الصحي .. يسونه عادي ويخافون عليهم

بس اهنيه بنطرونك تمرض وتموت عشان يدرون انك في خطر ..
التامين ما يغطي لانها تجي تجميليه .. من قال تجميليه قص المعده .. وين التجميل فيها ..
ادري طلعت من الموضوع بس الموضوع متعلق نوعا ما

انا الصراحه انصح فيها لان فيها الصحه بس على حسب الجسم لان في بعض ما يقدرون الالم
لازم يهتمون بصحتهم ويكثرون من المشي

والحديث بقيه ان شاء الله
وتحياتي

صحيح التامين لا يغطي
لانها تصنف انها عمليه تجميليه في العالم

[Northqatar]

السلام عليكم

لا طبعاً

لله الحمد

ان تفضل بها علي



وانصحك بها



وللعلم
وسويتها بالأردن
وكان معاى شاب بحريني عمره 18 سنه و ما كان متين كثير فسالته ليش بتسويها
قالى انه فيه السكرى وانه يوصل 400 وطبعاً هذه نسبة كبيرة

لذلك انصحوه بالعملية

[Locale]

اليوم العصر اندفن رجال من الساعي الله يرحمه ويغفرله
الرجال مسوي العمليه في الاردن
وماعرف بالضبط شنو اللي صارله لكن بسبب العمليه توفى
الله يغفرله ويرحمه

[بصمة قطرية]

اليوم العصر اندفن رجال من الساعي الله يرحمه ويغفرله
الرجال مسوي العمليه في الاردن
وماعرف بالضبط شنو اللي صارله لكن بسبب العمليه توفى
الله يغفرله ويرحمه

صحيح
الله يرحمه عانى من مضاعفات بعد العملية
و توفى ،،

[Locale]

الله يجعل مثواه الجنه ويصبر هله وعياله
وهذي مب اول حاله رفيجة اختي بغت تمووت بسبة هالعمليه
وللحين ماترقعت

[MoTeC]

[SIZE=4]
أولا أحد يقول مارس الرياضه فأنني كنت أمارس الرياضه مع الرجيم وخلال سنه أخسر 8ال10 كيلو ومن ازهق واوقف يرجع وزني الدبل في شهر أو شهرين
اسمحلي اخوي في شي غلط كنت تسويه شنو مادري لكن تقولي سنه تسوي رياضه ورجيم اخر شي ناقص 8لـ10 كيلو هاي شي مستحيل
لازم في شي غلط عندك
انا بلشت تاريخ 19-1-2014 كان وزني 136.6 وقست تاريخ 15-2-2014 والحمدلله وصلت 127.4 وناول اوصل لل100 بعدها اسجل جم

انا كنت ولازلت معارض لأي حد يسويها إلا اذا عشان مرضى الضغط والسكري
وسويت الرجيم عشان اثبت للي يسووها ان مافي شي مستحيل لكن يبيلها صمله :victory:

[ابن الجزيرة]

من يقول ان هناك دراسات علمية تثيت الشفاء من السكر بعد اجراء هذه العملية ارجو ان يضع لنا روابط هذه الدراسات

[Chambray]

اليوم العصر اندفن رجال من الساعي الله يرحمه ويغفرله
الرجال مسوي العمليه في الاردن
وماعرف بالضبط شنو اللي صارله لكن بسبب العمليه توفى
الله يغفرله ويرحمه

الله يغفر له ويرحمه ، لاتخلطون المواضيع ببعض ، العملية الي سواها مختلفه كلياً عن عملية قص المعده .. وعن عمليات السمنه

[cavok]

اليوم قابلت واحد من الشباب امسوي عملية قص المعدة بصراحة قتله تنصحني اسويها فقالي ابتعد عنها فقتله ليش
قالي خطرة وفي نفس الوقت احدى أصدقائه توفى بسب نفس العمليه .

[كرواتيا]

كل عمليات الدنيا فيها خطوره

[مضارب دوسري]

كل العمليات فيها خطوره
وكل نفس ذائقة الموت
واي حالة وفاه صاحبها مسوي العمليه من شهرين او ثلاثه قالوا بسبب العمليه !
والاشاعات ماتخلص خصوصا كلام اخوي chambray ان الساعي الله يرحمه مسوي عمليه تختلف عن عمليات السمنه
خلوا عنكم تفزيع الناس
السمنه اخطر من عملية قص المعده
فيها الضغط والسكر والقلب والشرايين والدسك والروماتيزيوم وممكن الشلل اذا كانت رجولك ما تستحمل وزنك
كم شخص توفى بسبب ارتفاع او هبوط مفاجئ فالضغط او السكر؟
هل هذي الامور غير خطره وقص المعده خطره هههههه
تثقفوا شوي
مالكم كيف تحكمون

[مضارب دوسري]

اليوم قابلت واحد من الشباب امسوي عملية قص المعدة بصراحة قتله تنصحني اسويها فقالي ابتعد عنها فقتله ليش
قالي خطرة وفي نفس الوقت احدى أصدقائه توفى بسب نفس العمليه .

كم نسبة الوفاه من بين اللي سووا قص معده ؟
كم نسبة الوفاه بين اللي سووا عمليات ك الدوده الزايده والمريء وغيرها من العمليات البسيطه؟
كم نسبة الوفاه في عمليات القلب والشرايين؟

كم عدد اللي انبترت اعضاءهم بسبب السكر ؟

[مضارب دوسري]

الواحد يستخير رب العالمين في اموره كلها ويقرا على نفسه ويدخل غرفة العمليات كانه لن يقوم من العمليه
الايمان بالقدر خيره وشره

[alsoq]

اخوي اسد
واحد من الاهل توه راد من الاردن مسوي قص وهو من قبل سوى رجيم وخف بس ما استمر ورجع متن بس سوى القص

شوف كل شي له سلبيات الله سبحانه خلق ابن ادم كامل بأمره سبحانه فاما يدخل في جسم الانسان له مضار وما يطلع من جسم الانسان له مضار

انا أويد ممارسه الرياضة افضل وانت شفت برنامج على ال ام بي سي الامتان اللي اوزانهم خياليه نزلت اوزانهم الى 70 كيلوم بالتمارين والمثابره عندنا اخوي اسد ما فيه اراده يبي يخف في يوم وليله حتى لو على حساب صحتة

[مضارب دوسري]

من يقول ان هناك دراسات علمية تثيت الشفاء من السكر بعد اجراء هذه العملية ارجو ان يضع لنا روابط هذه الدراسات

روابط؟؟؟؟؟؟؟؟
في افضل من الروابط اسال اللي سووها وكان فيهم السكر
اعرف كذا شخص منهم وحده تقرب لي كان تعاني من السكر والضغط
والان لا تستعمل لا ادوية الضغط ولا السكر
اسال الناس اللي سووها افضل من الروابط

[Locale]

الله يغفر له ويرحمه ، لاتخلطون المواضيع ببعض ، العملية الي سواها مختلفه كلياً عن عملية قص المعده .. وعن عمليات السمنه

عيل شنهي عمليته
فيدنا دام ان عندك العلوم

[خليفـة]

الحمدلله رب العالمين ما احتاج لهالعملية
ولكن اعرف شباب سووها
الي مب ندمان منهم هو الي مارس الرياضة بشكل منتظم بعد العملية
والندمان الي ما مارس الرياضة
والسبب .. ان الي ما مارس الرياضة يعاني من الترهلات في اغلب أجزاء
جسمه .. البطن واليدين والفخوذ
واحد من الشباب رواني ترهلات بطنه
قعدت يومين اقول دعاء الكرب

اللهم لك الحمد كما ينبغي لجلال وجهك وعظيم سلطانك

[كرواتيا]

السمنه مرض
الحمدلله ع نعمه الرشاقه

[أم محمد 90]

السلام عليكم


العمليه هي تغيير نظام الحياه اجبارياً

صج صج كل انسان يقول ان عمليه التكميم شي سهل والكل يسويها عشان يضعف بدون رياضه غلطاااااان

العمليه يبيلها التزااااام



ابداااا ماندمت اني سويتها


والحمدلله على كل حال

[vip-30003]

ليش بكل حياتنا اندور الاسهل واللي ما يتعبنا ،،،

انك تاكل كميات بسيطة بسبب قص المعدة ياخي سو رجيم ولا تاكل

لازم العملية ،، انا استغرب من بعض الناس اللي يقول لك ما اقدر

يعني سنين تاكل الخضر واليابس ماشبعت !!!!

اتبع رجيم وكل اسبوع حدد يوم واكل اللي بخاطرك

كل يوم روح الجم ساعه وبدال تمشي بالموتر تمشى برجلك

الجو حلو واذا جاك الحر عندك المولات وعندك السباحة

جربوا 5 وجبات معتدله ومشي ساعه يومياً

انا اشوف ان المبدأ واحد بدون عملية رجيم ورياضة

واذا سويت العملية رجيم ورياضة

الفرق بقص المعدة تشبع واتوقف عن الاكل اما بدون العملية ارادتك تتحكم فيك

[مضارب دوسري]

ليش بكل حياتنا اندور الاسهل واللي ما يتعبنا ،،،

انك تاكل كميات بسيطة بسبب قص المعدة ياخي سو رجيم ولا تاكل

لازم العملية ،، انا استغرب من بعض الناس اللي يقول لك ما اقدر

يعني سنين تاكل الخضر واليابس ماشبعت !!!!

اتبع رجيم وكل اسبوع حدد يوم واكل اللي بخاطرك

كل يوم روح الجم ساعه وبدال تمشي بالموتر تمشى برجلك

الجو حلو واذا جاك الحر عندك المولات وعندك السباحة

جربوا 5 وجبات معتدله ومشي ساعه يومياً

انا اشوف ان المبدأ واحد بدون عملية رجيم ورياضة

واذا سويت العملية رجيم ورياضة

الفرق بقص المعدة تشبع واتوقف عن الاكل اما بدون العملية ارادتك تتحكم فيك

كلامك جميييييييييييل
سوينا رجيم وضعفنا 10 ولا 20 كيلو
عقب ترجع تاكل عااااادي
هذا اللي يصير مع 90% من اللي يسوون رحيم
ونهايه صفر عالشمال

[دايموند]

سؤال.... كم كلفتكم العمليه؟؟

وليش كلكم تقولون الاردن ؟ ليش مب دول الخليج المجاورة او حتى قطر؟

[MoTeC]

سؤال.... كم كلفتكم العمليه؟؟
وليش كلكم تقولون الاردن ؟ ليش مب دول الخليج المجاورة او حتى قطر؟
تكلفتها بقطر وصلت ل 60الف ريال وفيه ب 55 او اقل ب شوي
فالاردن من 19~25 واعتقد مع الفنادق والتذاكر وبعد العمليه ممكن ترد الدوحه

[Bozizoo]

انا سويت العمليه قبل 9 شهور

لو يرجع الزمان 20 سنه كان سويتها
انا متندم على العمر الي فاتني وانا ماستانست بصحتي و جسمي و انا متيييييين و دب كني كوره
حايااا انا واحد ثاني تماما نفسيا و بدنيا

و

[دايموند]

تكلفتها بقطر وصلت ل 60الف ريال وفيه ب 55 او اقل ب شوي
فالاردن من 19~25 واعتقد مع الفنادق والتذاكر وبعد العمليه ممكن ترد الدوحه



معقووووله !!!! @@

فرق كبير جدا بالسعر

اشمعنه الاردن ؟ ليش مو البحرين او دول اقرب لنا اشوي

[دايموند]

وصلني اليوم ع البي بي



د : محمد خريس عاجل ومهم
رساله عاجله ومهمه لمن يريد إجراء عملية قص المعده في الاردن عند د محمد خريس أنا مواطن قطري عملت العمليه يوم الاربعاء 5/2/2014 بعد العمليه ب 3ساعات حسيت بعوار شديد بعد المسكنات والمغذي شافوا ان الضغط نازل وقل الاكسجين في الدم واتضح بعد فتح الكيس لاستخراج الوصخ من المعده مليان دم وتم وضع الكيس الثاني وانترس الكيس الثاني والثالث وانا ماشوف الا من كل صوب يجيني دكتور وشفتهم متخرعين عرفت ان عمليتي مانجحت وان هناك تم قطع شريان دم رئيسي في المعده بعد ربط المعده والدم انتشر في جسمي ثم بشكل عاجل قالوا يجب اجراء العمليه مرة ثانية لكن صديقي الاردني رفض وطلب احضار اخصائي من خارج المستشفى وقام باجراء العمليه لي ثم تم تغذيتي بكيسين دم والثالث قبل الخروج ولكن المشكله صارت في نزول الضغط حتى تم الاستقرار على الوضع ثم رجعت امس الحمدالله بعد ان تعافيت إلى قطر ولأهلي المهم الدكتور صار تجاري ما يفكر الا في الماده وخاصه قطرين يحطهم v I p تعرفون كم عمليه عمل نفس يوم الاربعاء والله 35 عمليه واليوم الثاني 38 عمليه يعني ماعنده وقت الحبيب وتم تحويل مبنى مستشفى الشميساني في الاردن لمرضى د خريس وخاصه القطرين نصيحه اللي يقدر يسوي رجيم او يعمل العمليه بقطر احسن له وانا انصح بالمشي وتقليل الاكل ماعليكم من كلام الناس الصحه نعمه من رب العالمين اخوكم بوعبدالله والله شاهد على كلامي ارجوا النشر

منقــول والله أعلم :]xx:x

[خالـــــد]

السلام عليكم

خل ادلي بدلوي ههههههه

انا سويت العمليه من حوالي اسبوع في العمادي طبعا كنت بسافر لكن الصراحه خوفوني من نظافة المكان فقلت ذل فلوسك ولا تذل نفسك

اما ليش سويت العمليه لاني ببساطه تعبت من كثر ما انزل وزني ويطلع مافي فايده عمري ما قطعت الرياضه وودي ما اقطعها علشان كذا قررت اني احافظ على وزني ..... وانا احب المغاوص وكل الالعاب

المشكله ان المفاصل بدت تتعب وانا مب صغير كم شهر وادش في الاربعين يعني

كان وزني 108 وطولي 178 وطبعا الب-ام-اي حول ال 35 في الميه

شكلي ما كان متين لكن ابي وزني يوصل بين ال 75 وال 80 علشان احافظ على جسمي

اما اخر سوال بالنسبه للندم لا مش ندمان بس علشان اكون صادق وياكم قبل العمليه بدقايق كنت متخرع العمليه مش بسيطه شق معده ههههه

لكن استخرنا وتوكلنا على الله والحمد لله كل الامور طيبه وهذا سادس يوم بعد العمليه ووزني الحين 102 وكل يوم امشي ساعه واحس بنشاط والحمد لله

اقول للي يقدر ينزل وزنه ويحافظ عليه لا تسويها اما اللي متبهدل وارادته تعبانه مثلي يستخير ويتوكل على الله

والله ينعم عليكم بالصحه والعافيه

[vip-30003]

كلامك جميييييييييييل
سوينا رجيم وضعفنا 10 ولا 20 كيلو
عقب ترجع تاكل عااااادي
هذا اللي يصير مع 90% من اللي يسوون رحيم
ونهايه صفر عالشمال


اخوي ترجع لشخص اتكلم عن نفسي فيني ضغط دم

لازم احافظ على نوع وكمية الاكل والرياضة ،،، وكنت مدمن شيشة والحمدالله تركتها

في امورك تجبرك اللي فيهم امراض مزمنه مثل الضغط والسكر

[يمامـة]

هناك مبالغات كبيرة وكاذبة ضد هذه العمليات وخاصة في مشاركة الأخ اللي حط الخبر نقلا من الوتس أب

بالعقل الدكتور يداوم الصبح في المستشفى للعمليات وحده لين الساعة 3 العصر

والساعة 4 العصر يستقبل الناس في عيادته الخاصة ،،

اذا كل مريض يدخل عنده ويطلع بسي دي فيه وقت عمليته
والعداد يقول ان من دخول المريض وفتح بطنه وانتهاء من العملية 30 دقيقة بالضبط
والدكتور خريس يكون متواجد مع كل مريض ،،

فلو قلنا ان الدكتور فتح دكان عملياته الساعة 7 الصبح
فمن الساعة 7 لين الساعة 3 العصر
8 ساعات لو كل مريض حسب سي دي الفيديو نص ساعة
فهو اقصى حد من العمليات بيسويها 16 عملية !!

فهل يعقل تصديق الرقم المبالغ في المشاركة انه يسوي يوميا 36 لين 38 عملية قص معدة ؟

حشى وين لهم غرف لكل هالعدد من المرضى للعلم ان كل مريض يقعد يومين يوم العملية واليوم اللي عقبه !!

حولي اثنين مسوينها ماشاءالله عليهم اشزينهم ومافيهم الا العافية ،،

فالمستشفى بهذه الحالة يحتاج الى 36 غرفة اليوم الأول+ 36 غرفة لمرضى اليوم الثاني
المجموع 72 غرفة كل يومين ل 72 مريض عملية قص المعدة !!

يعني

[blackjacket]

هل صحيح انه العمليه تسبب خلل في التشاط الجنسي للرجل
ياليت تردون
واحد يبي يسوي العمليه وخايف من هل شي

[أم محمد 90]

سؤال.... كم كلفتكم العمليه؟؟

وليش كلكم تقولون الاردن ؟ ليش مب دول الخليج المجاورة او حتى قطر؟

سويتها ف البحرين ب سبعه وعشرين الف

شامل كل شي

وغرفه خاصه

وعنايه

ومعامله ملكه

والله ماقصروووا وياااااي

[دايموند]

سويتها ف البحرين ب سبعه وعشرين الف

شامل كل شي

وغرفه خاصه

وعنايه

ومعامله ملكه

والله ماقصروووا وياااااي

عند من سويتيها؟

هاه بشري مامدى استفادتج للعمليه ؟

[أسد الجزيرة]

هل صحيح انه العمليه تسبب خلل في التشاط الجنسي للرجل
ياليت تردون
واحد يبي يسوي العمليه وخايف من هل شي

من قرايتي و متابعتي انه النشاط يزيد بعد العملية خصوصا بعد نقصان الوزن و زيادة تدفق الدم في الجسم ممكن هناك يكون في خمول اول شهور و لكن يذهب و هذا من قرايتي في منتدى اجنبي

[خالـــــد]

هل صحيح انه العمليه تسبب خلل في التشاط الجنسي للرجل
ياليت تردون
واحد يبي يسوي العمليه وخايف من هل شي

غير صحيح تماما بل العكس صحيح :)

[أم محمد 90]

عند من سويتيها؟

هاه بشري مامدى استفادتج للعمليه ؟

سويتها عند البرفيسور الشيخ خالد آل خليفه

والحمدلله استفدت واااايد

اول شي انا اتعمد ان مانقص وزني وايد لان الاشيا المثلجه تثبت الوزن ف انا الحين نزلت 11 كيلو ما شاء الله وثبت وزني بالايس كريم والبارد
لان اخاف من الترهلات خصوصا ان انا وزني كان تحت 100 وسويتها وشليت 50% من معدتي


ابد مو ندمانه الا صار عندي دافع وحرص اكثر ع نوعيه اكلي وكل شي

[جاسم الدوحة]

تكلفة العملية في قطر :
في مستشفى العمادي 50000
في المستشفى الأهلي 70000

ويقول أحد الأطباء القطريين إن الأدوات
التي تستخدم في العملية الواحدة مكلفة جدًا
وتبلغ قيمتها 30 ألف ريال ، وهي تستخدم
مرة واحدة فقط ويجب التخلص منها بعد العملية .

وقال إن بعض الأطباء يقوم بغسل تلك الأدوات
الخاصة (وليس تعقيمها) ثم استخدامها مرارًا
وتكرارًا للمرضى الآخرين ، وهذا هو سبب
التكلفة العالية للعملية في قطر و(رخصها) في
أماكن أخرى .

[khalid525]

يبدو ان الذين استفادوا من العملية اكثر من الذين لم يستفيدون، الله يرزق الجميع الصحة والسعادة

[O N E]

وصلني اليوم ع البي بي



د : محمد خريس عاجل ومهم
رساله عاجله ومهمه لمن يريد إجراء عملية قص المعده في الاردن عند د محمد خريس أنا مواطن قطري عملت العمليه يوم الاربعاء 5/2/2014 بعد العمليه ب 3ساعات حسيت بعوار شديد بعد المسكنات والمغذي شافوا ان الضغط نازل وقل الاكسجين في الدم واتضح بعد فتح الكيس لاستخراج الوصخ من المعده مليان دم وتم وضع الكيس الثاني وانترس الكيس الثاني والثالث وانا ماشوف الا من كل صوب يجيني دكتور وشفتهم متخرعين عرفت ان عمليتي مانجحت وان هناك تم قطع شريان دم رئيسي في المعده بعد ربط المعده والدم انتشر في جسمي ثم بشكل عاجل قالوا يجب اجراء العمليه مرة ثانية لكن صديقي الاردني رفض وطلب احضار اخصائي من خارج المستشفى وقام باجراء العمليه لي ثم تم تغذيتي بكيسين دم والثالث قبل الخروج ولكن المشكله صارت في نزول الضغط حتى تم الاستقرار على الوضع ثم رجعت امس الحمدالله بعد ان تعافيت إلى قطر ولأهلي المهم الدكتور صار تجاري ما يفكر الا في الماده وخاصه قطرين يحطهم v I p تعرفون كم عمليه عمل نفس يوم الاربعاء والله 35 عمليه واليوم الثاني 38 عمليه يعني ماعنده وقت الحبيب وتم تحويل مبنى مستشفى الشميساني في الاردن لمرضى د خريس وخاصه القطرين نصيحه اللي يقدر يسوي رجيم او يعمل العمليه بقطر احسن له وانا انصح بالمشي وتقليل الاكل ماعليكم من كلام الناس الصحه نعمه من رب العالمين اخوكم بوعبدالله والله شاهد على كلامي ارجوا النشر

منقــول والله أعلم :]xx:x





هذه إشاعة تم إطلاقها لتشويه سمعة الدكتور الفاضل محمد خريس


ويقال أن هنا في الدوحة مستشفى أراد إحضار الدكتور خريس للعمل فيه


بعرض وظيفي لكن الدكتور رفض ذلك العرض


بل وأيضاً صاحب هذا المستشفى كلم الدكتور لثنيه عن إجراء العمليات بهذا السعر المنخفض


وقال له يجب عليك رفع قيمة إجراء العملية


ولكن لأن الدكتور خريس محترم وقدير رفض ذلك تماماً


فلذلك تم إطلاق عدة إشاعات

[nicemoon]

انا اعرف شخصين نزلو الاردن قبل شهر تقريبا وانا كنت مرافق لهم وعملو العملية عند الدكتور خريس وحالتهم ماشالله مستقرة والتقدم ممتاز والتكلفة حدود 17000 ريال بدون الاقامة والطيران وعملو العملية الاربعاء وسافرو الجمعه وما شافو الا كل خير ..
والي ابيه اقوله ان جسم الانسان يختلف من شخص لاخر والنتائج قد تختلف من شخص لاخر وهذا شي طبيعي ..

[بوخالد911]

متااااابع

[مضارب دوسري]

سويتها عند البرفيسور الشيخ خالد آل خليفه

والحمدلله استفدت واااايد

اول شي انا اتعمد ان مانقص وزني وايد لان الاشيا المثلجه تثبت الوزن ف انا الحين نزلت 11 كيلو ما شاء الله وثبت وزني بالايس كريم والبارد
لان اخاف من الترهلات خصوصا ان انا وزني كان تحت 100 وسويتها وشليت 50% من معدتي


ابد مو ندمانه الا صار عندي دافع وحرص اكثر ع نوعيه اكلي وكل شي

هلا يا ام محمد
هل رجعتي للطبيب قبل اللي تسوينه ؟
ياليت تسالين اللي سوى لج العمليه ؟
ولا تاخذين النصايح من فلان وعلان لان كل جسم يختلف عن الاخر
وعلى فكره في شخص اعرفه كان مقضيها كوافي وايس كريم وعصير بو نص وربيان وجبس الخ
مع انه لما كان متين مافيه السكر
بعد العمليه جاله السكر

[مضارب دوسري]

وحطي في بالج الجسم تحت 40 لا يترهل ولكن بالرياضه يبين الجسم مشدود

[qatar143]

مساء الخير ..................أنا سويت العملية من 4 أشهر تقريبا ولله الحمد الأمور طيبة جدا بشرط اتباع التعليمات الغذائية التي ينصحك بها الطبيب في الـ 6 أشهر الأولى بعد العملية وإلى الآن ولله الحمد الأمور ممتازة والسكر انتهى للأمانة

[أم محمد 90]

هلا يا ام محمد
هل رجعتي للطبيب قبل اللي تسوينه ؟
ياليت تسالين اللي سوى لج العمليه ؟
ولا تاخذين النصايح من فلان وعلان لان كل جسم يختلف عن الاخر
وعلى فكره في شخص اعرفه كان مقضيها كوافي وايس كريم وعصير بو نص وربيان وجبس الخ
مع انه لما كان متين مافيه السكر
بعد العمليه جاله السكر

اهلين

اي سآلت مي شويطر هي اخصائيتي للتغذيه ومعاي ف الواتس اب بس نبهتني ماستمر يعني كم يوم بس

بس احب اشوف نصايح الناس ومو معناته اخذ بكلامهم يقولون لك اسال مجرب ولا تسال طبيب

[بصمة قطرية]

أم محمد
المشي ما في أحسن منه .
هالكلام لج و للكل
المشي يشد الجسم
بالذات للي سوو تكميم و نزلوا كثير من وزنهم ..
البعض أكيد بيعاني من الترهلات
و بيحتاج للمشي عشان يشد جسمه ..

[مضارب دوسري]

أم محمد
المشي ما في أحسن منه .
هالكلام لج و للكل
المشي يشد الجسم
بالذات للي سوو تكميم و نزلوا كثير من وزنهم ..
البعض أكيد بيعاني من الترهلات
و بيحتاج للمشي عشان يشد جسمه ..

صدقتي اختي بصمه

[بريق الحق]

الصراحه الموضوع خطير السمنة في ازياد فالوطن العربي

[أم محمد 90]

الصراحه الموضوع خطير السمنة في ازياد فالوطن العربي

ابشرك السمنه ف انخفاض نتيجه هالعمليه

انا قمت ادش الجامعه ينعدون ع الاصابع المتان

ويييين قبل ووووين الحين !

[أم محمد 90]

أم محمد
المشي ما في أحسن منه .
هالكلام لج و للكل
المشي يشد الجسم
بالذات للي سوو تكميم و نزلوا كثير من وزنهم ..
البعض أكيد بيعاني من الترهلات
و بيحتاج للمشي عشان يشد جسمه ..


والله ياختي الترهلات شي لابد منه سواء سويتي رياضه او لا

اي واحد بيسوي تكميم لازم يحط ف باله ان الترهلات بتصيبه

عموما بقى لي ظ،ظ© كيلو واوصل للوزن المثالي وبسوي شد عن احمد مكي وخلاص

:strong

[حمد 2002]

فيه فرق مابين نحافه طبيعيه ونحافه صناعيه ..

[حمد 2002]

ومتن عن متن يفرق ..

[حمد 2002]

النحافه الزايده اتلوع الجبد ويصبح صاحبها كالهيكل العظمي ..

[Northqatar]

سؤال.... كم كلفتكم العمليه؟؟

وليش كلكم تقولون الاردن ؟ ليش مب دول الخليج المجاورة او حتى قطر؟


لان الأردن ممكن تخلص موضوعك فيها باقل من 4 ايام

اما بالنسبة لقطر

فالمواعيد تتمد الى اكثر من سنه

واضف الى ذلك انه ماعندنا غرف


طبعاً الفضل يرجع الى الأجانب اللى يسون العملية عندنا

والقطري مواعيده تتمد الى اشهر

بالنسبة للتكلفه :

العملية = 3500 دينار = 18000 ريال
الفندق والتذاكر اذا معاك مرافق 15000 ريال
الأدوية واعتماد الأجازه = 2500
السواق 1500

هذا بالأردن

اما قطر اقل مستشفى خاص
65000 ريال

[بصمة قطرية]

والله ياختي الترهلات شي لابد منه سواء سويتي رياضه او لا

اي واحد بيسوي تكميم لازم يحط ف باله ان الترهلات بتصيبه

عموما بقى لي ظ،ظ© كيلو واوصل للوزن المثالي وبسوي شد عن احمد مكي وخلاص

:strong

الرياضة والمشي بيغنونج عن عمليات الشد ..
مشي و رياضة وسباحة ..

[بصمة قطرية]

الشعب القطري شعب كسوووول
يدور أسهل الطرق للضعف ..!!
صحيح في حالات يأست من الرياضة و الرجيم
بس في ناس بإمكانهم يضعفون بس مافي إرادة
يبون أسهل و أسرع الطرق ..!

[بريق الحق]

ابشرك السمنه ف انخفاض نتيجه هالعمليه

انا قمت ادش الجامعه ينعدون ع الاصابع المتان

ويييين قبل ووووين الحين !


سوال هل يرجع الانسان طبيعي بعد العمليه ؟
هل هناك اعراض خطره على المده البعيد ؟

السمنه منتشره بشكل كبير ونادر مانجووف اهل قطر في النوادي الرياضيه

[Northqatar]

الشعب القطري شعب كسوووول
يدور أسهل الطرق للضعف ..!!
صحيح في حالات يأست من الرياضة و الرجيم
بس في ناس بإمكانهم يضعفون بس مافي إرادة
يبون أسهل و أسرع الطرق ..!


كل الشعب كسول !!!!

على الفكره هذه العملية جايه من امريكا واوربا
واللى تعدادهم بالملاين
بلاد المشي

وعل فكره 30% من الناس ماتسويها للسمنه
يسونها عن الضعط والسكر

[قطرية مثقفة]

سمعت لازم فيتامينات مدى الحياة بعد العملية !!!؟؟؟ هل هذي صحيح ؟؟؟؟ لانه اذا هالمعلومة صحيحة يعني أضرارها مش شويه

[أسد الجزيرة]

في نوعين من العمليات
نوع يحتاج المداومة على الفيتامينات لمدة سنتين او ثلاث و تسمى تكميم او قص المعدة و يزال جزء من المعدة
و نوع يحتاج الى فيتامينات مدى العمر و تسمى تحوير المعدة و يتم ازالة جزء من المعدة مع جزء من الامعاء *

[بصمة قطرية]

كل الشعب كسول !!!!

على الفكره هذه العملية جايه من امريكا واوربا
واللى تعدادهم بالملاين
بلاد المشي

وعل فكره 30% من الناس ماتسويها للسمنه
يسونها عن الضعط والسكر

أغلب الشعب القطري ..
و هالشي الكل يعرفه ما نقدر ننكره ..!!
المشكلة مب في اللي يعانون من السمنة
و تحديداً السمنة المفرطة
المشكلة في اللي يبون الضعف بأسهل الطرق و أسرعها ..!!
شوف شلون العمليات صارت هوس ..
حتى الضعاف قاموا يسوونها
البعض ما يعاني من سكر و لا ضغط بس ما يبون يمتنون ..!!!
و إذا على أوروبا و أمريكا
أمريكا تحديداً نسبة السمنة فيها غير طبيعية ..!!
لهالسبب إخترعوا هالعمليات عشان تساعد اللي يعانون من السمنة المفرطة ..!!!
وحدة من معارفنا راحت تتعالج في ألمانيا وماشاء الله وايد متينه
بعد ما تعالجت و خلصت الدكتور قال لها
مستحيل ترجعين بلادج جذي ..!!
و سوت تكميم و رجعت ..!!
شفت اللي حولي مسوينها أغلبهم مب محتاجينها ..!!!
انت قلت 30% يسوونها عشان الضغط و السكر ..
يعني 70% يعانون من السمنة ..!!!
كم نسبة اللي ما لهم حاجة يسوونها ..؟؟!!
للأسف ممارسة الرياضة صارت نادرة جداً ..
سألت ثلاث مسوينها و مافي داعي لها
قلت لها ليش سويتوها تقدرون تنزلون كم كيلو بالرياضة
و المشي ..!!
و تحافظون على أوزانكم ..
كان الرد واحد تقريباً ..
من صجج نقعد نمشي و نتمرن
تكميم و خلاص ..

[حسن الاحمد]

اعرف اثنين سووها بالاردن عند الدكتور خريص وكان عندهم مشكلة الضغط والحين مرتاحين جدا بعد العملية..
بس واحد منهم وجهه شاااااحب واحسه صار شايب... شنو السبب ياترى؟؟

[أسد الجزيرة]

السبب فقدان الشحوم و ترهل الجلد و ممكن من نقص الفيتامينات

[السيلاوي]

السلام عليكم إخواني الأعضاء جميعا
أنا بتكلم عن تجربتي بما أني عضو معاكم
أنا بدأت في نزول الوزن بعد ما اشتركت في مسابقة كن رشيقا التي نظمتها اللجنة الأولمبية بالتعاون مع مركز في ال سي سي العام الماضي 2013 وكان وزني 134.1 والحمد لله استطعت الفوز في المسابقة بعد ما فقدت 49.6 كيلو في اليوم الرياضي هذا العام
وتقريبا البرنامج كان سنة كاملة واهم شئ فيه المتابعة والنظام الغذائي والرياضة
كنت أتابع مع المركز وكنت أخذ جلسات للمساعدة بتكسير الدهون وبدون نظام غذائي ورياضة الجلسات ما تعمل شئ وكان بصراحة الأخصائي اللي يتابعني جداً رائع والحمد لله الآن محافظ على وزني بدون رجيم بس تمارس الجري ساعة يوميا
بالرياضة والنظام الغذائي افضل بكثير من عملية تكميم المعدة
تقبلوا تحياتي إخواني وأخواتي الأعضاء بارك الله فيكم جميعا
وشكرا للقائمين على هذا المنتدى الرائع

[أم محمد 90]

الرياضة والمشي بيغنونج عن عمليات الشد ..
مشي و رياضة وسباحة ..

اذا تعرفين اماكن فيها سباحه (غير اسباير ) دليني

[أسد الجزيرة]

الجلد المترهل ما له علاج الا القص اي شئ ثاني كلام فاضي ممكن بعض الاماكن تتحسن و لكن الي وزنه كبير وايد و نزل يترهل الجلد بنسبة اكبر

[أم محمد 90]

أغلب الشعب القطري ..
و هالشي الكل يعرفه ما نقدر ننكره ..!!
المشكلة مب في اللي يعانون من السمنة
و تحديداً السمنة المفرطة
المشكلة في اللي يبون الضعف بأسهل الطرق و أسرعها ..!!
شوف شلون العمليات صارت هوس ..
حتى الضعاف قاموا يسوونها
البعض ما يعاني من سكر و لا ضغط بس ما يبون يمتنون ..!!!
و إذا على أوروبا و أمريكا
أمريكا تحديداً نسبة السمنة فيها غير طبيعية ..!!
لهالسبب إخترعوا هالعمليات عشان تساعد اللي يعانون من السمنة المفرطة ..!!!
وحدة من معارفنا راحت تتعالج في ألمانيا وماشاء الله وايد متينه
بعد ما تعالجت و خلصت الدكتور قال لها
مستحيل ترجعين بلادج جذي ..!!
و سوت تكميم و رجعت ..!!
شفت اللي حولي مسوينها أغلبهم مب محتاجينها ..!!!
انت قلت 30% يسوونها عشان الضغط و السكر ..
يعني 70% يعانون من السمنة ..!!!
كم نسبة اللي ما لهم حاجة يسوونها ..؟؟!!
للأسف ممارسة الرياضة صارت نادرة جداً ..
سألت ثلاث مسوينها و مافي داعي لها
قلت لها ليش سويتوها تقدرون تنزلون كم كيلو بالرياضة
و المشي ..!!
و تحافظون على أوزانكم ..
كان الرد واحد تقريباً ..
من صجج نقعد نمشي و نتمرن
تكميم و خلاص ..

عزيزتي بصمه ..


صعب جدا تقارنين امريكا في وضع بلادنا

تعالي نحسبها ..


نبدأ يومنا ف الساعه 5 ونص صباحا على مانقوم ونصلي ونجهز جات 6 ونص

نشير بالزحمه لين الدوام مالا يقل عن نصف ساعه الا ساعه ..

ندخل دوامنا ونبدأ نشتغل لين 2 ونص

نطلع من دوامنا يبي لنا ساعه عشان نوصل البيت

نوصل 3 تقريباً ولا 3 ونص ع حسب االمسافه

لين مانبدل نصلي وناكل جات 4 ونص ولا 5 !!

طيب يلا بنروح نمشي ؟؟

نطلع لين نوصل جات 5 ونص ولا 6 ؟ ويبي لنا ما لايقل عن ساعه ف الجم !

ويومنا ينتهي ع ال8 ! ولا 9

متى بنقوم بباقي الامور ؟؟؟

(اتكلم عن النسبه الاكبر لان اعرف بيجيني رد في ناس تمرنو وفي ناس مادري ايش)

تعالي شوفي عاد لو شخص يشتغل ويدرس بنفس الوقت !

ولا لو كانت ربه بيت وعندها عيال !

امريكا يقومون 6 !

عندهم ثلاث ساعات عشان يوصلون الدوام لان الدوام يبدا 8 ونص او 9 !!!

ويخلص العصر !

غير البريك الالزامي الي مدته ساعه وعادي يطلع فيه من الدوام !!

وغير ان اساسا يومهم ينتهي 11 فالليل

ف صعب جدا مقارنه حياتهم بحياتنا

صدقيني والله المشكله ضيق الوقت ولا تحطين في بالج ولا دقيقه ان اي شخص سوى تكميم ماجرب في عمره ينزل وزنه !

[Abdulraman]

يصير انا ارد :shy:
انا ماسويتها بس باقولك تجارب اكثر من شخص سواها

اغلبية الي سووها واعرفهم فيهم السكر والضغط
سووها في الاردن ومن بعد العمليه السكر والضغط صار معتدل ووقفو الحبوب
والدكتور هو الي قايلهم يوقفونها.

وفي كم وحده ضعاف بس سووها لان فيهم السكر وفعلاً يقولون من بعد العمليه ماحتاجو انهم ياكلون حبوب السكر.

ماقد سمعت حد يشتكي منها غير الالم الي يكون بعد العمليه

ضعاف ومسوين عمليه قص معده مستحيل لان اللي سمعته الدكتور مايسوي العمليه الا اذا كان الوزن فوق ...مش عارف كم

[Right]

سمعت لازم فيتامينات مدى الحياة بعد العملية !!!؟؟؟ هل هذي صحيح ؟؟؟؟ لانه اذا هالمعلومة صحيحة يعني أضرارها مش شويه






تحزيم المعدة:

يتوجب أخذ الفيتامينات طول العمر



أما



تكميم المعدة:

فلا يتوجب أخذ الفيتامينات طول العمر بل لمدة أشهر قليلة فقط

[أم محمد 90]

ضعاف ومسوين عمليه قص معده مستحيل لان اللي سمعته الدكتور مايسوي العمليه الا اذا كان الوزن فوق ...مش عارف كم

مشكله مفهوم الضعف عندنا ان الوحده يكون وزنها زايد (مليانه) ومحد يقولها انتي دبه يقولون لها انتي مايبيلج شي

اما ف امريكا خل وزنها بس يصك ظ¦ظ¥ ان ماستلموها طنازه يا متينه ويامتينه

[السحابة]

الرياضية الرياضة والعزيمة أفضل من العمليات

[أم محمد 90]

اليوم كملت شهر من العمليه ونزلت 11 كيلو ما شاء الله

مابقى شي ع المثالي :yu:

اللهم لك الحمد http://uoh4u.com/vb/images/smilies/Xx55xX.gif

[يمامـة]

اليوم كملت شهر من العمليه ونزلت 11 كيلو ما شاء الله

مابقى شي ع المثالي :yu:

اللهم لك الحمد http://uoh4u.com/vb/images/smilies/Xx55xX.gif

الله يتمم عليج على خير يارب
والحمدلله على السلامة للمرة الثانية

[بصمة قطرية]

اذا تعرفين اماكن فيها سباحه (غير اسباير ) دليني

أأمن مكان سباير ..


عزيزتي بصمه ..


صعب جدا تقارنين امريكا في وضع بلادنا

تعالي نحسبها ..


نبدأ يومنا ف الساعه 5 ونص صباحا على مانقوم ونصلي ونجهز جات 6 ونص

نشير بالزحمه لين الدوام مالا يقل عن نصف ساعه الا ساعه ..

ندخل دوامنا ونبدأ نشتغل لين 2 ونص

نطلع من دوامنا يبي لنا ساعه عشان نوصل البيت

نوصل 3 تقريباً ولا 3 ونص ع حسب االمسافه

لين مانبدل نصلي وناكل جات 4 ونص ولا 5 !!

طيب يلا بنروح نمشي ؟؟

نطلع لين نوصل جات 5 ونص ولا 6 ؟ ويبي لنا ما لايقل عن ساعه ف الجم !

ويومنا ينتهي ع ال8 ! ولا 9

متى بنقوم بباقي الامور ؟؟؟

(اتكلم عن النسبه الاكبر لان اعرف بيجيني رد في ناس تمرنو وفي ناس مادري ايش)

تعالي شوفي عاد لو شخص يشتغل ويدرس بنفس الوقت !

ولا لو كانت ربه بيت وعندها عيال !

امريكا يقومون 6 !

عندهم ثلاث ساعات عشان يوصلون الدوام لان الدوام يبدا 8 ونص او 9 !!!

ويخلص العصر !

غير البريك الالزامي الي مدته ساعه وعادي يطلع فيه من الدوام !!

وغير ان اساسا يومهم ينتهي 11 فالليل

ف صعب جدا مقارنه حياتهم بحياتنا

صدقيني والله المشكله ضيق الوقت ولا تحطين في بالج ولا دقيقه ان اي شخص سوى تكميم ماجرب في عمره ينزل وزنه !

كلامج صحيح
ما إختلف معاج في اللي قلتيه ..
بس تقدرين تغيرين جدولج شوي
خلي المشي مثلاً الساعه تسع
تكونين خلصتي كل امورج حتى لو عندج مشاوير
و مواجيب تخلصينها
و اذا مثلاً انعزمتي جدمي كم ساعه ..!!
أنا ربة بيت وعندي عيالي مدارس وواجبات
والحمدلله رتبت لي جدول حلو
واللي شجعني ان سباير احذانا ..

[MS.TOMA]

مبارك عليكم الشهر .. رمضان 2014
العمليه قص المعده لها منافع اللي عندهم ضعط والسكر ..
لان السمنه .. ترا مولمة جداا
خاصه اللي كانو اصحاء .. مع المتن صادهم السكر .. والضعط والامراض المصاحبه للسمنه المفرد
يعني كتله الجسم ما تكون اكثر من 40%
مع المحافظه على الجسم بعد اعمليه ..
يعني مافي اكل من المطاعم السريعه او المقالي .. الخ من اخطاء في الاكل ..
يعني لازم تغير نظام الاكل

[ابن الجزيرة]

السلام عليكم

لا طبعاً

لله الحمد

ان تفضل بها علي



وانصحك بها



وللعلم
وسويتها بالأردن
وكان معاى شاب بحريني عمره 18 سنه و ما كان متين كثير فسالته ليش بتسويها
قالى انه فيه السكرى وانه يوصل 400 وطبعاً هذه نسبة كبيرة

لذلك انصحوه بالعملية

هذا شاب عمره 18سنة ومصاب بالسكري المعتمد على الإنسولين النوع الأول يعني الخلل في خلاياه البنكرياس

وليس سكري ناتج عن البدانة ... ونصحوه يعمل عملية قص معدة؟

نحن في زمن العجائب وزمن الجهل والتجهيل

لا تنظروا مثل هذه النصائح لان فيها ضرر للناس

[مراد2015]

هي زينه لشخص عنده سمنه مفطره

ومايقدر يسوي رجيم

لكن يسويها شخص جسمه زين علشان عنده احتكاك في الركبه الديسك يعوره

هذا غلطان واكيد لها اثار سلبيه في المستقبل


لكني اعرف زميل معي في العمل سوى عملية قص معده وقلت له ززينه العمليه اسويها


قاااااااال تبي نصيحني لاتسويها قسم با الله اني تعبان ولو سويت رجيم ابرك لك

[معماري قطري]

كل الشعب كسول !!!!

على الفكره هذه العملية جايه من امريكا واوربا
واللى تعدادهم بالملاين
بلاد المشي

وعل فكره 30% من الناس ماتسويها للسمنه
يسونها عن الضعط والسكر

من فترة بسيطة سئلت عنها في أَمريكا طبيب وقال للحين ما أَجازوها .. وبعدين جاني كلام إِنهم يسونها في هيوستن وتوهم باديين .. في أَمريكا صعب إِجازة أَي شيء طبي بسرعة .. لازم قوانين واجراءات وموافقات معقدة بس من تتم الموافقة تنتشر بين الكل ويبدون يتعلمونها الأَطباء ويسونها الناس

[JN000N]

من فترة بسيطة سئلت عنها في أَمريكا طبيب وقال للحين ما أَجازوها .. وبعدين جاني كلام إِنهم يسونها في هيوستن وتوهم باديين .. في أَمريكا صعب إِجازة أَي شيء طبي بسرعة .. لازم قوانين واجراءات وموافقات معقدة بس من تتم الموافقة تنتشر بين الكل ويبدون يتعلمونها الأَطباء ويسونها الناس

ودكاترة امريكيين ماينصحون فيها

[أسد الجزيرة]

ممكن اثبات انها ممنوعة في امريكا و لا كلام بس

[يمامـة]

العملية هذي في الدول المتقدمة صارت بالروبوت

المانيا والدول الأوروبية اللي قوانينهم الطبية اصعب من امريكا..

فاليوم اللي مسوي تكميم هو له الحق في التحدث عن حالته
و عن مدى تأثير العملية على صحته و شكله وطبيعة حياته..

اما اللي ما كمم اعتقد ما يصير يفتي بشي هو ما جربه..

مع كامل احترامنا لوجهة نظره،، فاللي مسوي العملية هو اللي يقدر يقول
اذا العملية فادته ولا ضرته ،، تعبته ولا هلكته.. عايش مبسوط ولا يعاني..

انتهى

[مضارب دوسري]

بعد 7 شهور من اجراء العمليه
كل شي تماااام ولله الحمد والمنه

[JN000N]

ممكن اثبات انها ممنوعة في امريكا و لا كلام بس


انا قالتلي دكتوره حضرت مؤتمر هني قالو ان ماينصحون فيها وهي اصلا كانت تفكر تسويها وهونت عقب المؤتمر وبتسوي العمليه الثانيه الجديده لحين ماسووها ف قطر

[مضارب دوسري]

انا قالتلي دكتوره حضرت مؤتمر هني قالو ان ماينصحون فيها وهي اصلا كانت تفكر تسويها وهونت عقب المؤتمر وبتسوي العمليه الثانيه الجديده لحين ماسووها ف قطر

شوفي ياختي جنون مب كل الدكاتره كلامهم صحيح
مثلا الطبيب الجراح اللي يسوي العمليه بينصج فيها
واللي ما يسويها ماراح ينصحج
واللي يسوي عملية بالون المعده بيقول البالون افضل من القص
واللي يسوي قص بيقول العكس
واللي يسوي كل هالعمليات بيقول طب وتخير
وهكذا
مش كل دكتور يفقه في كل شي
في النهايه
اسال مجرب ولا تسال طبيب

بعض الناس ياخذ كلام اي دكتور على انه صحيح
حتى لو حات نصيحه له من دكتور اسنان ونصيحته عن الباطنيه
بياخذ بنصيحته
فالنهايه القرار قرار شخصي وكل شخص اعلم ما بنفسه اذا كان يريد ان يعملها او لا
وبقولج شي اخير
الدببه اللي يخافون من ان يسوون هالعمليه
بيقولون خطر ومدري ايش وفيها موت ويجيب تقارير من النت وما الى ذلك
واللي يشوف نفسه محتاج العمليه وقرر وتوكل على الله
كلامه بيكون غير
فالنهايه
قال تعالى
(فاذا جاء اجلهم لا يستاخرون ساعة ولا يستقدمون)
قبل ماسوي العمليه كنت اقرا تعليقات الاخوان الايجابيه ف اتفاعل
واقرا السلبيه ف اخاف
بهد ذلك عرفت ان معظم الاعضاء اللي تعليقاتهم سلبيه هم اصلا نا سووها
وماخذين معلوماتهم من اشاعات واتس اب وبي بي

[أسد الجزيرة]

على كلام دكتور سألته عن العملية يقول الدكتور خريص عامل شغل جامد :)

[Purple]

اول شي الي بيقول خطره ليش ماقلت عن امراض السمنه القاتله!!!!!!!!!!!! ضغط دم,نوبه قلبيه, سكر, كورسترول,الام المفاصل, اختناق اثناء النوم!!!!!


انا اشوف عمليه تكميم المعدة عمليه علاج للسمنه ولا فيها اي خطر بأذن الله

يجب الاستخاره اول شي وثاني شي لابد اختيار الدكتور الصح وانصح محد يسويها برع يسويها في مستشفى حمد وينطر دكتور زائر افضله لا خريص ولا غيره خلكم في بلادكم وانطرو المواعيد انصحكم نصيحه لحد يسويها برع


والي يقول العمليه خطره ازيد من كلامي الي يسوي العمليه وعقب مايطلع من المستشفى يروح يخبص في الاكل على كيفه ولا يسمع ارشادات دكتورة التغذيه اكيد بيصيده تـــــــــــــــــــــــــــــــسريـــــــــــــــ ــــــــب ويـــــــــــــــمـــــــــــــــــــــن نـــــــــزيــــــــــف والخطء يكون من الشخص نفسه الي هو اهمل عمره وعقب يحط اللوم على الدكتور!!!! نصيحه لله اتبع ارشادات دكتورة التغذية اول سبوع وثاني سبوع ولين 3-6 شهور وعقب كيفك كل على راحتك انت ذاك الساع بتعرف اتوازن حق عمرك

[Purple]

ودكاترة امريكيين ماينصحون فيها


اختي معلومتج غلط عملية قص المعدة هي العملية الوحيدة في العالم معتمد عليها من وزارة الصحة الأمريكية.

لاتسمعين كلام كل من هب ودب الي اخترعو العملية يجون قطر ويسونها ومش دكتور هو اصلا يكفي اسمه بروفسور

[Purple]

العملية هذي في الدول المتقدمة صارت بالروبوت

المانيا والدول الأوروبية اللي قوانينهم الطبية اصعب من امريكا..

فاليوم اللي مسوي تكميم هو له الحق في التحدث عن حالته
و عن مدى تأثير العملية على صحته و شكله وطبيعة حياته..

اما اللي ما كمم اعتقد ما يصير يفتي بشي هو ما جربه..

مع كامل احترامنا لوجهة نظره،، فاللي مسوي العملية هو اللي يقدر يقول
اذا العملية فادته ولا ضرته ،، تعبته ولا هلكته.. عايش مبسوط ولا يعاني..

انتهى


كلامج اختي يمامه عين العقل وانا اقول توكلو على الله والله انها رااااااااااااااااحه والحمدلله رب العالمين

[العلياا]

على كلام دكتور سألته عن العملية يقول الدكتور خريص عامل شغل جامد :)

تصدق اخوي
من فترة اختي قررت تسويها ويوم اسالت قالوا مالج الا خريص توكلت ع الله وراحت له
مسكينة انصدمت بكمية الناس اللي رايحين له وحست انه اهم شي عنده يستقبل كل الحالات ولا حالة تطوفه
هاي غير انه ماعنده مشكلة يقص النسبة اللي تطلبها لكن الاهم يخلي مسؤليته ويكتب تهعد بهالشي
المهم انها كنسلت لانها حست انها داخله قصاب مب دكتور


ورداً ع عنوان الموضوع بنت خالتي مسويتها من شهرين تقويبا وندمانه جداً
وشكراً

[مضارب دوسري]

على كلام دكتور سألته عن العملية يقول الدكتور خريص عامل شغل جامد :)
الاستشاري
محمد سعدون العذبه هو اللي شجعني
بس بدون ذكر اسماء
قالي اذا بتسويها سوها عند واحد نقاش
يده متعوده على هالعمليات
قلت له يعني اسويها عند فلان ابتسم
فاعتبرته كنه ينصحني فيه حسيت كذا وتوكلت على الله ورحت له

[مضارب دوسري]

اول شي الي بيقول خطره ليش ماقلت عن امراض السمنه القاتله!!!!!!!!!!!! ضغط دم,نوبه قلبيه, سكر, كورسترول,الام المفاصل, اختناق اثناء النوم!!!!!


انا اشوف عمليه تكميم المعدة عمليه علاج للسمنه ولا فيها اي خطر بأذن الله

يجب الاستخاره اول شي وثاني شي لابد اختيار الدكتور الصح وانصح محد يسويها برع يسويها في مستشفى حمد وينطر دكتور زائر افضله لا خريص ولا غيره خلكم في بلادكم وانطرو المواعيد انصحكم نصيحه لحد يسويها برع


والي يقول العمليه خطره ازيد من كلامي الي يسوي العمليه وعقب مايطلع من المستشفى يروح يخبص في الاكل على كيفه ولا يسمع ارشادات دكتورة التغذيه اكيد بيصيده تـــــــــــــــــــــــــــــــسريـــــــــــــــ ــــــــب ويـــــــــــــــمـــــــــــــــــــــن نـــــــــزيــــــــــف والخطء يكون من الشخص نفسه الي هو اهمل عمره وعقب يحط اللوم على الدكتور!!!! نصيحه لله اتبع ارشادات دكتورة التغذية اول سبوع وثاني سبوع ولين 3-6 شهور وعقب كيفك كل على راحتك انت ذاك الساع بتعرف اتوازن حق عمرك

صدقت ياخوي
في ناس راحوا فيها بسبب اهمالهم وخريس قالي اجراء العملية هو 40%
اتباع الارشادات اول سنه هي 60% من نجاحها
قال ايضا
مجرد ان المريض نسوي له تلفزيون بعد العمليه ونتاكد انه تمام ونعطيه خروجيه
معناها شغلي انتهى عند هذا الحد
الباقي على المريض نفسه

في ناس دببه او براميل متحركه خوااافه للاسف تجلس تطرش برودكاستات للناس فلان مات وفلانه ماتت
ناس اعرفهم كانه هو اللي دافع للعمليه ياحظك يا فلان ضعفت
لانه يخاف ما يبي احد يسويها تجيله غصه لما يشوف فلان ضعف هههه
هذا الواقع
اما بخصوص الاشاعات عن فلان مات وفلان كذا
لما تسال يطلع الموضوع اما تسريب او مات بعرض ثاني مثلا واحد الله يرحمه توفى بحادث كتبوه الناس انه توفى بسبب العمليه اللي كان مسويها قبل3 شهور
والحمدلله رب العالمين بعد موضوعي اللي فتحته من فتره فيه ثلاث اعضاء توكلوا وسووها غير اللي معاي فالدوام اكثر من 4 اشخاص
وطرشولي بعد العمليه رساله خاصه

[بنت شرق]

اذا الله كتب بسويها بشهر 9 ، دعواتكم
لكن بالنسبة لي الدكتور لا قالي ايش اسويقبل أو بعد العملية ولاهم يحزنون
دخلت كلمني من غير نفس ، قالي بما معناه فيه ضرب نعل على هالعمليات وانتي مش محتاجتها مع إنه كتلتي الجسمية 41% وعندي بدايات اعراض ضغط
وفقر دم والخ
المهم قلت له ابغي اسويها ولا في اذني ماي قال المشكلة في فقر الدم اذا ماتعدلت نسبته احتمال أأجلها
مع أنه ما تم حد عندنا ماسواها ن الدنيا حظوظ أو واسطه

[JN000N]

اختي معلومتج غلط عملية قص المعدة هي العملية الوحيدة في العالم معتمد عليها من وزارة الصحة الأمريكية.

لاتسمعين كلام كل من هب ودب الي اخترعو العملية يجون قطر ويسونها ومش دكتور هو اصلا يكفي اسمه بروفسور

من الي هب ودب؟
انا قلت اول ماطلعو بالعمليه كان في مؤتمر وحضرته دكتوره ويات قالت الدكاتره ماينصحون فيها لانها خطره
هي والتحوير
قالت اصبرو في عمليه بتطلع يديده ف الدوحه هذي زينه حتى انا بسويها< تقصد نفسها
هي نفسها اصلا كانت تبي تسوي العمليه

[سليمان احمد]

السؤال ؛ هل العمادي يسوي العمليه للقطريين على التامين اللي فيهم سكر وزنهم زايد ولا لا

من عنده خبر يفيدني

[مضارب دوسري]

السؤال ؛ هل العمادي يسوي العمليه للقطريين على التامين اللي فيهم سكر وزنهم زايد ولا لا

من عنده خبر يفيدني

اللي اعرفه وسمعته ومتاكد منه ان العملبه ضافوها من ضمن التامين
عاد مدري للحين ولا غيروا رايهم
لان كل يوم قرارات جديده بخصوص التامين

[Purple]

صدقت ياخوي
في ناس راحوا فيها بسبب اهمالهم وخريس قالي اجراء العملية هو 40%
اتباع الارشادات اول سنه هي 60% من نجاحها
قال ايضا
مجرد ان المريض نسوي له تلفزيون بعد العمليه ونتاكد انه تمام ونعطيه خروجيه
معناها شغلي انتهى عند هذا الحد
الباقي على المريض نفسه

في ناس دببه او براميل متحركه خوااافه للاسف تجلس تطرش برودكاستات للناس فلان مات وفلانه ماتت
ناس اعرفهم كانه هو اللي دافع للعمليه ياحظك يا فلان ضعفت
لانه يخاف ما يبي احد يسويها تجيله غصه لما يشوف فلان ضعف هههه
هذا الواقع
اما بخصوص الاشاعات عن فلان مات وفلان كذا
لما تسال يطلع الموضوع اما تسريب او مات بعرض ثاني مثلا واحد الله يرحمه توفى بحادث كتبوه الناس انه توفى بسبب العمليه اللي كان مسويها قبل3 شهور
والحمدلله رب العالمين بعد موضوعي اللي فتحته من فتره فيه ثلاث اعضاء توكلوا وسووها غير اللي معاي فالدوام اكثر من 4 اشخاص
وطرشولي بعد العمليه رساله خاصه



صدقت اخوي مضارب وانا الحمدلله توني مسويها ومرتاح الحمدلله الام الظهر والاركب الحمدلله راااااااح من عندي الحمدلله معني توني مسويها داخل في السبوع الثاني الحين والحمدلله مرتاح حدي


المشكله في بعض الناس تفتي على كيفها يخرعون العالم وفي بعض الناس مايبونك تسويها حاسدينك مايبونك تضعف ويطلع الزين وتكشخ في لندن وفرنسا هههههههههههههه :nice:


المشكله الوحيده انك ماتقدر تاكل خساااج اول الايام بس يالله ننطر سنه وعقب انجرب الخساج:tease:

[Purple]

تصدق اخوي
من فترة اختي قررت تسويها ويوم اسالت قالوا مالج الا خريص توكلت ع الله وراحت له
مسكينة انصدمت بكمية الناس اللي رايحين له وحست انه اهم شي عنده يستقبل كل الحالات ولا حالة تطوفه
هاي غير انه ماعنده مشكلة يقص النسبة اللي تطلبها لكن الاهم يخلي مسؤليته ويكتب تهعد بهالشي
المهم انها كنسلت لانها حست انها داخله قصاب مب دكتور


ورداً ع عنوان الموضوع بنت خالتي مسويتها من شهرين تقويبا وندمانه جداً
وشكراً

مرحبا اختي الكريمة ممكن اعرف ليش بنت خالتك ندمانه؟؟؟

[مضارب دوسري]

صدقت اخوي مضارب وانا الحمدلله توني مسويها ومرتاح الحمدلله الام الظهر والاركب الحمدلله راااااااح من عندي الحمدلله معني توني مسويها داخل في السبوع الثاني الحين والحمدلله مرتاح حدي


المشكله في بعض الناس تفتي على كيفها يخرعون العالم وفي بعض الناس مايبونك تسويها حاسدينك مايبونك تضعف ويطلع الزين وتكشخ في لندن وفرنسا هههههههههههههه :nice:


المشكله الوحيده انك ماتقدر تاكل خساااج اول الايام بس يالله ننطر سنه وعقب انجرب الخساج:tease:

من قال سنه
عادي تاكل بعد 35 يوم بس
لازم تسوي كنترول لنفسك
يعني تاكل شي بسيط وتقوم انت من نفسك بتعرف متى تحس انك شبعت
بس لا تضرب فالدهون على طول

[سليمان احمد]

ممكن اعرف وشو خساج

[سليمان احمد]

مناكد انه ممكن اسويها على التامين اذا كان الوزن زايد ومعاي سكر

ووين تنصح اسويها يالدوسري في العمادي ولا الاهلي

[يمامـة]

مرحبا اختي الكريمة ممكن اعرف ليش بنت خالتك ندمانه؟؟؟

بربل.. ما ادري اذا انتي وحدة ولا واحد

لازم ولا بد تهتم في نوعية الغذاء ..

بشكل عام حط في حسابك ان مطارة الماي ترافقك في كل خطواتك
وتشرب منها متى في كل وقت اقل شي تشرب لتر ونص
خذ لك مطارة ام 500 ملي واشرب منها خلصت خذ لك ثانية..

اشرب عصاير تفاح وجزر فرش في هالفترة والفترات القادمة..

الشوفان خله في كل انواع الشوربات وخلهم يطبخونه لك بثمار الخضار
واخر غلية خلهم يحطون لك الخضار الورقية ( سبانخ .. ملوخية،، سلق،، شبت،، جلجلان)
أي نوع اللي يعجبك .. ولا تنسى المشروم الفرش بيعوضك بقليل من البروتينات اللي ممنوعة
عنك في اللحم والبيض ..

المشي قد ما تقدر ،، وحط في بالك ان المشي وشرب الماي والعصاير
والتغذية السليمة راح يبعد عنك شحوب الويه وذبلانه ..

[يمامـة]

تصدق اخوي
من فترة اختي قررت تسويها ويوم اسالت قالوا مالج الا خريص توكلت ع الله وراحت له
مسكينة انصدمت بكمية الناس اللي رايحين له وحست انه اهم شي عنده يستقبل كل الحالات ولا حالة تطوفه
هاي غير انه ماعنده مشكلة يقص النسبة اللي تطلبها لكن الاهم يخلي مسؤليته ويكتب تهعد بهالشي
المهم انها كنسلت لانها حست انها داخله قصاب مب دكتور


ورداً ع عنوان الموضوع بنت خالتي مسويتها من شهرين تقويبا وندمانه جداً
وشكراً

وهذي اشاعة كبيرة ضد خريس..

من قال ان خريس يسوي علية لأي شخص يدخل عنده؟

في ناس رفض يسوي لهم عمليات مثل وحدة وزنها 80 ولا هي في بداية
السمنة فرفض يسوي لها التكميم.. وواحد ثاني كان عنده ارتفاع كبير في الضغط والسكر
طلب منه يرد بلاده ويرد له عقب ثلاث شهور بعد ما يمشي على علاج معين..

ما في دكتور بيخاطر بمهنته علشان يقصب الناس ،،

[JN000N]

وهذي اشاعة كبيرة ضد خريس..

من قال ان خريس يسوي علية لأي شخص يدخل عنده؟

في ناس رفض يسوي لهم عمليات مثل وحدة وزنها 80 ولا هي في بداية
السمنة فرفض يسوي لها التكميم.. وواحد ثاني كان عنده ارتفاع كبير في الضغط والسكر
طلب منه يرد بلاده ويرد له عقب ثلاث شهور بعد ما يمشي على علاج معين..

ما في دكتور بيخاطر بمهنته علشان يقصب الناس ،،

يمامه
بنت خالي وزنها 84 ولافيها لا سمنه ولا شي وسوالها بدون تردد ومن ناحية امراض سكر او ضغط كلش مافيها شي
نفس الشي اخت رفيجتي
اول شي قالها مابسويلج عقب قالها اوكي بسويلج

[يمامـة]

يمامه
بنت خالي وزنها 84 ولافيها لا سمنه ولا شي وسوالها بدون تردد ومن ناحية امراض سكر او ضغط كلش مافيها شي
نفس الشي اخت رفيجتي
اول شي قالها مابسويلج عقب قالها اوكي بسويلج

صديقة اختي وزنها 80 وطولها اقل من 60 رفض يسوي لها رفض تام
وسوى حق امها وهي رجعت الدوحة من غير ما يسوي لها ..

في السعودية وفي البحرين وفي قطر بعد على حسابهم الخاص يسوون
عمليات تكميم حق بنات وحريم اوزانهم نازلة وحدة وزنها 65 مسوية تكميم
مع ان طولها 170..

فتقرير اجراء العملية لو بحساب الشخص كل يسويها والدكتور ما يمنعج ،،
مثلا
اما انا وحدة مافيني الا العافية وابيه يسوي لي اياها هو ما بيقول لي لا
لكن لو فيني بلا ومصايب والعملية بتضرني اكيد ما بيسويها..

من اهنيه قلت خريس ما يسوي العملية مني والدرب والمهم عنده انه يقصب المريض
والسلام بغض النظر عن حالة المريض الصحية..

كنت اتكلم مع طبيبة في زيارة عائلية تقول لي عندنا في حمد العمليات تجرى
بحسابات دقيقة وبالمسطرة و عند خريس اتم بشكل عشوائي..

قلت لها زين كم حالة فشلت عند خريس وكم حالة انجحت عندكم ؟
قالت لي ما بقول عندنا ما فشلت حالات بس احنا شغلنا سليم..

سلامة العملية منهو اللي يحددها يا جنون ؟

مب عدد المستفيدين من العمليات ؟

قبل رمضان كان هناك تصريح من هيئة السياحة في الاردن
ان السياح القطريين زاد للادرن وتخطوا اعداد السياح الاجانب..

من له يروحون القطريين الأردن ؟

كلهم رايحين لخريس ،، ادخلي أي مركز صحي وقولي حق أي طبيبة
كم حالة تغيير غيار تمر عليج والطبيب اللي مسوي العملية خيس
راح تنذهلين من الارقام..

فهل عقب كل هالحالات اللي يسويها انيي اليوم نتكلم عنه ونقول شغل
الدوحة احسن لأن اللي يسوي في حمد اجنبي ؟

نعم الدولة ما تسوي لأي حد هالعملية
ونعم التأمين ما يغطي الا لحالات تعاني من السمنة
لكن كل المستشفيات يسوون العملية لأي شخص يبي يسويها
لأن ما عندنا قانون يمنع هالشي..

[غير البشر]

ممكن اعرف وشو خساج



نوع من انواع تحوير المعده ههههههههههههههه

اتغشمر :shy:

خساج = خثاق

بس كاتبينها غلط وانتشرت نفس الي بالصوره هههههههههه

http://im88.gulfup.com/9Yq1z4.png (http://www.gulfup.com/?37YaKE)

[العلياا]

ياليمامة
لو فرضنا اني سويت العملية وضعفت بشكل ملحوظ وبنفس الوقت خسرت صحتي
انتي والناس لما يشوفوني ضعفت بغض النظر عن سوء حالتي الصحية بيقولون
الله يالعلياا منهو هالدكتور الشاطراللي سويتي عنده العملية
لان تدهور حالتي الصحية الناس ماراح تقول انه خطأ طبيب اللي يفترض يقص لي 60% وانا طلبت يقص لي 80%
وهو وافق يسويها لي بغض النظر عن تتبعات اللي راح تصير لي

اهنيه انا اقولج انها صارت اشبه بالتجارة وما اقصد خريس فقط
ولكن بعض الدكاترة حتى لو حد مب محتاجها بيسويها له ويقص نسبة بسيطةً

عموما اتمنى الناس اللي ناويين يسونها يفكرون الف مرة

[العلياا]

مرحبا اختي الكريمة ممكن اعرف ليش بنت خالتك ندمانه؟؟؟

لانها اتعبت وايد واول الايام كانت ترجع دم
واحين بدا شعرها يطيح بشكل كبير هاي غير انها محتاجة عمليات شد وماعرف شنو
عشان الجلد المترهل :(

[عاشق العديد]

ياليمامة
لو فرضنا اني سويت العملية وضعفت بشكل ملحوظ وبنفس الوقت خسرت صحتي
انتي والناس لما يشوفوني ضعفت بغض النظر عن سوء حالتي الصحية بيقولون
الله يالعلياا منهو هالدكتور الشاطراللي سويتي عنده العملية
لان تدهور حالتي الصحية الناس ماراح تقول انه خطأ طبيب اللي يفترض يقص لي 60% وانا طلبت يقص لي 80%
وهو وافق يسويها لي بغض النظر عن تتبعات اللي راح تصير لي

اهنيه انا اقولج انها صارت اشبه بالتجارة وما اقصد خريس فقط
ولكن بعض الدكاترة حتى لو حد مب محتاجها بيسويها له ويقص نسبة بسيطةً

عموما اتمنى الناس اللي ناويين يسونها يفكرون الف مرة
خريس معروف يسويها بمجرد التجاره
انا عندي واحد سوه عمليته قبل سنتين بالكويت عند وزير صحه سابق هو من اول ناس الي طاحو بالعمليه وكلفته 60 الف قطري
عقبها العالم طاحو علئ خريس ليش لانه يسويها ب ظ،ظ¨ الف
فالنهايه الي اعرفهم وجهم شاحب الترهتلات شي مش طبيعي
ولو تمرنو يبي لهم من 6 شهور لين سنه لشد الجسسم فالنهايه
الاكل الموزون والمشي والتمارين البسيطه افضل من القصص تحياتي

[يمامـة]

ياليمامة
لو فرضنا اني سويت العملية وضعفت بشكل ملحوظ وبنفس الوقت خسرت صحتي
انتي والناس لما يشوفوني ضعفت بغض النظر عن سوء حالتي الصحية بيقولون
الله يالعلياا منهو هالدكتور الشاطراللي سويتي عنده العملية
لان تدهور حالتي الصحية الناس ماراح تقول انه خطأ طبيب اللي يفترض يقص لي 60% وانا طلبت يقص لي 80%
وهو وافق يسويها لي بغض النظر عن تتبعات اللي راح تصير لي

اهنيه انا اقولج انها صارت اشبه بالتجارة وما اقصد خريس فقط
ولكن بعض الدكاترة حتى لو حد مب محتاجها بيسويها له ويقص نسبة بسيطةً

عموما اتمنى الناس اللي ناويين يسونها يفكرون الف مرة

مستحيل يشل لج 80% الا اذا كنتي تعانين من سمنة مفرطة
يعني الـ 80% هذي حق الناس اللي لازم ينزلون اقل شي اربعين كيلو

اما اللي محتاجين ينزلون 30 او انزل او ما يبون يمتنون لأسباب خاصة فيهم
هذيلا يشلون لهم ما بين 50 الى 60 %

اما بخصوص ان الصحة تدهور ،، الصحة يا العليا ما تدهور من قص المعدة
الصحة تدهور من سوء التغذية وعدم اهتمام المريض بالغذاء الصحي عقب العملية..

الطبيب مب مسؤول عن سوء تصرف المريض عقب العملية
لأن اللي عليه انه يوفر لج طبيب تغذية يشرح لج شنهو المطلوب منج
ويعطيج ورقة فيها تعليمات التغذية الصحيحة مع انواع الأكل والشرب
مع انواع الرياضة المسموحة وغير المسموحة والتحذيرات المصاحبة لها..

فلما ايي مكمم يسوي العملية وما يشرب ماي الا قلاص طول اليوم وتصير
عنده دهون على الكبد هذا مب ذنب الطبيب اللي كمم له..

لأن حتى في الرجيم العادي مطلوب شرب ما لا يقل عن 8 قلاصات ماي
علشان نتخلص من الدهون المذابة في الجسم..

خريس او غير خريس مستحيل في طبيب يكمم لشخص فوق 60%
وهو مب محتاج,, لكن اللي اوزانهم كبيرة 80% هي النسبة اللي يسوونها
في اغلب المستشفيات،، يعني ما لقيت ولا موضوع واحد محتاج ينزل 40 كيلو
وشلوا له 50% من معدته..


نعم اتمنى مثلج يفكرون قبل ما يقررون لأنه قرار مصيري
ما بشجع الناس انهم يروحون يسوونها بشكل عام ، لكني القى العملية
حل لمن لا حل له بعد فشل التكرار المستمر للتخسيس..

[العلياا]

خريس معروف يسويها بمجرد التجاره
انا عندي واحد سوه عمليته قبل سنتين بالكويت عند وزير صحه سابق هو من اول ناس الي طاحو بالعمليه وكلفته 60 الف قطري
عقبها العالم طاحو علئ خريس ليش لانه يسويها ب ظ،ظ¨ الف
فالنهايه الي اعرفهم وجهم شاحب الترهتلات شي مش طبيعي
ولو تمرنو يبي لهم من 6 شهور لين سنه لشد الجسسم فالنهايه
الاكل الموزون والمشي والتمارين البسيطه افضل من القصص تحياتي

الله ينور عليك هذا اللي نبي نوصل له
ان الرياضة والاكل الصحي بيخليك تتمتع بجسم رشيق ومتناسق
وماراح نشوف اشكال تخرع

[يمامـة]

خريس معروف يسويها بمجرد التجاره
انا عندي واحد سوه عمليته قبل سنتين بالكويت عند وزير صحه سابق هو من اول ناس الي طاحو بالعمليه وكلفته 60 الف قطري
عقبها العالم طاحو علئ خريس ليش لانه يسويها ب ظ،ظ¨ الف
فالنهايه الي اعرفهم وجهم شاحب الترهتلات شي مش طبيعي
ولو تمرنو يبي لهم من 6 شهور لين سنه لشد الجسسم فالنهايه
الاكل الموزون والمشي والتمارين البسيطه افضل من القصص تحياتي

يعني تبي تقول في العمادي او الاهلي او عيادة الدوحة يسوونها لوجه الله؟

كل عيادة تجارية لازم تاخذ فلوس على العمليات..

في الأخير خريس او غيره دام انهم ارخص شلي يمنع الواحد
يوفر فلوسه ويسوي العملية بأل التكلفة ؟

اما بخصوص الشحوب هذي مشكلة المريض نفسه..
اسئلهم كم قلاص ماي تشربون في اليوم وشوف ردهم عليك؟!!

[عاشق العديد]

الله ينور عليك هذا اللي نبي نوصل له
ان الرياضة والاكل الصحي بيخليك تتمتع بجسم رشيق ومتناسق
وماراح نشوف اشكال تخرع

الحين غيرنا ياختي يقراء كلامنا والله يقول هذول حاسديناًلانه ضعفنا
ياجماعة نحسدكم علئ مرض نحسدكم علئ عمليه نحسدكم علئ ترهتلات

الله يحفظ الجميع واتمنئ فعلن من كل انسان يبي يضعف اتمنئ يكون يبتدي برجيم ويكون عنده صبر ويتوكل علئ الله ويشوف نتايج الي ترضيه

[عاشق العديد]

يعني تبي تقول في العمادي او الاهلي او عيادة الدوحة يسوونها لوجه الله؟

كل عيادة تجارية لازم تاخذ فلوس على العمليات..

في الأخير خريس او غيره دام انهم ارخص شلي يمنع الواحد
يوفر فلوسه ويسوي العملية بأل التكلفة ؟

اما بخصوص الشحوب هذي مشكلة المريض نفسه..
اسئلهم كم قلاص ماي تشربون في اليوم وشوف ردهم عليك؟!!

لالا من قال لج ادافع عن العمادي او الاهلي ادهئ وادمر اتمنئ اصلن يمنعون هالعمليه كليا
وبنسبه حق الي مسوين
يشربون ماي كافي ويشربون عصاير كافيه
وامورهم كانت طيبه اول شهر فقط بس ثاني شهر حبوببب فالويه شعرر خفيف وجسم مترهتل
العمليه مش سهله واتمنئ يتم منعها دوليا

[العلياا]

يمامة السلام

التوجيهات والتعليمات اللي مفروض الطبيب يقولها لج ويوجهج متى تكون
اذا خريس عليها طلب عالي وماعنده وقت يقعد مع كل مريض
كل اللي عليه يوزع ورقة فيها نفس التعليمات لكل المرضى

انا مب ضد الفكرة لما يكون الانسان طول عمره يسوي رجيم ومافاده
لكن ضد يروحون لدكتور لانه رخيص احس هالامور يبيلها متابعة

ومبارك عليج الشهر يالغالية

[العلياا]

الحين غيرنا ياختي يقراء كلامنا والله يقول هذول حاسديناًلانه ضعفنا
ياجماعة نحسدكم علئ مرض نحسدكم علئ عمليه نحسدكم علئ ترهتلات

الله يحفظ الجميع واتمنئ فعلن من كل انسان يبي يضعف اتمنئ يكون يبتدي برجيم ويكون عنده صبر ويتوكل علئ الله ويشوف نتايج الي ترضيه

ليش نحسدهم !!
بالعكس نتمنى لهم كل خير واذا فعلا فادتهم العملية هذا شي طيب ويفرح

الله يوفق الجميع وييسر امورهم

[JN000N]

مستحيل يشل لج 80% الا اذا كنتي تعانين من سمنة مفرطة
يعني الـ 80% هذي حق الناس اللي لازم ينزلون اقل شي اربعين كيلو

اما اللي محتاجين ينزلون 30 او انزل او ما يبون يمتنون لأسباب خاصة فيهم
هذيلا يشلون لهم ما بين 50 الى 60 %

اما بخصوص ان الصحة تدهور ،، الصحة يا العليا ما تدهور من قص المعدة
الصحة تدهور من سوء التغذية وعدم اهتمام المريض بالغذاء الصحي عقب العملية..

الطبيب مب مسؤول عن سوء تصرف المريض عقب العملية
لأن اللي عليه انه يوفر لج طبيب تغذية يشرح لج شنهو المطلوب منج
ويعطيج ورقة فيها تعليمات التغذية الصحيحة مع انواع الأكل والشرب
مع انواع الرياضة المسموحة وغير المسموحة والتحذيرات المصاحبة لها..

فلما ايي مكمم يسوي العملية وما يشرب ماي الا قلاص طول اليوم وتصير
عنده دهون على الكبد هذا مب ذنب الطبيب اللي كمم له..

لأن حتى في الرجيم العادي مطلوب شرب ما لا يقل عن 8 قلاصات ماي
علشان نتخلص من الدهون المذابة في الجسم..

خريس او غير خريس مستحيل في طبيب يكمم لشخص فوق 60%
وهو مب محتاج,, لكن اللي اوزانهم كبيرة 80% هي النسبة اللي يسوونها
في اغلب المستشفيات،، يعني ما لقيت ولا موضوع واحد محتاج ينزل 40 كيلو
وشلوا له 50% من معدته..


نعم اتمنى مثلج يفكرون قبل ما يقررون لأنه قرار مصيري
ما بشجع الناس انهم يروحون يسوونها بشكل عام ، لكني القى العملية
حل لمن لا حل له بعد فشل التكرار المستمر للتخسيس..

بس انا اقولج عن تجارب ناس من هلي
مب كلام قيل وقال
بنت خالي شلت 75 او 70% نسيت بالضبط بس فهالحدود وهي وزنها 84 ولا فيها لا سمنه ولا مفرطه
مانقول العمليه عند الخريس مب شي
بس نقول انه قام يسوي لمن هب ودب صج
وبنت خالي لا جربت رجيم ولا شي بس فجاه قررت قص معده زين انتي مب متينه
حتى امها ماكانت راضيه وكنا نقول ان شاء الله يرفض يسويلها ولا رفض ولا شي وسوتها

[JN000N]

ليش نحسدهم !!
بالعكس نتمنى لهم كل خير واذا فعلا فادتهم العملية هذا شي طيب ويفرح

الله يوفق الجميع وييسر امورهم

هاي المصيبه
ان يحسبونه حسد
مادري يمكن متخرعين شوي وجربو الضعف وخفت عقولهم وقامو يفكرون الناس حاسدتهم!
بالعكس مب عيب لو تناقشنا ف الايجابيات والسلبيات سواء من مجربين او غير مجربين او ناس ناويين

[Aaziz]

بس انا اقولج عن تجارب ناس من هلي
مب كلام قيل وقال
بنت خالي شلت 75 او 70% نسيت بالضبط بس فهالحدود وهي وزنها 84 ولا فيها لا سمنه ولا مفرطه
مانقول العمليه عند الخريس مب شي
بس نقول انه قام يسوي لمن هب ودب صج
وبنت خالي لا جربت رجيم ولا شي بس فجاه قررت قص معده زين انتي مب متينه
حتى امها ماكانت راضيه وكنا نقول ان شاء الله يرفض يسويلها ولا رفض ولا شي وسوتها

خريص رفض يسوي عمليه لواحد من ربعي .
كان متين ،، يعني اي حد بيوصف جسمه ،، بيقول المتين شي اكيد .
ولكن متنه كان موزع في جسمه كامل .
ورفض يسويها له مع انه سافر له ،، بالزور اقنع الدكتور و سوى العمليه .

كل مالي ازيد قناعه بالعمليه (من تجارب المحيطين حولي) بالنسبه للي وزنه من 100 و فوق
سو العمليه بدون تردد ،، النتايج الي شفتها من الي سوو العمليه طيبه لله الحمد
النفسيه تمام و الجسم تماميين و العافيه ردت و النشاط رد
و الادويه قطوها .
شخص اعرفه ياخذ ابر انسلين و اخر ابره ظربها قبل العمليه بيوم ،، و الى يومنا هذا ما ظرب ابر انسولين و عمره في الـ 50

[أسد الجزيرة]

رجاءاً الي يهمل نفسه بعد العملية يتحمل الي يجيه
المفروض المداومة على الفيتامينات و المعادن و البروتين و الرياضة لمدة سنتين لين الجسم يتاقلم اما الاهمال يؤدي الى سقوط الشعر و الشحوب و الترهل

[أسد الجزيرة]

العملية علاج نافع للضغط و السكري و الكوليسترول

[Purple]

المشكلة الناس الله يهديهم يروحون ويقولون حق الدكتور تعال وقص لي بس 60% او 70% ترى القص مش على كيفك انت اول شي في دكتور هو الي يحدد وثاني شي الدكتور يقيس كتله جسمك عقب كل الفحوصات يقرر يسوي لك.


وبعدين عملية تكميم المعده اسهل عمليه جراحيه واخطر عمليه لجراحه السمنه هي عملية حلقه المعده ( ربط المعده)

والي يقول ناس ماتو وناس اتعبو وا وا وا ياخي لازم تعرف ان محد يموت قبل يومه انت مكتوب لك كل شي في حياتك ويمكن تموت وانت قاعد في نص اهلك




اما الشخص الي بيبتدي عقب العملية بأكل صحي وبيسجل رياضه وسباحه وبيستمر مرح يترهل الجلد بأذن الله ولو بيترهل شي بسيط مش مثل الي سو العملية وضعف وهو قاعد في البيت والمجلس ومريح على مزاجه اكيد ياخي بيترهل!!!!!!!!!!!!!!!!

[Purple]

رجاءاً الي يهمل نفسه بعد العملية يتحمل الي يجيه
المفروض المداومة على الفيتامينات و المعادن و البروتين و الرياضة لمدة سنتين لين الجسم يتاقلم اما الاهمال يؤدي الى سقوط الشعر و الشحوب و الترهل


بضبط المشكله الناس مالتوم نفسها لا اتلو الدكتور انزين ليش ماتلوم نفسك يوم اهملت الفيتامينات ماخذتها الا اول شهر ويمكن بس اول كم سبوع وعقب يوم طاح الشعر يقولون والله تحسفنا والدكتور مب زين وما انصحكم تسونها ... اتمنى كل واحد يلوم نفسه لا يلوم الدكتور لنه الدكتور انصحك وعطاك تعليمات هو سوه الي عليه والباقي على الشخص نفسه الي مسوي العمليه

[Purple]

لانها اتعبت وايد واول الايام كانت ترجع دم
واحين بدا شعرها يطيح بشكل كبير هاي غير انها محتاجة عمليات شد وماعرف شنو
عشان الجلد المترهل :(

مرحبا اختي العليا

اول شي التعبد اول سبوع او سبوعين من العمليه شي طبيعي عادي

ثاني شي الدم الي يطلع من البلغم عادي لنه يوم يدخلون المنضار في الحلق حق يقيسون المعده ينجرح شي بيسط والامور طيبه واحنا بخير واسألي مجرب

والترهل اكيد بيترهل الجسم بدون رياضه ولا سباحه ولا اكل صحي وشكله ما تاكل بروتين او تاخذ شراب بروتين اهم شي للعضل لنه العضل هو الي يشد الجسم

وخلي عنج الوسواس واذا محتاجه اتسوين العمليه استخيري وطلعي صدقه قبل العلميه وسويها وماعليج شر ان شاء الله ترى السمنه مرض واخطر من العمليه نفسها

[حسن]

عمليات القص ماتناسب حق النساء البدينات
لان الترميم بعد الانشاء وايد صعب ومشاكله كثيره ويبيله صبر
فانصح بان الواحد ياخذ جديده ويفك عمره

الحمدلله سويت رجيم ورياضيه واموري في الروب
لو يخيطون الحلوج اابرك من القص اللي تثر على عقول الكثير من خلال ماشاهدت
المشكله سنسر توازن العقل في الجزء المقصوص
والله اعلم

[الصغيره]

نعممممم


سويتها


اعيش حياه جديده لله الحمد


يكفي اني حبيت نفسي وشكلي وندمت على سنوات قضيتها بالرجيم والرياضه

لكن نصيحه ترى هي مش حل نهائي من عملها لازم ينتبه لنفسه ربما يكسب وزن اذا ترك نفسه ولا انتبه للكميه والكيفيه

لو فيه قص على القص اللي قصوه لي لقصيت لانني مازلت ابي انز ل على الاقل 10 كيلو لكن وين كنت وين صرت لله الحمد انسانه جديده واحلى شي غيرت كبت الملابس مرتين والثالثه بالطريق من مقاس اكس لارج صرت مديم ولله الحمد واطمح في السموووول باذن الله


لكن انصحكم بصلاة الاسخاره واختيار الطبيب المناسب ولا انصح بعملها خارج قطر حتى ما يكون هناك نقل عدوى لسمح الله

[Aaziz]

^
^
الله يتمم عليك الصحه و يوفقج و يستر عليج

المشكله في عاداتنا الغذائية و ثقافتنا في السمنه نشوف المليان هو الزين ،، اذا الواحد فينا في سن المراهقه نسميه مليان (مربرب) معناته بعد المراهقه شبه اكيد بيكون مصنف متين .

اكلنا لذيز بشهاده سكان قارات العالم اجمع و الرياضه عندنا مش جزء اساسي في التعليم من الصغر .

اتمنى و اقترح على تلفزيون قطر و لا قناه الريان يسوون حلقات تثقيفيه خاصه بالعمليه برفقه اخصائيين .. و لقاءات مع الي سوو العمليه و نصايحهم .

لانه فيه ناس تسوي العمليه و مايمشون على النظام الغذائي الصحيح بعد العمليه ،، لهذا تشوف بعض الاشخاص وجيههم تشين و تصير شاحبه .

[العلياا]

^^^

عزيز
شدعوى من صجك ؟ احنا محتاجين برنامج وعندنا اكثر من نص سكان قطر مسوينها !!!
اقعد مع اي واحد بيقولك فلان بن فلان مسويها وفلان وووو وحتى الانستقرام مو مقصر
في دكاتر شكثر يتكلمون عن اضرارها وفي ناس تقول تجاربها

مرحبا اختي العليا

اول شي التعبد اول سبوع او سبوعين من العمليه شي طبيعي عادي

ثاني شي الدم الي يطلع من البلغم عادي لنه يوم يدخلون المنضار في الحلق حق يقيسون المعده ينجرح شي بيسط والامور طيبه واحنا بخير واسألي مجرب

والترهل اكيد بيترهل الجسم بدون رياضه ولا سباحه ولا اكل صحي وشكله ما تاكل بروتين او تاخذ شراب بروتين اهم شي للعضل لنه العضل هو الي يشد الجسم

وخلي عنج الوسواس واذا محتاجه اتسوين العمليه استخيري وطلعي صدقه قبل العلميه وسويها وماعليج شر ان شاء الله ترى السمنه مرض واخطر من العمليه نفسها

اختي او اخي الفاضل

ولله الحمد مو محتاجه للعملية
لكن انا كل اللي مو قادرة استوعب الثقة الكبيرة اللي عند البعض لما يقول انا بسويها
وعقب بمشي ع نظام غذائي واسوي رياضة !!
طيب وينك قبل ؟ ليش ما جاتك الارادة الا احين !!

احنا ناس ماعندنا وقت للرياضة لكن عندنا وقت نأكل وعلى اقل من مهلنا
الفكرة مو بس تاكل لك تفاحة والا تقلل اكل المفروض تعرف اكلك شلون ينطبخ
وهذي الخطوة الاولى مثلا استبدل القلاية العادية بالقلاية الهوائية
اللي في زمن قياسي اختفت من السوق

* انا لا مع ولا ضد العملية :)

[Aaziz]

العليا ،، نبي شي علمي طبي
الناس الي تقول تجاربها يمكن توفيق من الله و يمكن تكون غير صحيحه .
يعني اعرف شخص بعد العمليه ياكل عيش مهروس و دهنه .. و تجربته ناجحه ؟ بس ما اعتقد انه صحيح الي يسويه .
لهدا نبي شي مدروس مبني على اساس علمي

[العلياا]

انا معاك اخوي عزيز

لكن يبيلها حد شجاع يقول سويها ويتم يتابع حالته دكتور مختص
وهالشي اللي اصبح نادر معظم اللي سووها اتبعوا نظام معين لان فلان
سوى العملية ومتبع هالنظام وضعف !!!

فهنا نقول لازم توعية والناس تعرف اضرارها قبل فوايدها بعد العملية
عشان محد يلجأ لاي عملية تجميلية بعدها

[أم محمد 90]

نعممممم


سويتها


اعيش حياه جديده لله الحمد


يكفي اني حبيت نفسي وشكلي وندمت على سنوات قضيتها بالرجيم والرياضه

لكن نصيحه ترى هي مش حل نهائي من عملها لازم ينتبه لنفسه ربما يكسب وزن اذا ترك نفسه ولا انتبه للكميه والكيفيه

لو فيه قص على القص اللي قصوه لي لقصيت لانني مازلت ابي انز ل على الاقل 10 كيلو لكن وين كنت وين صرت لله الحمد انسانه جديده واحلى شي غيرت كبت الملابس مرتين والثالثه بالطريق من مقاس اكس لارج صرت مديم ولله الحمد واطمح في السموووول باذن الله


لكن انصحكم بصلاة الاسخاره واختيار الطبيب المناسب ولا انصح بعملها خارج قطر حتى ما يكون هناك نقل عدوى لسمح الله

كفووو حبيبتي , الحمدلله ع سلامتج والله يوفقج وتوصلين للي تبينه ,

بس علميني ثيابج اللي تحبينها يوم تلبسين xl شسويتي فيهم :(
عندي ثياب ابيها مو هاين علي اقطها بس كبيرة علي هههههه

[أم محمد 90]

العليا ،، نبي شي علمي طبي
الناس الي تقول تجاربها يمكن توفيق من الله و يمكن تكون غير صحيحه .
يعني اعرف شخص بعد العمليه ياكل عيش مهروس و دهنه .. و تجربته ناجحه ؟ بس ما اعتقد انه صحيح الي يسويه .
لهدا نبي شي مدروس مبني على اساس علمي

عزيز ,

كلامك صحيح ,

معاي ناس مسوين العملية نفس يوم عمليتي ! وياكلون الخضر واليابس والله من عيش ودهن ودقوس وبرجر !!!

انا ماقدر على هالاشياء ,,!

[مضارب دوسري]

وهذي اشاعة كبيرة ضد خريس..

من قال ان خريس يسوي علية لأي شخص يدخل عنده؟

في ناس رفض يسوي لهم عمليات مثل وحدة وزنها 80 ولا هي في بداية
السمنة فرفض يسوي لها التكميم.. وواحد ثاني كان عنده ارتفاع كبير في الضغط والسكر
طلب منه يرد بلاده ويرد له عقب ثلاث شهور بعد ما يمشي على علاج معين..

ما في دكتور بيخاطر بمهنته علشان يقصب الناس ،،

خريس يسوي العمليه ل 100 وفووووق بسسسس
والمسموح يسويلهم تحت ال 100 اللي عندهم ضغط وسكر

بعض الناس تحارب خريس واللي يطلع هالاشاعات المتضرر من ان الناس راحت ل خريس :)

وقلتها للدكتور قبل الخروج من المستشفى
قلت له انتوا عندهم مستشفى والعياذ بالله
ولكن عندكم طاقم وممرضين ماشاء الله
احنا ف قطر عندنا
مستشفى ماشاء الله
وطاقم وممرضين والعياذ بالله
قعد يضحك

[مضارب دوسري]

وبعض الناس يروح يبي يسوي العمليه
ولما يوصل هناك يخااااف
ويهووون
ويرجع قطر وينشر كلام اللي خلاه يهون عن العمليه
وهو بالاساس خاف وما يبي يقول للناس خفت ورجعت ف يطلع سوالف من بطنه يشوه سمعة هذا وذاك

ولما تقوله اوكي دام هذا اللي متعك ليش ما تسويها عند دكتور ثاتي يقووول لا خلاص مااابي عقب اللي شفته ههههههه واضحه

[الصغيره]

كفووو حبيبتي , الحمدلله ع سلامتج والله يوفقج وتوصلين للي تبينه ,

بس علميني ثيابج اللي تحبينها يوم تلبسين xl شسويتي فيهم :(
عندي ثياب ابيها مو هاين علي اقطها بس كبيرة علي هههههه

فيه بعض الملابس اللي ماهانت علي الصراحه وديتهم الخياط صغيرهم وفيه قطع غاليه عطيتهم قريبه لي والباقي جمعية خيريه

[QTR TV]

الحمدالله على سلامة كل من سوى العمليه ومن بيسويها نطلب له التوفيق ونجاح
انا عن نفسي اكتشفت بعد معاناه مع السمنة ان اكبر مسببات السمنه هي الحاله النفسية
يعني اي واحد فيه سمنه قبل ما يتخذ اي قرار لابد انه يراجع حالته النفسيه وبعد فتره يقرر
أغلبنا لما يكون زعلان او مضايق او مندمج مع فلم او مباراة الحلج شغال
وأغلبنا لما يحس انه مرض ياكل اكثر لان باعتقاده انه الكميه تقوي المناعه والعكس صحيح الكيفية
وأغلبنا يقطع الخبز والعيش والدهن ومره وحده يمل ويرجع لهم بشراهة واصح انا نأكل كل شي بس بكميات بسيطه
وأغلبنا فيه حاله مرضيه وهي جوع العين
يعني لو الواحد الي صبر على جسمه عشر سنوات يبغي يضعف في شهر ليش ما يعطي نفسه سنتين بس يغير سلوكه اليومي بيضعف وجسمه مشدود بعد
ملاحظه / من أشد مسببات السمنه الروتين اليومي أكسر الروتين بقدر المستطاع
وبنسبه للعمليه بعد خمس سنوات تقريبا ترجع المعده الى حجمها السابق فا اذا رجع الشخص الى سلوكيات القديمه بيطر انه يسوي العمليه كل خمس سنوات
نصيحه للكل
1- لابتعاد عن الوجبات السريعة
2- الكل ببطء وتمتع بالاكل ( ترا الأكل مب شارد )
3- الإكثار من شرب الماء
4- الابتعاد كل البعد عن المشروبات الغازيه
5- اتقليل من السكر والملح قدر المستطاع
6- الابتعاد عن الحليب لمبستر واستبداله للكرك بحليب منزوع الدسم
7- الابتعاد كل البعد عن الفطائر والكافي والعصائر الجاهزه
والوعد بعد سنه :omg:

[توشيبا]

وهذي اشاعة كبيرة ضد خريس..

من قال ان خريس يسوي علية لأي شخص يدخل عنده؟

في ناس رفض يسوي لهم عمليات مثل وحدة وزنها 80 ولا هي في بداية
السمنة فرفض يسوي لها التكميم.. وواحد ثاني كان عنده ارتفاع كبير في الضغط والسكر
طلب منه يرد بلاده ويرد له عقب ثلاث شهور بعد ما يمشي على علاج معين..

ما في دكتور بيخاطر بمهنته علشان يقصب الناس ،،

اختي عندي اثنين من عيال عمي

واحد نسئ يسوي له فتحت الاستخراج الفظلات مادري ويش مسوي فيه مصار له اربع ايام طالع من العنايه المركزه في مستشفي في السعوديه وماقصر دكتور سوا له الفتحته مع ان المتوقع تغير المعده عنده


ولد عمي الثاني سنتين في امريكا يسون له تغير المعده بعد قص المعده عنده صابه سرطان فيها



واحد شفته في العنه في سلين كان ميتن واجد واجد فجاه اخوي قال تذكر الولد اللي يشتغل في الجمارك وجانا العنه قلت اي قال سوا عمليه قص معده ومات مع ان الدكتور حذره انه بيموت بس الولد تعقد وتعبان نفسيا من السمنه وطلب يسوي العمليه

ولا نجحت ومات واهو في الاردن


وللعلم الثلاثه الي ذكرتهم وزن الواحد فوق 130 كيلو

مب 80 ولا 90

[يمامـة]

خريس يسوي العمليه ل 100 وفووووق بسسسس
والمسموح يسويلهم تحت ال 100 اللي عندهم ضغط وسكر

بعض الناس تحارب خريس واللي يطلع هالاشاعات المتضرر من ان الناس راحت ل خريس :)

وقلتها للدكتور قبل الخروج من المستشفى
قلت له انتوا عندهم مستشفى والعياذ بالله
ولكن عندكم طاقم وممرضين ماشاء الله
احنا ف قطر عندنا
مستشفى ماشاء الله
وطاقم وممرضين والعياذ بالله
قعد يضحك

خريس يسوي العملية للي تحت 80 حتى لو مافيهم سكر وضغط
وهالشي شفته وعاينته بعيوني يا اخوي مضارب ..

وخريس مثله أي طبيب يخضع مرات كثيرة لرغبة الشخص
اللي يبي يسوي العملية.. لكن هناك حالات تحت 100 العملية يمكن
تضرهم اكثر مما تنفعهم فمن جذيه اعتقد كان يرفض يسوي لهم..

[يمامـة]

اختي عندي اثنين من عيال عمي

واحد نسئ يسوي له فتحت الاستخراج الفظلات مادري ويش مسوي فيه مصار له اربع ايام طالع من العنايه المركزه في مستشفي في السعوديه وماقصر دكتور سوا له الفتحته مع ان المتوقع تغير المعده عنده


ولد عمي الثاني سنتين في امريكا يسون له تغير المعده بعد قص المعده عنده صابه سرطان فيها



واحد شفته في العنه في سلين كان ميتن واجد واجد فجاه اخوي قال تذكر الولد اللي يشتغل في الجمارك وجانا العنه قلت اي قال سوا عمليه قص معده ومات مع ان الدكتور حذره انه بيموت بس الولد تعقد وتعبان نفسيا من السمنه وطلب يسوي العمليه

ولا نجحت ومات واهو في الاردن


وللعلم الثلاثه الي ذكرتهم وزن الواحد فوق 130 كيلو

مب 80 ولا 90

شوف يا توشيبا .. كلامك يقول ان خريس ما يعرف يشتغل زين
في الوقت اللي مثل هالعمليات لو ظهرت فيها حالات وفاة فهي مب مقتصرة في عيادة
الدكتور خريس.. لأن هناك حالات وفاة في مستشفى حمد وغير حمد في قطر وغير قطر..

فموضوع ان وزن كل واحد 130 وفوق .. اذا تحاليله تسمح له يسوون له العملية
فبيسوون له ،، اما تحاليله تمنع ما اعتقد الدكتور خريس او غير خريس
بيجازف وبيسوي له العملية علشان يستفيد ماديا ويموت الريال..

والاعمار بيد الله ،، وتأكد ان خريس او أي طبيب ثاني ما بيتعمدون
يقتلون الناس علشان يستفيدون ماديا،، لكن في الوقت نفسه امة الله من قطر
مسويين العملية في الاردن،، وهناك اللي مسويها في قطر..

الأهم من كل هذا اللي مسويين تكميم هناك واهنيه اشلونهم عقب التكميم؟

[يمامـة]

لالا من قال لج ادافع عن العمادي او الاهلي ادهئ وادمر اتمنئ اصلن يمنعون هالعمليه كليا
وبنسبه حق الي مسوين
يشربون ماي كافي ويشربون عصاير كافيه
وامورهم كانت طيبه اول شهر فقط بس ثاني شهر حبوببب فالويه شعرر خفيف وجسم مترهتل
العمليه مش سهله واتمنئ يتم منعها دوليا

اشلون حكمت انهم يشربون ماي كافي ؟

هل تأكدت انهم يشربون 12 قلاص يوميا ؟

المكممين فرحانين على نفوسهم وانت تقول ابي يمنعون العملية لأنها مب عاجبتك؟

في الأخير المتين ابخص بحالته .. يعني لو كان يقدر يضعف وعنده ذيك الإرادة
اللي تجبره على الضعف ما كان لجأ للعملية.. ولكن ما لجأ لها الا بعد معاناة مع السمنة...

فلا هو سمين ويعاني من السمنة عاجبكم ولا هو مكمم عاجبكم وتبونه يسوي رياضة!!

فاتركوا الخلق للخالق وانتوا مب افهم واقدر من هالاطباء اللي حول العالم و اللي يقررون يسوون
هالعمليات .. ولا انتوا اللي تعانون .. فليش الإحباط والتحبيط للي مسوينها بعد معاناة مع السمنة؟

[يمامـة]

بس انا اقولج عن تجارب ناس من هلي
مب كلام قيل وقال
بنت خالي شلت 75 او 70% نسيت بالضبط بس فهالحدود وهي وزنها 84 ولا فيها لا سمنه ولا مفرطه
مانقول العمليه عند الخريس مب شي
بس نقول انه قام يسوي لمن هب ودب صج
وبنت خالي لا جربت رجيم ولا شي بس فجاه قررت قص معده زين انتي مب متينه
حتى امها ماكانت راضيه وكنا نقول ان شاء الله يرفض يسويلها ولا رفض ولا شي وسوتها

كلمة لكل من هب ودب ،، أقول لج ان بنت خالج ما في شي يمنع انها تسوي العملية
فلو ما سواها لها خريس بيسوي لها غير خريس دام انها بتدفع فلوس يا جنون...

هذي هي ام محمد اللي معانا في المنتدى سووتها في البحرين فهل هي تعاني من سمنة مفرطة؟
واللي مسوية العملية في قطر ووزنها 65 كيلو هل تعاني من السمنة؟

الأهم ان الطبيب اللي بيسويها يتأكد من التحاليل ان مافي مانع من اجراء العملية

البعض يسويها للتخلص من السمنة والحين صاروا يسوونها للحد من ارتفاع الوزن..

الأهم مثل ما قالوا الاخوان الاهتمام بنوعية الأكل سواء كان برجيم ولا بقص المعدة

[يمامـة]

يمامة السلام

التوجيهات والتعليمات اللي مفروض الطبيب يقولها لج ويوجهج متى تكون
اذا خريس عليها طلب عالي وماعنده وقت يقعد مع كل مريض
كل اللي عليه يوزع ورقة فيها نفس التعليمات لكل المرضى

انا مب ضد الفكرة لما يكون الانسان طول عمره يسوي رجيم ومافاده
لكن ضد يروحون لدكتور لانه رخيص احس هالامور يبيلها متابعة

ومبارك عليج الشهر يالغالية

العليا من يقول لج خريس ما عنده وقت يقعد مع المريض ؟

ومن قال لج اللي يسوون هالعملية في أمريكا ولا في المانيا لهم متابعات هناك؟

العملية هذي اهم مافيها ان ما يكون هناك تسريب ما بعد العملية ،، مع التأكيد على المريض
بمراجعة اقرب مستشفى في حال الاستفراغ الدائم او الارتفاع في درجات الحرارة..

وخريس يقعد مع المريض قبل العملية ويسئله ويتكلم وياه .. ويمر عليه عقب العملية يتطمن عليه
واذا حالته كانت تعابنة يباشر شخصيا على حالته ..

فموضوع ينرفض لأنه سعره رخيص,, شي طبيعي يكون سعره ارخص من قطر
مب بس خريس كل شي في الأردن ارخص من قطر،، فهل نرفض زراعة طقم اسنان في
الأردن لأن اسعارهم رخيصة .. او نرفض اجراء عملية قلب في الأردن لأنها رخيصة؟

ومبارك علينا عليج ما تبقى من الشهر الفضيل
وكل عام وانتي بخير يالعليا

[Purple]

وبعض الناس يروح يبي يسوي العمليه
ولما يوصل هناك يخااااف
ويهووون
ويرجع قطر وينشر كلام اللي خلاه يهون عن العمليه
وهو بالاساس خاف وما يبي يقول للناس خفت ورجعت ف يطلع سوالف من بطنه يشوه سمعة هذا وذاك

ولما تقوله اوكي دام هذا اللي متعك ليش ما تسويها عند دكتور ثاتي يقووول لا خلاص مااابي عقب اللي شفته ههههههه واضحه


ههههههههههههههههههه صادق والي يقولك واحد الله يستر عليه راح الاردن ويوم شاف المستشفى قال والله ما اسويها ويطلع من المستشفى ويروح يضرب على منسف ويرجع قطر نفس اليوم :tease:

[حسن]

(يقول المثل العراقي كفن بلاش اريد اموت)

الموضوع هذا في تاليف بشكل فضيع والله استغربت من ردود البعض
وانا اقرا معقوله عندنا ناس بهذا التفكير

الزبده دكتور خريس دكتور ممتاز وناجح وماعليه كلام وغيره الكثير في حمد ايضا وفي قطر
بالنسبه للعمليه اصبحت بسيطه جدا

وعمليه القص هو اللي قدرها
وشي طبيعي ان هناك تحصل بعض الامور اللي تصاحب العلميه مع العلم قد تكون العلمليه ناجحه
100%
الاجسام مختلفه بين البشر
اذكر مره كنت اسئل دكتور قص عن بعض الاعراض فقالي ياحسن في بعض حالات من 100 مثلا
هناك حاله مختلفه مع العلم ان العمليه ناجحه وماعليها كلام
يقول في مضاعفات نتيجه بعد العمليه لم يكتشفها الطب الحالي الى الان
مع العلم المئات غيره مسويها ولا فيهم شي

الحمدلله قررت ان انزل وزني بالرياضه والرجيم والى الان حول 10 كيلو في شهرين
ممتاز وجدا ممتاز
ولكن لما اشوف الي قاصين لهم المعده بدون اكل واصبح الكثير اكله مكسرات تقول بتوه
وبطنه مايمشيه بالاسبوع وبالعشر ايام
لا والله الحمدلله على صحه العقل واقدر اسوي رياضه ورجيم وغصب بينزل الجسم
وكذاب للي يقول ماينزل

ام اللي اوزانهم فوق ال150 وطالع مايمنع ان يسوي عمليه قص والقرار بيده
اما اللي يقص بوزان خفيفه
الظاهر موضه التقويم هذه وهذا المفروض يزور دكتور عكاشه احسن من خريس

وشكرا